www.dunyapress.info

Fazil Alməmmədovla bağlı ŞOK İDDİALAR... - BU NƏDİ BELƏ?

Yaradılıb 06.07.2023 11:20 | Baxış sayı: 309

Nərimanov Tibb Mərkəzinin baş direktoru - 5 saylı Kliniki Xəstəxananın baş həkimi Fazil Alməmmədovun məsul vəzifələrə gətirilərkən onun sənədləri Prezident Administrasiyasından, DTX-dən, TƏBİB-dən və Səhiyyə Nazirliyindən necə keçirilib?

(Əvvəli burada: Nərimanov Tibb Mərkəzi ilə bağlı hüquqi araşdırma başladılmalıdır... - İLGİNC İDDİALAR...)

Beləliklə, 8 saylı poliklinkada (adını indilərdə 1 saylı ediblər) heç bir iş görməyiblər, pullar 8 ay bundan qabaq yeyilib-dağıdılıb.

Bunu adı çəkilən səhiyyə müəssisələrinə baş çəkərkən bir daha şahidi olduq… İndi yalandan iş göstərmək istəyirlər. Heç bilirsiniz necə???

"Təzadlar" yazdı, Fazil Alməmmədov "obyekt"ə gəldi, əməkdaşımıza təzyiq etdirdi…

Məlumat üçün bildirək ki, 8 saylı poliklinikaya təmir üçün 70 min 670 manat vəsait ayrılıb… ""Nərimanov Tibb Mərkəzinin" tabeliyindəki Bakı şəhəri, Nərimanov rayonu, Hidayətzadə küçəsi, 11 ünvanında yerləşən 8 nömrəli Şəhər poliklinikasının inzibati binasının əsaslı təmiri ilə əlaqədar layihə-smeta sənədlərinin hazırlanması və tikinti müddətində müəllif nəzarətinin həyata keçirilməsi xidmətlərinin" satın alınması üçün tender elan edilib... "TFM-SMART PROJECT" MMC qalib olub. Olsun! Əsaslı təmirə görə isə pul vəsaitləri dərhal da tenderi udan şirkətə köçürülüb. Köçürmələr 25 oktyabr 2020-ci ildə icra edilməyə başlanılıb. Hansı ki, tender udulan gündən maksimum 1 ay ərzində işə başlanılmalı idi. Lakin bu günədək bu iş görülməyib və yalnız "Təzadlar" dünən bu barədə yazan kimi Fazil Alməmmədov bu gün adamlarını poliklinikanın ətrafına tökərək təmir görüntüsü yaratmağa çalışıb. Bu artıq korrupsiya cinayətidir. Baş Prokuror yanında Korrupsiyaya qarşı Mübarizə Baş İdarəsinin rəhbərliyinə rəsmi müraciət ediləcək, sənədlər araşdırılmalıdır ki, ötən müddət ərzində büdcədən "Kapitalbank"ın Nərimanov filialına köçürülən pullar necə silinib, işlər niyə görülməyib. Hansı ki, bu əməl dövləti aldatmadır, vəzifə saxtakarlığıdır.

Bu gün isə texniki əməkdaşımıza poliklinikaya baxış keçirərək vəziyyəti dəyərləndirməsini tapşırdıq… O, poliklinikada olarkən fotoşəkil çəkib, lakin dərhal mühafizəçilər onu əhatəyə alaraq fotoaparatın yaddaşındakı şəkilləri pozmağı tələb ediblər… Bu isə "Media haqqında" Qanunun tələblərinə görə, jurnalistin peşə fəaliyyətinə mane olmaqdır!

Ardınca isə orada olan Nərimanov Tibb Mərkəzinin baş direktoru Fazil Alməmmədov bayıra çıxıb, mühafizəçilərə verdiyi tapşırığa əsasən, əməkdaşımızı poliklinikanın 300 metr məsafəsinədək müşayiət edərək onun oradan fotoşəkil çəkməsinə imkan verməyiblər.

Nəhayət, məcbur olub "Təzadlar"ın Araşdırma Qrupunun üzvləri 8 nömrəli poliklinikadakı vəziyyəti qiymətləndirmək üçün əraziyə getməli oldular. Gördüklərimiz isə bizi məyyus etdi…

Əməkdaşlarımız Fazil Alməmmədovun 3 mühafizəçi ilə nəzarətə götürülmüş poliklinikasından şok görüntüləri necə çəkdi???

Beləliklə, biz ərazidə olduq… Həyətində pişiklərin baş-başa verərək məzələndiyi poliklinikanın təmir pulları silinmiş ərazisindəki mənzərə sübut edirdi ki, Fazil Alməmmədov da zəhmətkeş tibb işçiləri ilə məzələnir… Poliklinikada olarkən adının çəkilməsini istəmədiyimiz məsul şəxs aldadıcı sualımızı cavablandıraraq bildirdi ki, günlərin birində təmiri görməli olan MMC rəhbərliyi gəlib baxıb, tenderdən qabaq layihə hazırlanıb, sonra işlər dayanıb və o gedən gediblər…

Aşağıda fotoşəkilləri paylaşırıq ki, Fazil Alməmmədov əməkdaşlarımızın bir poliklinikaya cəlb etdiyi 3 mühafizəçini necə aldadıb görüntüləri qeydə aldıqları ilə ətraflı tanış olsun…

Fazil Alməmmədovun ailə tərcümeyi-halı: "Atası Çoban Alməmmədov Tovuzda oğurluq üstündə həbs edilib, digər qardaşı Fevral Alməmmədov Astraxanda dövlət əmlakını mənimsəmə cinayətinə görə 5 il müddətinə azadlıqdan məhrum edilib, digər qardaşı Tural Alməmmədov isə 2017-ci ildə terror əməlinə görə DTX-nın keçirdiyi əməliyyat zamanı öldürülüb…".

Biz Nərimanov Tibb Mərkəzinin baş direktoru Fazil Alməmmədovun tenderlərlə dövləti siyasətə necə badalaq vurduğunu daxil olmuş digər məlumatlarla ətraflı yazmaq istəyirdik ki, redaksiyamıza adının çəkilməsini istəməyən ətrafının verdiyi şok fakt və məlumatlar daxil oldu… Sadəcə, inanılmaz faktlardır. Diqqət edin: məlum olur ki, Fazil Alməmmədovun atası Çoban Alməmmədov Tovuzda oğurluq üstündə həbs edilib… Digər qardaşı Fevral Alməmmədov isə Astraxanda dövlət əmlakını mənimsəmə cinayəti törətdiyinə görə bu yaxınlarda 5 il müddətinə azadlıqdan məhrum edilib. Onun həbsdən buraxılması üçün Fazil Alməmmədovun Rusiyadan olan dost-tanışlarının belə cəhdləri uğursuz alınıb (Hökmün surəti redaksiyamıza göndərilib). Hazırda hökmdən apellyasiya şikayəti verilməsinə çalışılır və s.

Nəhayət, ən dəhşətli fakt: Baş direktor və baş həkim Fazil Alməmmədovun digər qardaşı Tural Alməmmədov isə… Diqqətlə oxuyun: Tural Alməmmədov 6 il əvvəl - 2017-ci ildə terror əməlinə görə DTX-nın keçirdiyi əməliyyat zamanı öldürülüb… Bu barədə Dövlət Təhlükəsizlik Xidmətinin və Baş Prokurorluğun rəsmi saytlarına istinadla həmin cinayət əməlinin təfərrüatlarını əldə etdik. Məlum olur ki, Bakının Qaraçuxur qəsəbəsi ərazisində 2017-ci il yanvarın 31-də DTX xüsusi təyinatlıları tərəfindən zərərsizləşdirilən, 4-ü əməliyyat zamanı öldürülən, 1-i sağ yaxalanan terror qrup Milli Məclisə hücum edib deputatları kütləvi qətlə yetirməyə hazırlaşırmış. Bu sensasion məlumat terrorçu qrupun sağ ələ keçirilən üzvünün barəsində qaldırılmış cinayət işinin materiallarında yer alır. Bu, İŞİD-ə qoşulmuş və həmin qəddar terror birləşməsinin Azərbaycandakı özəyini yaradaraq cihad hazırlıqları görənlərdən biri, 28 yaşlı Fərid Sadıqovdur. Bakı Ağır Cinayətlər Məhkəməsində onun barəsində məhkəmə istintaqı artıq yekunlaşıb, o, terrorçuluq, qanunsuz silahlı birləşmə yaratmaq və digər təhlükəli ağır cinayətlərdə təqsirli bilinib.

