Azərbaycan Respublikasının İqtisadiyyat Nazirliyi Yanında Əmlak Məsələləri Dövlət Xidmətinin rəis müavini Rüstəm Şahbazovun qardaşı oğlu Rəşad Ədalət oğlu Şahbazovun illər sonra əsgəri xidmətindən yayındığı üzə çıxıb.
Bu haqda redaksiyamıza danışan rejissor Orxan Aslan bildirib ki, Rəşad Şahbazov uzun illər Rusiyanın paytaxtı Moskva şəhərində yaşayıb. O, nə Rusiyada, nə də Azərbaycanda hərbi xidmətdə olub. Rəşad Şahbazov Azərbaycana gələrək rüşvət verərək hərbi xidmətdən yayınıb və yararsız hərbi bilet əldə edib.
Hazırda Rəşad Şahbazovla məhkəmə çəkişməsinin davam etdiyini deyən Orxan Aslan, bu məsələlərin hamısın Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsində araşdırıldığını və təsdiq edildiyini bildirib.
İndi Cəlilabad rayonunda özünü “YouTube” kanalı olan “Baş kanal media qrupunun” rəhbəri kimi insanlara təqdim edən Rəşad Şahbazov rayonda təxribat xaraklertli şəkilişlər edərək rayon əleyhinə mənfi imic yaratmaqla məşğuldur.
Tez-tez feyzbuk səhifəsində canlı yayım edən Rəşad Şahbazov Cəlilabadda qəsdən vəziyyətin çox pis olduğunu iddia edir. Belə canlı yayımlarının birində isə o vətənpərvərlik mövzusunda danışmağa cəhd edib və bu vətəni hamımızın sevməli olduğunu bildirib. Bu çıxışlarının ardından onu tanıyanlar bildiriblər ki, adam hərbi xidmətdən yayınıb, vətənə olan borcunu verməyib. Gülünc vəziyyətə düşən Rəşad Şahbazov dərhal həmin çıxışını sosial şəbəkədən silib və xəstə olduğu üçün əsgər getmədiyini bildirib. İndi bu xəstənin özünü “jurnalist” kimi cəmiyyətə sırımağı nə qədər doğrudur? Ona inanlar da elə xəstədir.
Cəlilabadda hektarlarla torpaqları zəbt edən, üzüm bağı salan, icarəyə torpaq verən Rüstəm Şahbazov görəsən niyə qardaşı oğlunu torpağa olan borcunu verməyə göndərə bilməyib?
Araşdırmamız davam edir və gələcək yazılarımızda Rəşad Şahbazovun digər qohumlarının da hərbi xidmətə gedib-getməməsini araşdırıb dəyərli oxucularımıza təqdim edəcəyik.
Teref.az olaraq rejissor Orxan Aslanın qaldırdığı iddialarla bağlı qarşı tərəfində mövqeyini dərc etməyə hazırıq!
Teref.az

Bakı şəhəri, Xətai rayonu, Afiyəddin Cəlilov küçəsində "Yeni Həyat Şirkətlər” Qrupunun inşaa etdirdiyi "Park Azure” yaşayış kompleksində yaşan şəxs liftdə olan məlumat lövhəsindəki kağızları cıraraq, yaşayış kompleksinin dəhlizinə atdığı üçün polis tərəfindən saxlanılıb.

Qaynarinfo-nun məlumatına görə, buna səbəb isə vətəndaşın yaşadığı binanın 12-ci mərtəbəsinə qalxması üçün lift katının deaktiv edilməsi olub.

1977-ci ildə Xaçmaz rayonunda anadan olmuş Samir Əliyev (ad-şərti) yaşadığı binada 2 aydır ki, qanunsuz olaraq lift kartı deaktiv edilib. "Park Azure”a rəhbərliyi lift daxilində onun məlumatını yerləşdirərək göstərmədikləri xidmət haqqına görə pul tələb edib. O, həmin məbləği ödəməkdən imtina etdiyi üçün lift kartı deaktiv edilib.

İki ay müddətində özü və 3 uşağı yaşadığı 12-ci mərtəbəyə hər gün piyada düşüb-qalxmağa məcbur olublar. Dəfələrlə səlahiyyətli şəxslərə müraciət etsə də, problemi həll etməkdən imtina ediblər.

