Yasamal rayonu, İzmir küçəsi 7a ünvanında yaşayış binasının zirzəmisində kafe-restoran açmaq üçün aparılan böyük söküntü və təmir-tikinti işləri binada çat əmələ gətirib. Bir nüçə gündür başlayan işlər zamanı zirzəmidən 30-40 yük maşını ilə daş və beton qırıntılarının daşınıb.

Tribunainfo.az yazır ki, bu barədə sözügedən ünvandakı bina sakinləri bildirib. Onların sözlərinə görə, istismar müddəti başa çatmaqda olan binada (1964-cü ildə inşa edilib) artıq təhlükə yaranıb,birinci mərtəbənin eyvan hissəsində çat və ya çökmə əlamətləri görünür.
Sakinlər yanvarın 30-da Fövqəladə Hallar Nazirliyi, Dövlət Şəhərsalma və Arxitektura Komitəsi və Yasamal Rayon İcra Hakimiyyətinə kollektiv məktubla müraciət ediblər. Hələlik yalnız Komitədən cavab alınıb, baxış zamanı nöqsan aşkar olunmadığı bildirilib. Amma cavab sakinləri razı salmayıb.

Sakinlərin sözlərinə görə, əvvəl zirzəminin təxminən 1 metr olan hündürlüyü indi 3 metrəyə qədər yüksəlib. Böyük ehtimalla, obyekt sahibi zirzəmi sahəsinin divarlarını söküb onu çölə qədər genişləndirəcək. Zirzəminin üzərindəki mənzillər isə artıq qeyri-yaşayış sahələrinə çevrilib.

Yazıda adı çəkilən bütün qurumların mövqeyini işıqlandırmağa hazırıq.

Quba sakini iddia edir ki, məsələ ilə bağlı yazılı şəkildə nazir Sahil Babayevə məlumat versə də, maraqlanan olmayıb

Quba rayonu, Alpan kənd sakini, ehtiyatda olan baş gizir Qədirov Ziya Pirhəsən oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, Əmək və Əhalinin Sosial Müdafiəsi Nazirliyi ondan 12 min manat pul tələb edir.

“Mən, Qədirov Ziya Pirhəsən oğlu, 1995-ci ildən 2015-ci ilə qədər, ümumilikdə 19 il, ordu sıralarında xidmət etmişəm.

2014-cü ilin dekabr ayında xidməti vəzifələrimi yerinə yetirərkən qapalı kəllə-beyin travması almışam. 2015-ci ilin oktyabr ayına qədər hərbi hospitalda müalicə aldıqdan sonra məni “xidmətə yararsız” kimi ordu sıralarından tərxis etdilər.

2016-cı ilin iyun ayında mənə ikinci qrup əlillik təyin edildi. 2021-ci ilin iyun ayında əlilliyim dayandırılıb. Dəfələrlə komissiyadan keçməyimə baxmayaraq, imtina cavabı verilir. Məndən konkret olaraq 12 000 manat rüşvət tələb edirlər. Əlimdə sübutlarım da var.

Bu rüşvət məsələsini 2023-cü ildə yazılı şəkildə nazir Sahil Babayevə də bildirmişəm. Bu il, yanvar ayının 12-də Birinci vitse-prezident Mehriban xanım Əliyevanın köməkçisinin qəbulunda oldum və orada da məndən rüşvət tələb olunduğunu yazılı şəkildə bildirdim. Təssüflər olsun ki, bu günə qədər mənə bir cavab verilməyib”.

Məsələ ilə bağlı Əmək və Əhalinin Sosial Müdafiəsi Nazirliyi ilə əlaqə saxladıq. Nazirlikdən “Hürriyyət”ə yazılı açıqlamada bildirilir: “Quba rayon sakini 1977-ci il təvəllüdlü Qədirov Ziya Pirhəsən oğlu əlilliyinin qiymətləndirilməsi ilə bağlı tibb müəssisəsi tərəfindən rəsmiləşdirilən göndəriş (forma-88) əsasında sonuncu dəfə 26.07.2023-cü il tarixdə Dövlət Tibbi-Sosial Ekspertiza və Reabilitasiya Agentliyinə dəvət edilərək əyani müayinə edilib.

Agentliyin həkim-ekspertlərinin əyani müayinəsi zamanı vətəndaşın hazırki sağlamlıq vəziyyətində əlillik təyinatına əsas verən patofunksional pozuntular müşahidə edilməyib.

