Respublikamızın ən iri taxılçılıq rayonlarından olan Şəkidə ötən ilin payızında 65 min hektara yaxın sahədə əkin aparılıb.

Teref.AZ bildirir ki, Bizim.Media-nın yerli bürosuna Şəki rayon Dövlət Aqrar İnkişaf Mərkəzindən verilən məlumata əsasən 65 min hektarın 32 min hektara yaxını arpa, 33 min hektara yaxını isə buğda əkinləri təşkil edir.

Rayonun Turan, Dəhnələr, Cəyirli, Qaratorpaq əraziləri əsasən dəmyə torpaqlar olduğundan və bu il qeyri-sabit hava şəraiti əsasən də yağmursuzluq fermerlərin çəkdiyi zəhmətin hədərə getməsi ilə nəticələnib.

Göz qaraldan boz sahələr

Yol boyu uzanan taxıl zəmiləri. İndi onların göz oxşayan, sünbülün-sünbülə dayaq duran vaxtı olmalıydı. Lakin ürək ağrıdan mənzərə ilə qarşılaşırsan, zəmilər boz çöllüyə bənzəyir. Artıq ikinci ildir ki, Şəkinin Turan qəsəbəsi daxil ətraf ərazilərdə əkilən min hektarlarla taxıl bitmir.

Ərazilər dəmyə torpaqlar olduğundan taxıllar ancaq yağış suları ilə qidalanır. Bu il isə yanvar ayından başlayaraq havaların quraq keçməsi ilk növbədə taxıl sahələrində məhsulun yetişməsinə mənfi təsir göstərib.

Fermer Davud Balaşov ötən il şəxsi torpaqları ilə yanaşı daha 80 hektarda icarə əsasında taxıl əksə də ili ziyanla başa vurub. Bu il də fermerin əkin sahələri boz səhranı xatırladır. Fermer deyir ki, müqavilə ilə 50 hektar taxıl əkirib. Bu isə fermerə 10-12 min manata başa gəlib.
Qonşuluqda əkin aparan fermer Şərif Qasımovun sözlərinə görə, hər hektara orta hesabla 500-600 manat xərc çəkilib. Şərif kişinin öz pay torpağında əkdiyi 15 hektardan taxıl götürəcəyinə inamı yoxdur.

Aqrar sığorta quraqlığa görə niyə yardım etmir?

Turan qəsəbə sakini Tərxan Kərimov bu il 45 hektarda əkin aparıb. O da digər fermerlər kimi ili ziyanla, əsasən də borcla başa vuracaq.

Deyir ki, aqrar sığorta daşqına, selə, digər təbii fəlakətlərə qarşı fermerin sahəsini sığortalayır. Lakin quraqlığa qarşı heç bir tədbir görülmür:

”Quraqlıq səbəbindən bu il məhsulumuz yoxdur. Aqrar sığorta da bizə quraqlığa görə yardım etmək fikrində deyil. Bir neçə dəfə müraciət etmişik. Doluya görə, leysana görə, qasırğaya görə sığorta var ancaq quraqlığa görə sığortadan boyun qaçırırlar. Dəfələlərlə sığorta idarələrinə müraciət etmişik hələlik bir nəticə yoxdur”.

T.Kərimov məsələ ilə bağlı fermerlərin Kənd Təsərrüfatı nazirliyinə də müraciət ünvanladığı, hazırda məsələnin araşdırma mərhələsində olduğunu bildirib.

Mütəxəssislər məsələni diqqətdə saxlayır.