Bu hadisələrdən təngə gələn Samir 24 iyun 2023-cü il tarixdə liftdə olan məlumat lövhəsindəki kağızları cıraraq, yaşayış kompleksinin dəhlizinə atıb. "Reception” bölməsində işləyən Nuranə adlı işçini isə tənqid edib.

"Park Azure”a rəhbərliyi Samirin hərəkəti ilə bağlı polisə məlumat verib. Polis onu saxlayıb və protokol yazaraq, baxılması üçün məhkəməyə göndərib.

Samir Əliyev bildirib ki, "Park Azure” rəhbərliyinin liftə məhdudiyyət qoyması qanunsuzdur: "Tamerlan Əliyev və Elina Əliyeva adlı 2 azyaşlı uşağım var. Bir övladım da Vətən müharibəsi iştirakçısıdır və "Suqovuşanın azad olunmasına görə” medalı ilə təltif edilib".

"Yeni Həyat Şirkətlər Qrupu”nun sədri vəzifəsini müvəqqəti icra edən Babək Babayev bildirib ki, vətəndaşın 1700 manat kommunal xidmətlərə görə yaranmış borcunu siliblər, lakin liftdən istifadəyə görə borcu ödəmədiyinə görə lift kartı deaktiv edilib: "24 iyun 2023-cü il tarixdə liftdə olan məlumat lövhəsindəki kağızları cıraraq, yaşayış kompleksinin dəhlizinə atıb, "reception” bölməsində işləyən Nuranə adlı işçi ilə mübahisə edib, nalayiq ifadələr işlədib, bukletləri götürərək nümaişkarcasına yerə atıb”.

Məhkəmənin qərarı ilə Samir Əliyev İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinib, barəsində 50 manat məbləğində cərimə tətbiq edilib.

Qeyd edək ki, şirkət Bakı şəhərində "Grand Hayat”, "Park Azure”, "Yeni Hayat Residence”, "Yeni Hayat Plaza”, "Azure” və "MegaFun” kimi iri daşınmaz əmlaklara sahibdir.

“Başçı özü ilə bərabər daha iki nəfəri rayona gətirib. Bir nəfər sürücü, bir nəfər də köməkçi. Rayonu da az qala onlar idarə edirlər”.

Lerikdən olan şikayətçilər Jamaz.info-ya belə deyiblər. Onların sözlərinə görə, başçının köməkçi Rauf Vahabzadə demək olar ki, rayonun bütün imkanlı adamlarını “tanıyır”. Şikayətçilər iddia edirlər ki, London təhsilli yeni başçı Əkbər Abbasov gözləntləri doğrultmayıb, əksinə, indi o, rayonun özünü nüfuzlu elan etmiş İmanovların Rayon Maliyyə İdarəsin müdiri Hafiz İmanovun göstərişi ilə oturub-durur, məhz onun xeyir-duası ilə vəzifələr paylayır:

“Cəmiyyətdə və yoldaşlar arasında nə sözünü, nə də davranışını bilən Rauf Vahabzadə öz səviyyəsində olan uşaqları başına yığıb icra başçısını da aldadır. Bu iyrənc hərəkətlər artıq insanlarda qıcıq yaradır”.

Leriklilər qeyd edirlər ki, icra başçısı ilə maliyə idarəsinin müdiri Hafiz İmanovun qardaşı Heybət İmanov arasında dostluq əlaqələri var. Heybət İmanov Əmək və Əhalinin Sosial Müdafiəsi Nazirliyində işləyir. O, Əkbər Abbasovun Şamaxı regional idarəsinin müdiri olan qardaşını himayə edir. Əvəzində, Hafiz İmanov da Lerikdə Əkbər Abbasov üçün “ağsaqqallıq” edir, əksinə, bununla da onu uçuruma aparır:

“Onu da qeyd edək ki, Hafiz İmanov sovetdən qalma saxtakardır. 30 ildən artıqdır ki, rayonun büdcəsini yeyib talayır. Əvvəl həmin idarədə baş mühasib, sonra isə müdir işləyir. Doğma yeznəsi, yəni qızının əri Ramal Məstiyev də Rayon İcra Hakimiyyətinin Lerik Şəhər İnzibati Ərazi dairəsinin nümayəndəsidir. Hafiz pulu ona köçürür, o da yavaş-yavaş xırdalayır. Rayon İcra Hakimiyyətinin baş mühasibi Asiman Tağızadə də Rauf Vahabzadə ilə məsləhətləşərək rayonun abadlığı üçün ayrılmış pulları xərcləyir. Bu təcrübəsiz və vəzifə üçün bişməyən icra başçısı və köməkçi axır başa düşər ki, onu lerikli “məmur qurdlar” necə aldadıblar”.

