Rusiyanın Ukraynaya işğal hərəkatı Kreml üçün ciddi itkilərlə nəticələndi. Müharibənin bu mərhələsinədək on minlərlə canlı qüvvənin məhv olmasından söhbət gedir. Ukraynanın Qərbdən aldığı silah dəstəyi ilə Rusiyaya bundan sonra da ağır zərbələr vuracağı gözləniləndir. ABŞ-ın dövlət katibi Blinken yaydığı bir açıqlamada “bu müharibədə Ukraynanın uduzması variantı yoxdur” demişdi. Bu vəziyyət isə mərkəzində Rusiyanın dayandığı regional siyasətin tarazlığını, təbii ki, pozur. Burada daimi bir həssaslıqda qalan İran-Ermənistan, İran-Türkiyə, Türkiyə-Ermənistan, Ermənistan-Azərbaycan, Ermənistan-Rusiya, Azərbaycan-İran, Azərbaycan-Rusiya münasibətləri yenidən şəkillənməyə məruz qalacaqmı? Beləliklə, xüsusi mürəkkəblikdə olan bu münasibətlər sisteminin əsas halqası hansı ölkə olacaq? Kimlər iddialıdır? Kimlərin arxasında hansı ölkələr var?

Kremlsiz İrəvan nə edəcək?

İran-Ermənistan, İran-Rusiya, Rusiya-Ermənistan kombinasiyasının maraqlı əks əlaqələri var. İran Ermənistanı həm də ona görə dəstəkləyir ki, Cənubi Qafqazda Türkiyənin Azərbaycanla xüsusi yaxınlığı var, Ermənistanın da Türkiyənin ehtimal edilən təhlükəsini balanslaşdıran dostlara ehtiyacı var. Düzdür, bu balansı Rusiya ilə da yaratmağa çalışırlar, amma Tehran Moskvadan fərqli olaraq İrəvanən daxili işlərinə qarışmır, onun müstəqil dövlət kimi qalmasını daha çox istəyir və bunu dəstəkləyir. Çünki Ermənistanın Rusiyanın təsirində olması İranın maraqlarına cavab vermir. İran bu məsələyə həm Cənubi Qafqazdakı nəzarət marağı baxımından yanaşır, həm də tarixi siyasi konsepti olan “Türk zolağı”nın bütövləşməsi riski kimi baxır. Məsələn, Naxçıvanla Azərbaycanın digər bölgələrini birləşdirən kommunikasiya dəhlizinin Rusiyanın nəzarətində belə açılmasını istəmir. Bu dəhlizə Türkiyə ilə Azərbaycan arasında birbaşa quru yol kimi baxır və bunu milli maraqlarına zərbə sayır. Ölkənin daxilində Azərbaycan türklərinin çoxmilyonlu sayından narahat olan Tehran ikinci Qarabağ müharibəsində hər nə qədər Ermənistana açıq dəstək verə bilməsə də, indiki mərhələdə Ermənistanın Azərbaycanla hansısa ərazi mübadiləsinə gedə biləcəyindən ciddi narahatdır və düşünür ki, Azərbaycanın cənubundan keçən Ermənistan-İran sərhədi aradan qalxa bilər. Məhz buna görə də Tehran hər fürsətdə “sərhədlərin toxunulmazlığı” məsələsini vurğulayır. Rusiya bütövlükdə bölgəni istəyir, onun üçün hazırda Qafqazda yeganə problemli bölgə Gürcüstandır. Ermənistanda və Azərbaycanda silahlı qüvvələri var və düşünür ki, bir yolunu tapıb, bu iki hərbi kontingent arasında daimi əlaqə imkanı yaradacaq. Rusiya Ukraynada və dünyadan uğradığı nüfuz və güc itkisi kontekstində narahat olsa da, belə düşünür ki, Cənubi Qafqazı hələ bir müddət də nəzarətində saxlaya biləcək. Ona görə də İrəvanla Tehranın münasibətlərindən elə də narahat deyil. Çünki Kreml üçün bu kombinasiyada Xankəndi elə bir istinad nöqtəsidir ki, İrəvan Tehranla deyil, lap Vaşinqtonla da gündə məsləhətləşsə, yenə də Moskvaya qulaq verməyə məcburdur. Amma Rusiyanın getdikcə zəiflədiyini bütün parametrləri ilə hiss edən İrəvan da yaxında bir dayaq axtarmağa məcburdur, bu isə şübhəsiz, Tehrandır.

