Ardını oxu...
 
Ötən yazımızda Dövlət Notariusları və onların rəhbərləri haqqında reportaj hazırlamışdıq. Biz elə bilirdik ki, bu sahədə baş verən özbaşınalıqlardan, bu notariusa rəhbərlik edən şəxslərin xəbəri yoxdur. Hətta, yazıda Ədliyyə Nazirliyinin bu məsələyə cavabdeh olan şəxslərinə müraciət də olunmuşdur. "Biz inanırıq ki, Ədliyyə Naziri cənab Fikrət Məmmədov, Ədliyyə Nazirliyi Qeydiyyat və Notariat Baş İdarəsinin rəisi İlqar Məmmədov, Ədliyyə Nazirliyi Qeydiyyat və Notariat Baş İdarəsinin rəis müavini Mehman Soltanov bu məsələlərə ciddi yanaşaraq, bütün günahkarların cəzalandırılması üçün müvafiq addımlar atacaqlar. Zərərçəkmişin hüquqları tam müdafiə olunacaq".
Sən demə, hər bir notarius gördüyü qeyri-qanuni işə görə, özündən yuxarı rəhbərliyə hesabat verir. Bu hesabatlarda görüləcək işlərin miqyası bildirilir, həm də o da açıq-aşkar göstərilir ki, hansı əməliyyat aparılacaq.
Ötən yazımızda onu da bildirmişdik ki, Binədə yerləşən 31 saylı Dövlət Notariusun rəisi Ramiz Hümmətovla Yevlax şəhərində yerləşən Dövlət Notariusunun rəhbəri Elxan Hüseynovun arasında əvvəlcədən razılaşma olub və bu şəxslər gecə saatlarında xaricdə yaşayan, Azərbaycanda olmayan vətəndaşın adına etibarnamə veriblər. Onu da bildirmişdik ki, bu məsələ Ədliyyə Nazirliyinin Notariat İdarəsinin rəisi İlqar Məmmədov və Mehman Soltanovun nəzarətində olacaq və araşdırılacaq. Ötən yazımızda da bildirmişdik ki, Ramiz Hümmətov və Elxan Hüseynov Ədliyyə Nazirliyində kimlərəsə arxayın olmasalar, belə qeyri-qanuni işlərə imza atmazlar. 
Bəli, ötən yazımızda Ramiz Hümmətovun gördüyü qeyri-qanuni işlər haqqında məlumat vermişdik. Onu da bildirmişdik ki, Ramiz Hümmətov, Məmmədli qəsəbəsində qeyri-qanuni yolla əldə etdiyi geniş torpaq sahəsində saldığı fərdi yaşayış evləri kompleksini qəsəbədə icra nümayəndəsinin müavini vəzifəsində işləyən qardaşı oğlu İlkin Hümmətovun adına rəsmiləşdirib. Hələ bunlar harasıdır ? Ramiz Hümmətovun elə əməlləri var ki, oxuyanda adam dəhşətə gəlir. Bu adam vətəndaşın adına olan qanuni avtomobili onun razılığı və imzası olmadan başqasına satıb. Bu əsl möcüzədir. 
Bəli, bu saxtakarlıq əməli 31 saylı notariat kontorunun rəhbəri Ramiz Hümmətovun əli ilə həyata keçirilib. Və 31 saylı notariusda avtomobilin alqı-satqısı baş tutub. 
İndi gördünüzmü, Ramiz Hümmətov kimilər üçün Azərbaycan qanunları nədir?

Ramiz Hümmətovun gördüyü qeyri-qanuni işlərlə bağlı dünyanın bütün mirzələrini yığıb siyahı hazırlatsaq belə, ona vaxtımız çatmaz. 
Ötən yazımızda Suliyeva Nabatın Azərbaycan Respublikası Bakı şəhəri, Nazim Hikmət küçəsi ev 32, mənzil 2-də yaşadığını bildirmişdik. Həm də Suliyeva Nabat Muğan bankda öz adına 100 min manat vəsait qoyduğunu da göstərmişdik. Xaricdə yaşaması ilə əlaqədar olaraq, Nabat xanım öz adından nəvəsi kimi çox istədiyi bir şəxsə etibarnamə də verir. Bu şəxs Nabat xanım üçün həmişə dəyərli və istəkli olaraq qalır. Nabat xanımın həmin şəxsə verdiyi etibarnamə qüvvədə ola-ola nədənsə birdən-birə 31 saylı Notariusun rəisi Ramiz Hümmətov peyda olur. Sonradan necə ola bilər ki, Nabat xanımın başqa bir adama etibarnamə verdiyi bir halda Ramiz Hümmətovun vasitəçiliyi ilə etibarnaməsi olan şəxs axtarılır, Ramiz Hümmətov vəzifəsindən sui istifadə edərək, həmin etibarnaməsi olan şəxsin şəxsi məlumatlarını qeyri-qanuni olaraq, sistemdən əldə edir, hələ bu da azmış kimi həmin şəxslə telefon əlaqəsi yaradaraq, onun başqasına etibarnamə verməsini tələb edir. Gördükdə ki, həmin şəxs bu məsələdən imtina edir, Ramiz Hümmətov işi həmin şəxssiz qeyri-qanuni həyata keçirərək, xarici ölkədə olan Suliyeva Nabatın adından başqa şəxsə etibarnamə yazır. Məsələnin ciddiliyini bax burada nəzərə almaq lazımdır.
09.06.2023-cü ildə gecə saat 23.59-da, Suliyeva Nabatın adından, Hacıyev soyadlı bir şəxsə etibarnamə verilir. Gecə saat 23.59-da, xarici ölkədə yaşayan Suliyeva Nabatın adından verilən etibarnamə, elə həmin saniyə də də sistemə daxil olur, həmin sənəd sistemə daxil olan kimi də təsdiq edilir. Budur, Binə 31 saylı Dövlət Notariusunun rəhbəri Ramiz Hümmətovla, Yevlax rayon Notariusunun rəisi Elxan Hüseynovun qanunsuz əməlləri. 
Qeyd edək ki, 81 yaşlı hal-hazırda xarici ölkədə yaşayan Suliyeva Nabat heç bir Mobil Notariat Proqramından istifadə edə bilmir, onunla qanunsuz olaraq, Whatsapp vasitəsilə əlaqə saxlanılıb. Etibarnaməsi olan şəxs isə etibarnamə əlində qalaraq gözləyir. Yevlax rayon notariusu işləyən Hüseynov Elxan İlyas oğlu da Ramiz Hümmətovla bu işdə birgə saxtakarlıq ediblər. İncə məqamlardan biri də odur ki, 31 saylı notariusun rəisi etibarnaməsi olan şəxsə zəng vuraraq, hətta rüşvət də təklif edib. Ramiz Hümbətovun əlimizdə olan səs yazısı bütün məsələlərə aydınlıq gətirmək üçün sübutdur. Muğan bankdan 100 min manat pulun qeyri-qanuni yolla çıxarılmasında  əli olan bütün şəxslərin məsuliyyətə cəlb olunması üçün əlimizdən gələni edəcəyik.