“İcra başçısı bu günə qədər hələ heç bir iş görməyib. Ancaq yerlərdə əhali ilə saxta görüşlər keçirir, yalan vədlər verir, kombayna oturub güya kombayn sürür, özünü reklam edir və vaxt qazanır. Daha başa düşmür ki, əhalinin səbr kasası dolandan sonra, o, əhaliyə hesabat verməlidir”, – deyə şikayətçilər bildirir.

Şikayətçilər onu da deyir ki, icra başçısı İcra Hakimiyyətində çalışan təcrübəli şəxslərə də imkan vermir, uzun illər bu strukturda çalışan məmurları təcrübəsiz məmurlar vasitəsilə sıxışdırır: “Faktiki Lerik bir neçə ac qurdun və təcrübəsiz uşağın əlinə qalıb”.

7 saylı xüsusi rejimli cəzaçəkmə müəssisəsinin ərazisinin bir hissəsi zəbt olunaraq yerində qeyri-yaşayış obyekt tikilib. Bu barədə "Azərbaycan Reallığı"na sözügedən ərazidə yaşayan sakin fotoşəkil göndərib. Adının çəkilməsini istəməyən vətəndaş bildirir ki, fotoda gördüyünüz bir neçə kvadratmetrlik tikintisi olan obyek qeyri-qanuni tikilib.

Buna etiraz edəndə isə qəribə cavab alıblar. Tikinti sahibi bildirib ki, buranı bizə həbsxana rəisi satıb. Göründüyü kimi yeni tikili obyektin üzərinə çıxsan həbsxanaya rahatlıqla daxil olmaq olar. Həmçinin həbsxana ərazisində mühafizə edən əsgərin mühafizə zolağının cəmi bir neçə metrliyindədir. Bir sözlə, həbsxana üçün ciddi fəsadlar və problemlər törədilməsi mümkündür.

Ümidvarıq adiyyəti qurumlar məsələni araşdıracaqə

“Ağstafa Aqrar Sənaye Kompleksi” MMC məhkəməlik olub. 32gun.az-ın məlumatına görə, adıçəkilən MMC “Aqrarkredit” QSC Bank olmayan Kredit Təşkilatı tərəfindən məhkəməyə verilib.

Gəncə Kommersiya Məhkəməsində hakim Gülnaz Quliyevanın icraatına verilən məhkəmə işinin mahiyyəti Müqavilələrdən əmələ gələn öhdəliklər üzrə mübahisələr - Kredit müqaviləsi üzrə mübahisələrdən ibarətdir.

Bildirək ki, nizamnamə kapitalı 1 milyon 617 min 600 AZN olan “Ağstafa Aqrar Sənaye Kompleksi” MMC-nin qanuni təmsilçisi sahibkar Anar Orucovdur. Anar Orucov Ağstafa Aqrar Sənaye Kompleksinin (AASK) Müşahidə Şurasının sədri, Almaniyanın “RAO Global Group” şirkətinin direktoru, iqtisadçı, hüquqşünas Rəsul Orucovun oğludur.

Mətbuatda gedən məlumatlarda R.Orucovun vergiləri ödəməkdən yayındığı üçün həbs olunduğu, sonradan ev dustaqlığına buraxıldığı bildirilib.

Aqrarkredit”in bazar payı 25 faiz təşkil edir” | marja.azNizamanmə kapitalı 45338981.74 AZN olan "Aqrarkredit" QSC Bank Olmayan Kredit Təşkilatının rəhbəri iş adamı Məmməd Musayevdir.


Mənbə: demokrat.az

Sumqayıt şəhər sakini Ramil Əfəndizadə “Doktor.az” klinikasından şikayətçidir.
O, Bakupost.az -a deyib ki, “Doktor.az” klinikasında həkim səhlənkarlığı ucbatından qızı ölümlə üzləşib, sağlamlığına ciddi ziyan vurulub.
Belə ki, Azərbaycan Dövlət Neft və Sənaye Universitetinin 1-ci kurs tələbəsi Z.Əfəndizadə iyunun 2-də mədə-bağırsağında narahatlıq hiss edib. O anası ilə birlikdə Sumqayıt şəhərində yerləşən “Doktor.az” klinikasına gedib. Kassada 180 manat ödəniş edilməsi tələb olunub.
Pul köçürüldükdən sonra 17 yaşlı qızı kran suyu ilə klizma etmək istəyiblər. Anası irad bildirdikdən sonra isə həmin su distillə olunmuş su ilə dəyişdirilib.

