 |
|
|
İŞİD terror qruplaşmasının liderlərindən biri Türkiyədə yaxalanıb. “Report” xəbər verir ki, bu barədə Türkiyə Prezidenti Rəcəb Tayyib Ərdoğan bildirib.
Dövlət başçısı Əbu Zeyd ləqəbli terrorçunun ölkə ərazisində yaxalandığını açıqlayıb.
Tutulan terrorçu təşkilatın Bağdadi və Kardaşdan sonra ən nüfuzlu lideri olaraq tanınırdı.
İsveçdə məhkəmə iki müəllimi öldürməkdə təqsirli bilinən 18 yaşlı Fabian Söderholmu ömürlük həbs cəzasına məhkum edib.
İstintaqın məlumatına görə, əvvəllər məhkumluğu olmayan gənc anlaşılmaz səbəblərdən bıçaq və balta ilə oxuduğu rəssamlıq məktəbinə daxil olub. Orada olan 50-yə yaxın tələbə siniflərdə gizlənib.
Hadisə yerinə polis çağırılıb. Tezliklə iki müəllimin - Viktoria Edstrom və Sara Bukun cəsədi tapılıb.
Hakim Yohan Kvart hökmü izah edərək hücumu “xüsusilə amansız” adlandırıb.
Mənbə: gazeta.ru
Bir neçə gün öncə “Xinnamnor” tayfununun cəngində qalan Primoryedə (Rusiya, Primorsk diyarı) təbii fəlakətin fəsadları aradan qaldırılır.
Məlumata görə, yüzlərlə sakin praktiki olaraq evlərini itirib. İnsanlar su basmış evlərin damında yardım gözləyirlər.
Onlarla yaşayış məntəqəsində 200-ə yaxın evi su basıb, 30-a yaxın körpü zədələnib. Yaşayış məntəqələrinin əksəriyyəti elektrik enerjisiz qalıb.
Bundan başqa kənd təsərrüfatı istehsalçıları böyük zərərlə üzləşiblər - tarlalar, istixanalar, meyvə bağları və sair su altında qalıb. Fermerlər inəklərini xilas etməyə çalışsalar da güclü axın heyvanları sürükləyib.
Qeyd edək ki, “Xinnamnor” supertayfunu artıq Primoryeyə təsirini dayandırıb. Lakin o, arxasında dağıdıcı nəticələr qoyub. Onlarla körpü, yüzlərlə kilometr yol dağıdılıb. Güclü yağışdan sonra hətta kiçik çaylar da gur çaylara çevrilib.
10 mindən çox insan işıqsız qalıb. Tam bərpa işlərinə başlamaq üçün mütəxəssislər suyun səviyyəsinin azalmasını gözləyirlər.
Ətraflı
Altı bələdiyyədə fövqəladə vəziyyət rejimi tətbiq edilib.
Prezident İlham Əliyev Bakının Suraxanı rayonunda yeni inşa edilmiş 87 saylı məktəb kompleksində yaradılan şəraitlə tanış olub.
Bakı Şəhər İcra Hakimiyyətinin başçısı Eldar Əzizov Prezident İlham Əliyevə məktəbdə yaradılan şərait barədə məlumat verib.
Bildirilib ki, 1928-ci ildə inşa edilən təhsil ocağında müxtəlif illərdə təmir-bərpa işləri görülsə də, sıxlıq səbəbindən məktəbin əsaslı şəkildə yenidən qurulmasına ehtiyac yaranmışdı. Məktəbin 790 şagird yerlik binasında 54 sinif otağı var idi. Azərbaycan Prezidentinin “Bakı şəhərində və onun qəsəbələrində təhsil müəssisələrinin tikintisi, əsaslı təmiri və bərpası ilə bağlı tədbirlər haqqında” 2020-ci il 5 may, 2021-ci il 8 may, 2022-ci il 27 aprel tarixli sərəncamlarının icrası ilə əlaqədar məktəbin binası əsaslı təmir edilib və köhnə korpus sökülərək yerində yenisi tikilib.
