"Bakı Abadlıq Xidməti" Şəhid oğlunun pulunu niyə ödəmir?

Şəhid oğlu Tofiq Əzimov, Ali Baş komandan İlham Əliyev cənablarından imdad diləyir.

Bu iddialar Səfər Cavadovun FB səhifəsindəki paylaşımında yer alır. Bəlli aktuallığını nəzərə alıb, müəyyən düzəlişlərlə yazını dərc edirik:

"Bakı Abadlıq Xidməti" Şəhid oğlunun pulunu niyə ödəmir?

Şəhid oğlu Tofiq Əzimov, Ali Baş komandan İlham Əliyev cənablarından imdad diləyir.

Dəyərli dostlar, Bir neçə gün bundan öncə Bakı Abadlıq Xidmətinin rəhbəri Bünyad müəllimə müraciət etmişdim, problem həll olunmadığından təkrar müraciət etmək zorunda qaldım.

Xocalını Abadlaşdırmalı olan şirkət "Bakı abadlıq"ın rəhbəri Bünyad müəllim, Xocalıda hər iki valideyini Şəhid olmuş Tofiq Əzimovun halal 14 min manatını verməkdən imtina edir. O pul ki, "Abadlığın" mətbuat katibi Lalə Əliyeva xanım da borc olduğunu təsdiqləyib. "Əlimdə səs yazısı var". İndi isə müxtəlif bəhanələrlə şirkət pulu verməkdə imtina edir. Bu işdə tək əziyyət çəkən Tofiq deyil, Bakı Abadlıq bölgələrdə böyük bir narazı kütlə yaradıb.

Saxta bir profildən mənə yazıb təhdid etmişdilər ki, sən bu işlə bağlı yazıları davam etdirsən sənin üçün pis olacaq. Əlavə etmişdirlər ki, Bünyad müəllim Baş Nazirin müavini Yaqub Eyyubovun adamıdır, ona heç kim bata bilməz. Bu məlumatın nə dərəcədə düz olduğunu bilməsəm də, belə olmadığını isbatlayan fakta malik deyiləm. Əminliklə deyim ki, Yaqub Eyyubov bilsə ki, şirkət şəhid oğlunun pulunu vermir, 1 saata o pulu ödətdirər.. Bildiyim odur ki,bu şirkət işçilərin pulunu aylarla gecikdirir. 4 aydır Bakı abadlıq işçilərə pul vermir. Arqument isə budur. "Pul yoxdur"

Məndə olan məlumat odur ki, Bünyad müəllim Novruz bayramını qeyd etmək üçün Azərbaycanda öz zövqünə uyğun yer tapmadı, bu bayramı xarici ölkələrin birində qeyd etdi. Əminəm ki, Bünyad müəllimin bir gecə otel pulu deyil 14 min manat. Amma o pulun üstündə bir neçə ailənin haqqı var, o ailələr bu il bayramı qarşılaya bilmədi.

Bünyad müəllimin borclu olduğu Şəhid övladı isə 32 ildən sonra öz ata anasını itirdiyi XOCALI rayonunda ilk bayramı qeyd edə bilmədi. "Qeyd edim ki Tofiq Əzimov hal-hazırda Xocalıda yaşayır, ilk köç edənlərdəndir S.C" Səbəb isə Şirkətin onların pulun verməməsidir.
Məni Bünyad müəllimdən qorxutmaq istəyənlərə isə demək istəyirəm ki, bu ölkədə Şəhid övladının haqqını tələb etməyə cürəti çatmamaq, yaşaya-yaşaya ölməkdir.

Dəfələrlə Ali baş komandan, İlham Əliyev cənabları qeyd edib ki, işçilərin məvacibi vaxtında verilməlidir, Şəhid övladlarına xüsusi diqqət göstərilməlidir.(Yenixeber.org)

Şəhid övladı da xaiş etdi ki, səsini aidiyyatı qurumlara çatdırım.

