Qubadlı Rayon İcra Hakimiyyəti "R-İnşaat Group” MMC ilə satınalma müqaviləsi imzalayıb.

Qaynarinfo xəbər verir ki, maliyyə dəyəri 80 281.3 AZN olan müqavilədə yaşıllaşdırma xidmətlərinin satın alınması nəzərdə tutulur.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "R-İnşaat Group” MMC 26 fevral 2021-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri Nərimanov rayonu, akademik Həsən Əliyev küçəsi, ev 90, mənzil 9-da yerləşir. MMC-nin qanuni təmsilçisi Qasımov Rəşad Sərvər oğludur.

Açıq mənbələrdə Rəşad Qasımov və "R-İnşaat Group” MMC haqqında hər hansı məlumat yoxdur. Şirkətin veb-səhifəsi və əlaqə telefonlarına da rast gəlinmir.
Görünür, bu MMC-nin yeni yaradılması ilə bağlıdır.

"Dövlət satınalmaları haqqında” Qanunun 6.2.1-ci maddəsinə görə, satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanlarının, işçi qüvvəsinin, idarəetmə səriştəsinin və etibarlığının olması gərəkdir.

Bir ildir fəaliyyət göstərən 10 manatlıq şirkətin bu kriteriyaralara cavab verəcəyi inandırıcı görünmür.

Türkiyədə fövqəladə vəziyyətlə əlaqədar Bosfor boğazının altından keçən “Marmaray” dəmir yolu tuneli boyunca qatarların hərəkəti dayandırılıb.

Məlumata görə, sərnişinlər hadisədən İstanbulun Asiya hissəsindəki Üsküdar stansiyasında xəbər tutublar. Orada səsgücləndiricilərdən istifadə edərək insanlara “fövqəladə vəziyyətlə əlaqədar bütün sərnişinlər dərhal stansiya platformalarını tərk etməlidirlər” xəbərdarlığı edilib.

Qatarların hansı səbəbdən dayanması barədə hələlik məlumat verilmir.

Azərbaycanda magistral yolların birində yük maşını aşıb.

Bu barədə sosial şəbəkədə məlumat yayılıb.

Hadisə zamanı yük maşınında olan kolbasa üçün nəzərdə tutulan ət yerə dağılıb.

Qəzanın Siyəzən rayonunda baş verdiyi bildirilir. Yerə dağılan ətləri sakinlərin daşıdığı görünür.

Xaricdə təhsil alanların diplomlarının tanınması ilə bağlı oktyabr ayı üzrə 467 müraciətçinin 406-sı barədə müsbət qərar verilərək müvafiq şəhadətnamələr təqdim edilib, 61 nəfərin müraciəti isə mənfi qərarla yekunlaşıb.

Bu barədə Təhsildə Keyfiyyət Təminatı Agentliyindən xəbər verilib.

Bildirilib ki, tədris yükünü mənimsəmək üçün təhsil aldığı ölkənin ərazisində kifayət qədər olmaması səbəbi ilə 22, dili üzrə bilik səviyyəsinin qənaətbəxş olmaması səbəbi ilə 19, təhsil ölkəsində tələb olunan minimal müddətin ödənilməməsi, həm də tədris dilinin qənaətbəxş olmaması səbəbi ilə 10, digər səbəblər üzrə 10 nəfərin müraciəti mənfi qərarla yekunlaşıb.

Ölkələr üzrə müraciətlərin sayına nəzər saldıqda Türkiyə Respublikasından 140, Rusiya Federasiyasından 133, Ukraynadan 93, Gürcüstandan 18, Böyük Britaniya və Şimali İrlandiya Krallığından 13, digər ölkələrdən isə 70 müraciətin olduğu müşahidə olunur.

Ən çox müraciət olunan ixtisaslara gəlincə, hüquqşünaslıq üzrə 55, iqtisadiyyat üzrə 38, tibb üzrə 33, biznesin idarə edilməsi üzrə 28, stomatologiya üzrə 18 nəfər müraciətçi qeydə alınıb.

Bildiririk ki, sənədlərə ortalama baxılma müddəti 19 gün təşkil edib.