Eyni vaxtda 2304 şagirdin təhsil ala biləcəyi məktəb bütün inventarla təchiz edilib. Yeni dərs ilində şagirdlərin istifadəsinə veriləcək müasir məktəb binası 82 sinif otağından ibarətdir.
Qeyd olundu ki, dördmərtəbəli korpusda sinif, əmək, hərbi, rəsm, həkim, musiqi və müəllimlər otaqları, laboratoriyalar, kitabxana, yeməkxana, idman, aerobika və akt zalları var. Məktəb zəruri mebel və avadanlıqlarla, əyani vəsaitlərlə tam təchiz edilib.
XalqXeber.Az
Bu gün “Marriott Hotel”də Bakı şəhər Təhsil İdarəsinin sentyabr konfransı keçirilib. Elm və təhsil nazirinin iştirak etdiyi konfransa Milli Məclisin 10-a yaxın deputatı da dəvət olunub.
Tədbirdə iştirak şəxslərdən biri “Yeni Sabah”a məlumat verib ki, konfransda qalmaqal baş verib. Tədbirə dəvətlilər sırasında Milli Məclisin Elm və Təhsil komitəsinin sədri, AMEA-nın müxbir üzvü Bəxtiyar Əliyev də olub. Lakin tədbir boyu ona çıxış üçün söz verilməyib.
Bunu isə deputatlar özlərinə qarşı hörmətsizlik kimi qəbul ediblər: “Hətta deputatlardan biri buna açıq şəkildə etiraz edərək nazirə iradını bildirdi və bunun Milli Məclisə və qanunverici orqana qarşı hörmətsizlik kimi qəbul etdiyini dilə gətirdi. Hətta bu etirazdan sonra da deputatlara söz verilmədi. Sanki deputatları həmin tədbirə sadəcə əl çalmaq üçün dəvət etmişdilər”.
Qeyd edək ki, Milli Məclisin Elm və Təhsil komitəsinin rəhbərləri əvvəllər – Ceyhun Bayramov və Mikayıl Cabbarovun vaxtında da bu tədbirlərə dəvət olunub və çıxış üçün imkan yaradılıb.
"Naxçıvanda 2500-dən artıq gənc, “sahə müvəkkilinin köməkçisi” adı ilə Daxili İşlər Nazirliyi ilə əməkdaşlığa cəlb olunub. Onlara kənd və qəsəbələrdə “təhlükəsizlik kamerası” rolunu oynamaq tapşırılıb".
DİA.AZ xəbər verir ki, bu barədə “Gündəlik Naxçıvan”a hazırda ehtiyatda olan bir qrup polis zabiti məlumat verib.
Onlardan Zakir Məmmədov deyib ki, bu işə, əsasən, kənd və qəsəbələrdə yaşayan işsiz və təhsilsiz olan cüssəli gənclər cəlb olunur:
“Rayon mərkəzləri və şəhərlər təhlükəsizlik kameraları ilə nəzarətdədir. Buna görə də burada onlara bir o qədər ehtiyac yoxdur. Kəndlərdə, xüsusilə ucqar yerlərdə bu gənclərə çox böyük ehtiyac var. Onlar "təhlükəsizlik kamerası" rolunu oynayırlar və buna görə, ayda 250-300 manat maaş alırlar. Muxtar respublika üzrə ümumi sayları 2500-dən çoxdur. Təkcə Ordubad rayonunun payına 250 belə “əməkdaş” düşür”.
Z.Məmmədov bildirib ki, onlara nə edəcəkləri ilə bağlı təlimatlar verilir:
“Yaşadıqları, eləcə də qonşu kəndləri nəzarətdə saxlayır, baş verən hadisələr, gəlib-gedən kənar şəxsləri araşdırır və “yuxarı”ya məlumat verirlər. Bir hadisə baş verdikdə isə, sahə müvəkkilinə kömək edirlər. Sovetlər dövründə də “drujinniklər”, polislə gizli əməkdaşlıq edənlər var idi. İndi isə bu, rəsmi formadadır. Kənd yerlərində hər bir ev, həyət izlənilir. Bu, insanların azadlığının məhdudlaşdırılmasıdır. Hər zaman nəzarətdə olmaq hissi onlara psixoloji basqı təsiri yaradır”.