Qarşı tərəfin cavab haqqını tanıyırıq.

Sabiha Rzayeva tibbi təhsili olmadan dolğu, full face, botoks,inyeksion prosedurlarını necə həyata keçirir? Son illər Azəraycanda kosmetoloji prosedurlara tələbat artdığından bu xidməti göstərən “kosmetoloqlar”ın, estetik mərkəzlərin sayı artıb. Sözsüz ki, bu da qeyri-peşəkar kosmetoloqların və onların qurbanlarının sayını artırır.

Sabiha Rzayeva tibbi təhsili olmadan dolğu, full face, botoks,inyeksion prosedurlarını necə həyata keçirir?
XALQ.AZ xəbər verir ki, rəsmi statistikaya görə, ölkəmizdə son illər kosmetoloji prosedurlardan əziyyət çəkənlərin sayı kifayət qədər artıb. Tibbi təhsili olmayanlar belə, insanlara sağlamlıq və gözəlliklər vəd edib gigiyenik qaydalara riayət etmədən qeyri-qanuni prosedurlar həyata keçirilir.

Azərbaycan Respublikasının Qanununa əsasən kosmetoloji iş üzrə özəl tibb xidməti fəaliyyətinin göstərilməsi üçün lisenziya tələb olunur. Nazirlər Kabinetinin 15 may 2017-ci il tarixli 206 nömrəli Qərarı ilə təsdiq olunmuş “Özəl tibb fəaliyyəti üzrə lisenziyalaşdırılan xidmətlərin və işlərin Siyahısı”nda “kosmetoloji” iş üzrə tibbi xidmətin göstərilməsi tibbin bir sahəsi kimi qeyd olunub: “Burada tibbi kosmetologiyaya daxil olan estetik problemlər, onların korreksiyasına və profilaktikasına yönəlmiş, örtük toxumalarına müdaxilə ilə müşayiət olunan müxtəlif kompleks prosedurları nəzərdə tutulub. Tibbi kosmetologiyaya, cərrahi müdaxilələr istisna olmaqla (plastik cərrahiyyəyə aid olduğundan) konservativ və korreksion üsullar daxildir. Bu üsullara inyeksion prosedurlar, müxtəlif növ aparat kosmetologiyası (o cümlədən lazer üsulu epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmoliftinq aid oluna bilər. Bu üsulların hamısı “kosmetoloji” işə aid olunduğundan müvafiq iş üzrə özəl tibb xidməti fəaliyyətinin göstərilməsi üçün lisenziya tələb olunur. Bu sahədə praktiki tibbi fəaliyyət üzrə müvafiq sertifikatı olan həkim-dermatoveneroloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssilər məşğul olmaq hüququna malikdirlər”.

XALQ.AZ–a daxil olan,məlumata əsasən, tibbi təhsili olmadan, lisenziyasız və sertifikatsız fəaliyyət göstərən kosmetoloqlardan sosial şəbəkələrdə kosmetoloq Sabiha Rzayevadır.
Sabiha Rzayeva tibbi təhsili olmadan dolğu, full face, botoks,inyeksion prosedurlarını necə həyata keçirir?
Araşdırmalarımız nəticəsində məlum olub ki, kosmetoloq Səbihə Şakir qızı Rzayevanın Səhiyyə Nazirliyinin, Elm və Təhsil Nazirliyinin məlumat bazasında ali tibb təhsili olması barədə məlumat yoxdur.
Həmçinin sertifikasiyası haqqında məlumat mövcud deyil. Dövlət Reyestr sistemində onunla bağlı heç bir qeyd yoxdur. Yəni, o, heç bir ali tibbi təhsilə, tibbi sertifikata və lisenziyaya malik olmadan fəaliyyət göstərir.