Bu səbəbdən də Azərbaycan Respublikasının Nazirlər Kabinetinin 13 may 2022-ci il tarixli 187 nömrəli qərarı ilə təsdiq edilmiş “Əlilliyin müəyyən olunması meyarları”na uyğun olaraq Diaqnozun əlillik əlaməti təyin etməməsi barədə qərar qəbul edilib”.

Jalə FAMİLQIZI

Cəmaləddin Əhmədov: “Oğlum hərbi hissədə “Hepatit C” virusuna yoluxsa da, müalicə olunmur”

“Mənə qaranlıq qalan odur ki, “Hepatit C” virusu qandan öz-özünə, yəni müalicəsiz necə gedə bilər?”

“Həkim mənə dedi ki, indi sənə deyirəm, çıx otaqdan və bir daha gəlmə…”

Ağstafa rayon sakini Cəmaləddin Əhmədov tərəfindən “Hürriyyət” qəzetinin redaksiyasına şikayət məktubu daxil olub. Şikayətçi iddia edir ki, oğlu hərbi hissədə “Hepatit C” virusu tutsa da, müalicəsinə şərait yaradılmayıb:

“Mən, Cəmaləddin Əhmədov, yazaraq bildirirəm ki, oğlum Əhmədov İsmayıl Cəmaləddin oğlu 18.03.2003-cü ildə anadan olub. O, Rabitə və Nəqliyyat Kollecini bitirib. 23.07.2022-ci ildə Ağstafa rayon komissarlığından hərbi xidmətə yola düşüb.

Oğlumun dişlərində problem olduğuna görə onu hərbi xidmətə aparmırdılar. Dişlərini düzəltdirdim və hərbi xidmətə yola saldım. Hal-hazırda 10 ayın əsgəridir, Bakı şəhəri N saylı hərbi hissədə xidmət edir.

Oğlum bir dəfə Ağciyər iltihabı xəstəliyi keçirib, "Papanin” hospitalında yatıb. Daha sonra, burnunda çəpər əyriliyi olduğu üçün yenə həmin hospitalda əməliyyat olunub. İlk dəfə əməliyyat olunananda qanında “Hepatit C” virusu çıxmışdır. Buna baxmayaraq, onu onu hərbi xidmətdə saxlayırlar.

Mən hərbi hissənin komandirinə zəng vurub, vəziyyəti ona izah etdim. Komandir mənə bildirdi ki, narahat olmayın, yenidən hospitala göndərəcəm. Xəstəxanada da bildiriblər ki, qorxulu heç nə yoxdur, 3 ay sonra yenidən müayinə olunmalıdır.

Mənə qaranlıq qalan odur ki, “Hepatit C” virusu qandan öz-özünə, yəni müalicəsiz necə gedə bilər? Bu virusun axırı qaraciyər serrozu xəstəliyidir. Bu qaraciyər xərçəngi deməkdir. Mən demirəm ki, oğlumu tərxis etsinlər, sadəcə olaraq müailəcəsini tələb edirəm. Mən onu hərbi xidmətə sağlam göndərmişəm.

Özüm də Qarabağ veteranıyam. Oğlum xəstəxanada yatanda özüm onun yanına gedib, sənədlərində o virusun adını oxumuşam. Xahiş edirəm mənə köməklik göstərilsin, oğlum müalicə olunsun. 8 ay sonra xidməti başa vuracaq, qorxuram ki, o vaxta qədər xəstəliyi daha da pisləşər.

Onu da deyim ki, nəslimizdə irsi olaraq belə bir virus olmayıb. Yəqin ki, hərbi hissədə başlarını qırxdıqları aparatdan, üz qırxanlardan, iynədən və yaxud da dırnaq qayçılarından keçib.

Əlavə edim ki, uşağın anası, yəni həyat yoldaşım Yusifova Aybənizin özü də ağır xəstədir. Nə saçı var, nə qaşı, bədəninin heç bir yerində tük yoxdur. Həkimlər müxtəlif diaqnozlar qoyurlar. Müalicə olunsa da nə saçı, nə də qaşı çıxır. Ağstafa Rayon Xəstəxasının bütün həkimləri bizi başından edir. Sənədləri toplayıb, Qazax rayon Mərkəzi Xəstəxanasında komissiyadan keçdim. Orda da bildirdilər ki, sizə ömürlük pensiya veriləcək. Amma 3 dəfə imtina cavabı verdilər.