Azərbaycan-Rusiya, Rusiya-Türkiyə, Azərbaycan-Türkiyə

Azərbaycan Rusiyaya iki yerdən bağlıdır. Bunlardan biri Xankəndi düyünüdür. Kreml Azərbaycana öz silahlı qüvvələrini yeritməklə yenidən elə bir vəziyyət yaratdı ki, Azərbaycana birbaşa təsir imkanı əldə etdi. Düzdü, imzalanmış sənədlər Azərbaycanın ərazi bütövlüyünü təkrarən, amma yenə də formal olaraq, təsdiqləyib. Fəqət başqa, həm də dərin bir problem yaradıb. Məsələ budur ki, Azərbaycan ərazilərinin bir hissəsində suverenliyini bərpa edə bilməyib və bu ərazilərdə bir vaxtlar tanınmamış qanunsuz silahlı dəstələr vardısa, indi Azərbaycanın imzası ilə regiona daxil olmuş Rusiyanın rəsmi silahlı qüvvələri var. Üstəlik, bu silahlı qüvvələr ölkələrinin imzaladığı sazişə sadiq deyillər. Bundan əlavə, onlarla imzalanmış saziş heç bir beynəlxalq təşkilat və nüfuzlu dövlətlər tərəfindən rəsmi tanınmayıb. Yaxud da onların Azərbaycandakı varlıqları hansısa rəsmi müəyyən edilmiş mandat üzrə deyil. Beləliklə, Azərbaycanda Rusiyanın bir ordusu var və bu ordu nə edəcəyini heç kimdən soruşmur. Türkiyə və Rusiya bir çox regionda olduğu kimi, Qarabağda da özləri üçün təmas xətti müəyyənləşdirmək istədilər. Daha doğrusu, bunu Türkiyə istədi, amma alınmadı. Sülhü qorumaq adı ilə yaranmış birgə qərargahdan yayılan tək görüntü və xəbər odur ki, rus və türk zabitlər ofisdə zər atıb, masaüstü oyun oynayırlar. Yəni Türkiyə burada yerləşdirilən rəsmi sayı 1961 olan, amma faktiki bundan dəfələrlə çox olan rus əsgərinə tarazlıq yarada bilmədi. Üstəlik, ötən iki il ərzində təmas xəttində və sərhədlərdə baş verən onlarla hadisəyə, itkilərə heç bir reaksiya verməyən birgə qərargahda fəaliyyətini davam etdirdi. Azərbaycan Türkiyə ilə milli, mədəni və bir çox hallarda siyasi baxımdan ortaq bir yol izləməyə məcburdur. Amma burada bir məqam da var ki, Azərbaycan Türkiyəyə Kremldən onu qoparacaq qüvvə kimi deyil, qoruyacaq qüvvə kimi baxır. Yəni Bakıda düşünürlər ki, Kremlin orbitindən tam çıxmaq siyasi xəttə uyğun deyil, amma Kreml də bəzən çox sərt olur. Belə olan halda, balaca bir daldalanacağa ehtiyac var. Bu da təbii ki, Türkiyədir. Türkiyə də, Rusiya da, əlbəttə, bunu yaxşı anlayır. Amma hər iki dövlət də bilir ki, bu kiçik oyuna razılaşmasalar, Azərbaycan Qərbə üz tuta bilər. Nə də olsa, bütün iqtisadi əlaqələr Qərblədir və sərvətləri qorumaq çox önəmlidir. Ona görə də Tehran da, Ankara da bu reallığa dözürlər.