Bəli, ötən yazımızda biz qeyd etmişdik ki, məsələ ilə bağlı Ədliyyə Nazirliyi Qeydiyyat və Notariat Baş idarəsinin rəisi İlqar Məmmədov, Ədliyyə Nazirliyi Qeydiyyat və Notariat Baş İdarəsinin rəis müavini Mehman Soltanov bu məsələlərə ciddi yanaşacaq. Sən demə, Mehman Soltanov həm Ramiz Hümmətovu, həm də Elxan Hüseynovu ciddi cəhdlə müdafiə edir. Mehman Soltanovun bu məsələdə nə üçün belə canfəşanlıq etməsi bizim üçün qaranlıq qalan məsələlərdəndir. Bəlkə də burada Gürcüstanda yerləşən "Kazino söhbətləri" rol oynayır. Amma bu gün Ədliyyə Nazirliyi ilə bağlı cənab Prezidentimiz tərəfindən verilən sərəncam Mehman Soltanovlara bir xəbərdarlıq mesajı olmalıdır. Bu haqda növbəti yazımızda.

 

Ardını oxu...
 
2021-ci ildə Daxili işlər naziri, general-polkovnik Vilayət Eyvazovun əmrinə əsasən polis mayoru Elşən Talıbov Masallı Rayon Polis Şöbəsinin (RPŞ) xidmət üzrə rəis müavini təyin olunub. Elşən Talıbov daha əvvəl Masallı RPŞ-nin İctimai təhlükəsizlik bölməsinin rəisi olub. Onun əvvəllər işlədiyi və tutduğu vəzifələrlə heç bir işimiz yoxdur. Hal-hazırda Elşən Talıbovun Masallı şəhərində hörmətli nazirimizin etimadını necə doğrultmasından bəhs edəcəyik..? Konstitusiyamızda göstərilir ki, qohumların bir yerdə işləməsi qanuna ziddir. 
Masallı o qədər həssas bölgədir ki, bu bölgədə həmişə Hüquq Mühafizə Orqanlarının işlək fəaliyyəti vacib sayılır. İnsaf naminə qeyd etmək lazımdır ki, Masallı şəhərində polis şöbəsinin rəisi başda olmaqla asayişin qorunması ən yüksək səviyyədədir. Hansısa bir şəxsin yarıtmaz fəaliyyətinin və ya işində olan nöqsanlara görə bütün şöbə məsuliyyət daşımalı deyildir. Biz bir mətbu orqan olaraq, görülən müsbət işlərə kölgə salan şəxslərin fəaliyyətini işıqlandırmaqla, öz üzərimizə düşən məsuliyyətli vəzifənin öhdəsindən gəlirik. Bizə göndərilmiş məlumatda Masallı Rayon Polis Şöbəsinin rəis müavini Elşən Talıbovun öz vəzifə səlahiyyətlərindən istifadə edərək bir sıra qanunsuzluqlara yol verildiyi bildirilir. 
Düzü, daxil olan məlumatlar onu deməyə əsas verir ki, Masallıda polisin nəzarət etməli olduğu bir çox məsələlər ürək açan deyil. Narkomanların gündən-günə artması, sələmçilərin qara camaatı sözün əsl mənasında yükləməsi, küçə ticarətinin genişlənməsi əsas verir ki, deyilənlərə inanaq. Amma media üzərindən də apardığımız araşdırma zamanı bildik ki, rayon məktəblərində keçirilən tədbirlərin çoxunda rəis müavini Elşən Talıbov narkomaniyaya, dini radikalizmə, erkən nikahlara, əxlaqsızlığa qarşı pafoslu çıxışlar edir, gənc nəsilə öyüd-nəsihət verməyə çalışır. Çox bəyənilən məsələdir. 
Buradan üzümüzü tuturuq rəis müavini Elşən Talıbova və soruşuruq: Cənab rəis müavini, məktəblərdə maarifləndirici çıxışlar edirsən, çox gözəl biz sizi alqışlayırıq, amma rəis müavini işlədiyin RPŞ-nin və ASAN Xidmətin binası ilə üzbəüz GÖYƏRÇİN kafesində baş verənlərdən xəbərin yoxdur..? Necə ola bilər ki, Masallının düz girişində, hamınızın gözü qarşısında GÖYƏRÇİN kafesində baş verənlərdən bizim xəbərimiz olur, ordan-ora siz onu görmürsünüz? 
Biz Masallı Rayon İcra Hakimiyyətinin başçısı Araz Əhmədova, Masallı rayon Polis Şöbəsinin rəisi Azay Ağayevə, Masallı rayonunda fəaliyyət göstərən iş adamlarına, Millət vəkillərinə, Hacılara, bütün ziyalılara, jurnalistlərə müraciət edərək bildiririk ki, Masallı rayonunda baş verən və qarşısı alına biləcək bütün problemləri önləmək lazımdır. İlk öncə, meşə zolağını qeyri-qanuni zəbt edərək 15-ə yaxın "bisetka" yerləşdirən, adı Qırmızı Kitaba düşən, ağacları kəsərək rəqs meydançası yaradan şəxsləri cinayət məsuliyyətinə cəlb etmək lazımdır. Əxlaqsızlıq kafesi kimi fəaliyyət göstərən GÖYƏRÇİN kafesini yerli dibli bağlatdırmaq lazımdır. Bir məsələni də xatırladım ki, bu baş verənlərin hər birindən Elşən Talıbovun xəbəri var. 
Əlbəttə, xəbəri var. Və o bilir ki, adı kafe, ictimai-iaşə obyekti olan Göyərçin kafesi neçə vaxtdlr ki, əxlaqsızlıq yuvası kimi fəaliyyət göstərir. Bunu az qala bütün Masallı camaatı bilir. 
