 |
|
|
Bu gün polis bölməsində ifadəsi alınan məşhur müğənni Gülşən haqda həbs qərarı verilib.
Bakupost.az Türkiyə mətbuatına istinadən bildirir ki, polis idarəsinə həyat yoldaşı Ozan Çolakoğlu və vəkili ilə gələn ifaçı həbs edilərək Bakırköy qadın həbsxanasına göndərilib.
Xatırladaq ki, Gülşən aprel ayında baş tutan konsertlərindən birində “İmam Hatipdə oxuyub, azğınlığı oradan gəlir”, - cümləsini işlədib. Sənətçinin bu sözlərlə həmin liseydə oxuyanları, oranın məzunlarını və dindarları təhqir etdiyi iddia olunub. Sosial şəbəkələrdə müğənninin həbs olunması üçün #gulsentutuklansın həşteqi açılıb.
İfaçı son zamanlar geyim tərzinə görə də tənqidlərə məruz qalırdı.
Rusiyanın məşhur azərbaycanlı müğənnisi Nəvai Bəkirov çantasında gəzdirdiklərini nümayiş etdirib.
Bizim.Media xəbər verir ki, bunları isə sənətçi sosial şəbəkə hesabında çəkib, paylaşdığı videoda göstərib.
“Black phantom memento mori fragrantica by Kilian” ətrindən istifadə edirəm. Çantamdan əlavə avtomobilimdə də bu ətirdən var (təxmini qiymət 287 manat).
“Apple” markasına məxsus qulaqcıqlar. Həmişə çantamda və ya üzərimdə nağd pul olmalıdır. Bir paçka 5000 rubl (təxminən 14100 manat). Əgər gəzməyə gedirəmsə bəxşiş verməyi sevirəm. Özümlə çanta gəzdirməyi o qədər də sevmirəm. Amma üzərimdə başqa nağd pulum da olur (təxminən 6000 manat). Görürsünüz ki, pulun arasında bank pul kartım var.
Onlar isə hamısı rezinlə bərkidilib. Pulu məhz rezinlə bərkitmək özüməməxsus bir tərzimdir. Çantamda həmçinin idarə etdiyim avtomobillərimin açarlarını, ehtiyat telefonumu da görürsünüz. Sənədlərimi də üstümdə səliqəli şəkildə gəzdirirəm. Bundan savayı çantamda eynəyim də var. Vəssalam!”.
Müğənni Əminə Şirin şəxsi həyatı ilə bağlı açıqlama verib.
Xeberoxu.Az xəbər verir ki, "Şourum" proqramına qonaq olan ifaçı ilk dəfə həbsxanada evlənməsindən danışıb. Sənətçi ikinci həyat yoldaşının məhkum olunduğunu, buna görə də həbsdə evlənməli olduğunu dilə gətirib.
Müğənninin bu evlilikdən bir qız övladı dünyaya gəlib.
O, hazırda ikinci həyat yoldaşından ayrılıb.
Əminə buna səbəb kimi həmin insanın həbsdən çıxdıqdan sonra tamamilə dəyişdiyini göstərib.
Son günlər “TikTok”dakı canlı yayımlarla gündəm olan Xalq artisti Bilal Əliyev ünvanına yazılan tənqidlərə münasibət bildirib.
Bu barədə sənətçi OLAY-a açıqlamasında danışıb.
O, həm də sözügedən sosial şəbəkə platformasına üz tutma səbəbindən bəhs edib:
“Həqiqəti bir insan deyirsə, düz yolda gedirsə, düz olmayan insanlar onu tənqid edəcəklər. Tənqid edir, qoy etsin, söyür, qoy, söysün. Təhqir edirsə, qanun qarşısında cavab verəcək. Tənqid edirsə, ya paxıldır, ya da səhvi deyir, biz özümüzü düzəldəcəyik.