İddialara görə, özünü həkim kimi təqdim edən Səbihə Rzayeva tibbi prosedurları həyata keçirərək qanunvericiliyimizi heçə sayır. “Aspero” “Say” klinikalarında qanunsuz fəaliyyət göstərən Səbiha Rzayeva hətta qanunvericiliyə əsasən məhkəmə tərəfindən 5 min manat cərimə olunub. Lakin cərimə olunamsına baxmayaraq hələmdə fəaliyyətinidi davam etdirir.
Sabiha Rzayeva tibbi təhsili olmadan dolğu, full face, botoks,inyeksion prosedurlarını necə həyata keçirir?
Bir müddət öncə adını cəmiyyətdən gizlədərək Sabina Shakeri adı ilə fəlaiyyət göstərməsi və sonradan sosila heablarını bağlaması çox şübhəli məqamlar artaya çıxarır.
Göründüyü kimi əsl adını gizlədərək Sabina Shakeri adı ilə hal hazırda isə öz adı ilə pasiyentləri aldadaraq tibbi tehsili olmadan onlara qanunsuz dolğu, full face, botoks, mezolar, lipolitik, bütün inyeksion prosedurları, həyata keçirir.
Səbiha Rzayevanın müştərilərinə dolğu və plazma terapiya həyata keçirməsi bağlı yeni aktivləşmiş instagram hesabında paylaşımlar belə edir və yeni müştərilər cəlb edir. Araşıdrmalarımız nəticəsində hətta yeni iş yeri axtarışındadır Səbihə Rzayeva necə tibbi təhsil olmadan bütün kosmetoloji prosedurları, hətta inyeksiya həyata keçirir? Bu məsələ ilə bağlı “Say” klinkası bildiriblər ki, Səbihə Rzayeva icarəyə yer götürüb ve buradan işləmir.
Səbiha Rzayeva isə açıqlama verməkdən imtina edib.

Qeyd edək ki, hüquq-mühafizə orqanları tərəfindən lisenziyasız plastik cərrahlar və kosmetoloqlar haqqında araşdırmalarından yayınmaq üçün artıq qanunsuz fəaliyyət göstərən “ixtisaslanmış həkimlər” və “kosmetoloqlar” sosial hesablarını bağlayıb bir müddət keçdikdən sonra yenidən aktiv edib müştəri toplayırlar.

XALQ.AZ-a Analitik Ekspertiza Mərkəzindən verilən məlumat görə, “Kosmetoloji və cərrahi xidmətlər göstərən istənilən estetik tibb mərkəzinin fəaliyyəti üçün kosmetoloji iş və plastik cərrahi iş üzrə özəl tibbi xidmət lisenziyası tələb olunur. Tibbi kosmetogiyaya, сərrаhi müdaxilələr istisna olmaqla (plastik сərrаhiууəуə aid оlmayan) konservativ və korreksion üsullar daxildir. Bu üsullаrа inyeksion рrоsеdurlаr, müxtəlif növ араrаt kosmetologiyası (о сümlədən lazer üsulu epilyasiya), biorevitalizasiya, mezoterapiya, pilinq рrоsеdurları, və müalicəvi masaj üsulları, plazmoliftinq və digər рrоsеdurlar aid оlunur. Bu tibb müəssisələrində praktiki tibb fəaliyyəti üzrə müvafiq sertifikata malik plastik-cərrahlar, həkim-dermatovnenerolqlar və sertifikat alaraq, ixtisaslaşma keçən digər həkim mütəxəssislər fəaliyyət göstərə bilər. İstənilən pasientin kosmetoloq və ya cərrahın sertifikatını tələb etmək hüququ vardır. Qeyd edək ki, həkimlər beş ildən bir sertifikasiyadan keçirlər. Hər bir pasiyentin müraciət etdiyi həkimin sertifikatını tələb etmək hüququ var. Həkim həmin sertifikatı təqdim etməzsə, o zaman vətəndaş Analitik Ekspertiza Mərkəzinə müraciət edə bilər. Bu halda araşdırılma aparılır və lazım gələrsə, plandankənar yoxlama aparılması barədə qərar qəbul edilir”, – deyə mərkəzdən bildirilib.