Ötən gün Dövlət Təhlükəsizliyi Xidməti (DTX) tərəfindən saxlanılan Mədəniyyət Nazirliyinin şöbə müdiri İlkin Nəsibov barəsində həbs qətimkan tədbiri seçilib.

Teref.az “Qafqazinfo”ya istinadən xəbər verir ki, bununla bağlı Səbail Rayon Məhkəməsində qərar çıxarılıb. Belə ki, bu gün DTX tərəfindən İ.Nəsibov barəsində cinayət işi başlanılıb və işin istintaqı dövründə onun həbsdə qalması ilə bağlı məhkəməyə təqimat verilib. Məhkəmə təqdimatı təmin edərək İlkin Nəsibov barəsində 4 aylıq həbs qətimkan tədbiri seçib.

Əldə etdiyimiz məlumata görə, şöbə müdiri Cinayət Məcəlləsinin 179.4-cü maddəsi (mənimsəmə və ya israf etmə) ilə ittiham olunur.

Qeyd edək ki, İlkin Nəsibov 2020-ci ildə mədəniyyət nazirinin vəzifələrini müvəqqəti icra edən Anar Kərimovun əmri ilə Texniki təchizat və əmlakın idarəedilməsi şöbəsinin müdiri vəzifəsinə təyin edilib.

Mingəçevirdə yol-nəqliyyat hadisəsi olub. Lent.az-ın məlumatına görə, hadisə şəhərin “20 Yavar” küçəsində, İcra Hakimiyyəti binasının qarşısında baş verib. “Opel” markalı avtomobil, “Nissan” markalı nəqliyyat vasitəsinə çırpılıb. Hadisə nəticəsində ölən və ya xəsarət alan olmayıb.

Sosial şəbəkələrdə yayılan məlumatlara görə, “Nissan” markalı avtomobil Mingəçevir şəhər icra başçısı İlham İsmayılovun xidməti maşını olub. Hadisə baş verərkən isə başçı avtomobildə olmayıb.

Daxili İşlər Nazirliyinin mətbuat xidmətinin Şəki regional qrupundan bildirilib ki, Mingəçevir şəhəri ərazisində “Opel” markalı avtomobilin sürücüsü arxaya hərəkət edərkən manevr etmə qaydalarını pozub və “Nissan” markalı avtomobilə dəyib. Qaydanı pozan “Opel”in sürücüsü barəsində İnzibati Xətalar Məcəlləsinin 327.1-ci ( manevr etmə qaydalarının pozulması) maddəsi ilə protokol tərtib edilib. Hadisə nəticəsində xəsarət alan olmayıb və nəqliyyat vasitələri yüngül zərər görüb.

Xəbər verdiyimiz kimi, dünən Dövlət Təhlükəsizlik Xidməti (DTX) Mədəniyyət Nazirliyində əməliyyat keçirib.

TEREF.AZ bildirir ki, “Unikal”ın əldə etdiyi məlumata görə, həmin vaxt nazir Anar Kərimov iş yerində olmayıb. Lakin A.Kərimov DTX-nın əməkdaşlarının nazirlikdə olduğunu biləndə işə gəlmək istəsə də, sonra fikrindən daşınıb.

Nazirliyin mətbuat xidmətinin rəhbəri Nuridə Allahyarova “Unikal”a açıqlamasında nazir Anar Kərimovun dünən işdə olmadığını təsdiqləyib. O bildirib ki, nazir hazırda iş başındadır.

Belarusda Ukrayna uğrunda həlak olan könüllülərin qohumları həbs olunurlar.

Məlum olub ki, Lukaşenkonun təhlükəsizlik qüvvələri Kastus Kalinovski adına alayın döyüşçüsü olan və Ukraynada həlak olan Vasili Parfenkovun qohumunu həbs edib.

Parfenkovun qohumu saxlanılıb və “tövbə videosu” çəkməyə məcbur edilib. Videoda o, özünü həlak olan Vasilinin qardaşı adlandırır və “ekstremist” “Telegram” kanallarına abunə olduğunu “etiraf edir”.