Mənim TikTok-a gəlmə səbəbim odur ki... İnsanlar ədəbsiz danışırdılar, baqşa işlər görürdülər. Fikirləşdim ki, bizim kimi mədəniyyət işçiləri bu şəbəkələrin hamısında olmalı, sözümüzü deməliyik. Qoy, insanlar mədəniləşsin, haqqı-ədaləti, düzgünlüyü desinlər. Başqa adamlara təhqir yazmırlar? Mən də adi vətəndaşam, insanam”.
54 yaşlı Hollivud ulduzu Nikol Kidman “Perfect Magazine” üçün fotosessiyada iştirak edib.
Jurnalın üz qabığında aktrisa mini ətək və qısa topda görünsə də, böyük bisepsli qolları sosial şəbəkə istifadəçilərinin daha çox diqqət mərkəzində olub.
Aktrisanın paylaşımı bir neçə saat ərzində 100 minlərlə bəyənilib.
“Onun qolları ideal formadadır”, “Bodibilder obrazında Nikol səhəri bir vedrə qəhvə ilə deyil, məşqlərlə açmağa həvəsləndirir”, “Əsl ilahə!”, “Fotolar mükəmməldir, heyrətamiz görünür” və s. şərhlərlə istifadəçilər heyranlıqlarını bildirib.
Qeyd edək ki, Nikol Kidman son günlər modellik fəaliyyəti ilə diqqət mərkəzindədir.
Mənbə: Spletnik
"Nəsil iki yerə bölünür, ana və ata tərəf. O baxımdan götürəndə ilk oğlan övladı mən idim. Babalarım dünyasını dəyişənə qədər özümü sevimli nəvə kimi hiss edirdim. Onlar dünyasını dəyişəndən sonra heç kimə lazım olmadım".
Bu sözləri aktyor Elcan Rəsulov “Söz baz” verilişində deyib. Sənətçi illər əvvəl qohumlarının ona yardım etməməsindən danışıb:
"Qohumlarım da nömrəmi bilmir. Bəzən anamdan mənim nömrəmi istəyirlər. Anama da tapşırmışam ki, heç kimə nömrəmi verməsin. O vaxta qədər ki, özüm kimçünsə darıxım və istəyim. Çünki ehtiyacım olan vaxtda yanımda heç kim olmayıb, tək çabalamışam deyə, indi mənə lazım deyillər. Allah hamısının canını sağ eləsin. Necə ki, özünə görə olub, qoy elə də qalsın. Hardasa görürəm danışırlar ki, qohumumuzdur. Bəzən hirslənib deyirəm ki, elə adam tanımıram. Arxamca da danışırlar. Amma özlərində günah axtarsınlar ki, görəsən niyə belə oldu? Vaxtında hamısına deyirdim ki, nə olar, mənə kömək edin, böyük adam olacağam".
Xalq artisti Röya Ayxan paylaşımı ilə yenidən diqqətləri üzərinə çəkib.
Teref.az lent.az-a istinadən bildirir ki, o, klip çəkilişi zamanı xristianların ibadət etdiyi məkandakı maraqlı videoları “Instagram” hesabında paylaşıb.
Müğənni başında gəlin fatası, qısa şortda yeməklə dolu süfrənin üzərində rəqs edib. O, paylaşıma “çəkiliş vaxtı, klip saat 05:38, səhər və yuxu gəlməsin deyə kollektivin mənimlə məzələri” sözlərini yazıb.
Qeyd edək ki, Röyanın bu klipinin kilsədə çəkilməsi izləyicilər tərəfindən müzakirələrə səbəb olub.
"Qarmon məni Gövhər edib, dönük adamlar çox görmüşəm, ən vəfalım qarmonumdur. Uşaqlarımı qarmonla yerbəyer etmişəm, ev qurmuşam". DİA.AZ axşam.az-a istinadla xəbər verir ki, bu sözləri Əməkdar artist Gövhər Rzayeva "Evinizin qonağı" proqramında deyib. Musiqiçi bu aləmdə özünə rəqib tanımadığını söyləyib:
"Əsl alın təridir, biz musiqiçilər canımızı qoyuruq. Heç kimi rəqib görmürəm. Hər gülün öz ətri, hərənin öz yolu var. Mən not bilmirəm, heç evdə də məşq etmirəm. Allah vergisidir, qarmonu götürəndə güc gəlir mənə".