Məlumat üçün bildiririk ki, lisenziyasız kosmetoloji fəaliyyəti ilə bağlı sosial şəbəkələrdə bir çox görüntülər var ki, qanunsuz dolğu, full face, botoks, mezolar, lipolitik, bütün inyeksion prosedurları, hətta qanunsuz tələbə hazırlığı həyata keçirilir. Hətta endirim adı ilə müştəriləri cəlb edib vaxtı keçmiş kosmetoloji preparatları istifadə olunması ilə bağlı məlumatlar var. Məsələ ilə bağlı qanunsuz fəaliyyət göstərən kosmetoloq Səbihə Rzayeva haqqında Analitik Ekspertiza Mərkəzinə müraciət olunub.

Yazıda adları keçənlərində açıqlamasını dərc etməyə hazırırq.

Lənkəran Dövlət Universitetinin (LDU) tələbələri yeni tətbiq olunan imtahan və gecikmə sistemindən narazıdır. Onların iddialarına görə, bu sistem nəticəsində universitet rəhbərliyi tələbələrdən faktiki olaraq rəsmi şəkildə rüşvət yığır.

Məlumata görə, imtahanların çətinləşdirilməsi və alt qrup mexanizmi tələbələri əlavə ödəniş etməyə vadar edir. Hər il təxminən 10 min tələbə tədris mövsümünün sonunda universitetə yüksək məbləğdə pul ödəmək məcburiyyətində qalır.

Bundan başqa, universitet rəhbərliyinin tələbələrin problemlərinə laqeyd yanaşdığı bildirilir. Tələbələrin sözlərinə görə, LDU-nun prorektoru Zaur müəllim şikayətləri dinləməkdən imtina edir, dekan Gülbəniz Əliyeva isə bu ənənəni davam etdirir. Hətta tələbələrin müraciətlərinə laqeyd münasibət göstərildiyi və problemlərinin həll olunmadığı qeyd olunur.

Tələbələrin daha bir şikayəti isə universitetin infrastruktur problemləri ilə bağlıdır. Bildirilir ki, müəllimlər bahalı avtomobilləri ilə universitetə rahat daxil ola bildiyi halda, tələbələr üçün dayanacaq yeri belə mövcud deyil. Tələbələr bu məsələ ilə bağlı dəfələrlə müraciət etsələr də, onların problemlərinə məhəl qoyulmur. Məlumata görə, dekan Gülbəniz Əliyeva tələbələrin şikayətlərinə cavab olaraq, “Taksi ilə gəlin, taksi ilə gedin” kimi laqeyd bir cavab verib.

\editor.az

Nəsimi rayonunda mənzil qanunsuz obyektə çevrilıb.

XALQ.AZ-a daxil olan məlumata görə bayram tətilində sui-istifadə edən işbazlar qanunsuz tikinti aparılması üçün fürsət biliblər.

Giriş hissəsi qanunsuz olaraq artırılan və küçəyə çıxarılan obyektdə tikintiyə Elman adlı şəxs rəhərlik edir. Son zamanlar paytaxtın bir çox rayonlarında qanunsuz tikinti işləri yenidən füsət alıb. Rayon icra hakimiyyətlərinin və tikintilərə nəzarət edən qurumların yetkililəri ilə “anlaşan” bəzi şəxslər, heç bir rəsmi icazə sənəd olmadan müxtəlif iaşə obyektlərini inşa edirlər.