Şəki Dövlət Aqrar İnkişaf Mərkəzinin sektor müdiri Sahib Abdulhəmidov ilkin yaz aylarında dəmyə əkinlərdə kənd təsərrüfatı nazirliyinin müvafiq monitorinq qrupları ilə müşahidələr apardıqlarını və indiyə kimi rayon ərazisində 19 min hektara yaxın əkin ərazilərində taxıl məhsulu bitmədiyi haqda rəy verildiyini diqqətə çatdırıb:

“Sahələrin bitiş vəziyyətinə baxanda hiss olunur ki, burada yüksək fonda aqrotexniki qulluq həyata keçirilib. Ancaq bildiyimiz kimi rayon əsasən dəmyə ərazilərdə yerləşir. Taxıl əkinləri ancaq burada dəmyədə olduğuna görə taxıldan başqa heç nə əkmək mümkün olmadığından məcburdurlar ki, taxıl əksinlər. Əkilən taxıla göstərilən yüksək aqrotexniki qulluğa baxmayaraq , yüksək səviyyədə vəziyyət alınmasına baxmayaraq uzun sürən yağmursuzluq, quraq, anomal hava şəraiti taxılın məhv olmasına gətirib çıxarıb. Biz ayda iki-üç dəfə monitorinqlərə çıxır və sahələrin vəziyyəti ilə bağlı məlumatlar hazırlayırıq”.

Sektor müdiri bildirir ki, Şəkinin aran ərazilərindəki əkinlərin çoxu dəmyə torpaqlarda yerləşir. Aparılan müşahidə və monitorinqlər göstərir ki, Turan, Sarıca, Bolludərə, Qaratorpaq, Qayabaşı, Dəhnələr, Çayqaraqoyunlu, Şəki və başqa kəndlərin əksər əkinlərində məhsul bitməyib.

Məsələ ilə əlaqədar hazırda kənd təsərrüfatı nazirliyinin mütəxəsis qrupu rayonda monitorinqləri davam etdirir.

Fermerlər isə Kənd Təsərüfatı Nazirliyindən dəyimiş ziyanla bağlı tədbirlər görməyi xahiş edib. Belə ki, fermerlər aqrar sığorta qaydalarında dəyişiklik etməklə dəymiş ziyanın bir qisminin ödənilməsini mümkün hesab edir və müvafiq qurumlardan bununla bağlı xəbər gözləyirlər.

Ağır vəziyyətdə Babək rayon Təcili Tibbi Yardım Stansiyasına çatdırılan rayonun Naxışnərgiz kənd sakini 19 yaşlı Ramal İmaməliyev orada komaya düşüb. Bu haqda „Gündəlik Naxçıvan“a məlumat verən gəncin atası Məhəmməd İmaməliyev, ağ ciyər xəstəsi olan oğlunun bu vəziyyətə düşməsində staniyanın həkimlərini günahlandırır. O deyir ki, həmin gün stansiyada məsul olan həkim tibbi sığorta çərçivəsində göndərişi verməkdən imtina etdiyi üçün, oğlunu vaxtında Ağciyər Xəstəlikləri Dispanserinə çatdıra bilməyib:
“Mayın 25-də səhərə yaxın vəziyyəti ağırlaşdığı üçün oğlumu Təcili Tibbi Yardım Stansiyasna götürdük. Buradakı məsul həkimi Xəlil Cəfərəliyev özü dedi ki, bizim bu cür xəstələr təcili müdaxilə etmək üçün imkanlarımız yoxdur və uşaq dispanserə aparılmalıdır. Qanuna görə, bu vəziyyətdə həkim təcili olaraq tibbi sığorta göndərişi yazıb, imkanları geniş olan xəstəxanaya göndərməlidir. Xəlil həkim isə dedi ki, mən göndəriş verə bilmərəm, gözlə səhər baş həkim gəlsin, sonra. Məcbur olub, baş həkimi gözləməli olduq. Oğlumunsa vəziyyəti onun gözünün qarşısında getdikcə ağırlaşırdı, qan qusmağa başladı. Bir müddət sonra isə komaya düşdü. Dispanser göndərişsiz qəbul etmədiyi üçün, məcbur qalıb baş həkimi gözləməli olduq“.
Məhəmməd İmaməliyev deyir ki, oğlunu dispanserə gec çatdırdığı üçün, o hələ də komadan ayılmayıb:
“Dispanserin həkimləri dedi ki, komaya düşmədən öncə gətirsəydiz, tez sağalacaqdı. İndi isə, onun sağalacağına ümid azdır, oğlum ölüm ayağındadır. Buna görə vaxtında göndərişi verməyən həkim məsuliyyət daşıyır”.
Şikayətçi deyir ki, həkimin səhlənkarlığı ilə bağlı Naxçıvan MR Səhiyyə Nazirliyinə şikayət etsə də cavab ala bilməyib:
“Bu səhlənkarlıq yox, cinayətdir. Bu həkim cinayət məsuliyyətinə cəlb olunmalıdır. Çünki insanların taleyi ilə oynayır. Təəssüflər olsun ki, onun nazirlikdə himayədarları var. Bu himayədarlarının hesabına ona dəyib, toxunan yoxdur.”
Məsələyə münasibət öyrənmək üçün Babək rayon Təcili Tibbi Yardım Stansiyası ilə əlaqə saxlasaq da, burada şikayətçinin iddialarına cavab vermək istəmədilər.