Qarmon ifaçısı toyların azalmasından gileylənib:
"Əvvəlki toylar yoxdur, azalıb. Şəhər əhalisi yayda toy etmirdi, köçürdü bağa. Kənd toyları olurdu. Qabağki toylar yoxdu. Məncə maddi duruma görədir. Baha da getmirəm, damara baxıb qanını alıram.
Özüm elə kişi kimi biriyəm. Pul qazanan qadın necə olmalıdır? Pul qazanan qadın kişi kimi olur".
Azərbaycan Dövlət Pantomima Teatrının aktyoru və direktoru, Əməkdar artist Elman Rəfiyev “Məşhur məktublar” rubrikasında Teleqraf.com-un suallarını cavablandırıb.
DİA.AZ onunla müsahibəni təqdim edir:
- Elman bəy, məktub yazmaq vərdişiniz nə zaman başladı?
- Mən dünyaya sovetlər dönəmində göz açmışam. O dövrdə insanlar biri-birilərinə məktub yazmağı, açıqca yollamağı çox sevirdilər. Səbirsizliklə poçtu açıb, kimin adına məktub gəldiyini öyrənməyə çalışırdıq. Məktubun üstündə adımızı görəndə çox sevinirdik.
Məktubdan aldığım o enerjini indi sosial şəbəkələrdə, yaxud email ünvanıma göndərilən mesajlardan, məktublardan ala bilmirəm. Xatırlayıram, məktub açanda ürəyimiz titrəyirdi, oxuyanda isə inanılmaz enerji mənimsəyirdik. Əfsus ki, indi məktublar çox az-az, demək olar ki, heç yazılmır.
- Özünüz məktubları kimə yazırdınız?
- Rusiyada, rayonda yaşayan qohumlarıma məktub yazırdım. Yazırdım və səbirsizliklə cavab gözləyirdim. 10-cu sinifi bitirənə kimi, hətta sonrakı illərdə də məktub yazmaq ənənəm olub.
Sumqayıtda yaşayırdıq, ora da tez-tez turistlər gəlirdi, aralarında çoxlu rus qızları olurdu, onlarla tanış olub, məktublaşırdıq.
Rus dilində məktub yazmaq lazım olanda qonşudakı oğlandan kömək xahiş edirdim. O məktublar Rusiyanın hansı bölgələrinə getmirdi?..
Məktub alanda içində şəkil olub-olmamasına xüsusi diqqət edirdim. Şəkil olanda mənim üçün ayrıca bayram idi. Amma zaman keçdi, o gözəl illər də, məktublaşmalar da bir gün başa çatdı.
- Sonuncu dəfə nə vaxt məktub yazmısınız?
- Son yazdığım məktub İkinci Vətən Müharibəsində əsgərə olub. Məktub yazdım, səsləndirdim və sosial şəbəkədə paylaşdım. Hansı əsgərin oxuyacağını bilmirdim, amma yazmaq istəyim çox güclüydü.
“Məktəbdə hamı bilirdi ki, o məni sevir”
- Sevdiyiniz qıza yazılan məktublardan danışaq. İlk sevgi məktubunuzu xatırlayırsınız?
- Mən heç kimi dərindən sevməmişəm. Çünki özümü sevmişəm. İndi o dönəmi xatırlayanda düşünürəm ki, belə münasibətlər sadəcə ötəri hiss imiş, sevgi deyilmiş. Əl-ələ tutdunsa, bir-birinə “əzizim” dedinsə, bu, hələ sevgi deyil. Sevgi tamam başqa yaşantıdır.