Qəbul günü Ağstafa Rayon İcra Hakimiyyətinin başçısı Seymur Orucovun qəbulunda oldum. Çox gözəl qarşıladı və Agstafa Rayon Mərkəzi Xəstəxanasının baş həkimi İlham Sofiyevi qaldırlb dedi ki, bunun yoldaşını işlə də təmin edin və pensiya ilə bağlı sənədlərini düzgün doldurun. “Forma 88” deyilən sənəd düzgün doldurulmur deyə, mənim yoldaşıma imtina cavabı gəlir.

Mən İlham həkimin qəbuluna getdim və anladım ki, icra başçısının verdiyi tapşırıq boşuna imiş. Həkim mənə dedi ki, çox naxaq yerə gəlmisən, sənin yoldaşına pensiya düşmür. Mən bilidrdim ki, bunu niyə qəbulda demədiniz? Dedi ki, indi sənə deyirəm, çıx otaqdan və bir daha gəlmə. Bu zaman dedim ki, yaxşı, pensiya düşmürsə, onda zəhmət olmasa işlə təmin edin. Dedi ki, iş də vermirəm, hara kimə istəyirsən şikayət et.

55 yaşım var, 80 manat təqaüd alıram, ailəmi dolandıra bilmirəm. Yoldaşımın müailəcəsini belə, etdirə bilmirəm. Mən pul verə bilmirəm deyə yoldaşımı işlə təmin etmirlər. Adi xadimə işi üçün İlham həkim 5 min manat pul alır.

Sizin redaksiyadan xahiş edirəm ki, problemlərimi işıqlandırın, bəlkə məsələ ictimailəşdikdən sonra yoldaşımı işlə təmin edələr. Xəstəxanada “açıq bazar” gedir”.

Jalə FAMİLQIZI

Redaksiyadan: Yazıda adları qeyd olunan qurumların və şəxslərin mövqeyini dərc etməyə hazırıq.