Hörmətli Elşən Talıbov bəlkə, Masallının girişində rayondakı vəzifəli şəxslərin, polisin, prokurorun, məhkəmə hakimlərinin, icra hakimiyyəti nümayəndələrinin gözü qarşısında baş verən olaylardan heç xəbəriniz yoxdur..? Yaxud Göyərçin kafesinin yanında, ASAN Xidmətlə üz-üzə yenicə tikilmiş, hələ adı olmayan obyektin sənə məxsus olduğunu da inkar edəcəksən..? 
Həmin qeyd etdiyimiz ərazilərdə yaşlı ağacların, Qırmızı Kitaba düşən ağacların qırılmasından, dəqiq desək 50-yə yaxın ağacın məhv edilməsindən və yerində 15-ə yaxın bisetka, mətbəx, tualet, ayrıca kabinet, rəqs meydançasının tikilməsindən də xəbəriniz yoxdur..? Hansı ki, bu obyektlərin heç birinin rəsmi sənədi yoxdur. Bu yenicə tikilən obyektin bütövlükdə Elşən Talıbova məxsusluğu hamıya məlumdur. Hətta Masallı camaatı deyir ki, Elşən Talıbov meşələri də zəbt edib. Talıbovlar təkcə meşələri deyil e, vəzifələri də zəbt ediblər. Belə ki, Elşən Talıbov özü Masallı Rayon Polis Şöbəsinin xidmət üzrə rəis müavinidir, əmisi oğlu Zaur Talıbov Masallı Rayon Polis Şöbəsində Təhqiqatın rəisidir, başqa bir qohumu İxtiyar Talıbov isə Masallı Rayon Polis Şöbəsində rəisin Şəxsi Heyət üzrə köməkçisidir. Görəsən, Masallıda başqa bir layiqli kadr yoxdur ki, vəzifələrə ancaq Elşən Talıbovla birbaşa eyni soyadı daşıyan qohum-əqrəbası doldurulub? Bunun özü korrupsiyaya yol açan haldır və qanuna ziddir. 
Biz yazının girişində  əbəs yerə yazmadıq ki, Elşən Talıbov məktəblərdə keçirilən tədbirlərdə narkomaniyanın əsrin bəlası olmağından, yetkinlik yaşına çatmayan qızların pis yola cəlb edilməsindən, hətta dini radikalizmdən danışır. 
Əziz oxucular nəzərinizə çatdıraq ki, Elşən Talıbov rayonda olan falabaxanlarla, dua yazanlarla o qədər sıx münasibətdədir ki, az qalır ki, onların öncə görmələrindən istifadə etsin. Masallıda küçə alverçiləri, yol qırağında vedrədə pomidor qoyub satanlar, sələmçilər hamısı Elşən Talıbovu yaxından tanıyırlar. Rayon ərazisində narkomaniya getdikcə güclənir. Narkotacirlərin rayon ərazisində olması yaxşı hal deyildir. 
Bir məsələni də qeyd edək ki, "Araz" və "Rahat" marketlərə girən bəzi əməkdaşlar yenicə aldıqları 211-lə başlayan nömrələrini tanışlıq üçün qadınlara, qızlara verirlər. Araşdırılsa ki, 211-lə kim yenicə nömrə alıb, hər şey aydın şəkildə bilinəcək. Hələ biz bağça müdirəsinin kimin adamı olmasını başqa bir yazının mövzusu olduğu üçün, qabartmırıq.
Sözün qısası, Masallı Rayon Polis Şöbəsinin rəis müavini Elşən Talıbovun əməllərinə hüquqi qiymət verilməsi üçün hörmətli nazirimiz Vilayət Eyvazovdan xahiş edirik ki, yuxarıda qeyd etdiyimiz məsələlər obyektiv və ciddi araşdırılsın. Unutmayaq ki, Masallı həssas bölgələrimizdən biridir.
P.S. Biz Masallı Rayon Polis Şöbəsinin fəaliyyətini alqışlayaraq orada olan bəzi şəxslərin haqqında sadəcə olaraq cənab Nazirimiz Vilayət Eyvazovu məlumatlandırdıq.
Ardını oxu...
Azərbaycan Dövlət Aqrar Universitetində təhsil almaq olduqca çətinləşib. Biz tələbələrə Azərbaycan xalqının təhsil alan gəncləri kimi və gələcəyin bir şəxsiyyəti kimi yox, sanki marketdə satılan hər hansı bir əşya kimi baxırlar. Universitetdə imtahan sessiyasında hörmətli rektorumuz Zəfər Qurbanovun sayəsində bütün imtahanlarımızı şəxsən onun rəhbərliyi və ciddi nəzarəti altında saf, təmənnasız və heç bir pul-rüşvət olmadan başa vurduq. Lakin imtahan sessiyasından sonra nəzarətsiz qalan tədris və istehsalat təcrübəsində bir qrup cəllad-rüşvətxor, dinsiz-imansız və Uca Allahdan qorxmayan, Azərbaycan Dövlət Aqrar Universitetinə təhqir və ləkə olan, ölkə rəhbərinin apardığı siyasətə xəyanət edən bir qrup müəllimlər təcrübəyə ticarət obyekt kimi baxaraq bizimlə yay-təcrübə bazarlığı etməyə qalxıblar. Biz tələbələr bu barədə Azərbaycan Respublikasının Prezidenti Cənab İlham Əliyevə və Azərbaycan Kənd Təsərrüfatı Naziri Cənab Məcnun Məmmədova və Azərbaycan Dövlət Aqrar Universitetinin rektoru Zəfər Qurbanova rəsmi mətbuat vasitəsilə müraciət etmək qərarına gəldik.