Xalq.az-ın əldə etdiyi məlumata görə belə qanunsuz tikililərdən biri də hazırda paytaxtın Nəsimi rayonu, 5-ci mkr, 20 yanvar küçəsi 6 ünvanında baş verir. Belə ki, beşmərtəbəli yaşayış binasının birinci mərtəbəsində yerləşən mənzil qanunsuz olaraq obyekt kimi inşa edilib. Mənzilin obyektə çevrilməsi ilə bağlı İcazə sənədinin olmadığı və mənzilin giriş hissəsi qanunsuz olaraq artırılaraq küçəyə çıxarılıb. Məlumata görə mənzilin obyektə çevrilməsi ilə bağlı Dövlət Şəhərsalma və Arxitektura Komitəsinin heç bir icazəsi yoxdur. Obyeltin tikimtisinə Elman Zamanov adlı makler rəhbərlik edir.

Məlumata görə 20 yanvar küçəsi 6 ünvanında mənzilin qanunsuz olaraq obyektə çevrilməsinin “icazə”si Nəsimi rayon İcra Hakimiyyəti tərəfindən verilib.

Qeyd edək Nəsimi icra başçıs Asif Əsgərov Milli Məclisin deputatı seçildiyi üçün vəzifədən azad olunub və səlahiyyətlərin müavinlər icra edir.

Dövlət Şəhərsalma və Arxitektura Komitəsindən də münasibət öyrənmək olmadı.

Məsələ ilə bağlı adları keçənlərində fikirlərini dərc etməyə hazırıq:

Həmin qanunsuz tikintinin fotolarını təqdim edirik.

Restoran sahibinin tikinti üçün rəsmi icazəsinin olmadığı bildirilir.

Paytaxt Bakı və ölkənin böyük şəhərlərində qanunsuz tikinti işləri son zamanlar yenidən füsət alıb. Buna səbəb isə yerli İcra Hakimiyyət orqanlarının və digər cavabdeh qurumların sahibkarlarla gizli şəkildə "anlaşaraq" qanunsuz tikintilərə göz yummasıdır.

AzFakt.com saytı Sumqayıt şəhəri 10-cu mikrarayon ərazisində yerləşən Yaşıl Ada restoranında qanunsuz tikintinin həyata keçirilməsi ilə bağlı məlumat vermişdi. Yaşıl Ada restoranının həyətində əlavə olaraq böyük bir restoran inşa edildiyi və restoran sahibinin tikinti üçün rəsmi icazəsinin olmadığını bildirmişdik.

Bildirək ki, tikinti işlərinin aparılması prosedurları və qaydaları, tikinti normativləri Şəhərsalma və Tikinti Məcəlləsi ilə tənzimlənir. Hər hansı bir tikinti üçün Dövlət Şəhərsalma və Arxitektura Komitəsindən və FHN-nin Tikintidə Təhlükəsizliyə Nəzarət Dövlət Agentliyindən icazə alınmalıdır. Ancaq Sumqayıt şəhəri 10-ci mikrarayonda yerləşən Yaşıl Ada reston sahibinin adı çəkilən qurumlardan rəsmi icazə sənədinin olmadığı bildirilir. Məlumata görə Yaşıl Ada restoranında qanunsuz tikintiyə icazə Sumqayıt Şəhər İcra Hakimiyyəti tərəfindən "verilib".

AzFakt.com-a daxil olan məlumata görə Sumqayıt şəhəri 10-ci mikrarayonda yerləşən Yaşıl Ada restonında qanunsuz tikinti işləri davam etdirilir. Bu isə o anlama gəlir ki, Yaşıl Ada restoranın sahibi qanunları heçə sayır.

İsmayıllı şəhər İsrayıl Həsənov adına 1 saylı tam orta məktəbdə şagirdlər arasında insident yaşanıb.

Məlumata görə, insident mart ayının 13-də baş verib.

Belə ki, sözügedən tarixdə məktəbin 8A sinif şagirdi Nihad Qədirov sinif yoldaşı Adəm Məlikovun üzərinə stul atıb. Stulun dəmir hissəsi Adəmin əlini yaralayıb. Həmin şagirdlərin oxuduğu sinfin rəhbəri, eyni zamanda məktəbin ingilis dili müəllimi olan Gülnarə Qasımova hadisəni görsə də, uşaqlara tapşırıq verib ki, bu məsələni heç kim bilməsin. Sinif rəhbəri bu barədə Adəmin valideyninə və tibbi yardım göstərilməsi üçün təcili yardıma məlumat verməyib. Adəm isə məktəbdə olarkən xeyli qan itirib.