İran-Rusiya, Türkiyə-Rusiya, İran-Türkiyə

İran həm Rusiyaya, həm də hazırki Türkiyəyə antiQərb ortaqları kimi baxır. Tehran yaxşı bilir ki, Kreml Azərbaycanda və Gürcüstanın azərbaycanlılar yaşayan bölgəsində genişlənməkdə olan təriqət ekspansiyasını həmin ölkələrin milli ideologiyalarına qarşı dəstəkləyir və istifadə edir. Amma bu da Tehranın işinə yaradığı üçün rahatca özünü istifadəyə verir. Türkiyə məşhur “Halkbank”-Rza Zərrab olaylarından bəri açıq bilinir ki, İranın dəstəkçilərindən biridir. Regional məsələlərdə nə qədər toqquşsalar da Qərbin İrana qoydoğu sanksiyaları dəlməkdə İrana ən çox Türkiyə dəstək verib və hazırda da ABŞ-da bu proses məhkəmə araşıdrmasındadır. Rusiya Türkiyə ilə toqquşduğu bütün bölgələrdə hər iki ölkənin ən ortaq marağı Qərbi uzaqlaşdırmaqdır. Deməli, vaxtilə 3+3 deyilən və qurula bilməyən formatın böyük başları olan Rusiya, Türkiyə və İranın əsas məqsədi Cənubi Qafqazın 3 digər ölkəsi ilə birlikdə regionu Qərbə qapatmaqdır.

Çin gəlir

Bəli, son bir ayda Tehran sammiti, İran XİN rəhbərinin bütün regionu əhatə edən telefon diplomatiyası, ardınca İran və Ermənistan rəhbərləri arasında danışıqlar İran- Çin danışıqları bizə yeni mərhələ haqqında düşünməyə əsaslar verir. Görünən odur ki, Rusiya artıq bu antiqərb koalisiyasının başını çəkə bilmir. Tehran sammiti də bunu açıq şəkildə ortaya qoydu. Çünki Rusiyadan gözlənilən bütün açıq mesajları İran verdi. İran isə bu məsələdə tək deyil. Onun bu koalisiyadan kənarda ciddi bir müttəfiqi var – Çin Xalq Respublikası. Pekinlə Tehran arasında təxminən bir il altı ay öncə imzalanmış 400 milyard dollarlıq saziş regionun və dünyanın taleyini dəyişə bilər. Regionda isə bu sazişin təmsilçisi və yeni siyasətin mərkəzi kimi Tehran var. Beləliklə, artıq yeni, Çin ssenarili və Tehran mərkəzli antiQərb koalisiyası üzərində ciddi iş gedir. Amma bu prosesin uğur qazanacağına elə də ciddi proqnozlar yoxdur.
Seymur Həzi
pressklub

Ermənistanın paytaxtı İrəvandakı “Surmalu” ticarət mərkəzində baş vermiş partlayış nəticəsində iki nəfər itkin düşüb.

“Report” xəbər verir ki, bu barədə Ermənistanın Fövqəladə Hallar Nazirliyi məlumat yayıb. Məlumata görə, onlar Qaqik Karapetyan, Vanik Əmirxanyandır.

Fövqəladə Hallar Nazirliyinin rəhbəri Armen Pambuxçyanın sözlərinə görə, ölənlərin sayı dəyişməzdir - 16 nəfər, onlardan 15-nin şəxsiyyəti müəyyən edilib.

"Əgər sonuncunun (mərhumun) şəxsiyyəti müəyyən olunsa, bir nəfər itkin düşmüş hesab olunacaq", - o, jurnalistlərə bildirib.

Pambuxçyan qeyd edib ki, itkin düşdüyü bildirilən Rusiya vətəndaşının yaxınları onunla əlaqə saxlayıb və məlum olub ki, həmin şəxs əməliyyat olunub və xəstəxanadadır.

