 |
|
|
Öncə ondan başlayaq ki, özümüz də digər minlərlə alıcı kimi “Veysəloğlu”nun marketlərinin alıcısıyıq.
Bu şirkətin marketlərində bağlı ərzaq məhsullarını, mineral suların butulkalarını toz basır. Dəfələrlər demişik ki, bu məhsulların barı tozunu alın, axı bu antisanitariyadır. Nə desələr yaxşıdır ? İşçilərimiz çatışmır.
Bəli, “Veysəloğlu” şirkəti norma üzrə 2-3 nəfərin yerinə 1 nəfəri işlədir. Özü də necə işlədir ?
Deməli, işçilərin həftəlik iş saatı 72 saatdır. Bu gündə 10 saatdan çox eləyir.
Ey Veysəlin oğlu, başa düşmürsən ki, dünyada 8 saatdan artıq iş günü 100 il əvvəl ləğv olunub. İndi isə müasir, sivil dünya 5, hətta 4 günlük iş həftəsinə keçməyə, gündəlik 5-6 saat iş normasına hazırlaşır.
Sən fil qulağında yatmısan, ay Veysəloğlu.
Həm də vətəndaşları bu şərtlər altında işlətmək bir başa cinayətdir. Heç orta əsrlərdə qulları belə işlətməyiblər.
Digər tərəfdən işçilərin bir qismi ilə əmək müqaviləsi bağlanmır, bağlananda isə, qara mühasibatlığa üstünlük verilir. Əmək haqları kağız üzərində bir cür, realda isə başqa cür olur. Deməli, “Veysəloğlu”da vergidən yayınma adi hal sayılır. Bəs Vergilər Xidməti hara baxır ?
Demək olar ki, “Veysəloğlu” şirkətinin bütün marketlərində, “Araz”da, “Oba”da, “Favorit”də, “Spar”da eyni mənzərənin şahidi oluruq.
Görəsən, bu qədər nöqsanların, maxinasiyaların olduğu şirkətdə Veysəlin oğluna niyə söz deyən tapılmır. Kimdir, bu Veysəloğlu ?
Məlumat üçün qeyd edək ki, 1994-cü ildən fəaliyyət göstərən Veysəloğlu Şirkətlər Qrupu bu gün ölkədə 100-dən artıq fabrikə, mağazalar şəbəkəsinə, hətta “Ulduz” şokolad fabrikinə və digər obyektlərə sahibdir. Amma təəssüf ki, bu boyda şirkətin xidməti və məhsulları nəinki müasir tələblərə, heç orta səviyyəyə də uyğun deyil.
Şirkətin istehsal etdiyi şokoladların içindən nələr çıxmır?
Şirkətə məxsus Araz, Oba və digər şəbəkələrində malların vitrində, yəni üstündə bir qiymət, kassada başqa qiymət olur. Yəni müştərilər açıq-aşkar aldadılır.
Sizin marketlərdə balıq məhsullarının son istifadə müddəti ilə bağlı məlumat yoxdur. Bu çox təhlükəli məsələdir.
Görəsən, ölkənin ərzaq sektorunda ciddi paya malik olan bu şirkətin sahibi Aydın Talıbov kimdir, nəçidir ki, Dövlət Əmək Müfəttişliyi Xidməti və Dövlət Vergi Xidməti orqanları “Veysəloğlu”ya qanunların sərt üzünü göstərə bilmir ?
Bəlkə, “Veysəloğlu”nun marketlərində ABŞ dollarının xırdalanmasından bəhs edək.
Axı, Veysəloğlu şirkəti “obmen valyuta” deyil, bank deyil. Digər tərəfdən ölkənin milli valyutası sizin üçün yetərli deyil ?
Cənab Prezident dəfələrlə monopolist şirkətlərə qarşı, süni qiymət artımına qarşı öz sözünü deyib. Amma Veysəloğlu deyəsən eşitmək istəmir.
Atalar deyib ki, sözünü o kəslərə de ki, səni eşitmək istəmir. Biz də sözümüzü Veysəloğluna deyirik.
Qulağındakı pambığı çıxart, Veysəloğlu. Qapı döyülür…
P.S. Veysəloğlu şirkətinin maliyyə müdiri Nüsrət müəllimin dəyəri 100 milyonlarla ölçülən obyektlərindən və 20 min manat olan aylıq məvacibindən növbəti yazıda geniş bəhs edəcəyik.
anaxeber.info