Qusar rayonu, Gülbəs Xudaverdiyev küçəsi, 200 nömrəli evin sakini Mustafayeva Xatirə Gülmət qızı tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, onu işlədiyi "Şahdağ Turizm Mərkəzi”ndən qeyri-qanuni olaraq işdən çıxarıblar.

"Mən, Mustafayeva Xatirə Gülmət qızı, "Şahdağ Turizm Mərkəzi" QSC-də xidməti müqavilə əsasında 31.03.2023-cü il tarixinədək xadimə vəzifəsində işləmişəm. İşlədiyim müddət ərzində tərəflər arasında bağlanılmış müqavilənin tələblərini, şəxsi subardinasiya və etik davranış qaydalarını, həmçinin "Şahdağ Turizm Mərkəzi" QSC-nin mənafeyini pozacaq heç bir yalnış hərəkətim olmamışdır.

Lakin işimə bu qədər məsuliyyətli yanaşmağıma baxmayaraq, 30.03. 2023-cü il tarixində təmizlik şöbəsinin Surxay Kliçev adlı rəisi tərəfindən heç bir xəbərdarlıq edilmədən xidməti müqaviləm sonlandırıldı. Bildiyiniz kimi, "Şahdag Turizm Mərkəzi" QSC-də turizmin inkşafı və mərkəzin şəffaflaşdırılması məqsədilə strukturun dəyişdirilməsi, yeni pəşəkar kadrların (rəhbər heyətinin) işə cəlb edilməsi və digər bir çox müsbət tədbirlər həyata keçirilmişdir.

Surxay Kliçev adlı şəxsdən məni niyə işdən azad etdiyini soruşduğum zaman, Vüsal adlı əməkdaşın ona iş vaxtı ərzində işdə olmadığımı və öz vəzifəmi icra etmədiyimi dediyini bildirdi. Bu insan öhdəlikləri lazımi qaydada icra etməyimə baxmayaraq, mənə şər ataraq, 3 saat işdə olmadığımı bildirib.

Kamera görüntülərinə baxıldığını və işdə olmadığımı israrla mənə bildirdi. Həmin kamera görüntülərinə baxmaq istədiyimi dedim. Bu zaman aqressiv şəkildə məni otağından qovdu.

Onu da qeyd edim ki, "Şahdağ Turizm Mərkəzi" QSC-də bu kimi özbaşnalıqlar və əsassız şəkildə işçilərin təhqir edilməsi, aşağılanması hallarına yalnız bizim departamentdə deyil, digər departamentlərdə də son zamanlar həddindən çox rast gəlinir.

Onlara bildirdim ki, bütün bu qanunsuzluqlar haqqında məktub yazıb, cənab Fuad Nağıyeva göndərəcəm. Mənə “get kimə istəyirsən yaz, sənə kimdi inanan, mənim heç kimdən qorxum yoxdur", - deyə cavab verildi.