“Surmalu” ticarət mərkəzində partlayış avqustun 14-də saat 13.23-də baş verib, sonra yanğın başlayıb. İlkin məlumata görə, pirotexniki vasitələr olan anbar partlayıb, nəticədə 2,8 min kvadratmetrdən çox sahəsi olan üçmərtəbəli bina qismən dağılıb.

Fövqəladə Hallar Nazirliyinin məlumatına görə, partlayış nəticəsində 16 nəfər ölüb, 2 nəfər itkin düşüb. Hadisə zamanı paytaxtın müxtəlif tibb mərkəzlərinə yerləşdirilən uşaqlar da daxil olmaqla ümumilikdə 62 nəfər xəsarət alıb. Çərşənbə axşamı gününə olan məlumata görə, hazırda 7 yaralı xəstəxanadadır, qalanlarına tibbi yardım göstərildikdən sonra evə buraxılıb.

Avqustun 17-18-də Ermənistanda matəm elan edilib.

Hindistan Azərbaycanın qarşıdan gələn BRİKS sammitində qonaq qismində iştirakına mane olub.

TEREF KONKRET.az-a istinadla xəbər verir ki, Hindistan Azərbaycanın qarşıdan gələn BRİKS sammitində qonaq qismində iştirakını əngəlləyib.

Belə ki, bu il Bakı Braziliya, Rusiya, Hindistan, Çin və Cənubi Afrikanın daxil olduğu BRİKS sammitində qonaq qismində dəvət alıb. Moskva, Pekin, Pretoriya, Braziliya buna müsbət reaksiya verib, lakin Nyu-Dehli buna qarşı çıxıb.

Diplomatik mənbələrin məlumatına görə, diplomatik dairələrdə Hindistan son vaxtlar Azərbaycana qarşı bir sıra təxribat xarakterli hərəkətlər həyata keçirib.

Məlum olduğu ki, Hindistan Qoşulmama Hərəkatının yaradıcılarından biridir. Azərbaycan Qoşulmama Hərəkatının sədri (2019-2023) olmaqla 120 üzv ölkə arasında hörmət və böyük nüfuz qazanaraq bu strukturun institusional inkişafına böyük töhfə verib. Lakin Qoşulmama Hərəkatında az qala yeganə dövlət kimi Azərbaycanın kürəyindən gizlicə zərbə vurmağa başlayan Hindistan olub.

Bakının BRİKS sammitinə iştirakına Hindistan mane olub. Digər ölkələr buna müsbət reaksiya versə də, Nyu-Dehli gözlənilmədən buna qarşı çıxıb.

Hindistanın düşməncəsinə davranışının başqa bir nümunəsi isə, Qoşulmama Hərəkatı Azərbaycanın Londondakı səfirliyinə hücumla bağlı olub. Qoşulmama Hərəkatı səfirliyə hücumla bağlı həmrəylik bəyannaməsi hazırlayırdı. Lakin Hindistan və onun əlaltısı Butan bu bəyannamənin qəbuluna mane olub.

İyulun 25-29-da Şuşada keçirilən Gənclər Zirvəsi çərçivəsində gəncləri birləşdirən Gənclər Təşkilatı yaradılıb. Zirvə toplantısında iştirak edən üzv dövlətlərin nümayəndələri tərəfindən təşkilatın yaradılması alqışlanıb və dəstəklənib. Lakin Hindistan yenə buna qarşı çıxıb və yekun sənədin imzalanmasına mane olmağa çalışıb.

44 günlük müharibədən əvvəl də və elə həmin günlərdə də Hindistanın Ermənistanı necə silahlandırdığını da yaxşı xatırlayırıq. 2020-ci ildə Hindistan 40 milyon dollar dəyərində yerli istehsal olan dörd Swathi radarını öz dəyərinə satmaqla Ermənistanla müdafiə müqaviləsi bağlayıb.