Daha sonra pasiyentə narkoz verilib, mədə-bağırsağı endoskopik diaqnostika ilə müayinə edilib. Atasının sözlərinə görə, yeniyetmə narkozdan ayıldıqdan sonra evə buraxılıb. Evdə isə onun halı pisləşib:
“Uşaq narkozdan ayılandan 5 dəqiqə sonra evə buraxıblar. Xəstəxanadan evə 20 dəqiqəlik yol var. Uşaq evə çatdıqda halı pisləşib, təzyiqi 0-a düşüb. Məlum oldu ki, narkozdan anafilaktik şok keçirib. Dərhal 13-cü mikrorayondan təcili tibbi yardımı çağırdıq. Onların həkimi evin içində saat yarım ərzində uşağın həyatını xilas etmək üçün mübarizə apardı. Daha sonra oksigen balonu olan əlavə təcili tibbi yardım gəldi. Uşağı bir az özünə gətirdilər, təzyiqini 0-dan 40-a qaldırdılar”.
Ramil Əfəndizadə bildirib ki, uşaq özünə gəldikdən sonra onu Sumqayıt şəhər Travmatologiya Xəstəxanasına aparıblar:
“Günorta saat 2-də oraya gəldik. Orada baş həkim Rauf və daha 3-4 həkim uşağa əllərindən gələn ilkin yardımı göstərdilər. Axşam saat 7-ə qədər ona iynələr, sistemlər vuruldu. Uşağı özünə gətirə bilmirdilər ki, Bakıya, Mərkəzi Klinikaya aparaq. 5 saatlıq həkim mücadiləsindən sonra qızım bir az özünə gəldi”.

