Azərbaycan millisi bu gün növbəti oyununu keçirəcək.

Canni de Byazinin yetirmələri Moldova ilə yoldaşlıq görüşünə çıxacaq.

Son üç matçında qələbələri sıralayan yığmamız uğurlu seriyanı davam etdirmək üçün səfərə yollanıb. Kişinyovdakı qarşılaşmada rəqib də bunun üçün münasib komanda sayılır. Oyun “Zimbru” stadionunda təşkil olunacaq. Qarşılaşmanın start fiti Bakı vaxtı ilə saat 21:00-da veriləcək.

Qeyd edək ki, millimiz noyabrın 20-də Şimali Makedoniya ilə görüşəcək.

Yoldaşlıq oyunu
16 noyabr
21:00. Moldova – Azərbaycan
Baş hakim: Denis Şurman (Ukrayna)
Kişinyov. “Zimbru” stadionu

“Mançester Yunayted”in ulduz futbolçusu Kriştiano Ronaldo ilə komandanın baş məşqçisi Erik ten Haaq arasındakı gərginlik davam edir.

“Qafqazinfo” xəbər verir ki, onlar arasında yaranan problemə azarkeşlər də qoşulub.

Belə ki, portuqaliyalı futbolçunun tərəfdarları niderlandlı çalışdırıcının instaqram səhifəsini şikayət ediblər.

Buna səbəb Erik ten Haaqın bu gün verdiyi açıqlamadır. O, Ronaldonun tənqidinə cavab olaraq bildirib ki, portuqaliyalı oyunçu bir daha komandada oynamayacaq. Bundan sonra tərəfdarlar instaqram hesabını şikayət ediblər və nəticədə baş məşqçinin instaqram hesabı bloklanıb.

"Uzun müddət oynayacağımı düşünmürəm".

Bunu Argentina millisinin və Fransa PSJ-sinin futbolçusu Lionel Messi karyerası barədə "Mundo Deportivo" nəşrinə açıqlamasında deyib.

35 yaşlı forvard futbolla vidalaşdıqdan sonra da həyatının bu idman növü ilə bağlı olacağını bildirib: "Futbolu, sadəcə oynamağı və bundan zövq almağı sevirəm. Bütün həyatım boyu etdiyim yeganə şey futbol oynamaqdır".

Qeyd edək ki, Lionel Messi Argentina millisi ilə birlikdə noyabrın 20-də Qətərdə start götürəcək dünya çempionatında iştirak edəcək.

İngiltərənin VII divizionunda çıxış edən "Eşton Yunayted" komandası "Mançester Siti"nin futbolçusu Erlinq Holanna təklif göndərib.

"Report" klubun rəsmi saytına istinadən xəbər verir ki, aşağı liqa təmsilçisi Qətərdə keçiriləcək dünya çempionatı müddətində norveçli hücumçunu icarəyə götürmək istəyir.

"Eşton Yunayted" 28 günlük transfer üçün artıq qarşı tərəfə müraciət edib. Klub hesab edir ki, "şəhərlilər" mundial vaxtı rəsmi oyun keçirməyəcək. Norveç yığmasının da DÇ-2022-də iştirak etməyəcəyini nəzərə alan VII divizion klubu 22 yaşlı hücumçunun formada qalması üçün bu addımı atıb.

Komandanın baş məşqçisi Robins Maykl Kleqq klubun saytına müsahibəsində gənc futbolçuya kömək etmək istədiklərini bildirib: "Bu, Holannın altı həftəlik qolfundan daha faydalıdır. Düşünürük ki, o, bizim komanda üçün tam uyğun forvarddır".

Hələlik "Mançester Siti" aşağı liqa təmsilçisinə cavab verməyib.

Qeyd edək ki, dünya çempionatı noyabrın 20-dən dekabrın 18-dək Qətərdə keçiriləcək.

Xokkey üzrə Dünya Kuboku 2024-cü ilin fevralında baş tutmayacaq, turnir 2025-ci ildə baş tuta bilər.

TASS xəbər verir ki, bu barədə Milli Xokkey Liqasının mətbuat xidməti məlumat yayıb.

"Son bir il ərzində Milli Xokkey Liqası və Oyunçuların Həmkarlay Birliyi 2024-cü ilin fevral ayında ən yaxşı komandalar arasında ilk beynəlxalq xokkey turniri olan növbəti Dünya Kubokuna ev sahibliyi etmək planları üzərində işləyirdi. Təəssüf ki, hazırkı şəraitdə, xokkey üzrə Dünya Kubokunu keçirmək mümkün deyil. Biz 2025-ci ilin fevralını səbirsizliklə gözləyərək növbəti dünya çempionatını planlaşdırmağa davam edirik”, - məlumatda bildirilir.