Hindistanın Azərbaycana qarşı bu cür təxribatçı, dağıdıcı davranışında heç bir məntiq yoxdur. Bakının Hindistanda, ümumiyyətlə, o regionda xüsusi maraqları yoxdur.

Hindistan Azərbaycan üçün dördüncü ixracatçı ölkədir. Bu barədə Hindistanın Azərbaycandakı səfirliyinin nümayəndəsi Vinay Kumar deyib.

Qardaş Pakistanla sıx əməkdaşlığa baxmayaraq, Azərbaycan həmişə Hindistanla dialoqa meylli olub.

Bakı ilə İslamabad arasında müttəfiqlik münasibətləri Nyu-Dehlini gərginləşdirməməlidir, çünki onlar üçüncü tərəfə qarşı yönəlməyib.

Bununla belə, Hindistanın xarici siyasətində Bakıya mənfi münasibət açıq şəkildə üstünlük təşkil edir. Ermənistanı dəstəkləməklə Hindistan, açıq-aydın, Azərbaycan və Türkiyə ilə yanlış qarşıdurma kursu seçib.

Hindistanın Xəzər və Qara dənizdə xüsusi maraqları varsa, o zaman məğlub Ermənistanla deyil, yalnız Bakı və Ankara ilə sıx əməkdaşlıq etməklə təmin oluna bilər.

Hindistan Azərbaycanla ciddi şəkildə pozulmuş münasibətləri nə qədər tez normallaşdıra bilsə, bu, önun özü üçün yaxşı hal olar, Bakıya fərq etməz.

İşğal olunmuş Ukrayna ərazilərinin anneksiyası üçün bu gün Kremlin iki əsas planı var.

Bu barədə «Kanal 24»-ə rusiyalı hüquq müdafiəçisi və bloger Mark Feygin bəyan edib.
Ətraflı

«Plan nəzərdə tutur ki, rusiyalılar pilot referendum keçirəcəklər və hələlik işğal olunmuş Donetsk və Luqansk vilayətlərinə toxunmayacaqlar. Ən pis halda bu psevdorespublikaların sadəcə birləşdirilməsini feyk parlamentlər elan edəcəklər» - o, deyib.

Hüquq müdafiəçisi əlavə edir ki, digər işğal olunmuş ərazilərdə hələlik bu plan çərçivəsində Rusiya «referendum» keçirməycək.

AzPolitika.info

Fəxrəddin MEHDİLİ

Rusiyanın Ukraynaya təcavüzü elitanın keyfiyyət problemini də gündəmə gətirib.

Hesab edilir ki, elita intellekt və yaradıcı potenisalına görə xüsusi sosial təbəqədir.

Cəmiyyətin inkişaf perspektivlərini, məqsədlərini müəyyənləşdirir və bunun üçün strateji qərarlar qəbul edir.

Politologiyada əsasən, siyasi, iqtisadi, hərbi, mədəni-informasiya elitaları fərqləndirilir, qeyd edilən həmin elitaların formalaşmasına və keyfiyyətinə məhz siyasi elitanın təsiri böyükdür.

Sosioloqların fikrincə, elitanın hətta bir faizi, yüksək mənəvi və intelektual keyfiyyətlərə malik olduğu təqdirdə ölkənin bütün sahələrdə mütərəqqi inkişafını təmin etməyə qadirdir.

Siyasi elita öz keyfiyyətinə görə ölkənin dinamik inkişafını təmin edə bilər və ya əksinə, mənəvi – intellektual səviyyəsinə görə deqradasiya uğradıqda ölkənin inkişafını ləngidə və hətta məhv edə bilər.

Son illərdə siyasi-elmi institutlar tərəfindən dünya ölkələri elitalarının keyfiyyətlərinin müəyyən edilməsinin metodikası hazırlanıb.

Elitanın keyfiyyətinin müəyyən edilməsi dörd baza prinsipi əsasında aparılır: siyasi hakimiyyət, siyasi dəyərlər, iqtisadi hakimiyyət, iqtisadi dəyərlər.