Bu barədə Tribunainfo.az-a Azərbaycan Dövlət Aqrar Universitetin Aqrobiznes və idarəetmə fakültəsi və Mühəndislik fakültəsinin bir qrup tələbəsi göndərdiyi şikayət məktubunda qeyd edib. Tələbələr bildirib ki, Azərbaycan Dövlət Aqrar Universitetinin “Aqrobiznes və idarəetmə” fakültəsinin Menecment (Alman proqramı üzrə) I və II kurs tələbələrinə 6-19 iyul 2023-cü il tarixində “Kənd təsərrüfatı texnikası” fənni üzrə təcrübə keçirilməlidir. Lakin Kənd təsərrüfatı texnikası və texniki servis kafedrasının müdiri Aydın İsayevin təcrübə əvəzinə tələbələrlə al-ver edir:

“Bir qrupda 17 və digər qrupda 20 nəfərik. Təcrübəyə gəldiyimiz ilk gündən kafedranın müdiri Aydın İsayev bizə istehsalat təcrübəsinin keçirilməsi barədə təlimat və proqram vermək əvəzinə, sanki bizlə marketdə malın qiymətini müəyyən etmək üçün bazarlıq aparır. Normal təcrübə keçmədikləri üçün bir çox tələbə pul verib təcrübədə iştirak etmədən gedir.

Biz aqrar sahədə menecment ixtisasına yiyələnmək istəyiriksə, əlbəttə təcrübə bizə çox məsuliyyətli və təcrübəli müəllimlər tərəfindən keçirilməlidir. Ancaq bunu düşünməyən Aydın İsayev haqqında yuxarı kurs tələbələri və magistrlər “ona heç kim bata bilməz” deyirlər. İstədiyini alır, istədiyini yazır və heç kimdən qorxmuram deyir.

Aydın İsayev kafedranın bir qrup müəllimi ilə (Ayaz Həsənov) dəfələrlə rüşvət, pul yığmağına baxmayaraq gözünün üstündə qaşın var deyən yoxdur. Belə ki, prorektorlar da onun müdafiəsinə qalxırlar. Dekanı belə təhqir etməkdən çəkinmədi. Belə çıxır ki, dəqiq də olmasa yuxarı kurs tələbələrin dediyinə görə yığdığı puldan prorektorlara da hesab verir.

Bizim ixtisasın dekanı Əlövsət Əsgərov da rüşvətxordur, vaxtilə korrupsiyada onun da adı hallanırdı.

Ticarəti beynəlxalq səviyyədə və müasir şəraitdə bacaran Aydın İsayev mətbuatda qeyd edildiyi kimi müvafiq qurumların hesab faizini verməyi bacarır. Bu barədə deyilənə görə, rüşvət üstündə müdirlik vəzifəsindən qovulan Ayaz Həsənov da Aydın İsayevə özünün köhnə təcrübəsindən istifadə etməyi öyrədib. Həmin peşəkarlıqdan istifadə edərək heç kimdən çəkinməyən kafedra müdiri indi bizdən təcrübəyə gələndən 100-150 manat, gəlməyəndən isə 200-300 manat müqabilində pul istəyir. Hətta kimə belə desək bizi hədələyirlər”.

Tələbələr bu problemi universitetin rektoru Zəfər Qurbanovdan başqa heç kəsin həll edə bilməyəcəyini bildirir və ondan kömək gözləyirlər:

“Biz ölkə rəhbəri hörmətli Prezidentimizdən, Kənd təsərrüfatı nazirimizdən və rektorumuzdan xahiş edirik ki, bizim Kənd təsərrüfatı texnikası fənni üzrə təcrübənin normal şəraitdə keçirilməsini, sonda hesabat və gündəliyin şəffaf qiymətləndirilməsini nəzarətə götürəsiniz və Aqrar Universitetə ləkə və təhqir sayılan, ixtisasını belə bilməyən, bazarkom kimi tanınan Kənd təsərrüfatı texnikası və texniki servis kafedrasının müdiri Aydın İsayevin əməlləri və özbaşınalığı barədə tədbir görəsiniz”.
 //Tribunainfo.az//
 
Ardını oxu...
Gəncədə 5 ədəd çoxmərtəbəli binanın sakinləri üçün nəzərdə tutulan oyun və istirahət meydançasının çəpərlənməsinə başlanılıb. Sakinlər iddia edir ki, onların etirazlarına baxmayaraq ərazidə yeni binanın tikintisi planlaşdırılır.

Xezerxeber.az-ın məlumatına görə, Gəncənin Mahrasa bağı yaşayış massivində yerləşən bir neçə binanın sakinləri iddia edir ki, şirkət inşaat işlərinə başlamaq üçün oyun meydançasını dağıdıb.

Sakinlərin sözlərinə görə, əslində MTK ərazidə tikinti işlərinə bir neçə ay başlamağa cəhd edib, ancaq onlar buna mane olmağı bacarıb.

Binanın arxa tərəfində də eyni sahibkar tərəfindən daha əvvəl 3 binanın tikildiyini deyən sakinlər bunu sağlamlıq üçün zərərli hesab edirlər.

Özünü "Səma - 4” MTK-nın nümayəndəsi kimi təqdim edən Güllübəyim Səfərova isə ərazidə hələ ki, tikinti aparılmadığını və sakinlərin onun yerini zəbt etdiyini iddia edib.