Lisiçansk yaxınlığında ölən belaruslu könüllü Vasili Parfenkovun əmisi oğlu, bacısı və anası da artıq saxlanılıblar. ( “Belaruski Qayun” “Telegram”)

Azərbaycanda DTX İran kəşfiyyatının yaratdığı silahlı birləşməni ifşa edib.

Araşdırmalar zamanı həmçinin qeyd olunan hərbi təlimlərə cəlb edilmiş Məmmədov Fəqan Sədrəddin oğlunun daha sonra İranın Azərbaycandakı səfirliyinə məxsus avtomaşınla Azərbaycana çatdırılan, üzərində dini məzmunlu şüarlar yazılmış köynəklərin respublikanın bəzi rayonlarında keçirilməsi planlaşdırılan aksiyaların iştirakçılarına paylanmasını təşkil etməsinə əsaslı şübhələr müəyyən edilib.

Bu barədə bu gün DTX-nın yaydığı məlumatda bildirilir.

“Məlum olmuşdur ki, qeyd olunan xüsusi xidmət orqanlarının nümayəndələri Ermənistan silahlı birləşmələrinin işğalçı əməllərinə bəraət qazandırmaları ilə əlaqədar aralarında fikir ayrılığı yaranan Azərbaycan Respublikası vətəndaşlarını sonra da təsir dairəsində saxlamaq üçün onları cəlb edildikləri hərbi təlimlərə dair videokadrlarla və digər üsullarla şantaj etmişlər”, – qeyd olunub.


İran xüsusi xidmət orqanları tərəfindən Azərbaycan vətəndaşlarının gizli şəkildə ölkə hüdudlarından kənarda hərbi təlimlərə cəlb olunması, onların maliyyələşdirilməsi və fəaliyyətlərinin istiqamətləndirilməsi, Azərbaycanın dövlət təhlükəsizliyi maraqlarına zidd olaraq istifadə edilməsi məqsədilə şantaj və digər zorakı üsullarla təsir dairəsində saxlanılması halları ilə bağlı Dövlət Təhlükəsizliyi Xidməti tərəfindən kompleks araşdırma tədbirləri həyata keçirilir.

DTX-dan verilən məlumata görə,əməliyyat-istintaq tədbirləri ilə müəyyən edilmişdir ki, İran xüsusi xidmət orqanının nəzarəti altında, radikal-ekstremist dini ideyaların aşılanması yolu ilə Azərbaycan Respublikası vətəndaşlarından ibarət gizli yaradılmış qanunsuz silahlı birləşməyə rəhbərlik analoji cinayət əməllərinə görə 2018-ci ildən barələrində məhkəmənin qərarı ilə həbs qətimkan tədbiri seçilərək beynəlxalq axtarışa verilmiş, hazırda İranda gizlənən İbrahimbəyli Tohid Alim oğlu, Əsədov Rövşən Elçin oğlu, Məmmədov Orxan Kəmran oğlu, Hacıyev Elşad Elçin oğlu (Əkrəm Hacızadə) və digərlərinə həvalə edilmişdir.

Ötən müddət ərzində qanunsuz silahlı birləşmə tərəfindən əsasən əvvəllər müxtəlif cinayətlərə görə məhkumluğu olan, habelə özlərini “Müsəlman Birliyi Hərəkatı” adlandırdıqları təşkilatın üzvü hesab edən şəxslərin sırasından seçilmiş Azərbaycan Respublikası vətəndaşları üçüncü ölkələrin ərazisindən keçirilməklə İranın Tehran şəhərinə, orada mobil telefon və pasportları götürülməklə, əlaqələrinin gizliliyinə və konspirasiya tələblərinə dair təlimatlandırılmaqla, dini ləqəblər verilərək, təqdim olunmuş saxta sənədlərlə hərbi yük təyyarələrində Suriyanın Dəməşq şəhərinə aparılmışlar. Onlar Suriya ərazisində müxtəlif odlu silahlardan istifadə qaydaları və döyüş taktikasının öyrədildiyi hərbi təlimlərə cəlb edilmiş, təlimlərdə iştirak etmiş hər bir şəxsə təqdim olunan qəbzlərə imza etdirməklə müxtəlif məbləğlərdə pul vəsaitləri verilmişdir.