Hadisədən 2 saat sonra sinif rəhbəri şagirdləri evə yollayıb. Daha sonra o, valideynlərin olduğu vatsap qrupuna hədə-qorxu dolu mesajlar yazıb. G.Qasımova göndərdiyi səs yazısında valideynlərin bu məsələni gizlətməli olduqlarını deyib. Xəsarət alan şagirdə isə bildirib ki, bu barədə kimsə ondan soruşsa, sürüşüb yıxıldığını desin.

Məktəbin direktoru Gündüz Qədirov açıqlamasında bildirib ki, 8A sinfinin rəhbəri Gülnarə Qasımova sözügedən hadisə ilə bağlı ona məlumat verərkən Adəm Məlikovun tənəffüs zamanı yıxılaraq xəsarət aldığını deyib.(“Unikal”)

Şərurlu İsfəndiyar kimi tanınan tikinti maqnatı İsfəndiyar Axundovun oğlu Şahin Axundovun adı yenidən gündəmdədir.

TEREF Musavat.com-a istinadən xəbər verir ki, Şahin Axundovun adı 20 il öncə böyük bir qalmaqalın mərkəzi fiquru olaraq gündəmə gəlmişdi.
O zaman Şahin Axundov Türkiyə səfirliyinin önündə Anar İsmayılovun avtomobilini gülləbarana tutmuşdu. Həmin vaxt Prezident İlham Əliyevin məsələyə qarışması ilə Şahin Axundov həbs olundu, 5 il cəza çəkdikdən sonra azadlığa çıxdı. Lakin Şahin Axundovun cəzasını elə azadlıqda çəkdiyinə dair informasiyalar da var idi. Yəni kimlərsə “Şərurlu İsfəndiyar”ın xahişlərini yerə salmamışdı.

Musavat.com-a daxil olan son məlumatda deyilir ki, baş verən qalmaqaldan sonra İsfəndiyar Axundov oğlu Şahin Axundovu Türkiyəyə göndərib, uzun illər orada yaşayıb.

Lakin orada da tikinti maqnatının oğlu dinc dayanmayıb, adı ən müxtəlif qalmaqallara qarışıb. Bu yaxınlarda Bakıya gələn Şahin Axundovun psixoloji durumunda gərginlik yaranıb, onu xəstəxanalardan birinə yerləşdiriblər. Hazırda Şahin Axundovun ciddi nəzarət altında müalicə olunması xəbəri də var.
İsfəndiyar Axundovun oğlunu Türkiyə göndərməsi xəbəri Bakı Ağır Cinayətlər Məhkəməsində keçirilən məhkəmə proseslərindən birində də səsləndirilmişdi. 2021-ci ildə mühakimə olunan “Zaminbank”ın keçmiş sədri Nadir İsmayılov İsfəndiyar Axundovla bağlı ifadə verərkən bu haqda danışmışdı.

Nadir İsmayılov məhkəmədə İsfəndiyar Axundovu aldatması barədə ikincinin iddialarına münasibət bildirərkən bu mövzuya da toxunmuşdu:
“Mən onu aldatmamışam. İsfəndiyar Axundov düzgün danışmır. Onlar birinci dəfə 5 milyon götürdülər. İkinci dəfə də qalan 5 milyona iki “Lamborghini”, iki “Ferrari” aldılar. 300 min də qudası Məhərrəmə verdi. Birinci xanımından olan oğlu üçün Türkiyəyə pul göndərdi. Danışır, amma hamısını demir”.