Gəncə Şəhər İcra Hakimiyyətindən "Xəzər Xəbər”in sorğusuna cavab olaraq bildirildi ki, sözügedən ərazi Əmlak Məsələləri Dövlət Xidməti tərəfindən çıxarış əsasında "Səma - 4" MTK -ya 5 il müddətinə icarəyə verilib: "Gəncə Şəhər İcra Hakimiyyəti tərəfindən sözügedən ərazidə hər hansı bir tikintinin aparılmasına icazə verilməyib. Belə bir cəhd edilərsə, bu, qanunsuz hesab olunacaq”.

 
Ardını oxu...
Biz bir media olaraq dəfələrlə bəyan etmişik ki, gənclərin irəli çəkilməsini, yüksək vəzifələrə təyin olunmasını dəstəkləyirik. Ancaq nəzərə almaq lazımdır ki, dövlət idarəçiliyi savadla bərabər peşəkarlıq, təcrübə tələb edir. Yaxın keçmişimizdə, yəni sovet dövründə bir kadr komsomolda, partiyada uzun təcrübə keçəndən sonra vəzifəyə təyin edilirdi.
Digər vacib məsələ isə yüksək vəzifəyə təyin olunan kadrın ixtisas məsələsidir. Axı, idman müəllimi prokuror ola bilmədiyi kimi aqronom da pedoqoq ola bilməz. Tarix müəllimini baytar təyin etmək, yaxud ədəbiyyat müəllimini ekoloq təyin etmək absurd məsələdir.
Bir neçə gün öncə araşdırma zamanı deputatlarımızdan birinin avtobioqrafiyasına nəzər salası olduq. Xanım deputat Saratov Dövlət Universitetinin tarix fakültəsini bitirb və bitirən ildə Azərbaycan Respublikası Dövlət Torpaq Komitəsinin Gədəbəy rayon Torpaq şöbəsində işə düzəlib, sonra İdman Naziliyində məsləhətçi, daha sonra deputat seçilib. Axı, tarix müəllimi Torpaq şöbəsində necə inspektor işləyə bilər, yaxud İdman Nazirliyində necə məsləhət verə bilər..?
Dahi şairimiz Məhəmməd Hüseyn Şəhriyar yazırdı: Bizdən qabaqdadır avropalılar, İşi iş bilənə tapşırır onlar. Volterin əlindən qələmini al, Ona kamança ver, de: "Bir hava çal." Kim bilir, bəlkə də alar, çalardı. Fəqət bəşəriyyət onsuz qalardı.
Bəli, hər bir kadr bacardığı yerdə faydalıdır. Bütün bunları yazmaqda məqsədimiz odur ki, gənc kadrların yüksək vəzifəyə təyinatında ixtisas, peşə, təcrübə mütləq nəzərə alınmalıdır. Bir neçə gün öncə gənc kadrlarımızdan birinin yüksək mükafat alması diqqətimizi cəlb etdi və qeyri-ixtiyari onun barəsində xırda bir araşdırma aparmalı olduq. Söhbət “Dövlət qulluğunda fərqlənməyə görə” medalı ilə təltif edilən İlham Süleymanovdan gedir.
Birincisi, bu cavan, 35 yaşlı insan nə yatdı ki, nə yuxu görə... İlham Süleymanov nə vaxt dövlətə qulluq elədi və hansı sahələrdə..?
Media üzərindən apardığımız araşdırma zamanı bəlli oldu ki, İlham Süleymanov 10 iyul 1986-cı ildə anadan olub. 2004-cü ildə 15 nömrəli məktəbi biirib. 2004-2008-ci illərdə BDU-da təhsil alıb. Vəssəlam. Bu adamın ixtisası nədir..? Necə yəni 2004-2008-ci illərdə BDU-da təhsil alıb..? Bu adam tarix müəllimidir, kitabxanaçıdır, hüquq təhsili alıb, yoxsa şərqşünasdır..?
İkincisi, bu adam vətən qarşısında öz borcunu yerinə yetiribmi, hərbi qulluqda olubmu..? Araşdırma zamanı bəlli oldu ki, İlham Süleymanov 2012-ci ildə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsində çalışıb. Yaxşı bu adam 2008-ci ildə BDU-nu bitirib, bəs 4 il harada olub, hansı sahədə çalışıb..?
Sonra bəlli olur ki, İlham Süleymanov 2018-ci ildən Kənd Təsərrüfatı Nazirliyində çalışır. İlham Süleymanov hazırda Kənd Təsərrüfatı Nazirliyinin Elm, Təhsil və Insan Resursları şöbəsinin müdir müavinidir.
Fikir verdinizmi ELM...TƏHSİL şöbəsi... Kənd Təsərrüfatı Nazirliyində fizika, riyaziyyat, yaxud filologiya elmindən söhbət getmir ee...heyvandarlıq...bitkiçilik...baramaçılıq...elmindən söhbət gedə bilər. BDU-da belə bir fakültə varmı, cənablar..? Bu adam əgər Aqrar Akademiyasını bitirmiş olsaydı... başa düşərdik. Bəli, belə düşünürük ki, işi iş bilənə tapşırmaq lazımdır.... //gundelik-baku.com//
 
Ardını oxu...
Azərbaycanda doxsanıncı illərin əvvəllərində hökm sürən xaos, dövlət nəzarətsizliyi infrastruktura, ekologiyaya ciddi zərbə vurdu. Ölkədə yaranmış xaosdan istifadə edən bəzi şəxslər dövlət mülkiyyətində olan inventarları, fabrik və zavodlara aid əraziləri satışa çıxardılar. Təəssüflər olsun ki, belə acınacaqlı məqamlara günümüzdə də rast gəlinir.

AzFakt.com xəbər verir ki, iddialara görə ərazisi satılan zavodlardan biri də Binəqədi rayonunda yerləşən Milli Aerokosmik Agentliyinin ərazisidir.

Bir neçə il öncə böyük əhəmiyyətə malik zavodun ərazisinin iş adamlarına satıldığı, hazırda həmin ərazidə yaşayış binalarının tikildiyi bildirilir.