2020-ci il üçün dünya ölkələri elitalarının keyfiyyətinin reytinq cədvəlinə görə birinci beşliyə - Sinqapur, İsveçrə, Almaniya, ABŞ və Böyük Britaniyanın elitaları layiq görülüb.

Rusiyanın siyasi elitası bu siyahıda axrıncı yerlərdə qərarlaşıb.

Təhlildə göstərilir ki, Rusiya elitası sovet industrial elitasının qarışığı olub, idarəetmənin komanda sistemində işləyir, hədsiz sərvət hərsliyinə malikdir və zamanın tələbinə cavab vermir.

Demokratik elitadan fərqli olaraq avtoritar siyasi elitanın formalaşması qapalı xarakter daşıyır, şəxsi sədaqət, yerliçilik, qohumbazlıq, tayfabazlıq, prinsipləri əsasında formalaşır, elitanın fəaliyyətinə ictimai nəzarətin təsiri yoxdur, elitanın yenilənməsi, təzələnməsi, (elitanın dövriyyəsi) baş vermir, hakimiyyəti əldə saxlanılması üçün zorakılıqdan, manipulyasiyadan geniş istifadə edilir.

Ən fəlakətlisi odur ki, əks elita (real müxalifət) təqib və məhv edilir.

Nəticədə siyasi elitanın intelektual deqradasiyaya baş verir, düzgün strateji qərarlar qəbul etmək imkanlarından məhrum olur, paralel olaraq korrupsiyaya uğrayır, sərvət hərisliyi və harın həyat tərzi onu mənəvi deqradasiyaya aparır və legitimlikdən məhrum edir.

Bu proseslər bütün avtoritar elitaya bu və ya digər formada aiddir.

Avtroritar idarəetmədə əks siyasi elitanın (real müxalifətin) sıradan çıxarılması ölkəni fəalkətə aparır.

Rusiyada müxalifətin aparıcı lideri Boris Nemtsov 2015-ci ildə Moskvanın mərkəzində qətlə yetirilib.

O, ölkənin demokratik dəyərlər əsasında inkişafı üçün ardıcıl mübarizə aparırdı, Ukrayna ilə dostluq, sülh şəraitində yaşamağın tərəfdarı idi.

Bugünkü müharibə də onun dediklərini, proqnozlarını təsdiq edir.

Digər müxalifət lideri A.Navalnının ölümünə sui-qəsd göstərilməsi, sonrakı həbsi Rusiyada əks siyasi elitanın tamamilə məhvinə apardı.

Müxalifətin məhvi müharibə qərarını reallaşdırdı, hər iki ölkənin xalqlarına fəlakət və dünyaya təhlükə gətirildi.

Hazırda qüvvələrin nisbəti dünya demokratik elitasının xeyrinə surətli dəyişir.

Dünya hədsiz qloballaşdığından hər hansı bir ölkədə baş verən ədalətsizlik bütün dünya üçün təhlükədir.

Bütün insanlar Yer kürəsi gəmisinin üzvləridir. Ona görə də demokratik dünya Ukrayna xalqının yanındadır.

Hazırda Ukrayna dəyişir və eyni zamanda, dünyanı da dəyişdirir.

Ümumiyyətlə, avtokratiya özünə məxsus elitanı formalaşdırır.

Ən əsası odur ki, avtoriatr elitanın formalaşması və fəaliyyəti cəmiyyətin inkişaf qanunlarına uyğun deyildir, ona görə də onun deqradasiyası labüddür.

Deqradasiya uğramış elitanın yola salınması isə xalqların hüququ, vəzifəsi və məsuliyyətidir.
qlobal.az

Rusiyalılar Bolqarıstana gəlmək istəmir, gələ bilmir və ya buna hüquqları yoxdur...
Bolqarıstanın Qara dəniz sahili: ruslar olmayanda...

"İsti hava, qızıl qum, dəniz və ruslar..."