Musavat.com-un əməkdaşı məsələ ilə bağlı İsfəndiyar Axundovla əlaqə saxlayıb. İsfəndiyar Axundov oğlu ilə bağlı sualı dinlədikdən sonra “oğlum xaricdə deyil, xəstə də deyil, kim nə istəyir yazır” deyib.

Xatırladaq ki, Şərurlu İsfəndiyarın adı övladları ilə bağlı dəfələrlə mətbuatın gündəminə gəlib. Tikinti maqnatının digər oğlu Allahverdi Axundov 650 min manata “Lamborghini” alması ilə gündəmə gəlmişdi. O zaman Şərurlu İsfəndiyar əvvəlcə xəbəri təkzib elədi.

“Bu, yalandır, uydurmadır, mənim oğlumun elə maşını yoxdur” deyən tikinti maqnatı danılmaz faktla üzləşdi. Sən demə, Allahverdi Axundov artıq sosial şəbəkələrdə bahalı avtomobilinin fotosunu “My new car” (Mənim yeni avtomobilim) qeydi ilə paylaşıbmış.

İsfəndiyar Axundovun bu fakta reaksiyası belə oldu: “Hə, nə olsun? Mənim vertolyotum da var. Bunun kimə nə aidiyyəti var? Həmin maşın oğlumundur. Mənim oğlum neyləyib? Şəhərdə vertolyot sürməyib ki… Maşın sürüb də. Başqa nə iş görüb?”

Lakin Allahverdi Axundov təkcə 650 minlik “Lamborghini”yə sahib deyil. Onun sosial şəbəkələrdə paylaşdığı fotolardan görünür ki, kifayət qədər dəbdəbəli həyat yaşayır.

Novruz bayramı mövsümü ilə əlaqədar Əmək və Əhalinin Sosial Müdafiəsi Nazirliyinin tabeliyindəki Əmək Bazarı və Sosial Müdafiə Məsələləri üzrə Milli Observatoriyanın İdarə Heyətinin hərbi xidmətdə olmamış sədri Elnur Səfərli, Azərbaycan Ordusunun Sərhəd Qoşunlarının mayoru, hərbi pilot Abbas Qasımovun ailəsini ziyarət edib.

Əldə etdiyimiz məlumata əsasən Elnur Səfərlinin özü, ərazisi vaxtilə işğal altında olmuş Cəbrayıl rayonundan olmasına baxmayaraq, hərbi xidmətdə olmamışdır.

Nazirlikdə işə qəbul edilərkən sağlamlıq haqqında arayış təqdim edən və praktiki tam sağlam olan Elnur Səfərli, atasının hərbi komissar olmasından istifadə edərək hərbi xidmətdən yayınmışdır.

Daha öncə Milli Observatoriya, Elnur Səfərli tərəfindən Qarabağ müharibəsi veteranının işdən çıxarılması faktı ilə yadda qalmışdır.

Nəinki doğma rayonunun müdafiəsində iştirak etməmiş, hətta vətən qarşısında hərbi xidmət borcunu yerinə yetirməkdən yayınmış, rəhbərlik etdiyi qurumun kollektivi arasında “dezertir” ayaması ilə tanınan Elnur Səfərliyə, vətənpərvərlik mövzusu, şəhid ailəsi və qazilər, görünür ki, yalnız şəkil çəkdirmək üçün lazımdır.