AaFakt.com-un google-maps sistemindən əldə etdiyi məlumatda da zavodun ərazisində tikinti işlərinin aparıldığı açıq-aydın görünür.

Araşdırmamız zamanı məlum oldu ki, ərazidə tikilən yaşayış binalarının tikintisi artıq yekunlaşmaq üzrədir.

Azərbaycan Milli Aerokosmik Agentliyi Azərbaycanın kosmik tədqiqat proqramlarını idarə edən dövlət qurumudur.

Agentlik Müdafiə Sənayesi Nazirliyinin tabeliyində fəaliyyət göstərir.

Qarşı tərəfin mövqeyini dərc etməyə hazırıq.
Ardını oxu...
Ardını oxu...
Ardını oxu...
 
 
 
Ardını oxu...
Futbolda növsümlərarası fasiləni maraqlı edən məqamlardan biri də transfer pəncərəsidir. Klublar bu dövrdə heyətlərini gücləndirmək və yeni mövsümə hazır olmaq yönündə addımlar atırlar.

Azərbaycan futbolunda da transfer dövrü maraqla izlənilir. Bu yay da belədir. Düzdür, aktivlik yüksək səviyyədə olmasa da, gözdən qaçmayan məqamlar var.

Çempionlar Liqasına hazırlaşan “Qarabağ”, ölkəmizi Konfrans Liqasında təmsil edəcək “Sabah”, “Neftçi” və “Qəbələ”nin transfer fəaliyyəti diqqət mərkəzindədir. Təkcə bu klublar deyil, digərlərinin də fəaliyyəti futbol ictimaiyyəti üçün maraq doğurur. Avrokuboklardan kənar qalan komandalar da aktivdirlər. Bu aktivliyin təbii və süni səbəbləri var.

Yay transfer pəncərəsi bəzi klublar üçün güclənmək, bəziləri üçün isə pullar xərcləmək və ya bu dönəmdən qazanclı çıxmaq baxımından önəmlidir. “Səbail” də belə klublardan biridir. Yarandığı gündən məqsədi, məramı, hədəfi, azarkeşi olmayan belə bir klub “qara bazar”ın əsas alverçisinə çevrilib. Xüsusilə klubun Azərbaycan Dövlət Xəzər Dəniz Gəmiçiliyi idarəsinin (ASCO) nəzarətinə keçməsindən sonra bu hallar artıb. “Səbail”ə ASCO-nun sədri Rauf Vəliyev şəxsən nəzarət edir.

Ötən mövsüm klubun büdcəsi dövlət idarəsi hesabına 7-8 milyon manata qədər artırıldı. Bununla komandanın iddialı olacağı bildirildi. Bu istiqamətdə 8-i legioner olmaqla, 18 transfer edildi. Bu keçidlərə görə klub rəhbərliyi özlərinə yaxın olan menecerlərə külli miqdarda vəsait ödədi. Milyonlarla vəsait məhz onların vasitəsiylə büdcədən silindi. Futbolçuların məvacibləri və transfer qiymətləri olduqca şişirdilirdi. Bütün bunlar azmış kimi qışda növbəti legionerlər heyətə cəlb olundu. Yayda transfer edilənlərdən biri isə göndərildi. “Səbail”də edilən saxtakarlıqların nəticəsi ölkə çempionatında öz əksini tapdı. Ayağı top tuta bilməyən legionerlərin transferinə ayrı-ayrılıqda 200-300-400 min manat xərcləyən komanda yalnız son turda yerli futbolçulardan ibarət komandaya - "Şamaxı"ya qalib gəlməklə elitada qaldı.

Bu o deməkdir ki, mövsüm ərzində xərclənən 4-5 milyon manat istiqaməti üzrə sərf edilmədi. Bu vəsait səviyyəli transferlərə xərclənsəydi, komanda mövsümü güc-bəla ilə 9-cu deyil, daha yuxarı pillədə bitirərdi.

2022/2023 mövsümünün transferləri:

Gələnlər:

Yay transfer dövründə:

Franko Mazurek, Petro Stasyuk, Ağabala Ramazanov, Emil Balayev, Fakundo Kardoso, Qoba Zakpa, Qustavo de Fransa, Emil Martinov, Mirabdulla Abbasov, Rafael Məhərrəmli, Samir Abdullayev, Emin Zamanov, Vüqar Həsənov, Nihad Qurbanlı, Vüsal Qənbərov, Kizito, Maksim Çex.

Qış transfer dövründə:

David Qomes, İlkin Muradov, Mirəli Əhmədov, Matiya Luyiç.

Gedənlər:

Fakundo Kardozo, Emin Zamanov, Tural Bayramlı.

"Səbail"də indi də bu prosesə davam edir. Mövsüm bitən kimi 12 futbolçu ilə yollar ayrılıb. Büdcəsi 9 milyon manata qədər qaldırılan “dənizçilər”in göndərdiyi oyunçulardan 8-i legionerlər olub. Bu o deməkdir ki, klub rəhbərliyi üçün milyonlarla vəsait qazanmaq üçün özünə şərait yaradıb. 11 futbolçu heyətinə qatan “Səbail” yenə ənənəvi qaydada kluba yaxın menecerlərin “xidmət”indən yararlanır. Bu da imkan verir ki, dövlət büdcəsindən ayrılan vəsaiti rahatlıqla "yumaq" mümkün olsun.

Bu hələ harasıdır? Sizə elə bir transfer oyunundan bəhs edək ki, mat-məəttəl qalın. İyunun 21-də "Səbail" Coşqun Diniyevi heyətinə qatdığını açıqlayıb. 2 gün sonra isə qəribə hadisə yaşanıb. "Dənizçilər"in baş məşqçisinin oğlu Türkiyə təmsilçisi "Ümraniyespor"a keçib. Bildirildi ki, Diniyevin "Səbail"lə müqaviləsində xarici ölkə təmsilçisindən təklif alacağı təqdirdə "dənizçilər"dən hər hansı şərt olmadan ayrıla biləcəyi barədə müvafiq bənd yer alıb. Bu səbəbdən futbolçu azad agent statusu ilə Birinci Liqa təmsilçisinə keçib.

