Xaçmaz şəhərinin Nazim Məmmədov və Mirzə Fətəli Axundov küçələrində yaşayan sakinlər yay fəsli başlayanda evlərində üfunət iyindən otura bilmədiklərini bildirirlər. İki küçənin tam ortasından, sakinlərin evlərinin bir addımlığından keçən su arxı indi zibilliyə çevrilib. Bu isə ərazidə antisanitar vəziyyət yaradır. Pis qoxu səbəbindən sakinlər nəinki həyətdə, heç evlərinin içində belə rahat nəfəs alma bilmirlər. Onlar deyir ki, zibillik hazırda küçə itlərinin, siçovulların, həşaratların belə məskəninə çevrilib.

"Axşam saat altıdan sonra zibilləri maşınla bu əraziyə atırlar. Arxın qabağı zibillərdən tutulub. Burada üfunət əlindən dayanmaq mümkün deyil. Üfunətə görə bir nəfər qonaq gəlib evimizdə otura bilmir. Həmçinin xəstəlik baş alıb gedib. Bu isə biabırçılıqdır.

Xaçmaz rayon Mənzil Kommunal Təsərrüfatı İdarəsindən "MediaPost"un şimal bürosuna bildirilib ki, sözügedən ərazi dəfələrlə təmizlənsə də, yenə də elə sakinlərin özləri tərəfindən bu vəziyyətə düşür.

"Əsas səbəb odur ki, onun ətrafında yaşayan sakinlər əllərinə keçən məişət tullantıları və digər tullantıları həmin arxa atılar, arxa su vasitə yığılaraq qalır. Bu daantisanitar vəziyyətin yaranmasına səbəb olur. Buradan təmizlənməsinə texnika vasitə təmizlənməsində çətinliklər əmələ gəlir. Lakin buna baxmayaraq əl ilə təmizlənməsi üçün müəyyən işlər görülmüşdür. Hal hazırda görülüb və davam edir. Bundan əlavə, həmin arxın mənbəyini tapıb ləğv edilməsi üçün tərəfimizdən işlər görülür. Çalışacaq həmin axın mənbəyini tapıb arxı təmamilə ləğv edək".
Ümid edirik ki, tezliklə ərazi tam təmizlənər, suyun mənbəyi də kəsilər və bundan sonra sakinlərin elə özləri də buranın təmizliyinə diqqət yetirərlər. //"MediaPost"//

Daha ətraflı aşağıdakı videoda:

 

XalqXeber.Az