/Yenixeber.org

Bakıda fəaliyyət göəstərən “Dr.Elnara” MMC-nin rəhbəri Elnarə Rzayeva kosmetoloji tibb fəaliyyət üçün lisenziya almadan qanunsuz fəaliyyət göstərib.
Əldə olunan məlumata görə, Səhiyyə Nazirliyinin qərarı ilə məşhur kosmetoloq qanunsuz fəaliyyət göstərdiyi üçün 210.1-ci (lisenziya olmadan özəl tibbi fəaliyyətlə və ya əczaçılıqla məşğul olma) maddəsi ilə təqsirli bilinib və 5000 manat məbləğində cərimə edilib.
Bu qərardan Elnarə Rzayevanın vəkili Yasamal Rayon Məhkəməsinə şikayət edib. Vəkil Elnarə Rzayevanın 5 min manat miqdarında cərimə olunması barədə qərarın ləğv edilməsini istəyib.
Yasamal Rayon Məhkəməsinin 6 dekabr 2024-cü il tarixli qərarı ilə şikayət təmin olunmayıb.
Bundan sonra vəkil eyni tələblə Bakı Apellyasiya Məhkəməsinə müraciət etsə də, bu şikayət də təmin edilməyib.
Bundan başqa, Səhiyyə Nazirliyinin Analitik Ekspertiza Mərkəzi tərəfindən 2021-ci ildə “Dr.Elnara” MMC-yə məxsus kosmetoloji mərkəzdə yoxlama aparılıb və bu zaman müəssisənin lisenziyasız tibb fəaliyyət (kosmetoloji) göstərdiyi aşkarlanıb.

MMC barəsində İnzibati Xətalar Məcəlləsinin 210.1-ci (lisenziya olmadan özəl tibbi fəaliyyətlə və ya əczaçılıqla məşğul olma) maddəsi ilə protokol tərtib edilib. MMC barəsində 20.000 manat məbləğində inzibati qaydada cərimə qərarı çıxarılıb.
Lakin bu cərimə cəzası ilə bağlı qərar Nizami Rayon İcra Şöbəsi tərəfindən icra olunmayıb.
Səhiyyə Nazirliyi qərarın icra olunmamasından 2024-cü ilin sonlarında məhkəməyə müraciət edib və MMC-nin barəsində təyin olunmuş cərimənin icrası üçün Nizami Rayon İcra Şöbəsinə göndərilməsi barədə qərardad qəbulu xahiş edilib.
Şikayət onunla əsaslandırılıb ki, Nizami Rayon Məhkəməsinin 2021 saylı icra sənədinə əsasən borclu “Dr. Elnara” MMC-dən 20000 manat məbləğində inzibati cərimə tutularaq dövlət nəfinə ödənilməlidir.

İcra məmuru Zaur Həmzəyev ətraflı, tam və obyektiv araşdırma aparmadan, icra işini icra edə bilmədiyi üçün geri qaytarıb. Hüquqi şəxsin direktoru olan Cəmilə adlı xanım barəsində İnzibati Xətalar Məcəlləsinin 528.1-ci maddəsi ilə (İcra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir) bircə dəfə belə tədbir görməyib.

Səhiyyə Nazirliyinin nümayəndəsi qeyd edib ki, hüquqi şəxsin təsisçisi, eyni zamanda direktoru olmuş Rusiya Federasiyasının vətəndaşı Elnarə Rzayeva hazırda da qanunsuz fəaliyyət göstərir. Buna görə Yasamal rayon prokurorluğu araşdırma aparıb və daha sonra Səhiyyə Nazirliyinə məlumat verilib.
Nizami Rayon Məhkəməsinin qərarı ilə Səhiyyə Nazirliyinin şikayəti təmin edilib və icra sənədi üzrə icra tədbirlərinin davam etdirilməsi üçün qərar qəbul edilib.
Qeyd edək ki, Elnarə Rzayevanın barəsində Yasamal Rayon Prokurorluğunda da araşdırma aparılıb.
Məyyən edilib ki, Elnarə Rzayevanın əməlində İnzibati Xətalar Məcəlləsinin 210.1-ci maddəsi ilə nəzərdə tutulmuş xətanın əlamətlərinə işarə edən kifayət qədər dəlillərin olması üzə çıxıb. Onun barəsində 210.1-ci maddə ilə inzibati xəta haqqında iş üzrə icraat başlanaraq inzibati tənbeh tədbirinin tətbiq edilməsi məsələsinə baxılması üçün qərar Səhiyyə Nazirliyinə göndərilib.

/Teleqraf