"Siz orada Odessaya düşən bombaların səsini eşidirsinizmi?.."

Rusiyalılar Bolqarıstana gəlmək istəmir və ya bu ölkəni ziyarət edə bilmir.

Modedator.az xəbər verir ki, bu barədə Dnes.dir.bg saytı yazıb.

Dəniz sahilindəki otellərdə bu yaxınlarda ukraynalı qaçqınlar olub, indi isə, əsasən, Rumıniyadan olan turistlər və bolqarlar istirahət edir. Nəşrin oxucuları orada ruslarsız işlərin necə getdiyindən danışıb.

Üç almandilli nəşr Qara dənizin Bolqarıstan sahillərində istirahətin ənənəvi icmalını verir.

"İsti, qum, dəniz və ruslar. Bu yaxınlaradək Bolqarıstam sahillərini belə təsvir etmək olardı. İndi isə Rusiya vətəndaşları Bolqarıstana ya gəlmək istəmir, ya gələ bilmir, ya da buna ixtiyarları yoxdur. Bolqarıstan icmaları üçün bu, pis xəbərdir", - İsveçrənin SFF nəşri yazıb.

"Son hadisələrədək Bolqarıstan yayda Bolqarıstan, Rusiya, Ukrayna, Rumıniya, Almaniya və başqa Şərqi və Qərbi Avropa ölkələrindən olan turistlərə rast gəlinən yer olub", - bunu "Süddeutsche Zeitung" nəşri yazıb.

Hazırda Qızıl Qum otellərində, əsasən, Bolqarıstan və Rumıniyadan olan turistlər istirahət edir, hərçənd, bu yaxınlaradək burada ukraynalı qaçqınlar olub.

Nəşrin yazdığına görə, Günəşli sahil və Qızıl Qum sakit istirahətə üstünlük verən əyləncələri sevən, ailələr və təqaüdçülər arasında populyardır, onlar Albenanı-sakit istirahəti, gözəl çimərliyi, sərfəli qiymətləri seçir və attraksion və ya restoranlarda növbələr gözləməyə ehtiyac olmur.

"Mənə Almaniyadan zəng vurub soruşurlar ki, siz Odessaya düşən bombaların səsini eşidirsinizmi, - Varna üzrə bələdçi Vera Mitkova danışıb, - bəziləri elə düşünür ki, bizim Ukrayna ilə birbaşa sərhədimiz var". Turistlərin sayı azalıb, tusdilli bələdçilərin işi xüsusilə mürəkkəbdir.

"Bu il təkcə Rusiyadan deyil, bir çox başqa ölkələrdən Varnaya və Burqasa birbaşa reyslər ləğv edilib. Bəzi rus turistlər Türkiyə vasitəsilə gələ bilir. Bizdə Bolqarıstandan, Almaniyadan və İsraildən olan xeyli rus istirahət edir. Bolqarıstan Avropa İttifaqında rusiyalılara qarşı ən dostcasına münasinət göstərən ölkədir".

Almaniyanın WDR telekanalı danışıb ki, Bolqarıstan təkcə "Qızıl qum" və "Günəşli sahil" çimərlilləri demək deyil. Bu Balkan ölkəsində istirahətin başqa tərəfi də var-mənzərəli Nesebr, Kamçiya qoruğu, Balçik sarayı, Varnada arxeoloji muzeydə saxlanılan qədim qızıl sizdə böyük maraq oyadacaq.

Rusiyalı təbliğatçılar Qazaxıstana göz qoyub
"Qazaxıstan Rusiya və SSRİ tərəfindən böyük hədiyyə olub..."

Qara siyahı"da Baltikyanı ölkələr, Ukrayna, Gürcüstan, hətta Belarus var...

Rusiyalı təbliğatçılar federal telekanalların efirində getdikcə daha tez-tez Qazaxıstana qarşı ərazi iddiaları irəli sürür.