Dövlət Təhlükəsizliyi Xidmətinin 2017-ci il fevralın 1-də həmin qrupun zərərsizləşdirilməsi haqda yaydığı məlumatda isə deyilir: «…dini ekstremizm zəminində xüsusilə ağır cinayətlərin törədilməsinə hazırlaşan Azərbaycan vətəndaşları – "Abu Hafsa” ləqəbli M.Ulubəyovun, "Abdulqərib” ləqəbli Q.Dəmirovun, "Əbdülxalid" ləqəbli F.Sadıqovun, Tural Alməmmədovun və "Abdullah” ləqəbli S.Məmmədovun tutulması üçün 2017-cı il yanvarın 31-də xüsusi əməliyyat keçirilib. Əməliyyat zamanı qrup üzvlərindən M.Ulubəyov, T.Alməmmədov, Q.Dəmirov və S.Məmmədov avtomat və tapançadan atəş açmaqla birgə silahlı müqavimət göstərərkən xüsusi əməliyyat qrupu tərəfindən məhv edilib, F.Sadıqov isə şübhəli şəxs qismində tutulub…".

Beləliklə, istintaq materiallarına əsasən, dini ləqəbi "Əbdülxaliq"olan Fərid Sadıqov İŞİD terror təşkilatının ideyalarının Azərbaycanda yayılması naminə Qərib Dəmirov, Məhəmməd Ulubəyov, Tural Alməmmədov, Samir Məmmədov və digərləri ilə cinayət əlaqəsinə girib. Dini ekstremizm zəminində ağır və xüsusilı ağır cinayətlər törətmək üçün yaradılan cinayətkar qruplaşmanın fəaliyyətində işitirak edib, terror hücumları üçün planlar qurub. Habelə təqsirləndirilən şəxs İŞİD-in tərkibində Suriyada döyüşən azərbaycanlılarla əlaqə saxlayaraq bu terror qruplaşmasının ideyalarını qəbul edib. Onlarla ünsiyyət zamanı İŞİD-in Azərbaycandakı "qolu" kimi qəbul olunmaq, təşkilatın məqsədləri üçün cihada başlamaq barədə sövdələşib. İstintaq sənədlərində göstərilir ki, Qaraçuxurda zərərsizləşdirilən həmin qrup Azərbaycan ərazisində seriya terror hücumları həyata keçirmək üçün planlar qurublar. Hücumların hədəfi isə hüquq-mühafizə orqanlarının, nazirliklərin inzibati binaları, strateji əhəmiyyətli digər obyektlər, habelə Bakı Dövlət Universiteti, Bakı İlahiyyət Universiteti, Azərbaycan Neft və Sənaye Universiteti olub. Bundan əlavə, qruplaşma pul və qənimət ələ keçirmək üçün Bakıdakı şərab evlərinə, mağazalara, lombardlara, Şimal bölgəsində fəaliyyət göstərən iş adamlarına, yerli icra hakimiyyəti başçılarına silahlı hücumlar planlaşdırıb.

Sağ ələ keçirilən Fərid Sadıqov isə ifadəsində göstərib ki, "…Məhəmməd ərəb dilini öyrənmək üçün Bakıya gəlib Qaraçuxurda kirayədə yaşayırdı. Bir neçə dəfə onun yaşadığı evə getmişdim. Həmin evdə olarkən Məhəmmədin vasitəçiliyi ilə Samir, Tural və Qəribi tanımışam. Dini söhbətlər aparır, zikr edir, camaat namazı qılırdıq…".

- Bəs qardaşı belə bir dövləti cinayətdə iştirak edən, atışmada öldürülən Fazil Alməmmədov Nərimanov Tibb Mərkəzinə necə baş direktor, 5 Saylı Kliniki Xəstəxanaya isə baş həkim təyin edilib?

- Onun şəxsi işi Prezident Administrasiyasında, DTX-da, TƏBİB-də, Səhiyyə Nazirliyində yoxlanılmayıbmı?

- Bu təyinatda kimlərin əli olub, kimlər sənədləri saxtalaşdırıb???

(Davamı var)

"Təzadlar"ın Araşdırma Qrupu

P.S. Redaksiya Fazil Alməmmədovun maddi əks arqumentlərinə-sübutlarına hörmətlə yanaşır və təqdim etməyə hazırdır…

“Orxan Mahmudov bizi qanunsuz olaraq işdən çıxarıb” – ŞİKAYƏT

Yaradılıb 06.07.2023 11:17 | Baxış sayı: 291

Göyçay rayon Suvarma Sistemləri İdarəsinin müdiri vəzifəsini icra edən Orxan Mahmudovun 3 işçisini işdən çıxarıb. Orxan Mahmudovun bu qərarının qanunsuz olduğu deyən işdən çıxarılan şəxslər mətbuat vasitəsi ilə rəhbərliyə müraciət edərək haqlarını tələb edirlər.

Bir nüsxəsi də Qlobal.az-ın elektron poçtuna göndərilən məktubu təqdim edirik:

“Göyçay rayon Suvarma Sistemləri İdarəsinin müdiri vəzifəsini icra edən Orxan Mahmudov vəzifəsindən sui-istifadə edərək birimizi Fəqan Şirinovu Əmək Məcəlləsinin 70-ci maddəsinin “Ç” bəndi ilə qanunsuz olaraq işdən çxartdı, iki nəfərimizi öz ərizəmizlə işdən çıxmağa məcbur etdi.

Biz uzun müddətdir ki, Göyçay rayon Suvarma Sistemləri İdarəsində ekskavator sürücüsü vəzifəsində işləyirdik.Bu müddət ərzində işimizdə heç vaxt nöqsana yol verməmişik. Əksinə yaxşı işçi olduğumuz üçün təltif edilmişik.Şakir Əhmədov adlı müdir yaş senzinə görə işdən çıxdığı üçün ixtisası bu sahə üzrə olmayan bir gündə olsun bu sahədə işləməyən təcrübəsiz Orxan Mahmudova müdir vəzifəsinin icrası həvalə edildi.Adam vəzifəsinin icrasına başlayan kimi işçilərə qənim kəsilməyə başladı.

Orxan Mahmudova bildirdik ki, sürmək olmaz ekskavatorların yağı və filtirləri təcili dəyişdirilməlidr.Əks halda 300 min manat qiyməti olan texnikalar xarab olacaq.
Orxan Mahmudov bizə məcbur edir ki, öz vəsaitiniz hesabna ekskavatorları təmir etdirib yağını və filtirini dəyişməlisiniz.Biz imkansız olduğumuz üçün buna etiraz edib 6 nəfər işçi Meliorasiya və Su Təsərrüfatı ASC-yə üz tutduq.Orada bizi Qurban müəllim qəbul etdi bizi dinlədikdən sonra Orxan Mahmudova zəng edib problemin həll edilməsini tapşırdı. Orxan Mahmudov Qurban müəllimə bildirdi ki, problemi həll edəcəyəm.

Səhəri günü Orxan Mahmudov idarədə iclas keçirib birimizi Fəqan Şirinovu Əmək Məcəlləsinin 70-ci maddəsinin “Ç” bəndi ilə qanunsuz olaraq işdən çxartdı, iki nəfərimizi öz ərizəmizlə işdən çıxmağa məcbur etdi.

Hər birimizin himayəmizdə azyaşlı uşaqlarımız var ailədə yeganə işləyib evə çörək pulu gətirən biz idik.İndi isə işinin öhdəsindən gələ bilməyən bu sahənin kadırı olmayan Orxan Mahmudovun intiriqasının qurbanı olub işsiz qalıb aclığa məhkum olmuşuq.