Bundan əvvəl də bildirilib ki, 2024-cü ildə keçirilməli olan xokkey üzrə Dünya Kuboku təxirə salına bilər. Buna səbəb digər ölkə yığmalarının Rusiya millisi ilə qarşılaşmaq istəməməsidir. Onlar Ukraynadakı müharibəyə görə rusiyalı xokkeyçilərin yarışda iştirakına qarşı çıxıblar.

Daha əvvəl isə Beynəlxalq Xokkey Federasiyası (IIHF) öz bayrağı altında keçirilən turnirlərdə Rusiya seçməsinin iştirakına qadağa qoyub.

Cebhe.info

PSJ “Fənərbaxça”nın istedadlı futbolçusu Arda Güləri transfer etmək üçün hərəkətə keçib.

Hurriyyet.Az xəbər verir ki, “Fanatik” qəzeti PSJ-nin hazırladığı təklifin bəzi detallarını yazıb. Bildirilir ki, PSJ Türkiyə təmsilçisinin Arda Gülər üçün tələb etdiyi 25 milyon avronu ödəyəcək. Arda Gülərə təklif ediləcək məvacib də yüksəkdir. Məlumata görə, 17 yaşlı futbolçu ilə “Arsenal”, “Napoli” və Avropanın digər nəhəng klubları da maraqlanır. PSJ Arda Gülər üçün 25 milyon avro ödəsə, bu, yaşı 18-dən az olan futbolçu üçün ödənilən ən yüksək məbləğ olacaq.

Qeyd edək ki, yaşı 18-dən az olan futbolçu üçün ən yüksək məbləği “Bavariya” ödəyib. "Bavariya" “Renn” klubundan Matis Teli 20 milyon avroya transfer edib. \\Metbuat.az

Futbol üzrə Azərbaycan Premyer Liqasında XIV turun hakim təyinatları açıqlanıb.

Cebhe.info Peşəkar Futbol Liqasının rəsmi saytına istinadən xəbər verir ki, "Qarabağ" və "Sabah" arasında keçiriləcək turun mərkəzi oyununu Fərid Hacıyev idarə edəcək.

"Qəbələ" - "Neftçi" qarşılaşması isə Nicat İsmayıllıya tapşırılıb.

Azərbaycan Premyer Liqası

XIV tur

11 noyabr (cümə axşamı)

14:30. “Şamaxı” – “Sumqayıt”
Hakimlər: Elçin Məsiyev, Elşad Abdullayev, Pərvin Talıbov, Kamal Umudlu
VAR: Əliyar Ağayev
AVAR: Zeynal Zeynalov
Hakim-inspektor: Zöhrab Qədiyev
Şamaxı şəhər stadionu.

12 noyabr (şənbə)

16:00. “Zirə” – “Səbail”
Hakimlər: Vüqar Həsənli, Cəmil Quliyev, Eyyub İbrahimov, Cavid Cəlilov
Hakim-inspektor: Asim Xudiyev
Zirə İdman Kompleksinin stadionu.

18:30. “Neftçi” – “Qəbələ”
Hakimlər: Nicat İsmayıllı, Namiq Hüseynov, Rəhman İmami, Rövşən Rəcəbov
Hakim-inspektor: Feyzulla Feyzullayev
“Bakcell Arena”.

13 noyabr (bazar)

14:30. “Kəpəz” – “Turan Tovuz”
Hakimlər: Rəşad Əhmədov, Rahil Ramazanov, Vüsal Məmmədov, Əli Əliyev
Hakim-inspektor: Munis Abdullayev
Gəncə şəhər stadionu.

17:00. “Sabah” – “Qarabağ”
Hakimlər: Fərid Hacıyev, Kamran Bayramov, Müslüm Əliyev, Rauf Allahverdiyev
Hakim-inspektor: Anar Salmanov
“Bank Respublika Arena”.

“Barselona”nın və Polşa millisinin futbolçusu Robert Levandovski Qətərdə keçiriləcək DÇ-2022-dəki favoritlərini açıqlayıb.

Qol.az “Marca”ya istinadən xəbər verir ki, 34 yaşlı hücumçusu Braziliya və Argentina komandalarını fərqləndirib:

“Düşünürəm ki, Avropa və Amerika qitələrində bir neçə favorit var. Məsələn onlardan biri Braziliyadır. Hətta bizim qrupda da biri favorit var. Bu, Argentinadır. Ancaq sonda komandanın bəxti gətirməlidir ki, bütün oyunçular lazımi vaxtda yaxşı formada olsunlar”.

Qeyd edək ki, DÇ-2022 noyabrın 20-dən dekabrın 18-dək keçiriləcək. Polşa millisi C qrupunda Meksika, Argentina və Səudiyyə Ərəbistanı ilə mübarizə aparacaq. Yığma ilk matçını noyabrın 22-si Meksikaya qarşı keçirəcək.