2 günlük transfermi olar? Klub rəhbərliyi bu oyunla kimin başını aldatmağa çalışıb? Bir günün içində Türkiyədən təklif gəldi və futbolçu da getdi. Bilinmirdi ki, bu futbolçuya Türkiyədən təklif var? Müqaviləyə salınan bənd də təsadüf idi? Bəs futbolçuya verilən imza pulu, menecerə ödənilən vəsait necə oldu? Deməli, bir günün içində böyük bir vəsait klubun büdcəsindən silindi. Həmin pulların hamısı və ya bir hissəsi kiminsə şəxsi cibinə qayıtdı. Bundan Rauf Vəliyevin xəbəri olmaya bilərmi?

2023/24 mövsümünün transferləri (davam edir)

Gələnlər: Yusif Nəbiyev, Süleyman Əhmədov, Rüfət Abdullazadə, Səlahət Ağayev, Coşqun Diniyev, Bahadur Həziyev, Amil Yunanov, Nir Bardea, Yadin Luqasi, Pedro Nuno, Valdemar Almeyda-Pana

Gedənlər: Emil Martinov, Zakra Qoba, Luvaqa Kizito, Qustavo de Fransa, Franko Mazurek, Petro Stasyuk, Ruslan Hacıyev, Maksim Çex, Matiya Lyuçiç, Mirabdulla Abbasov, Nihad Qurbanlı, Emil Balayev, Coşqun Diniyev ("Ümraniyəspor", Türkiyə)

Hələlik 4 legioner transfer edən "Səbail"in fəaliyəti yəqin ki, yay boyunca davam edəcək. Futboldakı transferlər milyonlarla vəsaiti dövlətdən oğurlamaq üçün ən ideal şəraitdir. Çünki buna görə heç kimə hesabat verilmir. Nəzərə alaq ki, qeydlərimiz sadəcə transfer fəaliyyətini əks etdirir. Kluba aid digər sahələrdə də böyük pulları mənimsəmək imkanı var. Yəqin ki, "Səbail"də bu imkan da əldən buraxılmaz. (Publika.az)
Ardını oxu...
Azərbaycanda dövlət büdcəsindən mədəniyyət sahəsinə ayrılan vəsaitlərin mühüm hissəsinin vəzifəli şəxslər tərəfinən mənimsənilməsi barədə mediada çox yazılıb.

Dövlət Təhlükəsizlik Xidmətinin 2020-ci ilin may ayının 9-da Mədəniyyət nazirliyində keçirdiyi xüsusi əməliyyat zamanı Mədəniyyət nazirinin müavini Rafiq Bayramov və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov həbs edilərkən ictimaiyyətə açıqlanan videomateriallarda büdcədən ayrılan vəsaitlərin müxtəlif maxinasiyalarla mənimsənildiyinin bir daha şahidi olduq.

DTX-nin ötən ilin noyabr ayında Mədəniyyət nazirliyində keçirdiyi daha bir əməliyyat zamanı da çoxsaylı vəzifəli şəxslər həbs edildi. Həmin əməliyyat zamanı Mədəniyyət nazirinin birinci müavini Elnur Əliyev də həbs edildi.

Acınacaqlı məqam odur ki, mədəniyyət sahəsində olan büdcə talama siyasəti DTX-nin keçirdiyi əməliyyatdan sonra da davam etməkdədir. Strukturda piramida formasında baş verən büdcə talama nazirliyin ən kiçik müəssisələrinədək uzanır.

AzFak.com-un əldə etdiyi məlumata görə Mədəniyyət nazirliyi sistemində qanunsuzluğun, yeyinti hallarının hökm sürdüyü daha bir müəssisə F.Köçərli adına Respublika Uşaq Kitabxanasıdır.

Respublika Uşaq Kitabxanasında xeyli sayda işçinin işə gəlmədiyi, maaş kartlarının isə rəhbərlikdə olduğu iddia edilir. Doqquz şöbənin olduğu kitabxananın bəzi şöbələrinin isə ümumiyyətlə “ölü canlar”dan ibarətdir.

Məlumata görə kitabxananın təşkil etdiyi layihələrdə və kitabların nəşrlərində də maxinasiyalara yol verərək vəsaitlər mənimsənilir.

Respublika Uşaq Kitabxanasının fəaliyyət üzrə təqdim etdiyi hesabatların isə sadəcə rəqəmlər yığınından ibarətdir. Maraqlıdır ki, 2022-ci ildən artıq 7 ay keçməsinə baxmayaraq, Respublika Uşaq Kitabxanası hələ də ötən ilin hesabatını tərtib edə bilməyib.

Respublika Uşaq Kitabxanasında baş verən bütün qanunsuzluğun başında isə kitabxananın direktoru Şəhla Qəmbərovanın dayandığı bildirilir.

Uzun illərdir Respublika Uşaq Kitabxanasına rəhbərlik edən Şəhla Qəmbərovanın maaşı ilə uzlaşmayan qlamur həyat yaşadığı da iddialar arasında yer alır.

Qeyd edək ki, Respublika Uşaq Kitabxanası 3 filial, 9 şöbədən ibarətdir.