İndi mənim üçün sevgi vətəndir, dilimdir, torpağımdır, bayrağımdır. Sevgi mənim sevdiyim sənətdir, ailəmdir. Sevgini “Mən səni sevirəm” çərçivəsinə salmaq mənə görə düzgün deyil.
Amma, bəli, o dövr üçün o məktublara sevgi məktubu deyə bilərik.
- Siz kimdən sevgi məktubu almısınız?
- Məktəbli dönəmlərim idi. Mən 9-cu sinifdə, o qız 6-cı sinifdə oxuyurdu. Məktəbdə hamı bilirdi ki, o məni sevir. O qız məni hər yerdə müdafiə edirdi. O qızdan aldığım sevgi məktubu yadımdadır.
- Ona nə cavab yazdınız?
- Başa saldım ki, hələ uşaqsan, hiss etdiyin də ötəri bir şeydir. Amma o qız əbədi olaraq mənim yadımda qaldı.
Mən isə 9 yaşımda qonşuluqda yaşayan 20 yaşlı qıza vurulmuşdum. Hər dəfə o qızı görəndə sanki mənə dünyanı verirdilər. Adı Liza idi. Deyirdim, səni qoymayacaq ərə gedəsən. O da hara gedirdisə məni özüylə aparırdı. Sonra ərə getdi, hər şey bitdi.
Saf uşaqlıq sevgisi, uşaqlıq hissləri idi. Bu yaşımda da mənə qarşı olan o sevgini hiss edirəm. Həmin insanlara çox ehtiyatla yanaşıram. Bu hissə görə o insanlara travma yaşatmaq olmaz. Çox incə formada başa salmaq lazımdır.
Heç vaxt məni sevən insanların sevgisindən sui-istifadə etməmişəm.
Bir məktəbdə dərs deyirdim. Bir şagirdim mənə bir məktub yolladı. Çox təsiredici idi… İçindən gələn hər şeyi ora yazmışdı. Sevgi məktubu deyildi, sadəcə müəlliminə olan böyük sevgisini etiraf etmişdi. Yenə deyirəm, sevgi məktubu deyildi. Çünki mən həqiqətən uşaqları çox sevirəm və onların yaşındakı Elman oluram. Uşaq da bunu hiss edir.
"Firəngiz Mütəllimovaya məktub yazmaq istəmişəm"
- Elman bəy, neçə yaşında ailə qurmusunuz?
- 20 yaşında. Ailə qurduğum xanım mənimlə bir yerdə böyümüş əmim qızıdır. Ona da məktublar yazmışam, hətta şəkillər çəkdirib, imzalı formada biri-birimizə yollamışıq da.
- Bildiyim qədər aktyor olmağı uşaq yaşlarınızdan arzulamısınız və Rasim Balayevə pərəstiş etmisiniz. Heç ona, yaxud başqa bir kumirinizə məktub yazmısınızmı?
- Firəngiz Mütəllimovaya məktub yazmaq istəmişəm. Onun oynadığı “Səni axtarıram” üç hissəli tamaşa mənim sevimli televiziya tamaşalarım idi. O tamaşalarda Firəngiz xanıma vurulmuşdum.
- İllər sonra bunu ona etiraf etdiniz?
- Heç vaxt. Bunu ilk dəfə deyirəm. Həyat elə gətirdi ki, həm Firəngiz xanımla, həm də Rasim Balayevlə bir filmdə çəkildim. “Qala” filmində onlar ər-arvadı oynayırdılar, mən isə kəndə gələn kino işçisi idim. Ən yadda qalan anlarımdan biri kamera qarşısında Rasim Balayevlə çiyin-çiyinə söhbətləşərək yürüməyimiz idi.
Həqiqətən, uşaqlıqda mənim kimi bir çox yaşıdlarım Rasim Balayevin pərəstişkarı idilər. Obrazları o qədər içdən oynayırdı ki, hamının ürəyinə yol tapırdı. “Qatır Məmməd”də, “Həm ziyarət, həm ticarət”də, “Lətifə”də qarşımıza mənfi obrazda çıxanda inanmaq istəmirdik ki, bu, Rasim Balayevdir. Çünki hamımız üçün o müsbət qəhrəman idi.