On bir yaşlı Xədicə Babazədənin komaya düşdüyü Bakı Sağlamlıq Mərkəzinin stomatoloji kabinetinə tələm-tələsik oksigen xətti çəkilir.
Bu barədə Xədicə Babazadənin atası Zamin Babayev məlumat yayıb.
Z.Babayev yazır ki, övladına narkoz veriləndə onu stomatoloji kabinetdə oksigen xəttinin olmasına arxayın ediblər.
Qeyd edək ki, fevral ayının 21-də Bakı Sağlamlıq Mərkəzinə 2 dişinə plomb qoyulması üçün müraciət edən Xədicə Babazədinin vəziyyəti sonradan ağırlaşıb. Bir müddət sonra isə uşa komaya düşüb.
Asiman Həsənov "Tərəqqi" medalına layiq görüldü
Xədicə Babazadənin atası övladının komaya düşməsini müayinədən keçirilmədən narkoz verilməsi ilə əsaslandırır: “Fevralın 21-də 11 yaşlı qızım Xədicənin iki dişinə plomb qoyulması üçün Bakı Sağlamlıq Mərkəzinə müraciət etdik. Lakin uşağa heç bir müayinədən keçirmədən, etirazımızın olmasına baxmayaraq narkoz verdilər. Narkozun dozası çox olub, ya nəzarətsiz qalıb, bilmirik. O vaxtdan vəziyyəti ağırlaşdı və komaya düşdü. Təxminən 40 dəqiqə keçəndən sonra bizə dedilər ki, uşağın təzyiqi düşmüşdü, təzyiqini normallaşdırmaq üçün reanimasiyaya salırıq. Bir saata özünə gəlsin, evə göndərəcəyik. Bizi aldatdılar, görünür ki, anestezioloq lazımi müayinələri etməmişdi. Bəlkə də narkoz lazımı dozadan artıq olub. Bəlkə də, o uşağın yanında olmayıb. Sonradan öyrəndik ki, ürəkdayanma olub. Bu zaman erkən müdaxilə 3-5 dəqiqə ərzində olunarsa, beynə oksigen gedər. Uşağı başıaşağı çevirməli idilər ki, qan beynə işləsin. Qızım Bakı Sağlamlıq Mərkəzində 4 gün qalıb. Beyin zədələnməsi zamanı qızıl dönəm ilk 72 saat sayılır. Doğru tədbirlər aparılarsa, beyni mümkün qədər qorumaq ola bilər. Uşaq 8 dəqiqə, bəlkə də, 15-20 dəqiqə nəzarətsiz qalıb və fəsadlar ortaya çıxıb. Öz təşəbbüsümüzlə xəstəxanadan çıxarıldı və köçürüldü. Hazırda uşaq Mərkəzi Klinikadadır, beyni MRT olunub və fəsadlarda artma var. Vəziyyəti kritikdir və ağır koma vəziyyətindədir. Anestezioloq ortada yoxdur, onunla danışa bilməmişik. Nə rəhbərlik səviyyəsində təşəbbüs göstərilmədi, bizə köməklik olunmadı. 3-4 gün aldadaraq vaxtımızı aldılar. Gözləyirdilər ki, koridorlarda 3-4 gün qalaraq süstləşək və bu vəziyyəti qəbullanaq”.
Bakı Sağlamlıq Mərkəzində stomatoloq kimi çalışan Bəhruz Rüstəmov də məsələ ilə bağlı açıqlama verib: “15.02.2024 tarixində mənim nömrəmə Şahnaz xanım tərəfindən qızı 11 yaşlı Xədicə Zamin qızı Babazadənin müalicəsi ilə bağlı müraciət olundu. Mən isə bildirdim ki, qeydiyyatla bağlı köməkçimlə əlaqə saxlasınlar. Köməkçim adıçəkilən 11 yaşlı Xədicəni 21.02.2024 tarixinə qəbuluma yazdı. Öncədən Xədicənin valideyni sedasiya ilə bağlı istəklərini bildirdiyinə görə təyin olunmuş vaxtda anestezioloqa da vaxt bildirilmişdi və o da dəvət olunmuşdu. Həmin tarixdə hər iki valideyni uşağı ortopantomogram rentgeni ilə birlikdə işlədiyim klinikaya gətirdi. Subyektiv və obyektiv müayinələrini etdikdən sonra ağız boşluğunda görülməli proseduralar haqqında məlumat verdim (21-ci dişin endodontik müalicəsi, 46-cı dişin restavrasiyası, 36-cı dişin endodontik müalicəsi). Sonra anestezioloqlar uşağın valideynləri ilə müvafiq danışıq, müayinə və razılaşmadan sonra valideynlərin prosedur otağından çıxmalarını xahiş etdilər. Anestezioloqla söhbət əsnasında o da məlum oldu ki, 11 yaşlı Xədicə psixiatr yanında mütəmadi müalicədədir. Ümumi intubasion anesteziyaya başladılar, tam monitorizasiya etdilər və mənim işə başlamağıma icazə verdilər. Mən də 30 dəqiqə ərzində bir neçə iş gördüm:
1. 46-cı dişin restavrasiyası.
2. 21-ci dişin endodontik müalicəsi.
Onu da qeyd etmək istəyirəm ki, pasiyent ümumi intubasion anesteziyada olduğuna görə yerli anesteziyaya ehtiyac yox idi və olunmadı. İlk gördüyüm iş 46-cı dişin restavrasiyası idi. Müalicə təxminən 15 dəqiqə çəkdi. Daha sonra 21-ci dişin endodontik müalicəsinə başladım. Kök kanallarının mexaniki, medikamentoz işlənməsindən sonra onu doldurdum.
Prosedurun sonunda anestezioloq mənə işi təcili dayandırmalı olduğumu bildirdi. Mən işi saxladım və prosedur otağında olan anestezioloq pasiyentin vəziyyətini dəyərləndirdikdən sonra digər anestezioloq-reanimatoloqları prosedur otağına təcili çağırdı. Bundan sonra mən heç bir stomatoloji müdaxilə etmədim. Anestezioloq-reanimatoloqlar isə xəstənin intensiv müalicəsini davam etdirmək üçün işlədiyimiz klinikanın reanimasiya şöbəsinə yerləşdirildi.
Xədicə balanın əzizlərini tam anlayıram və hadisə olan gündən vəziyyəti daim diqqətimdə olub. Hazırda xəstənin müalicəsi ilə məşğul olan həkimlərlə daim təmasdayam, vəziyyəti barədə mütəmadi məlumat alıram. Məsələnin tibbi və hüquqi tərəflərini bir kənara qoyaraq, Xədicə balamızın tez bir zamanda sağalmasını arzulayıram”.
Qeyd edək ki, Bakı Sağlamlıq Mərkəzinin baş direktoru Asiman Həsənovdur.
Asiman Həsənov sabiq Milli Təhlükəsizlik naziri Eldar Mahmudova yaxın şəxs olduğu iddia edilir.
Asiman Həsənovun Tədris Cərahiyyə Klinikasının baş həkimi olarkən MTN-in Kadrlar Baş İdarəsinin rəis müavini polkovnik Tehran Babatovun gizli əlaqələrinin olduğu, bir çox qanunsuz işləri həyata keçirdiyi barədə mediada yazılar tirajlanıb.
O zaman yayılan xəbərlərə Asiman Həsənov mövqe bildirməyib.
Azfakt