Orxan Mahmudov bundan əvvəl bankada işləyib yol verdiyi nöqsana görə işdən qovulub.

Orxan Mahmudov Göyçay rayon Suvarma Sistemləri İdarəsində müdir vəzifəsini 3 aydır icra etsə də bütün qohum-tanışlarını vəzifəyə gətirib. Hansı ki, onların hamısı bu sahənin kadrları deyil heç bir iş təcrübələridə yoxdur. Bu isə Göyçayda suvarma sistemlərində fəlakət yaradacaq. Bibisi oğlunu mühasib təyin edib, Ucarda yaşayan dostunu sürücü vəzifəsinə təyin edib, bazarda yer pulu yığan tanışını nəzarətçi təyin edib 11 nəfər qohum tanışlarını idarəyə işə qəbul edib.Hansı ki, onların heç biri bu sahənin adamları deyil. Təcrübəli qabaqcıl işçiləri isə sıxışdırıb.

İşinin öhdəsindən gələ bilməyən Orxan Mahmudov dövlət idarəsini şəxsi ofisinə döndərib.

Qeyd edək ki, Orxan Mahmudov Göyçayın Qarabaqqal kəndi ərazisindəki keçmiş kərpic zavodunda beton istehsalı ilə məşğul olub vergidən gəlir gizlətmək üçün əmək müqaviləsi bağlamadan çoxlu sayda insanı işə cəlb edib əməyini istismar edir.Hansı ki, orada 50 dən çox insan işə cəlb edilib.

Hələki müvəqqəti icra etdiyi bu vəzifəyə Orxan Mahmudov təyin edilərsə idarəni yararsız vəziyyətə salacaq.Adamın niyyəti dövlət idarəsini şəxsi əmlakı kimi idarə edib kapital toplamaqdır.Bunun qarşısı dərhal alınmalı qanunu tədbirlər görülməlidr.

Biz mətbuat vasitəsi ilə Meliorasiya və Su Təsərrüfatı ASC-nin sədri cənab Zaur Mikayılovdan xahiş edirik bizi qəbul edib dinləyib qanunu və ciddi tədbirlər görəsiniz.

İmza; Şirinov Fəqan Maarif oğlu
Əsgərov Orxan Vidadi oğlu
Əsgərzadə Elməddin Əli oğlu”

Məsələ ilə bağlı Göyçay rayon Suvarma Sistemləri İdarəsindən mövqe öyrənə bilmədik. Qarşı tərəf mövqe bildirə bilər.

6 saylı həbsxananın rəisi haqqında növbəti rüşvət ittihamı – ŞOK FAKTLAR

Yaradılıb 06.07.2023 11:15 | Baxış sayı: 168

DogruXeber.az: - Goranboy rayonu, Safkürd kəndində anadan olan, Gəncə şəhəri, Kəpəz rayonu, hərbi şəhərcik 83, ev 394, mənzil 35-də qeydiyyatda olan Məmmədov Ədalət Həsən oğlu tərəfindən “Hürriyyət”in redaksiyasına şikayət məktubu daxil olub. Qəzetimiz vasitəsilə ölkə rəhbərliyinə müraciət edən şikayətçinin məktubunu olduğu kimi dərc edirik:

“Hörmətli redaksiya!

Son zamanlar Ədliyyə Nazirliyi Penitensiar Xidmətin 6 saylı Cəzaçəkmə Müəssisəsinin rəisi, baş nazirin sabiq müavini Abid Şərifovun qızının əri, məhkumlar arasında “cərrah-cəllad Məmməd” ayaması ilə tanınan Məmməd Mahmudovun korrupsiya yolu ilə məhkumlardan külli miqdarda rüşvət toplaması barədə “Hürriyyət” qəzetində, Hurriyyet.az saytında, eləcə də digər xəbər portallarında dərc edilən yazılarla bağlı mən də öz faktlarımı sizə təqdim edirəm.

Sizlərdən xahiş edirəm ki, mənim dövlət başçısına olan bu müraciətimi olduğu kimi dərc edəsiniz.

Hörmətli Prezident!

Biz, demək olar ki, ailəlikcə hərbçi olmuşuq. Şəxsən mən 28 il dovlətə xidmət göstərmişəm. Və dövlətə xidmət göstərmək həvəsimiz ailəlikcə olmuşdur.

Hərbi hissənin adını çəkmək istəməzdim, çünki Ali Baş Komandanın rəhbərliyi altında zəfər çalan qüdrətli ordumuzun adına ləkə gəlməsini heç vaxt istəmərəm. Lakin məlumunuz olsun ki, mən 100 manat rüşvət ittihamı ilə korrupsioner, rüşvətxor, qansız-imansız, ədalətsiz məmurlar tərəfindən 2013-cü ildə 6 il müddətinə azadlıqdan məhrumetmə cəzasına məhkum edilmişəm.

6 saylı Cəzaçəkmə Müəssisəsində cəzamın üçdə iki hissəsindən çoxunu çəkdikdən sonra, Cəzaçəkmə Müəssisəsinin rəis müavini tərəfindən xidməti iş otağına çağrılmışam. O, rejimimi dəyişmək, komendatura tipli Cəzaçəkmə Müəssisəsinə çıxmaq üçün məndən 5 500 manat tələb etmişdir. Nə qədər yalvar-yaxar etsəm də 5 500 manatdan 500 manat belə, aşağı düşməmişdir. Çıxılmaz vəziyyətdə qalaraq qaynatama zəng vurmuşam ki, rejimimi dəyişmək və komendaturaya çıxmaq üçün rəis 5 500 manat istəyir.

Beləcə, qaynatam 5 500 manat gətirib verdikdən sonra, mənim sənədlərimi Ədliyyə Nazirliyi tərəfindən yaradılmış Komissiyaya təqdim etmişlər. Komissiyadan keçdikdən təxminən 20 gün sonra Nizami rayon Məhkəməsinin hakimi gəlib məni qəbul etmiş və məhkəmədən keçdiyimi bildirmişdir. Məhkəmədən keçdikdən 21 gün sonra, yəni 9 avqust 2017-ci il tarixdə 6 saylı Cəzaçəkmə Müəssisəsinin rəisi Məmməd Mahmudovdan öz canımı və ailəmin canını birdəfəlik qurtarmışam.

Cənab Prezident!

Heç özüm də gözləmədən, 28 may 2018-ci il tarixli əfv fərmanınızla azadlığa çıxmışam. Fürsətdən istifadə edib, Sizə bir daha minnətdarlığımı bildirirəm.

Onu da diqqətinizə çatdırım ki, guya, 100 manat rüşvət aldığımı iddia edərək məni cinayətkar kürsüsündə əyləşdirib, “cinayətkar” ediblər. Maraqlıdır, o halda, şəxsən mənim özümdən rejimimi dəyişmək adı ilə 5500 manat rüşvət alan 6 saylı Cəzaçəkmə Müəssisəsinin rəisi Məmməd Mahmudov cinayətkar deyilmi?

Necə olur ki, 100 manata görə prokuror ittiham verir və məni cinayətkar hesab edir, amma məndən 5500 manat pul alaraq komendaturaya çıxaran 6 saylı Cəzaçəkmə Müəssisəsinin rəisini - Məmməd Mahmudovu ittiham edən yoxdur?! Necə olur ki, mən “cinayətkar”, Məmməd Mahmudovu isə “qanunpərvər” şəxs hesab edilir?! Axı, Məmməd Mahmudov mənim aldığımı iddia etdikləri rüşvətdən (100 manatdan) 55 dəfə artıq (5 500 manat) rüşvət almışdır!

Cənab Prezident!

100 manat rüşvətə görə “cinayətkar” hesab edilən məndən -Məmmədov Ədalətdən - fərqli olaraq 5 500 manat rüşvət alan 6 saylı Cəzaçəkmə Müəssisəsinin rəisi Məmməd Mahmudov həmin rüşvəti əli-qolu bağlı, azadlığı əlindən alınmış məhkumdan almışdır.