Həyata keçirilmiş əməliyyat-axtarış tədbirləri zamanı qanunsuz silahlı birləşmələrin hərbi təlimlərində iştirakı müəyyən edilən 19 nəfər Azərbaycan Respublikası vətəndaşı istintaqa cəlb olunmuş, qanunsuz silahlı birləşmə və onun tərəfindən təşkil edilmiş hərbi təlimlər barədə çoxsaylı dəlillər, qanunsuz yollarla Azərbaycana keçirilmiş müasir inkişaf, dünyəvi dövlət ideyalarına qarşı radikal, dini-ekstremist münasibəti təbliğ edən, yayılması Azərbaycanda qadağan edilmiş müxtəlif kitablar, videomateriallar aşkar edilərək götürülmüşdür.

Cinayət işi üzrə əvvəllər məhkum edilmiş Hüseynov İskəndər Hani oğlu, Haqverdiyev Tural Səfər oğlu, Şükürov Eltun Əli oğlu və digərləri Azərbaycan Respublikası Cinayət Məcəlləsinin 12.1, 279.1-ci (qanunvericiliklə nəzərdə tutulmayan silahlı birləşmələrdə iştirak etmə) maddələri ilə cinayət məsuliyyətinə cəlb edilərək saxlanılmışlar.

Eyni zamanda hazırda İranda məskunlaşmış Ruhulla Axundzadə və digərləri tərəfindən qruplaşma üzvlərinə müxtəlif tapşırıqların verilməsi barədə materiallar da aşkar edilmişdir.

Qruplaşma üzvlərini hərbi təlimlərə cəlb edənlərdən biri olan Əsədov Orxan Fərman oğlu üçüncü ölkə ərazisində terror aktına cəhd edərkən həbs olunmuşdur.

Araşdırmalar zamanı həmçinin qeyd olunan hərbi təlimlərə cəlb edilmiş Məmmədov Fəqan Sədrəddin oğlunun daha sonra İranın Azərbaycandakı səfirliyinə məxsus avtomaşınla Azərbaycana çatdırılan, üzərində dini məzmunlu şüarlar yazılmış köynəklərin respublikanın bəzi rayonlarında keçirilməsi planlaşdırılan aksiyaların iştirakçılarına paylanmasını təşkil etməsinə əsaslı şübhələr müəyyən edilmişdir.

Məlum olmuşdur ki, qeyd olunan xüsusi xidmət orqanlarının nümayəndələri Ermənistan silahlı birləşmələrinin işğalçı əməllərinə bəraət qazandırmaları ilə əlaqədar aralarında fikir ayrılığı yaranan Azərbaycan Respublikası vətəndaşlarını sonra da təsir dairəsində saxlamaq üçün onları cəlb edildikləri hərbi təlimlərə dair videokadrlarla və digər üsullarla şantaj etmişlər.

Hazırda kompleks əməliyyat-istintaq tədbirləri davam edir.

Dövlət Təhlükəsizliyi Xidməti hər hansı qanunsuz silahlı birləşmələrdə iştiraka cəlb edilən Azərbaycan Respublikası vətəndaşlarına qarşı ən kəskin tədbirlərin görüləcəyini, onların ciddi cinayət məsuliyyəti ilə üzləşəcəklərini vurğulayır, xarici xüsusi xidmət orqanlarının hər hansı formada təsir dairəsinə düşmələri barədə ölkənin təhlükəsizlik orqanına vaxtında məlumat vermələrinin zəruriliyinə dair onları xəbərdar edir.

Bakı Ağır Cinayətlər Məhkəməsində maraqlı bir məhkəmə prosesi keçirilir.

Müttəhimlər kürsüsündə orta yaşlarında olan Nelli Fabriçnaya əyləşib.

O, “Avtotransyol” və “Murov TSK” şirkətlərinin kadrlar şöbəsinin müdiri olub.

Zərərçəkmişsə hər iki şirkətin baş direktoru Əfqan Zeynalovdur.

İttiham da bundan ibarətdir ki, Nelli Fabriçnaya Əfqan Zeynalova məxsus bu şirkətlərin 423 min dollar (700 min manatdan çox) pulunu ələ keçirib.