Ailəmdə evə çörək pulu gətirən tək mən idim. Yoldaşım I qrup əlildir, yetkinlik yaşına çatmamış 2 övladım var. Kirayədə yaşayıram. Günahım olsa sakit durardım, mənim günahım olmaya-olmaya işimə qərəzli şəkildə son veriblər. Övladlarımın təhsilini necə davam etdirəcəyimi, xəstə yoldaşımın müalicələrini, evin dolanışığını necə edəcəyimi bilmirəm. Surxay Kliçev ona verilən vəzifədən sui-istifadə edərək, işçilərin çörək pulu qazanmalarına mane olur.

Kompleksin işçilərindən olan Rüstəm müəllim məni qəbuluna çağırtdırıb, hədə-qorxu gəldi, “səni məhkəməyə verəcəm”, - dedi. 15 il əmək müqaviləsi olmadan orada işləmişəm, işimdən olmamaq üçün səsimi çıxarmamışam.

Hörmətli redaksiya, xahiş edirəm, mənim səsimin lazımi yerlərə çatmasına kömək edəsiniz”.

Redaksiyadan: Qarşı tərəfin mövqeyini dərc etməyə hazırıq.

Tikinti şirkəti Nizami rayonunda yaşıllıqları buldozerlə məhv edir, icra hakimiyyəti isə susur

Bakıda tikinti şirkətlərinin "yaşıl soqırım” həyata keçirdikləri heç kimə sirr deyil. O da məlumdur ki, uzun illərdir davam edən bu "soyqırım” dövlət qurumlarının içtirakı ilə həyata keçirilməməsi mümkünsüzdür. Hər halda bütün yazılanlara, şikayətlərə rəğmən bu "soyqırım”ın davam etməsi bunu deməyə əsas verir.

Son olaraq sosial şəbəklərdə yayılan belə xəbərlərdən biri də paytaxtın Nizami rayonunun Ordubadi küçəsi – 1 və qonşu ünvanlardakı üç və beşmərtəbəli binaların arasındakı həyətində baş verib. Həyətin tam ortasında çoxillik ağacları əvvəlcə hasara alıb, sonra da çıxarırlar.

Azfakt.com xəbər verir ki, ağır texnikalarla və günün günorta vaxtında həayata keçirilən bu "əməliyyatı” "Orbita” MTK həyata keçirib. Sakinlərin etirazına baxmayaraq, ağaclar bulduzerlərlə çıxarılaraq məhv edilib. Etiraz edən sakinlər isə yüksək vəzifəli şəxsin adından təhdidə məruz qalıblar.

Məsələyə hələ ki, nə ETSN, nə də Bakı Yaşıllaşdırma İdarəsi münasibət bildirməyib. Sakinlər isə bildirirlər ki, çoz illik ağaclar məhz Bakı Yaşıllaşdırma İdarəsinin "xeyir-duası” ilə məhv edilir. Çünki sakinlər dəfələrələ baş verənlərlə bağlı Bakı Yaşıllaşdırma İdarəsinə müraciət etsələr də, onların müraciətinə baxan olmayıb.

Sakinlər şikayət etsələr də, nədənsə nə Yaşıllaşdırma Təsərrüfatı Birliyi, nə Birliyin yeni sədri Mirdamət Seyidov, nə də Birliyin Bitki Mühafizəsi Şöbəsinin müdiri Şaiq Vəliyev həmin ağacları zərərsizləşdirməkdə maraqlı görünmürlər.

Hətta iddia olunur ki, ağacların ətrafına məhz Bakı Yaşıllaşdırma İdarəsinin işçiləri hasar çəkirlər və bundan sonra "budama əməliiyatı” həyata keçirilir. Budamadan sonra isə ağacları yerli-dibli kötüyündən çıxarırlar. Sakinlər bunu Bakı Yaşıllaşdırma İdarəsinin "maraqları”nın tikinti MTK-larının maraqları ilə üst-üstə düşməsi ilə əlaqələndirirlər.