Artıq 5 ilə yaxın müddətdir ki, azadlıqdayam. Heç yerdə işləmirəm. 6 saylı Cəzaçəkmə Müəssisəsinin rəisi Məmməd Mahmudovdan canımı qurtarsam da, qaynatamın qohum-əqrəbadan toplayaraq Məmməd Mahmudova verdiyi 5 500 manat pulu sahiblərinə qaytara bilmirəm. Bu gün də qohumlarıma 5 500 manat borcluyam.

Sizdən xahiş edirəm ki, qaynatamın qohum-əqrəbamdan börca aldığı və mənim rejimimi dəyişmək üçün 6 saylı Cəzaçəkmə Müəssisəsinin rəisi Məmməd Mahmudova verdiyi 5 500 manat pulun mənə qaytarılmasına göstəriş verəsiniz”.

Redaksiyadan: Qarşı tərəfin mövqeyini dərc etməyə hazırıq. Növbəti sayımızda şikayətçi Ədalət Məmmədovun qəzetimizə geniş müsahibəsini dərc edəcəyik. Bizi izləyin.

“Baş həkim özünü elə aparır, sanki padşahdır” - NARAZILIQ VAR!

Yaradılıb 06.07.2023 09:13 | Baxış sayı: 151

“5 saylı Şəhər Klinik Xəstəxanasında İcbari Tibbi Sığorta paketinə daxil olan MRT müayinəni bizə pulla satdılar”.

Bunu Meydan TV-yə Camal Şabanov adlı vətəndaş deyir.

O bildirir ki, iyunun 13-də beyin qan dövranı pozğunluğu diaqnozu ilə 5 saylı Şəhər Klinik Xəstəxanasına yerləşdirilib.

İlkin müayinə zamanı ona Maqnit Rezonans Tomoqrafiyadan (MRT) keçmək lazım olduğunu bildiriblər:

“Xəstəxanada mənimlə rüşvət davasına çıxdılar. Dedilər ki, səni tibbi sığorta ilə MRT-yə göndərməliyik. Göndərmək istəmirdilər, pul gözləyirdilər. Sığorta ilə olan MRT müayinəni oğluma pulla satdılar. Oğlum polisə şikayət edəcəyini dedi. Qorxudan pulu geri qaytardılar. Oğlum hay-küy saldı ki, atama kömək edin. Dedilər ki, atanı taksiyə qoy, “Həyat” klinikasına apar, orada MRT müayinədən keçsin”.

“Oğlum polisə şikayət edəcəyini deyəndən sonra məni axşam saat 6-dan sonra Təcili Yardıma maşınına qoyub, silkələyə-silkələyə “Həyat” klinikasına apardılar. Ora çatanda məlum oldu ki, MRT edən işçi saat 5-də evinə gedib. Təzədən məni maşına qoyub silkələyə-silkələyə 5 nömrəliyə qaytardılar. Qulağımla eşitdim, məni maşından düşürəndə, Təcili Tibbi yardım maşınının sürücüsü dedi ki, bu sağ qaldı ki. Anladım ki, bunun hamısı baş həkimin oyunlarıdır”, – deyə o bildirib.

Camal Şabanov iddia edir ki, xəstəxanada həm də antisanitariya baş alıb gedir:

“Təsəvvür edin, palatada siçovullar qaçırdı. Ziyarətimə gələn qohumlarımdan rüşvət alıb, sonra yanıma buraxırdılar. Orada bir gün qaldım, növbəti gün ərizə yazıb, özüm oradan qaçdım. Baş həkim özünü elə aparır, sanki padşahdır. Bu cür vəziyyəti o, yaradıb. Rüşvətxorluğu o yaradıb”.

Məsələ ilə əlaqədar Meydan TV-nin göndərdiyi sorğunu 5 saylı Şəhər Klinik Xəstəxanasının mətbuat xidməti cavabsız buraxıb.

MRT və KT müayinəsi icbari tibbi sığorta icbari sığorta zərfinə daxildir. //Meydan TV//

“Dəniz kralı” özünü sudan necə quru çıxarıb? – Qüdrət Qurbanovun korrupsiya əməlləri araşdırılacaqmı?

Yaradılıb 06.07.2023 08:58 | Baxış sayı: 124

Azərbaycanda adı korrupsiya və rüşvətxorluq əməllərində hallanmış dövlət məmurları bir qayda olaraq tutduqları vəzifədən uzaqlaşdırıldıqdan sonra onların əməlləri araşdırılır, mənimsədiyi vəsaitlər geri qaytarılır. Lakin təəssüflər olsun ki, bəzi keçmiş məmurlar bu cür araşdırmalardan kənarda qalmağı, mənimsədikləri vəsaitin “sahibinə” çevrilməyi bacarıb.

Teref.az saytı çoxlu sayda korrupsiya əməli törətməsi haqda əsaslı şübhələr olsa da, fəaliyyətinə hüquqi qiymət verilməyən keçmiş yüksək vəzifəli şəxslərlə bağlı araşdırmalara başlayıb.

Adı uzun müddət korrupsiya və rüşvətxorluq əməllərində hallandırılan, yüksək ranqlı dövlət işçilərindən biri də ləğv edilmiş Dövlət Dəniz Agentliyinin direktoru vəzifəsində çalışmış Qüdrət Qəmbər oğlu Qurbanovdur.

Dosye:

Qüdrət Qurbanov 1959-cu il oktyabrın 20-də Naxçıvan Muxtar Respublikasının Naxçıvan şəhərində anadan olub. Azərbaycan Prezidenti İlham Əliyevin 21 aprel 2006-cı il tarixli sərəncamı ilə Dövlət Dəniz Administrasiyasının rəhbəri vəzifəsinə təyin olunub.
Administrasiya 2018-ci ildən Dövlət Dəniz Agentliyi adlandırılıb, Q.Qurbanov yeni quruma rəhbər təyin edilib.

2021-ci ilin oktyabrında isə Agentlik ləğv edilib və Q.Qurbanov vəzifəsindən azad olunub. Bu agentliyin, habelə Dövlət Dəniz Agentliyinin tabeliyində olmuş Dəniz Üzgüçülüyünün Təhlükəsizliyi Mərkəzi, eləcə də Nəqliyyat və Texniki-Təminat İdarəsinin əsasında Nəqliyyat, Rabitə və Yüksək Texnologiyalar Nazirliyi yanında Dövlət Dəniz və Liman Agentliyi yaradılıb.

Q.Qurbanovun rəhbərliyi dövründə həm administrasiyanın, həm də agentliyin böyük səlahiyyətləri olub. Qurumlar dəniz nəqliyyatı sahəsində dövlət siyasətinin həyata keçirilməsində və inkişafında iştirak edib, bu sahədə tənzimləməni və nəzarəti həyata keçirib.

Dəniz üzgüçülüyünün təhlükəsizliyi, dənizdə insan həyatının və sağlamlığının qorunması, dəniz ətraf mühitinin mühafizəsi, habelə dənizçilərin hazırlanması sahəsində tədbirlər görüb.

Dəniz limanlarında fəaliyyətin dövlət tənzimlənməsində iştirak edib və dəniz üzgüçülüyünün təhlükəsizliyi ilə bağlı xidmətlər (naviqasiya və mayak, bələdçi, kanal, lövbər və gəmi yığımı) göstərib.

Onun korrupsiya əməlləri haqqında yazılanlar...

Media üzərindən apardığımız araşdırmalar da göstərir ki, Qurbanov vəzifədə olduğu illərdə səlahiyyətlərin genişliyindən istifadə edərək çoxlu sayda korrupsiya və rüşvət əməlləri törədib, müxtəlif şəxslərə aid olan əmlakları mənimsəyib.
On beş il ərzində Dövlət Dəniz Administrasiyasına və Agentliyinə rəhbərlik etməsi Q.Qurbanovu zəngin məmurlardan birinə çevirib.