Polislə əməkdaşlıq edən, adının çəkilməsini istəməyən gənclərdən biri deyib ki, işsizlik ucbatından bu işə razı olub:
“Uzun müddət işsiz qaldım. Təsərrüfatla ailəmi dolandıra bilmirdim. Sonradan eşitdim ki, belə bir iş var. Mən də müraciət etdim. Sağ olsunlar, çağırıb yoxladılar, danışdırdılar və qəbul etdilər. Bir müddətdir ki, bu işdəyəm. Zamanım olanda təsərrüfatla da məşğul oluram. Əsas odur ki, daimi işim, gəlir yerim var. Nə əmr edirlərsə, canla-başla yerinə yetirirəm”.
Dövlət Gömrük Komitəsinin Əməliyyat-istintaq Baş İdarəsinin rəisi vəzifəsində işləmiş general Rəsulov Məsum Eynalı oğlunun həbsindən sonra növbənin onun qudası, Mobil Gömrük və Mallara Elektron Nəzarət İdarəsinin rəisi Məmmədli Ramiz Vaqif oğluna çata bilər. Bu haqda TİA.Az-ın əldə etdiyi məlumata görə, iyulun 15-də Dövlət Təhlükəsizlik Xidmətinin keçirdiyi əməliyyat zamanı saxlanılmış Məsum Rəsulovun həbsi qudası polkovnik Ramiz Məmmədlini səksəkə içində saxlamaqdadır.
İdarə rəisi qudasının həbsi ilə əsas dayağını itirmiş olub. Üstəlik, M. Rəsulov Gömrük Komitəsinin keçmiş sədri Səfər Mehdiyevlə sinif yoldaşı olub. Mehdiyevin işdən çıxarılması, daha sonra Rəsulovun həbsi Məmmədli üçün qara günlərin başlamasına səbəb olub. Məlumata görə, hələlik komitədə idarə rəisi vəzifəsini tutan Ramiz Məmmədli buna qədər Nehrəmdə tarix müəllimi işləyib. Amma sonradan onun üçün gömrük orqanlarının kluarlarında yollar açılıb, karyera pillələrində irəliləyib. İndisə Mobil Gömrük və Mallara Elektron Nəzarət İdarəsinin rəisi postunda tikan üstündə oturmuş kimi əyləşməkdədir. Bunun ardınca Komitənin Gömrük Nəzarətinin Təşkili və Ticarətin Asanlaşdırılması Baş İdarəsinin rəisi, general-mayor Kənan Məmmədov tutduğu vəzifədən azad olunması, hüquq-mühafizə orqanları tərəfindən dindirilməsi, haqqında cinayət işi açılması xəbərləri prosesin davamının gələcəyi ehtimallarını gücləndirib. Bu da Ramiz Məmmədlini daha da həyəcanlandırıb.
XalqXeber.Az
Kamçatkadakı (Rusiya) Klyuçevski vulkanından üç nəfər - iki turist və bələdçi təxliyə olunub. Onların olduğu qrupdan doqquz nəfər isə həyatını itirib. Sağ qalanlar 3300 metr hündürlükdəki vulkanoloqların evində olublar.
Zərərçəkənlər 4000 metr yüksəklikdə baş verənlərdən danışıblar.
Məlum olub ki, dırmanma zamanı iştirakçılardan Anastasiya Usaçova və Roman Averin xəstələniblər. Buna görə də bələdçi İvan Alabugin onları aşağı aparmaq qərarına gəlib və birlikdə 3300 metr hündürlüyə eniblər.
Qalan turistlər isə ikinci bələdçi ilə yoxuşa çıxıblar.
Geriyə dönən qrup vulkanoloqların evinə yaxınlaşanda yoxuşda olan bələdçi radio vasitəsilə onlarla əlaqə saxlayıb və qrup üzvlərinin yıxıldıqlarını bildirib.
