Teref.az Prezidentə ünvanlanmış və bir surətidə Teref.az-ın poçtuna daxil olmuş şikayət məktubunu oxuculara təqdim edir.
Şikayətçi “Azərişıq” ASC, “Sumqayıt” RETSİ-nin Hesabatların hazırlanması bölməsinin texnik-operatoru Cavadova Jalə Əli qızı dövlət rəhbərinə ünvanladığı məktubunda yazır:
Azərbaycan Respublikasının Prezidenti
Möhtərəm İlham Əliyev Cənablarına
surəti: Azərbaycan Respublikasının
Birinci Vitse-Prezidenti
Hörmətli Mehriban Xanım Əliyevaya
surəti: Baş Nazir cənab Əli Əsədova
surəti: Hesablama Palatasının sədri
cənab Vüqar Gülməmmədova
surəti: İqtisadiyyat Naziri cənab Mikayıl Cabbarova
surəti: Ədliyyə Naziri cənab Fikrət Məmmədova
surəti: Energetika Naziri cənab Pərviz Şahbazova
“Azərişıq” ASC, “Sumqayıt” RETSİ-nin Hesabatların hazırlanması bölməsinin texnik-operatoru
Cavadova Jalə Əli qızı tərəfindən
Ünvan : Sumqayıt ş., 2-ci mk., ev-27/69B, m.-24
Telefon: 077 217-79-72

Prezident Sərəncamı əsasında təsdiq edilmiş “Azərişıq” ASC-nin strukturunda “Azərişıq” ASC rəhbərliyinin əmri ilə olunan “dəyişikliklər”

“Azərişıq” ASC rəhbərliyi 01.11.2022-ci il tarixli əmrilə Ölkə Prezidentinin 04 may 2015-ci il tarxli, 1206 №-li Sərəncamının 3.1.-ci bəndinə uyğun olaraq AR NK-nin 14.05.2015-ci il tarxli, 190 №-li qərarı ilə təsdiq edilmiş “Azərişıq” ASC-nin strukturunda “dəyişiklik” (?) edib.
Belə ki, “Azərişıq” ASC-də yaradılan regional idarədən biri tərkibində Sumqayıt, Siyəzən, Şabran, Xızı, Xaçmaz, Quba və Qusar rayon elektrik şəbəkələrinin olduğu “Şimal” Regional Enerji Təchizatı və Satışı İdarəsidir (RETSİ)
“Azərişıq” ASC rəhbərliyi əmrlə “Şimal” RETSİ-nin bazasında 2 region-“Sumqayıt” RETSİ (Sumqayıt, Bağlar, Xızı, Qobustan elektrik şəbəkələri) və “Xaçmaz” RETSİ (Xaçmaz, Quba və Qusar, Siyəzən elektrik şəbəkələri) təsis edib. Prezidentin Sərəncamı ilə təsis edilmiş “Şimal” RETSİ-nin adı silinib. Adı heç bir yerdə olmayan “Sumqayıt” RETSİ ilə regionların sayı faktiki 10-a çatdırmışdır. Lakin “Azərişıq” ASC-nin rəsmi internet səhifəsində regionların qrafik təsviri xəritəsində və regionların adlı siyahısında “Sumqayıt” RETSİ yoxdur. Yeni “təsis” edilən regionlardan yalnız birinin-“Xaçmaz” RETSİ-nin adı var. Buna görə regionların ümumu sayı 9 görünür. Əmrlə “Sumqayıt” RETSİ-nin tərkibində daxil edilən Sumqayıt, Xızı və Qobustan EŞ-ləri “Azərişıq” ASC-nin regionları siyahısında “Xaçmaz” RETS-nin tərkibində göstərilir, “Sumqayıt” RETSİ “Xaçmaz” RETSİ-nin ərazisi kimi təsvir edilir. “Sumqayıt” RETSİ və “Xaçmaz” RETSİ-lərə rəhbərlər təyin edilib, yeni RETSİ-lər üçün xüsusi blanklar (“firmenni”) da hazırlanıb, əmrlər verilir. (surəti əlavə edilir). Hal-hazırda “Azərişıq” ASC-nin Sumqayıt ş., Əfəndiyev-8 ünvanındakı baş idarə binasının girişində idarənin adı “Şimal” RETSİ olaraq qalıb.
“Dəyişikliklərdən” biri də “Mərkəzi Aran” RETSİ-nin tərkibində olan Tərtər EŞ və Bərdə EŞ-nin “Aran” RETSİ-yə, “Mərkəzi Aran” RETSİ-də olan tərkibindəki Ağsu EŞ-nin “Şirvan” RETSİ-yə və “Aran” RETSİ-də olan Kürdəmir EŞ-nin “Şirvan” RETSİ-nin birləşdirilməsidir. “Sumqayıt” RETSİ istisna olmaqla bu “dəyişikikliklər” “Azərişıq” ASC-nin rəsmi internet səhifəsində əks olunub.
Cənab Prezidentin Sərəncamı olmadan “Azərişıq” rəhbərinin əmrilə qurumun strukturunda “dəyişikliklər” edilməsini ilk öncə Cənab Prezidentimizin Sərəncamına hörmətsizlik kimi qiymətləndirirəm, zənnimcə əmr qeyri-qanuni olduğundan qəbuledilməz və yolverilməzdir !
Xahiş edirəm Cənab Prezidentin 04.05.2015-ci il tarxli, 1206 №-li Sərəncamının 3.1.-ci bəndini rəhbər tutaraq AR NK-nin 14.05.2015-ci il tarxli, 190 №-li qərarı ilə təsdiq edilən “Azərişıq” ASC-nin strukturunda “Azərişıq” ASC rəhbərliyinin 01.11.2022-ci il tarixli əmri ilə edilmiş “dəyişikliklər”in (“Şimal” RETSİ-nin bazasında “Sumqayıt” RETSİ və “Xaçmaz” RETSİ-nin yaradılması) araşdırılması üçün göstəriş verəsiniz.
Öncədən Sizə minnətdaram.

Hörmətlə,
“Azərişıq” ASC, “Sumqayıt” RETSİ-nin
Hesabatların hazırlanması bölməsinin
texnik-operatoru