İddialara görə Q.Qurbanov qurumlara rəhbərlik etdiyi dövrdə dənizçilərə sertifikatları 120-150 min manata satıb.

Q.Qurbanov və adamları sertifikatla yanaşı, diplom alveri ilə də məşğul olub.

İddialara əsasən administrasiya rəhbərliyi matros diplomunu 2500-3000, bosman diplomunu 4000-5000 manata satıblar. Üstəlik bu diplomların dəyişdirilməsi zamanı da dənizçilərdən müəyyən məbləğ alınıb.

Ölkə xaricində qurduğu biznes şəbəkəsi...

Külli miqdarda qeyri-qanuni gəlir əldə edən Qurbanov vəsaitinin önəmli hissəsini Türkiyəyə yönəldib. O, Türkiyədə biznes şəbəkəsi qurub və bu şəbəkəni müntəzəm şəkildə genişləndirib. Keçmiş direktorun Türkiyədə yaratdığı biznesə oğlu Orxan Qurbanovun nəzarət etdiyi bildirilir. Biznesi inkşaf etdirmək üçün O.Qubanovun İstanbul şəhərində dəbdəbəli ofis-mərkəz aldığı deyilir. Həmçinin Qurbanovların öz bizneslərini Türkiyədən Şərqi Avropaya köçürmək üçün müxtəlif layihələrə başladıqları da qeyd olunur.
Q.Qurbanovun qızıl biznesi ilə məşğul olduğu da iddia edilir. Keçmiş agentliyin rəisi qızıl binzesinə sərmayə qoyub və bu işdə əsas şəxslər onun qardaşı və oğludur. Hətta məlumatlarda Q.Qubanovun qızıl biznesini Türkiyəyə köçürtməsi və orda bu işlərə qardaşının nəzarət etdiyi qeyd edilir.

Niyə araşdırma aparılmır?

Mediada Q.Qurbanovun haqqında irəli sürülən iddialar apardığımız araşdırmalara görə əsassız deyil. Keçmiş agentlik rəhbəri Azərbaycanda və xaricdə çoxlu sayda bahalı daşınmaz əmlaka, oğlu isə hətta bahalı maşın kolleksiyasına malikdir.
Bu faktlara hüquq-mühafizə orqanlarının diqqət yetirməsi, Q.Qurbanovun rəhbər vəzifədə çalışdığı dövrdə hüquqi qiymət verilməsi vacibdir.

Ümidvarıq ki, istər Q.Qurbanov, istərsə onun kimi digər keçmiş məmurların vəsaitləri Qarabağın və Şərqi Zəngəzurun dirçəldilməsinə sərf ediləcəkdir. Çünki Q.Qurbanovun elə İstanbulda olan 3 əmlakın dəyəri ən az 3 kəndin inşa edilməsinə bəs edəcək qədərdir.

Mövzunu nəzarətdə saxlayacağıq.
Sfera.az
Teref.az olaraq araşdırmada toxunulan iddialarla bağlı qarşı tərəfin mövqeyini dərc etməyə hazırıq!
Teref.az

Facebook-da p

Naxçıvan dövlət xəstənasından növbəti ŞİKAYƏT

Yaradılıb 06.07.2023 08:31 | Baxış sayı: 170

“Xəstəxanda baş verən özbaşınalıqları çəkməmək üçün işçilərə telefon işlətməyə icazə verilmir”

Naxçıvan Muxtar Respublikası (MR) dövlət xəstəxanasının bir qrup işçisi tərəfindən "Hürriyyət" qəzetinin redaksiyasına növbəti şikayət məktubu daxil olub.

Şikayətçilər iddia edirlər ki, rəhbərlikdə vəzifə dəyişikliyi olsa da, hələdə “köhnə qanunlar” qüvvədədir. Saytımız vasitəsilə Prezident İlham Əliyevə müraciət edən xəstəxana işçilərinin müraciətini olduğu kimi dərc edirik:

“Cənab Prezident!

Biz, illərdir bu xəstəxanada müəyyən sahələrdə çalışırıq. İllərdir ki, bir çox zülmlərə dözmüşük. Xəstəxananın keçmiş baş həkimi Bağırov Zəbur David oğlu vəzifəsindən azad edildikdən sonra fikirləşirdik ki, zülm sona yetdi. Lakin təzə gələn baş həkim eynilə onun “qanunlarını”, haqsızlıqlarını davam etdirir.

Xəstəxanada tibb bacılarına və xadimələrə qarşı sərt “qanunlar” qoyublar. 12 saat iş rejimi var, amma maaş eyni qalıb. Bayram günləri də işləyirik, lakin “bayram pulu” bizə aid edilmir.

Bu qədər haqsızlıq olar? Qurban Bayramında evimizə 1 kq ət alıb apara bilmədik. İş saatının çoxluğundan. Açıq-aşkar deyir ki, işini bəyənməyənə qapı açıqdır.

Bayram günü bizə maaş bir yana, heç avans da verilmədi. Bir dəfə may ayında 10-15 manat “bayram pulu” verilmişdi. Bu günə kimi biz hələ bilmirik ki, “bayram pulu” nə qədərdir.

Xəstəxana rəhbərliyi işçiləri çox incidi. Məsələn, yeni mobil telefon işlətməyə icazə verilmir, ancaq köhnə telefon olmalıdır.

Onu da deyim ki, əgər icazə verilsə, bütün özbaşınalıqları çəkmək olar. Qorxurlar deyə, icazə vermirlər.

Bütün xəstəxanalarda hər kəsin telefonu son modeldi, amma bizə icazə yoxdur. Sözümüzü deyə bilmirik, işimizlə qorxudurlar bizi.

Cənab Prezident!

Biz əminik ki, Sizin bütün bunlardan xəbəriniz yoxdur. Çünki Siz bilsəniz, bu haqsızlıqlara imkan vermərsiniz. Xahiş edirik tapşırıq verin, bu xəstəxana ciddi nəzarətə götürülsün”.

Facebook-da paylaş

Samuxda sürücünün sərxoşluğu alkotesterlər vasitəsilə müəyyən olunur, yoxsa “Ə, bir ho elə ilə ?…” -VİDEO

Yaradılıb 06.07.2023 08:18 | Baxış sayı: 166

Bəzən Yol Patrul Xidməti (YPX) əməkdaşı sürücünün alkoqol maddələrin istifadə edilməsi nəticəsində sərxoşluq vəziyyətini müəyyənləşdirmək üçün ondan nəfəs verməsini tələb edir. Bu vəziyyətdə daha çox “Bir ho elə” kimi müraciət edilir. Bunun nəticəsidir ki, el arasında “Ə, bir ho elə” kimi deyim yayılıb. Ümumiyyətlə patrul əməkdaşı sürücünün içkili olmasında şübhələnərkən belə primitiv üsuldan istifadə etməli deyil. Həmdə bu sürücüyə qarşı hörmətsizlik sayıla bilər.Belə bir hadisə ilə Gəncə sakini Samux rayonun ərazisndə rastlaşıb.
Bu haqda Dünyanınsəsi.Az saytına Gəncə şəhər sakini Mövsümov Samir Xaliq oğlu tərəfindən video-şikayət göndərilib.
Şikayətçi qeyd edir ki, 19.06.2023-cü il tarixdə hərəkətdə olarkən onu Samux Rayon Polis Şöbəsinin Yol paturul Xidmətinin Elgün adlı əməkdaşı saxlayıb.YPX əməkdaşı sürücünün içkili olmasını aşkar etmək üçün ondan nəfəs verməsini tələb edib. Sürcü isə polisin tələbinə razlaşaraq ona nəfəs verib.Nəticədə məlum olub ki, guya sürücü sərxoşdur.Amma polisin bu cür testinə etiraz edən şikayətçi onunla razlaşmayıb.YPX əməkdaşı isə protokol tərtib edərək maşını cərimə meydançasına yerləşdirib.Şikayətçi Samux rayonundan Gəncədə yerləşən rayonlararası Narkoloji Disponserə gələrək yenidən müayinə olunmasını tələb edib.Narkoloji Disponserdə şikayətçi müayinə olduqda məlum olur ki, nəyin ki, spirt qoxusu gəlir heç onda bu əlamət yoxdur.Yəni sürücü spirtli içki qəbul etməyib.Bu haqda da sürücüyə müayinə protokolu da verilib.