Araşdırmalarımız davam edir… //AzFak.com//
 
Ardını oxu...
Qazi Cahangirov İlqar Əlsafa oğlu tərəfindən
ŞİKAYƏT
Prezidentin tapşırıqlarına məhəl qoymayan Abşeronun icra başçısı Abdin Fərzəliyev.
Mənim müraciətim cənab Prezident İlham Əliyevə və Birinci Vitse-Prezident
Mehriban xanım Əliyevayadır.
Mən, Azərbaycan Respublikasının ərazi bütövlüyünün, müstəqilliyinin və
konstitusiya quruluşunun müdafiəsi ilə əlaqədar ikinci qrup əliləm. Ali Baş
Komandan Cənab İlham Əliyevin göstərişi ilə 2021-ci ildə Bakı şəhərində mənzillə
təmin olunmuşam. Qüsursuz xidmətə görə 1-ci, 2-ci və 3-cü dərəcəli medallarla
təltif olunmuşam. Silahlə qüvvələrin 90, 95 və 100 illiyi yubiley, Azərbaycan
ordusunun yaranmasının 10 illiyi yubiley, hərbi xidmətdə fərqlənməyə görə 3-cü
dərəcəli, Füzulinin, Cəbrayılın, Xocavəndin, Şuşanın azad olunmasına görə,
döyüşdə fərqlənməyə görə və vətən müharibəsi iştirakçısı medalları ilə təltif
olunmuşam. Atam Əlisafa Cahangirov birinci Qarabağ müharibəsinin iştirakçısı
olub, anam Zəminə Cahangirova qəhrəman ana adını alıb və ömürlük 1-ci qrup
əlildir. İki qardaşımdan biri Altay Cahangirov birinci Qarabağ döyüşlərində
yaralanıb, ömürlük 2-ci qrup əlildir və digər qardaşım Fərahim Cahangirov birinci
Qarabağ müharibəsi veteranıdır. Bir sözlə biz ailəlikcə vətənimizə və dövlətimizə
bağlı şəxslərik.
Cənab Prezident İlham Əliyev bir çıxışında bunları söyləmişdi:
"Bəzi hallarda bəzi xırda səviyyəli məmurlar özlərini elə aparırlar ki, sanki bütün
dünya bunlara borcludur. Özlərini ağa kimi, xan kimi aparırlar, insanlara
yuxarıdan aşağı baxırlar. Mən dəfələrlə demişəm ki, Prezident başda olmaqla,
bütün dövlət məmurları xalqın xidmətçisidir. Məhz buna görə biz bu vəzifədəyik.
Buna görə xalq mənə etibar edib və mən təyin etdiyim bütün kadrlardan bunu tələb
edirəm. Ancaq əfsuslar olsun ki, bir çox hallarda, bəzi hallarda yox, bir çox
hallarda dövlət məmurları özlərini apara bilmirlər. Onlar hesab edirlər ki, onlara
hansısa xüsusi imtiyaz verilib. Onlar qanunları pozurlar, bəzi hallarda çox ciddi
pozurlar. Cəmiyyətimizdə formalaşmış ənənəvi davranış qaydalarını pozurlar.
Özünü xalqdan yuxarıda hiss edirlər, təkəbbürlə yanaşırlar. Ona görə belə hallar
mənə məruzə ediləndə dərhal müvafiq göstərişlər verilir və bu insanlar ya inzibati
qaydada cəzalandırılır, ya da ki, cinayət məsuliyyətinə cəlb edilir. Ona görə
rəhbərin təvazökarlığı rəhbərin yaraşığıdır, bu birincisi. İkincisi, rəhbərin mənəvi
haqqı olmalıdır ki, öz tabeliyində olan insanlardan nəyisə tələb etsin. Əgər bu
mənəvi haqq yoxdursa, nə istəyirsiniz deyin, nə istəyirsiniz edin, sizə nə hörmət, nə
də ki, rəğbət olacaq".
Görünən odur ki, Abşeron rayon İcra Hakimiyyətinin Başçısı Fərzəliyev Abdin
Ələskər oğlu, cənab Prezident İlham Əliyevin tapşırıqlarına məhəl qoymayaraq
özünü ağa kimi, xan kimi apararaq vətəndaşlara yuxarıdan aşağı baxır. Təsəvvür
edin mən 2022-ci ilin dekabr ayından bu günə qədər Abşeron rayon İcra
Hakimiyyətinin Başçısı Abdin Fərzəliyevin qəbuluna düşə bilmirəm. Hər dəfə
Abşeron rayon İcra Hakimiyyətinə getdikdə Abdin məllim burada yoxdur,
iclasdadır falan filan bəhanələri ilə məni yola salırlar. Mən icra başçısının qəbuluna
gedirəm lakin məni qapıda duran polis qəbul edib yola salır. Çox utanc verici bir
haldır sadəcə.
Abdin Fərzəliyevin özünü ağa kimi aparmağı qalsın bir tərəfə hələ onun
müavinləri də özlərini ağa kimi apararaq məni qəbul etmir. Qaziyə qoyulan hörmət
budursa görün vətəndaşlar nələr çəkir Abdin Fərzəliyevdən. Maraqlıdır ki, cənab
Prezident İlham Əliyevin tapşırıqlarına məhəl qoymayan Abdin Fərzəliyev bu
hərəkəti ilə nə demək istəyir? Əgər ölkənin Prezidenti vaxtını ayırıb qazilərlə görüş
keçirə bilirsə, icra başçısı nə üçün qazini qəbul etməməlidir? Bəlkə də, Abdin
Fərzəliyev özünü Cənab Prezidentdən üstün şəxs hesab edir! Hesab edirəm ki, bu
müraciətimə hüquqi qiymət verilərək Abdin Fərzəliyev barəsində Qanuni ölçü
götürülər!
Mən buradan Abşeron rayon İcra Hakimiyyətinin Başçısı Abdin Fərzəliyevə sual
verirəm: Cənab Prezident İlham Əliyev sizi o vəzifəyə nə üçün təyin edib və nəyə
görə cənab Prezidentin tapşırıqlarına məhəl qoymursuz?
Cənab Prezident İlham Əliyevə və Birinci Vitse-Prezident Mehriban xanım
Əliyeva! Sizdən xahiş edirəm ki, Abşeron rayon İcra Hakimiyyətinin Başçısı
Abdin Fərzəliyevə tapşırıq verəsiniz ki, məni qəbul edərək problemlərimin həlli
istiqamətində mənə köməklik göstərsin. Öncədən təşəkkür edirəm.
Müraciətlərimi davam etdirəcəyəm...
Ardını oxu...
Ardını oxu...
Ardını oxu...
Ardını oxu...
Ardını oxu...
Ardını oxu...
Ardını oxu...
 

Dünyapress TV

Xəbər lenti