Bələdçi İvan da turistləri evə yerləşdirdikdən sonra yuxu çantalarını və çadır götürərək köməyə yollanıb. O, hadisə yerinə bir neçə saatdan sonra çatıb, ancaq artıq üç nəfərin öldüyünü görüb. İvan düşərgə quraraq, qalan zərərçəkənlərə ilkin tibbi yardım göstərməyə başlayıb.
Buna baxmayaraq, xilasedicilərin onlara çatmağa səy etdiyi bir neçə gün ərzində daha altı nəfər ölüb. Sonuncu turist öləndən sonra İvan geriyə, Anastasiya və Romanın onu gözlədikləri evə qayıdıb.
Burada onlar xilas ediliblər.
Həkimlərin sözlərinə görə, 4158 metr hündürlükdən enən bələdçinin ayaqları və qolları donub, qalanların vəziyyəti nisbətən qaydasındadır.
Xatırladaq ki, avqustun 30-da 12 nəfərlik turist qrupu Kamçatka ərazisindəki Klyuçevskaya Sopka dağına qalxmağa başlayıb. Qrupa Rusiyanın müxtəlif bölgələrindən (Altay diyarı, Novosibirsk vilayəti, Primorsk, Kamçatka, Moskva və Vladimir vilayəti) olan insanlar daxil olublar. Artıq sentyabrın 3-də bələdçilərdən biri xilasedicilərlə əlaqə saxlayıb və bildirib ki, 4200 metr yüksəklikdə bir neçə turist yıxılaraq ölüb. Hadisə yerinə helikopter yollanıb. Lakin hava şəraiti ilə əlaqədar xilasediciləri endirə bilməyib. Bazar ertəsi, sentyabrın 5-də artıq doqquz nəfərin öldüyü öyrənilib.
Qəzanın səbəbi hələlik məlum deyil. Fövqəladə vəziyyət zamanı hava yaxşı olub. İlkin ehtimallara görə, daş uçqunu baş verib, daşlar bir neçə nəfəri relyefdən qoparıb, digərləri ilə birlikdə bütün qrupu aşağı sürükləyib.
Mənbə: “Baza” “Telegram” kanalı
Hər gün Neft Daşlarına yollanan neftçilər əslində ölümlə üz-üzə qalırlar və həyatlarını rəsmən risqə atırlar. DİA,AZ bildirir ki, bu barədə narazı işçilər müraciətlərində qeyd edirlər və "Azneft" rəhbərliyini onların probleminə qulaq verməyə dəvət edirlər.
Neftçilər yazır: "Helikopter problemi hələ də qalır. Bu yaxınlarda yenə işçiləri qırağa çıxaran helikopterdə nasazlıq yaranmışdı.
MI8 markalı helikopter "SWHS HELICOPTER SERVICES" şirkətinə məxsusdur. SOCAR dəniz obyektlərində (platforma,özüllər və s) çalışan 20-21 nəfər neftçi işə bu helikopterlərlə aparılıb gətirilir.
Son zamanlar havada uçuş zamanı helikopter mühərrikində nasazlıq yaranması halı müşühidə olunur.
Helikopterlər köhnədir və onların iş resursu tükənib. Buna görə də uçuş zamanı mühərrik və digər hissələrində problemlər yaranır.
Problem əsasən AZE 69 və 71 və 73 nömrəli helikopterlərdə müşahidə olunub. Son 3 ay ərzində uçuş bir neçə dəfə yarımçıq saxlanılıb və məcburi eniş olunub. Pilotlar işçilərə məcburi enişini helikopterin resurslarının tükəndiyi ilə əlaqələndiriblər".
Məsələ ilə əlaqədar dia.az olaraq bütün maraqlı tərəfləri dinləməyə hazırıq...
Neftçilər yazır: "Helikopter problemi hələ də qalır. Bu yaxınlarda yenə işçiləri qırağa çıxaran helikopterdə nasazlıq yaranmışdı.