Göyçay rayonu Qaraman kənd sakini Mustafayev Rəvan Aydın oğlu tərəfindən

MÜRACİƏT

Hörmətli Prezident !
Hörmətli Mehriban xanım !
Hörmətli Emin Əmrullayev!
Prezident cənab İlham Əliyev Respublikada təhsilin inkişafı üçün mütərəqqi sərəncamlar imzalayıb dövlət büdcəsindən pullar ayırır.Ancaq çox təssüf olsun ki, Göyçay Dövlət İdarəetmə və Texnologiya Kollecindəki baş-alıb gedən korrupsiya təhsilimizə böyük zərbələr vurur.
Mənim bu şükayətim ümumi sözlərdən ibarət deyil rellaıqdır ki, nazirlik səviyyəsində komissiya yaradılıb yerində tam, hərtərəfli və obyektiv yoxlama aparılmalıdır.
Göyçay Dövlət İdarəetmə və Texnologiya Kollecində təxminən 1200 tələbə təhsil alır.Ancaq həmin tələbələrin əksər hissəsi 80 % dərsə gəlmir.Tələbələrin 98 %-nin biliyi sıfır səviyyəsindədir ki, bu böyük biabırçılıqdır.Bunu subut etmək üçün Kollecində təhsil alan tələbələrin bilik səviyyəsi Elm və Təhsil Nazirliyi tərəfindən təşkil edilmiş komisiya tərəfindən mütləq yoxlanılamlıdır.Belə edilərsə bu fakt tam subut olacaq.
Nəzarət olmadığı üçün Göyçay Dövlət İdarəetmə və Texnologiya Kollecində imtahanlar rüşvətlə aparılır.Bilik səviyyəsi sıfır davamiyyəti isə olmayan tələbələr rüşvət verib imtahandan yüksək qiymətlə keçə bilirlər.
Həttda elə tələbələr var ki, dərs oxuyur davamiyyəti var ancaq rüşvət vermədiyi üçün imtahandan qanunsuz olaraq kəsilib.
Göyçay Dövlət İdarəetmə və Texnologiya Kollecinin direktoru Şahin Əliyev məktəbdə korrupsiya şəbəkəsi yaradıb.Şahin Əliyevin korrupsiya şəbəkəsinə özünə yaxın müəllimlər daxildir ki, hərəsi bir neçə tələbəni rüşvət hesabına himayə edirlər.Həmin tələbələr dərsə gəlmədən bilik səviyyəsi sıfır olsada imtahandan yüksək qiymətlə keçirlər.Həttda həmin tələbələrə yüksək təqaüd də təyin edilir. Kollecdə öz ixtisası üzrə bilik səviyyəsi sıfır olan tələbə gələcəkdə necə kadr ola bilər ?
Bu isə ölkə təhsilinə ağır zərbələr vurur gələcəyini məhv edib və kadr patensialını tükəndirir.
Kollecin müəllimlərinin çoxu evlərində kirayə saxladıqları tələbələrin hamısı imtahandan keçiblər.Çünki onları evini kirayəyə verən müəllimlər himayə edirlər.
Direktor Şahin Əliyev pul verib rəhbəri olduğu Kollec haqqında təriflər videosu çəkdirib sosial şəbəkədə yaydırmaqla öz korrupsuya əməllərinin üstünü ört-basdır etmək istəyir.
Ancaq görünən dağa nə bələdçi.Yazılanlar hamısı göz qarşısındadır.
Düzdür ölkədə təhsilə nəzarət güclüdür diqqət edilir tədbir görülür ancaq Göyçay Dövlət İdarəetmə və Texnologiya Kollecində baş alıb gedən korrupsiya əməlləri yoxlanılmır.Hazırda kollecdə bir neçə vaxtdır maliyyə yoxlaması aparılır.Ancaq zərurət var ki, tələbələrin bilik səviyyəsi yoxlanılsın.Belə olarsa məktəbdə korrupsiyanın miqyası bəlli olacaq.
Xahiş edirəm nazirlik səviyəsində yoxlama ayrılıb Göyçaya ezam olunsun kollecdə təhsil alan tələbələrin bilik səviyyəsi tam hərtərəfli və obyektiv yoxlanılıb ciddi tədbir görülsün.