Əlbəttə, peşəkarlıq baxımından aktyor hər obrazı yaratmağı bacarmalıdır, amma insanların təxəyyülündə müəyyən obrazlar yaranır və o tislimin qırılmasını istəmirlər.
Mən “Ata ocağı” serialında "alkaş" Niyazı oynayırdım, atam hər dəfə məni görəndə deyirdi: “Elman, o nə roldur oynayırsan”. Deyirəm, ata, o mən deyiləm, obrazdır. Hətta anam Niyazın gülləylə vurulduğu səhnədə ağlamışdı.
- Elman bəy, kütləvi məşhurluğu nə zaman hiss etdiniz?
- Hamı məni Pantomima Teatrının aktyoru kimi tanıyır. 1994 -cü ildə teatrı yaradanda çox adam qəbul etmədi. Amma illər keçəndən sonra hamı bizi sevdi. Dostumuz İmam Məcidovun atası deyirdi ki, bu uşaqları qoruyun. Onlar məşhur üçlükdür: Pərviz, Qurban, Elman. 1995-ci ildən 1996-cı ilə keçən gecə məşhur üçlük doğuldu. O dövrdə səhnədə Azərbaycanın ilk klounları biz olduq.
1996-cı ildən 2005-ci ilə qədər bütün el şənliklərində, məclislərdə peşəkar formada kloun kimi çıxış edirdik. Sonra klounlar göbəlik kimi çoxaldılar, ardınca ofisiant klounlar peyda olmağa başlayanda biz bu sahədən uzaqlaşdıq.
Maraqlı bir nüansı deyim, günlərin bir günü qızımın qaynanası mənə bir şəkil yolladı. O şəkil kloun kimi iştirak etdiyim hansısa bir məclisdə çəkilmişdi. Yazdı ki, sənin sağında dayanan oğlan gələcək kürəkənin imiş. Qəribə hiss keçirdim. Qismətə bax. O balaca oğlan indi mənim kürəkənimdir.
Onu da qeyd edim ki, 2017-ci ildə çəkildiyim “Ata ocağı”ndakı Niyaz rolu da məni çox məşhurlaşdırdı. Dramatik obraz idi, indiyədək heç kim məni elə rolda görməmişdi. Hətta serial yayımlanandan sonra Xalq artisti Ramiz Novruz zəng eləyib, məni təbrik etdi, dedi, sən indiyə kimi harda idin.
Niyaz mənfilikdən müsbətə doğru gedən bir obraz idi. O da bir mesaj idi.
- Hər birimizin içində bir iblis var...
- Və hər birimizin içində bir mələk var... Qəlbimizdəki iblisin də, mələyin də faiz dərəcəsinə fikir verməliyik və onu özümüz idarə etməyi bacarmalıyıq.
- Sizin məşhurlaşdığınız dönəmdə artıq məktublaşmaq ənənəsi yoxa çıxırdı...
- Elədir. O dönəm bitdi. İndi hamımız telefonla şəkil çəkirik, amma sual verirəm, onun necəsini foto kimi çıxarırıq? Vaxt var idi, şəkilləri albomlara toplayırdıq.
Qızım ailəsiylə Amerikada yaşayır. Bu yaxınlarda Azərbaycana gəldilər, qızım həmin albomları görəndən sonra məndən bir xahiş etdi. Dedi, ata Məryəmin (Elman Rəfiyevin nəvəsi- red.) Bakıya bu səfərində çoxlu şəkillər çək və onlardan albom düzəlt, bizə yolla. Mən də dediyi kimi elədim.
Bu gün məktub, albom məhfumu da itib. İndi evə məktub yol hərəkət qaydalarını pozanda gəlir, şəkilləri də ancaq toylarda qazana bilirik.
Teref.az Kulis.az-a istinadən estrada müğənnisi Samir Bağırov haqqında maraqlı faktları təqdim edir.