Bu cinayət işi Əfqan Zeynalovun şikayəti əsasında başlanıb.

O, polisə şikayət edərək saxlamaq üçün Nelliyə verdiyi pulların sonuncu tərəfindən mənimsənildiyini deyib.

Əfqan Zeynalov məhkəmədə deyib ki, şirkətlər dəmir yollarının tikintisi üçün “Azərbaycan Dəmir Yolları” QSC ilə müqavilələr bağlayıb.

Şirkət eyni zamanda avtomobil yollarının salınması ilə məşğul olub.

2018-ci ildən işçisi olan Nelliyə inandığından, müəyyən işlər görmək üçün qadına etibarnamə verib, tenderdən udduğu pulları onun evindəki seyfdə saxlamaqdan da çəkinməyib.

Nelli Fabriçnaya ibtidai istintaqa verdiyi ifadəsində pulun bir qismini sevgilisinə xərclədiyini, bir qismini isə işdəki xadiməyə kömək məqsədilə verdiyini desə də, məhkəmədə keçmiş müdiri tərəfindən şərləndiyini bildirib.

İbtidai istintaq zamanı isə ifadəsini təzyiq altında verdiyini vurğulayıb.

Məhkəmədə keçmiş müdiri tərəfindən şərləndiyini iddia edib.

Müttəhim hesab edir ki, Əfqan Zeynalov tenderdən gələn pulları özü mənimsəyib, əməlini ört-basdır etmək üçün onu şərləyib.

Əfqan Zeynalovsa iddiasından əl çəkmir.

O, ötən məhkəmə iclaslarında bildirib ki, Nelli hətta onu öldürməyə də cəhd edib: “Guya mənə soyuqdəymə dərmanı vermişdi. İçdim, komaya düşdüm. Məni zəhərləyib öldürmək istəyirdi”.

Bu arada Əfqan Zeynalovun zəhərləmə iddiası hələ ibtidai istintaq dövründə araşdırılıb və təsdiqini tapmayıb. Ancaq o, məhkəmədən həmin iddianın yenidən araşdırılmasını tələb edib.

Noyabrın 1-də məhkəmə şahid qismində Əfqan Zeynalovun bacısı Hökumə Zeynalovanı dindirib.

Şahid deyib ki, qardaşının vəziyyətinin qəfil ağırlaşdığını eşidən kimi onun kirayə qaldığı evə gedib. (Əfqan Zeynalov Nellinin yaşadığı evlə üzbəüz binada ev kirayələyərək orada yaşayırmış). Ona yemək hazırlayıb, yedirdib.

Nelli Əfqana maye içizdirib, Əfqanın halı pisləşib: “Nelli qonşu otağa keçdi, kiməsə zəng vurdu, dedi ki, dərmanı bir neçə dəfə verdim, ancaq hələ Maştağalıq olmayıb. Heç nə başa düşmədim. Sabahı gün yaxasından balaca şüşə çıxaranda əlində tutdum, dedim, bu nədir? Dedi ki “valerian”dır”.

Hökumə Zeynalova ifadəsində göstərib ki, həmin gün qardaşının surumu qəfil ağırlaşıb və o, digər qardaşına zəng vurmalı olub.

Köməkləşərək Əfqanı həkimə aparıblar: "Qardaşım dedi ki, Nelli pulları oğurlayıb, onu öldürmək istəyir. Mən bu barədə Nelliyə deyəndə əvvəl boynuna almadı. Mən ona qardaşımı zəhərlədiyini anladığımızı deyəndə ağladı. Dedi ki, mən öldürməsəydim, onlar məni öldürəcəkdi. Onlar kimdir, bilmədik. Yalvardı ki, şikayət etməyək, pulları qaytaracaq ancaq qaytarmadı, əksinə, sonralar bu mövzuda mübahisəmiz düşəndə dedi, əcəb eləmişəm".

Şahid ifadə verdikcə, Nelli Fabriçnaya tez-tez məhkəməyə onun yalan danışdığını deyib.

Şahid tərəflərin suallarını cavablandırandan sonra hakim Faiq Qəniyev növbəti məhkəmə iclasını noyabrın 14-ə təyin edib. //toplum.tv//