Z.Əfəndizadə yalnız bunda sonra qızının Bakıya - Mərkəzi Klinikayaa aparıldığını bildirib:
“Qızım 4 gün orada yatdı. Baş həkim Kamran doktor və digər həkimlər onun vəziyyəti ilə bağlı bütün bilgilərə sahib idilər. 4 gün sonra Kardiologiya şöbəsinin müdiri Firdovsi həkim dedi ki, uşaq təcili olaraq Türkiyəyə aparılmalıdır. Uşağın anafilaktik şok keçirdiyini, ürəyinin zədələndiyini, qanının zəhərləndiyini, bütün bakteriya və virusların oyandığını bildirdi”.
Yeniyetmənin atası bildirib ki, qızı İstanbul şəhərində yerləşən “Medical Park” klinikasında 1 həftə ərzində müalicə alıb və sağalıb:
“Gecə saat 5-də təcili tibbi yardımla hava limanına yola düşdük. Yoldaşım, mən və qızım Türkiyənin İstanbul şəhərinə getdik. Oranın hava limanında da bizi təcili tibbi yardım maşını qarşıladı. Qızım İstanbulda “Medical Park” xəstəxanasında qan zəhərlənməsi, Anafilaktik şok səbəbilə 6 gün yatdı. Uşaq bu müddət ərzində sağaldı. 2-3 gün onun tam özünə gəlməsini gözlədikdən sonra evə qayıtdıq. Hazırda vəziyyəti qənaətbəxşdir. Nə yaxşı demək olar, nə də pis”.
Ramil Əfəndizadə “Doktor.az” klinikasının anestezioloqu Şakir Baxşəliyevin məsuliyyətdən boyun qaçırdığını bildirib:
“Şakir həkim deyir ki, mənlik bir şey yoxdur. Mənim günahım deyil”.
Şikayətçi məsələ ilə bağlı Daxili İşlər Nazirliyi (DİN), Sumqayıt şəhər prokuroluğu, Sumqayıt Şəhər Baş Polis İdarəsinin 1-ci polis bölməsinə məlumat verdiyini də qeyd edib:
“Hadisə baş verən kimi DİN-in 102 qaynar xəttinə 3-4 dəfə ard-arda zəng edib şikayətimi bildirmişəm. Travmatologiya Xəstəxanasında olanda Sumqayıtın 1-ci polis bölməsinin əməkdaşları ora gəlib. Onlara da izahatımı və ərizəmi vermişəm. Qurban bayramından iki gün öncə də Sumqayıt şəhər prokurorluğuna lazım olan bütün sənədləri və ərizəmi təqdim etmişəm. Bütün sənədlər əlimdədir. "Doktor.az"ın bizə verdiyi ilk kağız da var. Bu sənəddə qızımın narkoza girməzdən əvvəl müayinə edildiyi və sağlam olduğu qeyd olunub. Bunu klinikanın özünə də təqdim etmişəm”.
Zərəçəkmişlər aidiyyəti qurumların məsələyə diqqət göstərilməsini,onlara maddi və mənəvi ziyan vuran şəxslərin ağır şəkildə cəzalandırılmasını tələb eder.
Məsələ ilə bağlı “Doktor.az” klinikasına ünvanlanan suallarımız cavabsız qaldı.
***
20:15
"Doktor.az" klinikasının direktoru Cəmaləddin Kəlbalıyev Bakupost.az -la əlaqə saxladı.
O, məsələ ilə bağlı Prokurorluğun araşdırma apardığını bildirib:
"Xəstə sterilləşdirilmiş su ilə imalə olunub. Lakin hamı bilir ki, lazım olanda istənilən su ilə imalə olunmada problem yoxdur. O, buradan sağlam ayrılıb. Onu saat 6-7 radələrində təcili tibbi yardım aparıb. Təzyiqi müəyyən qədər düşüb. Lakin təzyiqin 0-a enməsi barədə məlumat yalandır. Təzyiqi 0-a düşən insan yaşaya bilər? Xəstənin atasına izah etmişik ki, gedin, hüquq-mühafizə orqanlarına müraciət edin. Həkimin bir günahı varsa, cəzasını çəkəcək. Mərkəzi Klinika da, Türkiyədəki həkim də deyir ki, bizim həkimdə günah yoxdur. Hal-hazırda məsələ ilə bağlı bütün sənədləri Prokurorluğa təqdim etmişik, araşdırma aparılır. Hər şei araşdlrmanln nəticələrində bəlli olacaq".
Direktor vurğulayıb ki, şikayətçinin verdiyi məlumatlar şantaj xarakterlidir:
"Uşağın anasının da 1-2 il əvvəl kardioloji problemi olub, Bakıda hansısa klinikada stend qoyublar. Daha sonra onları da şantaj edib pullarını alıblar. Bizə də deyirlər ki, 15 min dollar xərcimiz çıxıb, onu ödəyin. Xəstənin atası Türkiyədəki həkimlərə deyib ki, sənəddə filan şeyləri qeyd edin, gedib pul tələb edəcəm.
Müayinə zamanı anası da yanında olub. Deyib ki, iynəni niyə tibb bacısı vurdu, həkim vursun. Bu cür bəhanələr gətirirlər. Yalanlarını öz sözləri ilə təsdiq edirlər. Deyirlər ki, həkim narkotik qəbul edib. 35 ilin həkiminə o sözü demək olar? İndi həkim də iddia qaldırıb, yoxlansın, o da təzminat tələb etsin? Biz onların üzərinə getmirik, xalqın xidmətində durmağa çalışırıq.
Biz onu dəvət etmişik ki, həkim tanışınız varsa, gəlin, bizim həkimlərlə müzakirə etsinlər. Həkimin problemi olubsa, cəzalansın. Heç bir həkimlə gəlməyib. Bir gün deyir, pula görə gəlməmişəm, bir gün deyir, pulumu verin, bir gün deyir, Prokurorluq da işə düzgün baxmır".