Buna baxmayaraq bu gün Samux RPŞ-nin baş bilənləri sürücüdən 400 manat pul tələb edirlər.Buradan aydın olur ki, Samux RPŞ-nin YPX Bölməsinin əməkdaşı Yol Patrul Xidməti haqqında təlimatın müvafiq maddəsinin tələblərini kobud surətdə pozub.
Qeyd edək ki,hər halda saxlanılan hər bir sürücü tibbi müayinəyə göndərilmir və alkotesterdən keçirilmir. Onun ya hərəkətlərində müəyyən şübhə doğurduqda, ya da nəfəsində alkoqolun qoxusu olanda əlbəttə, sürücü bu cür müayinədən keçirilir. Amma bu göstəricilər ilə sürücü razılaşmazsa, onda o, məcburi qayda da müayinədən keçirilir.

Yol Patrul Xidməti haqqında təlimatın 3-cü müddəasında Yol-patrul xidmətinin aparılmasında göstərilir.

3.3.8. Alkotester yol polisi müfəttişləri tərəfindən nəqliyyat vasitəsi sürücüsünün alkoqol maddələrin istifadə edilməsi nəticəsində sərxoşluq vəziyyətini müəyyənləşdirmək üçün tətbiq edilir.

3.3.8.1. Alkotester onların istismarı üzrə Təlimata müvafiq qaydada istifadə edilir.

3.3.8.2. Müayinənin nəticəsi yol polisi müfəttişi tərəfindən müayinə olunan şəxsə bildirilir. Yalnız müayinə olunan şəxs öz sərxoşluğunu etiraf edərək müayinənin nəticəsilə razı olduqda, müfəttiş bu halı qanunvericiliklə müəyyən edilmiş qaydada sənədləşdirir.

3.3.8.3. Şəxs alkotesterin göstəricisi ilə razılaşmadıqda təkrar tibbi müayinə olunması üçün səhiyyə müəssisəsinə aparılır.

3.3.8.4. Nəqliyyat vasitəsini idarə edən şəxs onun sərxoş vəziyyətdə olub-olmamasının müəyyən edilməsindən imtina etdikdə və ya onun sərxoşluq əlamətləri özünü aşkar biruzə verdikdə, belə şəxs məcburi qaydada tibbi müayinədən keçirilir. Sürücü tibbi müayinəyə aparılarkən tibbi müayinəyə göndərmə protokolu tərtib olunur (Təlimata 17 saylı əlavə).
Redaksiya olaraq inanırıq ki, DİN rəhbərliyinə müraciət edən şikayətçinin haqlı tələbi araşdırılaraq ona qarşı bu cür hərəkət sərgiləyən əməkdaş haqqında qanunamüvafiq formada ölçü götürüləcəkdir.
Gəncə sakinin DİN rəhbərliyinə ünvanlanmış olan Video-Şikayətini təqdim edirik:

Facebook-da paylaş

Binəqədi Hərbi Komissarlığında da HƏBSLƏR GÖZLƏNİLİR... - Arzu Rəhimovun ən yaxın adamı, HƏRBİ KOMİSSAR Nicat Həsənov TƏŞVİŞDƏ...

Yaradılıb 05.07.2023 09:40 | Baxış sayı: 176

Xəbər verdiyimiz kimi, bu gün Səfərbərlik və Hərbi Xidmətə Çağırış üzrə Dövlət Xidmətinin Cəlilabad və Xaçmaz rayon şöbələrində əməliyyat keçirilib.
Baş Prokuror yanında Korrupsiyaya qarşı Mübarizə Baş İdarəsi tərəfindən keçirilən əməliyyat zamanı Cəlilabad rayon şöbəsinin mülki işçisi həbs edilib.
Xaçmaz rayonunda keçirilən əməliyyat zamanı isə şöbə rəisi Rahim Ağayev də saxlanılıb.
Etibarlı mənbələrdən saytımıza daxil olan məlumata görə, yaxın zamanda Binəqədi Rayon Səfərbərlik və hərbi xidmətə çağırış idarəsində də həbslər gözlənilir.
Məlumat verən mənbə onu da bildirir ki, Binəqədi Rayon Səfərbərlik və Hərbi Xidmətə Çağırış İdarəsinin rəisi Həsənov Nicat Zəfər oğlu ciddi təşviş içərisindədir və ciddi şəkildə otağında təmizləmə əməliyyatı aparır.
Onu da bildirək ki, Nicat Həsənov 01.01.1981 təvəllüdlüdür, daha öncə digər rayonların hərbi komissarı vəzifələrində çalışıb. 22.12.2019 tarixindən Binəqədi Rayon Səfərbərlik və Hərbi Xidmətə Çağırış idarəsinin rəisidir. Onu da qeyd edək ki, əvvəllər də Nicat Həsənovdan dəfələrlə külli miqdarda rüşvət aldığı ilə bağlı şikayətlər olub.
Şikayətlərin olmasına baxmayaraq, "Ağsaqqal"ının bircə nəfər olmasını əlində rəhbər tutan Nicat Həsənovun dayaqları getdikcə zəifləyir. İstər Səfər Əbiyevin dövründə, istərsə də Arzu Rəhimovun dövründə Nicat Həsənov özünü sanki ərköyünlər kimi aparıb.
gundelik baki.com
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az

“Akkord”un “Uğur-2” kompleksində nələr baş verir? – “Jeton” və “parkinq” biznesi…

Yaradılıb 05.07.2023 09:31 | Baxış sayı: 283

Xəbər verildiyi kimi, ötən həftənin sonlarında paytaxtın Sabunçu rayonu, Bakıxanov qəsəbəsində “Akkord Sənaye Tikinti İnvestisiya Korporasiyası” ASC-yə məxsus “Uğur-2” yaşayış kompleksində liftin qırılıb və hadisə nəticəsində 29 iyun axşam saatlarında baş verən hadisə nəticəsində 6 nəfər müxtəlif bədən xəsarətləri alıb.

Dövlət qurumları nə deyir?

TƏBİB-dən bildirilib ki, qurumun tabeliyində olan Bakı Şəhəri Təcili və Təxirəsalınmaz Tibbi Yardım Stansiyasının briqadaları çağırış əsasında hadisə yerinə cəlb edilib: “Dörd nəfər qadın müxtəlif travmalarla TƏBİB-in tabeliyindəki Sabunçu Tibb Mərkəzinə hospitalizasiya olunub”.

Daha sonra yaralıların hər birinə zəruri tibbi xidmət göstərilib, ambulator müalicə üçün evə buraxılıblar.

Bundan başqa, “Uğur-2” yaşayış binalarından baş verən hadisə ilə əlaqədar Sabunçu Rayon Prokurorluğunda araşdırma aparılır. Baş Prokurorluğun Mətbuat xidmətindən verilən məlumata görə, hadisə nəticəsində şəxslərin xəsarət alması və xəsarətin dərəcəsi təyin olunmuş məhkəmə-tibbi ekspertizasının rəyinə əsasən müəyyən ediləcək. “Hadisənin baş vermə səbəbləri tam, hərtərəfli və obyektiv araşdırılmaqla nəticəsi barədə müvafiq qərarın qəbul edilməsi təmin olunacaq”.

Qeyd edim ki, bu, baş verən hadisə və onun ətrafında cərayan edən proseslərin rəsmi hissəsidir. Bir də bu hadisələrin görünməyən tərəfləri var.

Ancaq baş verən hadisə ilə bağlı çox ciddi məqamlar üzə çıxıb.

“Uğur-2” yaşayış kompleksidir, əhalinin talandığı yer?