Azərbaycanda peşə hazırlığı ilə bağlı fəaliyyət göstərən müəssisələrin böyük əksəriyyəti saxta sertifikatlar verirlər.

AzFakt.com saytı xəbər verir ki, aiddiyyatı dövlət qurumlarında reyestrə alınan bu müəssisələr əksər hallarda heç bir kurs təşkil etmədən müxtəlif peşələr üzrə sertifikat verir, bu sertifikatların müqabilində isə külli-miqdarda vəsait alınır.

Maraqlıdır ki, saxta sertifikat satışını həyata keçirən müəssisələrin əksəriyyəti Əmək və Əhalinin Sosial Müdafiəsi Nazirliyi (ƏƏSMN) tabeliyində yaradılan Dövlət Məşğulluq Agentliyinin reyestrində qeydiyyatdadırlar.

Öncə qeyd edək ki, Azərbaycanda peşə hazırlığı ilə bağlı fəaliyyət göstərən müəssisələrin böyük əksəriyyəti saxta sertifikatlar verirlər.

Araşdırmamız zamanı məlum oldu ki, saxta sertifikat satan müəssisələrdən biri də İndustrial Support Training Services Əlavə Təhsil Mərkəzi Məhdud Məsuliyyətli Cəmiyyətidir.

Qısa adı IST.EDU.Az olan bu müəssisənin heç bir kurs keçmədən kütləvi formada sertifikat satışı həyata keçirdiyi deyilir.

IST.EDU.Az-ın satdığı sertifikatların qiyməti isə 700-1500 manat arası dəyişdiyi bildirilir.

Araşdırmamız zamanı o da məlum oldu ki, IST.EDU.Az Dövlət Məşğulluq Agentliyinin rəsmi icazəsi olmadan digər sahələr üzrə də sertifikat satır.

Dövlət Məşğulluq Agentliyinin rəsmi saytında IST.EDU.Az-a yalnız Lift təmiri - Lift üzrə elektromexanik, Qaynaq (elektrik qaynağı və qaz qaynağı işləri) - Əl elektrik qaynaqçısı, Qaynaq (elektrik qaynağı və qaz qaynağı işləri) - Elektrik qaz qaynaqçısı, Qaynaq (elektrik qaynağı və qaz qaynağı işləri) - Qaz qaynaqçısı və Qazanxana maşın və avadanlıqlarına xidmət - Qazanxana maşinisti peşələri üzrə sertifikat verməyə icazə verilib.

Lakin müəssisə Dövlət Agentliyinin reyestrində icazə almadığı peşələr üzrə də sertifikat verir.

Bu fakt IST.EDU.Az-ın rəsmi saytında da yer alıb.

Belə ki, müəssisənin öz saytında peşə hazırlığı üzrə elan etdiy təlimlər Dövlət Məşğulluq Agentliyinin rəsmi saytında elan edilənlərdən artıqdır:

Ümumi SƏTƏM, Sənaye texnikaları Operatoru, Yükqaldırma, Sənaye Xidmətləri, Lojistika, Keyfiyyət - İdarəetmə, Xilasetmə, DHDNÇ-STCW və "Digər" bölüm adında isə neft və qaz, kimya, tikinti-inşaat, gəmiqayırma və digər zavod və fabriklər daxil olmaqla müasir sənaye sahələrinin tələblərinə cavab verən təlimlərin tədris edildiyi barədə elan yer alır.

Dövlət Məşğulluq Agentliyinin rəsmi icazəsi olmadan verilən saxta sertifikatları alan şəxslərin sonrakı taleyi isə yəqin ki, əksəriyyətə məlumdur.

Qeyd edək ki, İndustrial Support Training Services Əlavə Təhsil Mərkəzi Məhdud Məsuliyyətli Cəmiyyəti 2019-cu ildə dövlət qeydiyyatına alınıb. Şirkətin qanuni təmsilçisi Xəlilzadə Orxan Sehran oğludur.

Digər məqam isə peşə hazırlığı üzrə fəaliyyət göstərən müəssisələrin vergi mükəlləfiyyətləri ilə bağlıdır. Bu barədə növbəti araşdırmamızda...

Mənbə: Azfakt.com

Qarşı tərəf mövqe sərgiləyə bilər.
TEREF

IST.EDU.Az saytının təlim elanı