Sakinlər bildirirlər ki, Birliyin əməkdaşlarının tələm-tələsik üzərində "budama əməliyyatı” apardıqları ağaclar çox keçmədən kəsilir və kəsilən ağacların hesabına boşalan ərazidə ayrı-ayrı şəxslər tərəfindən yeni obyektlər tikilir. Yəni belə çıxır ki, "budama” əməliyyatı elə ağacların kəsilməsi və yerinin qabaqcadan "centlmen sövdələşməsi” aparılan adamlara satılması üçün zəmin hazırlamaq məqsədi daşıyır.

2022-ci ilin dekabr ayının ortalarından başlayaraq paytaxtın Nizami rayonunun Ordubadi küçəsi – 1 və qonşu ünvanlardakı üç və beşmərtəbəli binaların arasındakı həyətdə "yaşıl soyqırıma” rəvac verən "Orbita” MTK şirkətinin təmsilçiləri etiraz edən sakinləri Prezidentin mühafizə xidmətinin rəisi ilə qorxudurlar.

Qeydə alınmış video-görüntülərdən bəlli olur ki, binaların birinci mərtəbəsinin həyətində sakinlərin çəpərləyib qulluq etdikləri kiçik bağçalar traktorla qaşınıb məhv edilir. Belə faktlar hətta insidentə səbəb olub, narazılığını bildirən qadın sakin mübahisə zamanı itələnərək yıxılıb, başı bardürə dəyərək xəsarət alıb, işə polis qarışıb...

Mənbə: Azfakt.com

Redaksiyamıza müraciət edən Səbinə Əliyeva bildirir ki, keçmiş hüquq-muhafizə orqanlarının əməkdaşı hal-hazırda Rəqəmsal İnkişaf və Nəqliyyat Nazirliyinin əməkdaşı olan Ziyafət Nağıyev və onun yaxınlarının qanunsuz əməlləri ilə üzləşmişdir. O, bu barədə dəfələrlə adiyyəti qurumlara şikayətlər etsə də hələ ki şikayətlər baxılmamış qalıb. O saytımız vasitəsi ilə başına gələnləri ictimailəşdirilməsini xaiş edib. Səbinə Əliyevanın şikayətin oxucularımıza olduğu kimi təqdim edirik:

Məlumunuz olsun ki, Ziyafət adı sizə qısa görünsə də, bu şəxs çox böyük cinayətlərin təşkilatçısıdır. Belə ki, əslən Füzuli rayonundan olan Nağıyev Ziyafət Çapar oğlu törətdiyi cinayətlərdən əldə etdiyi maddi imkanlar hesabına Bakı şəhərində aldığı çox sayda mülklərindən birində yaşayır və başına topladığı cinayət ortaqları isə öz qohumları və yaxın dostlarıdır.

Ziyafət Nağıyev əvvəllər işlədiyi hüquq-muhafizə orqanlarından qovulsa da xidməti vəsiqəsinin surətini özündə saxlayaraq, bunun hesabına törətdiyi çox sayda cinayətlərini ört-basdır etmiş, habelə dövlət qurumlarında özünü və başına topladığı cinayətkar dəstəni müdafiə edərək ifşa olunmaqdan qurtarmışdır.

"Azərbaycan Reallığı" xəbər verir ki, Zərərçəkmiş şəxs Səbinə Əliyeva bildirir ki, bu cinayətkar dəstə haqqında müxtəlif dövlət qurumlarına dəfələrlə şikayətlər etsə də, Ziyafət Nağıyevin qanunsuz təsirləri nəticəsində ədalət öz yerini tapmamış, günahkarlar cəzasız qalmışlar.

Beləliklə, dövlətimizi belə aldatmağı bacaran Ziyafət Nağıyev hazırda Rəqəmsal İnkişaf və Nəqliyyat Nazirliyində işləsə də, hər yerdə özünü Hüquq-muhafizə orqanlarının əməkdaşı kimi təqdir edir.