Samir Rafiq oğlu Minullin 1967-ci il avqustun 21-də Bakı şəhərində anadan olub. O, tatar əsilli atasının deyil ata nənəsinin soy adından istifadə edir. 126 nömrəli orta məktəbdə oxuduğu zaman bir çox festival və müsabiqələrdə iştirak edir. Orta məktəbi bitirdikdən sonra Ü. Hacıbəyov adına Bakı Musiqi Akademiyasının klassik vokal şöbəsinə daxil olur.
***
Konservatoriyada təhsil aldığı müddətdə sovet ordusuna hərbi xidmətə çağırılır və hərbi xidmətdə olduğu zaman hərbi-ansamblın konsertlərində solist kimi çıxış edir. Hərbi xidməti Ukraynada başa vurur. Hərbi xidməti başa vurduqdan sonra konservatoriyada təhsilini davam etdirir, ilk dəfə Teymur Mirzoyevin rəhbərlik etdiyi “Qaya” dövlət orkestrində işləməyə başlayır.
1988-ci ildə Sevinc Kərimovanın təşkil etdiyi Bakı payızı müsabiqəsində laureat olub. Yarışda musiqisi və sözləri Əzizə Mustafazadəyə aid olan “He Улетай” və bəstəsi Mikayıl Vəkilov, sözləri Malik Fərruxa aid olan “İnanıram” adlı dueti Sevil Hacıyeva ilə birlikdə səsləndirir. Məhz “İnanıram” adlı duetə görə xüsusi mükafata layiq görülür.
***
Yaltada keçirilən müsabiqədə ikinci yeri tutandan sonra məşhur rus bəstəkarı İgor Krutoy Samirə “Маленькое Кафе” və “Отзовись” mahnılarını bəstələyir. Hər iki mahnı Pervıy kanal və RTR kimi kanallarında tele-konsertlerdə ifa olunur. 1992-ci ildə “Otzovis” mahnısı “Mayak” radiosunun keçirdiyi müsabiqədə MDB-nin 10 ən məşhur mahnısından biri olub. Məhz bu uğurlardan sonra Alla Puqaçovanın yaratdığı teatrdan Samir Bağırova təklif gəlir. Lakin bir il sonra həmin teatr dağılır və Samir Polad Bülbüloğlunun xahişi ilə vətənə qayıdır. Yəqin ki, Samir ən böyük səhvini Polad Bülbüloğlunun sözünə qulaq asdığı an etmişdi.
Samir ilk dəfə 1993-cü ildə “Respublika” sarayında solo konsertini keçirir və həmin konsertdə Eldar Mansurov və Zaur Abdullayevin mahnıları səslənir. 1996-cı ildə Samir ikinci dəfə Respublika sarayında “Мы так любим друг друга” adlı solo və “Samir Bağırov və dostları adlı” konsertlər verir. 90-cı illərdə keçirilən “Asiya Dausı” adlı müsabiqəsinin fəxri qonağı kimi yarışmaya dəvət olunur. Həmçinin müğənni 90-cı illərin sonunda Musiqili Meydan mahnı yarışmasında Murat Nasirova qalib gəlir.
***
90-cı illərdə Samir Bağırova ən böyük uğuru musiqisi və sözləri Zaur Abdullayevə məxsus olan “Taleyin oyunu” adlı mahnı gətirir. Məhz bu mahnı ilə o daha çox tanınmağa başlayır.
2000-ci illərin əvvəlinə qədər Samir Bağırov müxtəlif janrlarda mahnılar ifa edir. 2007-ci ilin sonunda isə müğənni səhnələrdən bir müddət uzaqlaşmağı qərara alır. Müxtəlif şou-proqramlarda çıxış etsə də, televiziyalardan yox olması ilə medianın gündəmindən düşmür. Müğənni özü isə səhnələrdən getməsinin əsas səbəbini heç kəsə açıqlamasa da jurnalist Seymur Zakaryayevə verdiyi müsahibələrdən birində maqazin proqramlarında baş verən qalmaqalların və səhnələrdə baş verən dəyişikliyin onun yaradıcılığına mənfi təsir göstərdiyini vurğulamışdı.