MI8 markalı helikopter "SWHS HELICOPTER SERVICES" şirkətinə məxsusdur. SOCAR dəniz obyektlərində (platforma,özüllər və s) çalışan 20-21 nəfər neftçi işə bu helikopterlərlə aparılıb gətirilir.
Son zamanlar havada uçuş zamanı helikopter mühərrikində nasazlıq yaranması halı müşühidə olunur.
Helikopterlər köhnədir və onların iş resursu tükənib. Buna görə də uçuş zamanı mühərrik və digər hissələrində problemlər yaranır.
Problem əsasən AZE 69 və 71 və 73 nömrəli helikopterlərdə müşahidə olunub. Son 3 ay ərzində uçuş bir neçə dəfə yarımçıq saxlanılıb və məcburi eniş olunub. Pilotlar işçilərə məcburi enişini helikopterin resurslarının tükəndiyi ilə əlaqələndiriblər".
Məsələ ilə əlaqədar dia.az olaraq bütün maraqlı tərəfləri dinləməyə hazırıq...
Sabiq Baş prokuror Zakir Qaralovun səhhəti ilə bağlı yaranmış ajiotaj davam edir.
Yenisabah.az xatırladır ki, Z.Qaralovun kəskin qaraciyər serrozundan əziyyət çəkdiyi, bu səbəbdən də müalicə olunmaq üçün Almaniyaya getmək istədiyi barədə məlumatlar yayılıb. “Tərtər işi”ylə bağlı keçmiş prokurorun ölkədən çıxışına qadağa qoyulduğu deyilsə də, sonradan Baş Prokurorluq bu xəbəri təkzib etdi.
Dünən günün ikinci yarısında yerli KİV-lər ailə üzvlərinə istinadla Z.Qaralovun Türkiyədə olduğunu yazdılar. Onun müalicə olunmaq üçün qardaş ölkəyə üz tutduğu güman edilir.
“Yeni Sabah” Z.Qaralovla bağlı maraqlı məlumatlar əldə edib. Uzun illər onunla çiyin-çiyinə çalışan keçmiş prokurorluq işçilərindən biri bizimlə söhbət zamanı Zakir Qaralovun alkoqollu içkilərə meylli olduğunu təsdiqləyib. Bildirib ki, keçmiş Baş prokuror hələ karyerasının ilk dövründən – ötən əsrin 80-ci illərindən spirtli içkilərin aludəçisi olub. Dəfələrlə inzibati qaydada tənbeh olunmasına baxmayaraq, o, heç vaxt bu vərdişindən əl çəkməyib.
Mənbə deyib ki, bu üzdən Zakir Qaralovla mərhum Baş prokuror Murad Babayev arasında insident baş verib. 1991-ci ilin dekabrında M.Babayev qəbula içkili vəziyyətdə gələn Z.Qaralovu sərt tənbeh edib. Z.Qaralovun reaksiyası sərt və təhqiramiz tonda olduğundan Baş prokuror ona fiziki təzyiq göstərib.
Qeyd edək ki, bu hadisədən sonra Zakir Qaralov işdən çıxarılaraq sərəncama götürülüb. O, yalnız Murad Babayev vəzifəsini itirəndən sonra işinə bərpa olunmağa müvəffəq olub. Zakir Qaralov – Murad Babayev qarşıdurması ikinci dünyasını dəyişənədək davam edib. Mənbənin dediyinə görə, Z.Qaralov M.Babayevin ona əl qaldırmasını heç vaxt bağışlamayıb. O, 2000-ci ildə Baş prokuror təyin olunarkən ilk işi M.Babayevin prokurorluqdakı adamlarından qisas almaq olub. 2000-ci ilin mayında Zakir Qaralovun əmri ilə Murad Babayevə yaxınlığı ilə tanınan 17 nəfər prokurorluq orqanlarından xaric edilib.
Amma bununla da Z.Qaralovun ürəyi soyumayıb. 2013-cü ilin yanvarında M.Babayev dünyasını dəyişəndə Z.Qaralov onun dəfn mərasiminə qatılmaqdan imtina edib.