Salyan Rayon İcra Hakimiyyəti Başçısının Salyan şəhəri üzrə Nümayəndiliyi “A+H Təmir Tikinti” MMC ilə satınalma müqaviləsi imzalayıb. Müqavilədə Salyan şəhərnin küçələrinin işıqlandırılması işləri üzrə materialların alınması nəzərdə tutulur. Buna görə qurum şirkətə 45 024.08 AZN ödəyəcək.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “A+H Təmir Tikinti” MMC 28 oktyabr 2011-ci ildə qeydiyyata alınıb. Nizamnamə kapitalı 50 AZN olan şirkətin hüquqi ünvanı Şirvan şəhəri, Rəsulzadə küçəsi, ev 27V/1T-də yerləşir. MMC-nin qanuni təmsilçisi isə Abasov Vüqar Mehman oğludur.
“A+H Təmir Tikinti” MMC 11 ildir fəaliyyət göstərməsinə baxmayaraq açıq mənbələrdə barəsində hər hansı məlumat yoxdur. Şirkətin əlaqə telefonları və saytına da rast gəlinmir.
Dövlət satınalmalarının vahid internet portalına nəzər saldıqda məlum olur ki, şirkət əsasən Salyan Rayon İcra Hakimiyyəti və sözügedən rayondakı qurumların tenderlərinin qalibi olur.
Şirkətin qalibi olduğu tenderlərin şərtlərinə diqqət etdikdə MMC-nin çoxfprofilli olduğu üzə çıxır. Məsələn, Salyan şəhər icra nümayənliyinə işıqlandırma ilə bağlı materiallar satan şirkət ötən il Salyanda kənd yollarının təmir ilə bağlı Salyan Rayon İcra Hakimiyyəti ilə 150 min manatlıq müqavilə imzalayıb.
Yaxud da şirkətin ötən il Salyan Suvarma Sistemləri İdarəsi ilə bağladığı 30 min manatlıq müqavilədən aydın olur ki, şirkət həm də buldozer təmir edir.
Beləliklə, “A+H Təmir Tikinti” MMC inşaat şirkəti olsa da, elektrik materialları, maşın mexanizmləri, nəqliyyat vasitələri üçün ehtiyat hissələri və tikinti materialları da satır.
MMC-nin “çoxprofilli” olması müəyyən şübhələrə yol açır. Ekspertlər bildirir ki, adətən bu tip şirkətlər tender oyunlarında iştirak üçün yaradılır.(reportyor.info) Xatırladaq ki, bundan əvvəl S.Hətəmov qalmaqallı görüntülərlə gündəmə gəlmişdi. Həmin videokadrları diqqətinizə çtdırırıq:

Dünən başında Balababa Rzayevin dayandığı “Azərenerji” ASC ilə bağlı bir məlumatı paylaşdıq. Xəbərdən də aydın olurdu ki, "Azenerji" 6/10/35/110 kV-luq xətlərdə elektrik enerjisinin ötürülməsi, qəbul olunması, çevirilməsi və paylanılması üçün müxtəlif malların satın alınması ilə bağlı tenderə yekun vurub.

DİA.AZ-ın məlumatına qeyd olunurdu ki, tələblərə cavab verən, ən aşağı qiymət təklif edən “Smart Energy Solutions” QSC tenderin qalibi müəyyən olunub.

Qalib gəlmiş təşkilatla müvafiq satınalma müqaviləsi imzalanıb. Onu da bildirək ki, ilk dəfə deyil ki, başında Balababa Rzayevin dayandığı həşəmətli "Azenerji" milyonları “Smart Energy Solutions” QSC-yə ötürür. Aydın olurdu ki, “Smart Energy Services” MMC şirkəti 2022-ci ilin təkcə son 6 ayında Balababa müəllimin yedək "kantoru" olan «Azərişıq» ASC-dən 30 milyrn manata yaxın həcmdə tender sifarişi alıb...

Daha ətraflı aşağıdakı metrialda:

Balababa Rzayevin bala-bala tender oyunları... - BU DA FAKT!!!

İndi isə aydın olur ki, tenderi tenderə calayan "Aznereji" daha bir şübhəli ortağa büdcə pullarını ötürməkdədir.

Aydın olur ki, "Azərenerji" ATSC "Müxtəlif növ inşaat mallarının satınalınması" tenderinin nəticələrini elan edib.

DİA.AZ xəbər verir ki, qalib "Constructor Supply Services" MMC (VÖEN: 3101632501) olub.

Şirkətlə 978 869 manat məbləğində müqavilə imzalanıb.

Biz dia.az olaraq sözügedən şirkətlə və ümumiyyətlə "Azenerji"nin digər tender partnyorları ilə bağlı araşdırma materialı hazırlayırıq və yaxın günlərdə həmin materialı təqdim edəcəyik.

Buna qədərsə, dözlətin müvafiq qurumlarının gərəkən təftişi keçirəcəyinə də ümid edirik. Hər halda, sonuncu olaraq tender qazandırılan "Constructor Supply Services" MMC də "az aşın duzu deyil"...

Bu barədə növbəti yazıda.

İddia olunanlarla bağlı dia.az olaraq bütün maraqlı tərəfləri dinləməyə hazırıq...