Əvvəlcə, bir məsələyə aydınlıq gətirək. “Uğur-2” yaşayış kompleksi 2005-ci ildən istifadəyə verilib və “Akkord” Sənaye və Tikinti Korporasiyasının Bakıxanov qəsəbəsində inşa etdiyi 8 binadan ibarət yaşayış kompleksidir.

Hər biri 20 mərtəbədən ibarən 8 binanın birinci mərtəbələri ticarət məqsədi ilə istifadə olunur. Ümumilikdə isə kompleksdə 1850 mənzil mövcuddur. Toplam 7000 nəfər yaxın sakinin yaşadığı bildirilir.

Bundan əlavə, kompleksin 3 binasının altında 700-1000 maşının yerləşə biləcəyi avtomobil parkinqi də fəaliyyət göstərir.
Elə bu səbəbdəndir ki, “Uğur-2”də hər zaman ya əl dəyişikliyi, ya şirkət dəyişikliyi baş verib. Çünki böyük bir kompleks “Akkord”dakı “görünməyən şəbəkə” üçün külli miqdarda gəlir mənbəyi olub və hazırda da gəlir mənbəyi olaraq qalır. Bu “şəbəkə”a daxil olan adamların sayı həddindən artıq azdır. Daha doğrusu, məhdud dairədən ibarətdir. Elə bu səbəbdəndir ki, həmin qrup çoxlarının diqqət mərkəzinə düşməyib. Lakin son hadisə, yəni liftin qırılması, nəticədə bir neçə şəxsin xəsarət alması həmin “şəbəkə”ni üzə çıxmasına, narahat olmasına və qorxuya düşməsinə səbəb olub. Hərçənd onlar özlərini yenə gizlətmək üçün önə başqalarını veriblər. Halbuki həmin adamların sözügedən “şəbəkə” üçün pul yığmaqdan başqa heç bir funksiyaları yoxdur.

İndi isə keçək əsas mətləbə və işin detallarına.

Quraşdırılan liftlərin istismar müddəti bitibmi?

Hazırda “Uğur-2” yaşayış kompleksində liftlər hələ 2005-ci ildə quraşdırılıb. Həmin vaxt dövlət başçısı İlham Əliyev kompleksin açılışına gələcəyi səbəbindən liftlərin quraşdırılması tez-bazar həyata keçirilib. Hətta bu iş o qədər tez həyata keçirilib ki, onun texniki təhlüksəzilik səviyyəsi nəzərə alınmayıb.

Çin istehsalı olan liftlərin istismar müddəti isə demək olar ki, bitib. Çünki uzun zamandır düzgün quraşdırılmayan və lazımi səviyyədə təmir olunmayan liftlər hələ xeyli əvvəldən sakinlər üçün problemə çevrilib. Bununla bağlı, yerli komendantlığa edilən saysız-hesabsız müraciətlərin də heç bir nəticəsi olmayıb. Ona görə ki, yerli komendantlıq məhz “Akkord”da əyləşmiş qrupun təlimatına əsasən liftləri dəyişmək əvəzinə, kosmetik təmir etməklə kifayətlənib. Səbəbi isə çox sadədədir: Quraşdırılandan bəri lift pulu adı ilə yığılan pulların hamısı mənimsənilib. Üstəlik, yığılan pulların heç biri rəsmi sənədə keçirilməyib.

Sakinlər çox əvvəldən liftlərin durumunun pis olduğunu, bunun faciə ilə bitəcəyi barədə rəhbərliyə xəbərdarlıqlar edib. Hətta bir neçə il bundan əvvəl kompleksdəki binalardan birində analoji qəza olsa da, bəlli “şəbəkə” məsələni ört-basdır etməyə nail olub. İkinci hadisədən sonra isə narahatlıq olsa da, onlar elə zənn edirlər ki, məsələni yenə pulla ört-basdır edə biləcəklər.

Qədirovun “jeton” biznesi

Qeyd edək ki, hal hazırda “Uğur-2” yaşayış kompleksinə Həşim Qədirov rəhbərlik edir. Daha doğrusu, kağız üzərində mövcud olan “ProLife” MMC adlı şirkətin yönəticisi funksiyasını həyata keçirir.
H.Qədirov uzun müddət “Uğur-2”də fəhlə və adi işçi kimi fəaliyyət göstərib. Lakin fərdi “bacarıq”, “çoxbilmişliyi” sayəsində komendant postuna sahiblənib. Düzdür, burada təkcə sadaladığımız bu məziyyətlər deyil, həm də onun digər cəhətləri də az rolu oynamayıb.

“Uğur-2”də uzun zamandır ki, H.Qədirov maraqlı “eksperiment”lər həyata keçirir. Həmin “eksperiment”lərdən biri də “jeton” biznesidir.

Adi plastik düymədən ibarət olan və “Sədərək” Ticarət Mərkəzində satılan qiyməti 10-15 qəpik olan bu “jeton”lar Qədirov və himayəçilərin əsl gəlir mənbələrindən biridir. Belə ki, sözügedən “jeton”lara sahib olmadan liftdən istifadə etmək mümkün deyil. 6 aydan bir məqsədli şəkildə dəyişdirilən bu ”jeton”ları isə sakinlərə 10 manata satırlar. Təsəvvür edin ki, 8 yaşayış binasında 1850 mənzil var. Hər mənzildə ən azı iki nəfər bu “jetona” ehtiyac duyur. Bu da hər 6 aydan bir 37 min manat, illik isə 74 min manat pul yığılması deməkdir.

Elə zənn etməyin ki, bu pullar komendant H.Qədirovun təbirincə desək, “liftlərin təmiri və ya yenidən qurulmasına sərf olunur”. Əksinə, həmin pullar Qədirov və onu himayə edənlərin əlavə qazanc mənbələrindən biridir. Məhz bunun nəticəsidir ki, “Uğur-2” kompleksinin komendantı qısa müddətdə dəyəri 60 min manat olan “BMW f10” markalı avtomobilə sahib olub.

Bu siyahıya qiyməti 100-150 min manatlıq ticarət obyektlərini də əlavə etsək, o zaman yığılan pulların hara xərcləndiyini görmək mümkündür.

Xatırladaq ki, sakinlərə məcburi qaydada “jeton” satılması qanunaziddir, qadağandır. “Jeton” sakinlərə pulsuz verilməlidir. Bunu özləri də bilirlər, lakin sakinlərin sadəlöhvlüyündən istifadə edərək, uzun zamandır biznesə çeviriblər.

Kommunal pulu hara gedir?

“Uğur-2” yaşayış kompleksində hər ay mənzilbaşına 27 manatdan kommunal pulu yığılır. Ayda təxminən 50 min manata (illik isə 600 min manata yaxın) yaxın yığılan pulların çox az qismi zibillərin daşınması, kompleksin həyətinin səliqəli saxlanılması üçün sərf olunur. Bundan başqa, elektrik və su xərclərinə də aylıq pul ödənilir. Halbuki, hazırda da “ProLife” MMC-nin su pulu borcu olduğu deyilir.
Qeyd edək ki, kommunal pullarının yığılması prosesinə H.Qədirovun bacısı oğlu rəhbərlik edir.

Həmin pulların ödənişi heç də hər hansı ödəniş terminalı vasitəsilə həyata keçirilmir. Sakinlər sakit tərzdə komendantlığa gələrək, orada ödəniş edir və əvəzində çek alırlar. Qanuna əsasən isə yaşayış kompleksini idarə edən “ProLife” MMC sakinlərə ödəniş müqabilində çek verməməlidir. Sakinlər pullarını hesaba köçürməlidirlər. Bunun üçün bank hesabı olmalı və MMC də həmin hesabdan pul çəkərək, lazım olan istiqamətlərə sərf etməlidir.
Lakin H.Qədirov və onun himayədarları bu cür köçürmədən qazanc əldə edə bilmədiklərindən, elə “dədə-baba qaydası”na üstünlük verirlər. Təqdim etdikləri çeklərin isə nə kökü var, nə də mənbəyi məlumdur. Yığılan pullar bir kassaya toplanır. Bundan sonra əsl “əməliyyat” başlayır. Hesabı-kitabı olmayan bu pullar ayrı-ayrı şəxslərin məqsədlərinə sərf olunur.