Məmur qılığına bürünmüş Ziyafət bu yolla təkcə özünün deyil, başına topladığı cinayətkar dəstənin üzvləri –doğma oğlu Əziz Çaparzadənin, arvadı Təranə Nağıyevanın, qardaşı Nağıyev Rasim Çapar oğlunun, Rasimin oğlanları Elşən və Elnur Nağıyevlərin, yeznəsi Rasim Hüseynovun və dostu “P-Agro” MMC-nin Beyləqan rayon şöbəsinin müdüri Əsədin qanunsuz işlərini də ört-basdır edib, bu günədək məsuliyyətdən yayınmağa nail olmuşlar.

Ziyafət dövlətdən soyub taladığı pullarla kef çəkib aldığı mülklər yetməmiş kimi özünə saxta yollarla veteranlıq vəsiqəsi düzəltdirmiş və buna görə də hər ay müavinət alıb dövlətimizi soymağa davam edir. Buda yetməmiş kimi Ziyafət qardaşı Rasim və dostu Əsədlə əlbir olub ayrı-ayrı şəxslərə pul müqabilində saxta yollarla sürücülük və veteranlıq vəsiqələri hazırlatmış, hətta pul müqabilində bir neçə şəxsi özünün işlədiyi nazirlikdə və “P-Agro” MMC- də işə qəbul etdirmişdir.

Həmçinin, Ziyafətin qorumasında olan arvadı Təranə açıq-aşkar qanunsuz fəaliyyət göstərib ayrı-ayrı şəxslərə pul müqabilində baxıcılıq-falçılıq edir. Oğlu Əziz isə neçə ildir ki, eyni hərbi hissədə və ən rahat iş yeri olan kadrlarda «xidmət etsə də», arxasında Ziyafət dayandığı üçün daim keyf çəkərək, rotasiya və bu Mərmur libasına bürünən polkovnik Ziyafət Nağıyevin kirli əməlləri ifşa olundu.

Bu haramxor ailənin digər üzvləri Rasim Nağıyev, onun oğlanları Elşən və Elnur Nağıyevlər, qızı Şəhanə və yeznəsi Rasim Hüseynov uzun illərdir ki, öz dolanşıqlarını şantaj və zorakı yollarla əldə etmiş, onlar isə Elşənin arvadı Səbinə Əliyevanın öz zəhməti ilə qazandığı pulları onun əlindən zorla alaraq, varlanmışlar.

Belə ki, pul qazanmağın ən asan yolunu seçən Elşən Nağıyev ağılagəlməz cinayət üsullarından istifadə edərək, öz arvadının şəkillərini montaj edib, işləyib ona pul gətirmədiyi halda, həmin şəkilləri hər kəsə yayaraq onu rüsvay etməklə hədələmiş və mütəmadi olaraq döymüş, bu qanunsuz yollarla arvadına təsir edib, onun özünü, qardaşını, atasını və bacısının ailəsini saxlamaq öhdəliyi götürməyə məcbur etmişdir.

Bununla da kifayətlənməyən Elşən Nağıyev, atası Rasim Nağıyev, qardaşı Elnur Nağıyev və qadın zorlamağa görə əvvəllər türmədə yatıb çıxmış yeznələri Rasim Hüseynovla birlikdə hədə-qorxu gələrək və döyərək, arvadının əlindən illərdi repetitor işləyib özlərinə ev almaları üçün topladığı 12000 (on iki min) manat pulu zorla almış, daha sonra da onlara 30-40 000 (otuz-qırx min) manat pul verməsini tələb etmişlər.

Elşənin arvadı bu təhdidlərə dözməyərək evdən qaçıb hüquq mühafizə orqanlarına müraciət etdikdə, cinayətkar qrupun və nəslin başçısı Ziyafət Nağıyev tez ortaya çıxaraq, üzərində gəzdirdiyi Hüquq-muhafizə orqanlarına məxsus olan saxta vəsiqəsini göstərib, dövlət qurumlarına təsir etməklə hər hansı tədbir görülməsinə imkan verməmişdir.

Ardı var
Yazıda adı çekilən hər kəsin mövqeyini tanıyır