***
Elə bu illərdən etibarən Samir Bağırovun başında qara buludlar dolaşmağa başlayır. Narkotik, homoseksualizm və başqa söz-söhbətlər onun yaradıcılığına, populyarlığına, sənətinə təsirsiz ötüşmür.
***
O, Azərbaycan şou-biznesini elə bir yerdən başlatmaq istəyirdi ki, o yerə dünya sarı-sarı hadisələrin içində boğula-boğula gəlib çıxmışdı. Samir bütün yükü çiyninə alıb ilan zəhəri kimi sarı mətbuatın, çirkabın içinə atıldı, plastikası ilə bir Şərq ölkəsinin ağır cədli şəhərində gey, homoseksual adlarını daşımalı olan, onun tənəsinə dözən ilk məşhur oldu.
Bağırovun yaradıcılığına təsir edən müğənnilər arasında Alla Puqaçova, Müslüm Maqomayev, Rəşid Behbudov, Vitni Hyustonu göstərmək olar. Verdiyi müsahibələrində daima Alla Puqaçovaya olan uşaqlıq sevgisini xüsusi vurğulayır. 90-cı illərdə verdiyi bir müsahibələrdən biri isə Vitni Hyustonla bağlı olur ki, müğənni onu “Pop musiqisinin fenomeni” adlandırır.
***
Samir narkotikə qurşanır. Özü müsahibələrinin birində deyir:
“Narkotikə əlvida demək mənə asan başa gəlmədi. Bunun üçün uzun müddət Moskvada müalicə olundum. Mən müalicəyə gedəndə səbəbini heç kimə demədim, gizlədirdim. Axı necə deyə bilərdim ki, mən narkotik asılılığından müalicə almağa gedirəm? Mənim tamaşaçılara deyəcək sözüm olmadı. Amma eşitdim ki, gedişimə bir çox səbəblər bağladılar. Guya mən Rusiya şou-biznesini fəth etmək üçün vətənimi tərk etmişəm. Amma əsl həqiqət məndə idi, mənimlə bağlı idi. Mən isə bunu deyə bilmirdim. Çox dəhşətli, çox ağır günlər idi. Mən indi ona qayıtmaq istəmirəm, o günləri beynimdən silmək istəyirəm. Moskvada ekstrasens yanında getdim. Dedim, mən yaxşı adamam, heç kəsə pislik eləmirəm, əminəm ki, istedadım da var, bəs Allah mənim şou-biznesə gedən qapılarımı niyə açmır? Ekstrasens mənə dedi, şou-biznes Allahın deyil, şeytanın meydanıdır, orda at oynatmaq üçün yaxşı yox, pis adam olmalısan”.
Samir isə israrla vətəndə – Azərbaycanda qalmağı düşünür. Hərçənd anası ABŞ, bacısı Hollandiya vətəndaşıdır. Samirin də bütün keyfiyyətləri, düşüncələri çoxdan Qərbdə yuva salıb, Qərb vətəndaşıdır.
Çoxları iddia edir ki, Samir Bağırov cinsini dəyişərək qadın olub. Ancaq müğənni özü bu fikirlərə belə münasibət bildirir:
“Bəlkə də, danışan şəxslər istəyirlər ki, mən əməliyyat olunum. Kim bilir, bəlkə də, 50 yaşından sonra gedib əməliyyat elətdirib, qadın olaram, Bülent Ersoy olaram. Bəlkə də, şou-biznes üçün belə bir proyekt işləyib, qadın olardım. Amma sadəcə bir proyekt! Bəlkə də, güclü bir sponsor olsaydı, vaxtında mən bu əməliyyata imza atıb, qadın olardım. Sənətim xətrinə bu sensasiyanı edərdim”.