Hərçənd, yığılan pullar kompleksin abadlığına, liftlərin yenilənməsinə, habelə, bu qəbildən olan işlərə sərf olunmalıdır. Lakin Qədirov və himayədarları üçün bu sadaladıqlarımızın heç bir əhəmiyyəti yoxdur.

Ayda 30 min gəlir gətirən parkinq

Yuxarıda qeyd etmişdik ki, “Uğur-2” yaşayış kompleksinin nəzdində 700-1000 maşın yerləşəcək avtomobil parkinqi mövcuddur. Bu parkinqdə avtomobilini saxlamaq istəyən sakin ayda 30 manatından keçməlidir. Bu da ayda 30 min manata yaxın əlavə qazanc deməkdir.
“Uğur-2”nin komendantlığı bu pulları da rəsmi qeydiyyata almır. Alsa belə, yalnız cüzi bir hissəsini göstərməklə kifayətlənir. Bu da ona görə, lazımdır ki, yerdə qalan vəsaiti asanlıqla mənimsəyə bilsinlər.

Bütün bunlar “Uğur-2” yaşayış kompleksində baş verən hadisələrin çüzi bir qismidir.

Məsələn, bir ildə 4 MMC dəyişdirmək kimin ağlının məhsuludur? Bu MMC-lərin 1,5 milyon manatlıq vergi borcu niyə gizlədilir və Sabunçu Vergi Xidməti İdarəsinin məsələdə hansı marağı var?

Eləcə də bir sıra sakinlər “köhnə kommunal borc” şantajı ilə üz-üzə qalıb. Niyə?

Yaxud internet provayder olan Ailə TV “Uğur-2” kompleksində ötürücü stansiya quraşdırmaq üçün illik nə qədər pul ödəyir? Və ən əsası “Akkord”un baş ofisində bu işlərə rəhbərlik edən şəxs kimdir?

Samir Feyruzov, jurnalist //aztoday.az//

Nərimanov Tibb Mərkəzi ilə bağlı hüquqi araşdırma başladılmalıdır... - İLGİNC İDDİALAR...

Yaradılıb 05.07.2023 09:29 | Baxış sayı: 182

Nərimanov Tibb Mərkəzinin baş direktoru, 5 saylı Xəstəxananın baş həkimi Fazil Alməmmədovla bağlı ilginc faktlar üzı çıxmaqdadır... "Təzadlar"ın ötən saylarında (eləcə də qəzetin eyni adlı rəsmi saytında) Nərimanov Tibb Mərkəzinin baş direktoru, 5 saylı Xəstəxananın baş həkimi Fazil Alməmmədovla bağlı ilginc faktlara istinadla araşdırma yazı dərc edilmişdir. Adı çəkilən hər iki qurumdan olan şikayətçilərin redaksiyamıza verdiyi məlumatlarda inanılmaz faktlar qeyd edilirdi. Onların bir çoxu istintaq araşdırmasının predmeti olduğundan araşdırılması üçün tərəfimizdən aidiyyəti hüquq mühafizə orqanlarına rəsmi qaydada göndərilməkdədir... Lakin bəzi faktlar var ki, bu barədə "Media haqqında" Qanunun tələblərinı uyğun olaraq jurnalist mövqe və şərhləri verilməkdədir...
5 saylı Xəstəxananın əsaslı təmirinə ayrılan milyonlar və baş həkim Fazil Alməmmədovun bu təmirdəki rolu...
Beləliklə, "Təzadlar"ın araşdırmalarından sonra məlum olur ki, "İCBARİ TİBBİ SIĞORTA ÜZRƏ DÖVLƏT AGENTLİYİ" PUBLİK HÜQUQİ ŞƏXS tərəfindın Nərimanov Tibb Mərkəzinin tabeliyindəki 5 nömrəli şəhər kliniki xəstəxanasının əsas inzibati binası, korpus və köməkçi binalarının yenidənqurma layihəsi ilə əlaqədar layihə-smeta sənədlərinin hazırlanması xidmətlərinin" satın alınması" üçün tender elan edilib... 27 oktyabr 2022-ci ildə Dövlət Agentliyi, hətta bu tenderdə qalib elan edilmiş "SOFT-CONSULTING" Məhdud Məsuliyyətli Cəmiyyəti ilə müqavilə də bağlayıb, adı çəkilən MMC-yə135.035,31 AZN pul vəsaiti də ayrılıb.
İndi sual yaranır: təkcı layihə sənədinə 135 min manat ayrılmış xəstəxananın görəsən əsaslı təmirinı nə qədər vəsait ayrılıb və məntiqlə vı müqavilı şərtlərinə görəş artıq xəstəxanada təmir başlamalı idi... Lakin "Təzadlar"ın əməkdaşları bu gün 5 saylı xəstəxanada olublar və rəhmətlik Brejnevin vaxtından qalan unitazlar, cırılmış linoliumlar, san-uzel avadanlığı, çirkab içində olan palata divan- korovatları və s. öz yerindədir...
Yeri gəlmişkən, əməkdaşlarımızın xəstəxanada tibb personalı ilə söhbətləri isə ayrıca yazının mövzusudur. Onlar baş həkimin barəsində inanılmaz faktlar söylədilər... Bu barədə də az sonra...
Bəs Nərimanov Tibb Mərkəzinin tabeliyindəki 8 saylı poliklinikada təmir nə yerdədir?
"...Nərimanov Tibb Mərkəzinin baş direktoru Fazil Alməmmədovun xeyir-duası ilə bizim poliklinikanın da təmirinı neçə aydır pul ayrıldığını eşidirik, amma səs-soraq yoxdur...".
Bu sözlər isə adı çəkilən Tibb Mərkəzinin işçilərinin elektron poçtumuza göndərdikləri şikayət məktubundandır...
Bəs onların narazılığı nədəndir? Məlum olur ki, "İCBARİ TİBBİ SIĞORTA ÜZRƏ DÖVLƏT AGENTLİYİ" PUBLİK HÜQUQİ ŞƏXS “"Nərimanov Tibb Mərkəzinin" tabeliyindəki Bakı şəhəri, Nərimanov rayonu, Hidayətzadə küçəsi, 11 ünvanında yerləşən 8 nömrəli Şəhər poliklinikasının inzibati binasının yenə də əsaslı təmiri ilə əlaqədar layihə-smeta sənədlərinin hazırlanması və tikinti müddətində müəllif nəzarətinin həyata keçirilməsi xidmətlərinin” satın alınması üçün "TFM-SMART PROJECT" MƏHDUD MƏSULİYYƏTLİ CƏMİYYƏTİ ilə tender elan edib... Və MMC gözlənildiyi kimi qalib olub. Təsəvvür edin, 70.670,2 AZN pul adi bir poliklinikanın layihə- smeta sənədlərinin təmirinə (25.10.2022) ayrılırsaş görün təmirinə nə qədər vəsait silinməlidir...
Baş həkim Fazil Alməmmədova bu da bəs etməyib... Özünün baş direktoru olduğu "NƏRİMANOV TİBB MƏRKƏZİ" PUBLİK HÜQUQİ ŞƏXSİ də yaddan çıxarmayıb. Beləliklə, Nərimanov Tibb Mərkəzi tərəfindən tikili və avadanlıqların cari təmiri xidmətlərinin satın alınması üçün "SMART BUILDING" Məhdud Məsuliyyətli Cəmiyyəti ilə 13.09.2022-ci ildə tenderə girir, həmin MMC qalib də çıxır... Və 99.854,54 AZN pul da belə gedir...
- Bəs tenderdə qalib çıxarılan "SOFT-CONSULTING", "TFM-SMART PROJECT" və "SMART BUILDING" kimi MMC-lərin Fazil Alməmmədova nə kimi bağlılığı var???
(Davamı var)
"Təzadlar"ın Araşdırma Qrupu

379 -dən səhifə 631