Onlar utanmadan heç vaxt belə dövlətin olmadığını, onun ərazisinin isə "Rusiya və SSRİ tərəfindən böyük hədiyyə" olduğunu bəyan edirlər.

Moderator.az xəbər verir ki, bu barədə "Nastoyaşşeye vremya" ("İndiki zaman") telekanalının süjetində deyilir.

Qeyd olunur ki, KİV-lər müntəzəm olaraq keçmiş sovet respublikalarının ünvanına "nankor qonşular" ifadəsi işlədilir.

"Qara siyahı"da ilk olaraq Baltikyanı ölkələr, daha sonra Ukrayna və Gürcüstan, bəzən hətta Belarusun da adı çəkilir.

Başlıca səbəb- Kremlə qarşı loyal münasibət göstərməməkdir.

İndi isə növbə Qazaxıstana çatıb. Rusiyalı siyasətçi və təbliğatçılar bu ölkənin ərazisini əzəli rus torpaqları" hesab edir, son zamanlar isə Qazaxıstanı "ikinci Ukrayna" və "Cənub sərhədlərində antirusiya" adlandırır.

"Qazaxıstan, sadəcə, mövcud olmayıb", "Ukrayna, Belarus, Qazaxıstan-bunlar, ümumiyyətlə, tarixi Rusiya imperiyasının torpaqlarıdır", "Qazaxlar, qardaşlarımız, bu nə nankorluqdur?",

"Qazaxıstanın ərazisi, ümumiyyətlə, Rusiya və SSRİ tərəfindən böyük hədiyyədir", "Bir var xeyirxah rus insanı bunu sizə hədiyyə edib və siz bunu qiymətləndirib, onunla dostluq edirsiniz, bir də var siz buna tüpürürsünüz", - hakimiyyətyönlü federal kanallarda təbliğatçılar və siyasətçilər belə deyir.

Öz süjetlərində jurnalistlər Dmitri Medvedevin "V kontakte" sosial şəbəkəsində "geniş postu"nu xatırladıb.

Orada Rusiya Təhlükəsizlik Şurası katibinin müavini Rusiya imperiyasının sərhədlərinin bərpasından danışıb, belə fikir yürüdülüb ki, Ukraynadan savayı, Gürcüstan da, Qazaxıstan da süni şəkildə yaradılan ölkələrdir və əsrlər boyu orada ruslar yaşayıb.

ABŞ-ın keçmiş prezidenti Donald Trampın Mar-a-Laqodakı malikanəsində aparılan axtarışlar siyasətçinin xeyrinə olub.

Belə ki, FTB-nin reydi Ağ Evin keçmiş rəhbərinin Respublikaçılar Partiyasının sıralarında mövqeyini yaxşılaşdırıb.

Respublikaçı tərəfdarların 57%-i Trampın 2024-cü ildə keçiriləcək prezident seçkilərində iştirak edəcəyi təqdirdə ona səs verməyə hazır olduqlarını bildirib. Yalnız 17%-i isə onun partiya daxilində əsas rəqibi Florida ştatının qubernatoru Ron DeSantisi dəstəkləməyə qərar verib.

Halbuki bir ay öncə bu qərəmlər müvafiq olaraq 53% və 23% olub.

Mənbə: gazeta.ru

Latviyada iş və ictimai yerlərdə rus dilinin istifadəsini məhdudlaşdıran qanun hazırlanır. Bu barədə ölkənin ədliyyə naziri Yanis Bordans məlumat verib.

“Məhsulların satışı və ya xidmətlərin göstərilməsi zamanı dövlət dili ilə yanaşı, Avropa İttifaqı ölkələri xaric, digər ölkə dilinin istifadəsinə qadağa qoyulmalıdır”, - deyə nazir bildirib.

O, rus dilinin telefon və bank mesajlarından da çıxarılacağınıistisna etməyib.

Bordans qeyd edib ki, yaxın vaxtlarda belə bir qanun hökuməti formalaşdıran partiyalara, sonra isə Latviya Seyminə təqdim ediləcək.