“Zərərli sahədə işləməyimizə baxmayaraq, süd və ya digər qidalar verilmir”

“Bahar Energy” Əməliyyat Şirkətində son 14 ildə işçilərin maaşları artırılmadığı, əksinə 20 faizə qədər azaldıldığı bildirilir. Həmçinin bir çox ödənişlər kəsilib. Şirkətin əməkdaşı Əli Naib oğlu Əsmətov “əmək hüquqlarının bərpa olunması ” xahişi ilə SOCAR prezidenti Rövşən Nəcəfə, eləcə də aidiyyatı qurumlara müraciətində bu barədə yazıb.

Meydan TV-yə danışan Əli Əsmətov bildirib ki, 22 ildir neft sahəsində çalışır.

“Aylıq maaşlarımız əmək müqaviləsində nəzərdə tutulan qaydada verilmir, gecikdirilməklə ödənilir. Maaşlar əmək müqaviləsində nəzərdə tutulandan 20 faiz azaldıldı və müqaviləyə bununla bağlı imza atmağa məcbur edildik. Əlavə iş saatlarımız kəsildi və bu da əmək haqlarının azalmasına təsir etdi”,- şikayətçi deyib.

Neftçinin sözlərinə görə, müəssisədə işçilərin fəaliyyəti üçün normal şərait yaradılmır. Zərərli sahədə işləmələrinə baxmayaraq, süd və ya digər qidalar verilmir.

Şirkətin digər əməkdaşları da xidməti müqavilə ilə işləyən işçilərin əmək müqaviləsi ilə işləyənlərdən daha artıq maaş almalarından şikayətçidirlər. Onların sözlərinə görə, şirkətdə yetərli işçi olduğu halda kənardan yüzə yaxın şəxs xidməti müqavilə ilə işə cəlb olunur. İşçilərdən biri Meydan TV-yə deyib ki, nasaz maşınlarla estakadaya aparilirlar. Hasilat azalıb, şirkət öhdəliklərini yerinə yetirmir.

Neftçilərin Hüquqlarını Müdafiə Təşkilatınn sədri Mirvari Qəhrəmanlı da şirkət əməkdaşlarının dediklərini təsdiqləyib. Bildirib ki, Dövlət Statistika Komitəsinin “Hasilat sənayesində şəffaflıq üzrə məcmu hesabatı”na nəzər salıb. Məlum olub ki, neft hasilatı 2019-cu ildən indiyədək azalıb.

““Bahar Energy” ƏŞ-dən təşkilatımıza dəfələrlə şikayətlər daxil olub. İşçilər dəfələrlə əmək haqlarının gecikdirilməsindən, yarı-yarı ödənilməsindən narazılıq ediblər. Hətta müəyyən illərdə etiraz aksiyaları da keçirilib, amma təəssüf ki, narazılıqları yaradan səbəblər aradan qaldırılmayıb”.

Mirvari Qəhrəmanlı əlavə edib ki, Əmək Məcəlləsinin tələblərinə əsasən, əmək münasibətlərinə daxil olan bütün işçilərlə bu məcəllədə nəzərdə tutulan qaydada əmək müqaviləsi bağlanmalıdır. Əmək münasibətlərinin əmək münasibətləri xarakterli iş və ya xidmətlərdə mülki hüquqi müqavilələrlə rəsmiləşdirilməsi qadağandır.

Foto: Mirvari Qəhrəmanlının şəxsi profilindəndir
“Bahar Energy” Bahar yatağının və Qum-dəniz yatağının daxil olduğu blokun kəşfiyyatı, bərpası, işlənməsi hasilatın pay bölgüsü Sazişi əsasında 01.10.2010-cu il tarixdən fəaliyyət göstərir. Bu müqavilə üzrə ARDNŞ tərəfdaşı kimi Virgin adalarında qeydiyyatdan keçmiş “Bahar Energy LTD” şirkəti çıxış edir. “Bahar Energy”-nin təsisçisi Greenfields Petroleum Corporation isə Kayman adalarında qeydiyyatdan keçib. “Bahar Energy” Əməliyyat Şirkətinin prezidenti Con Harkinsdır.

İndiyədək şirkətdən şikayətlərlə bağlı heç bir cavab almaq mümkün olmayıb.
SOCAR-dan da işçilərin şikayəti ilə bağlı açıqlama verməyiblər.

Xəbər verdiyimiz kimi, Bakı Şəhər İcra Hakimiyyətində paytaxt Rayon İcra Hakimiyyətlərinin və şəhərin təsərrüfat xidmətləri rəhbərlərinin iştirakı ilə geniş müşavirədə Xətai RİH başçısına ciddi xəbərdarlıq edilib. Buna səbəb qeyri-yaşayış obyektlərinin fasadlarının və mövcud hasarların vəziyyətinin qeyri-qənaətbəxş olmasıdır.

TEREF xəbər verir ki, xüsusilə Xətai rayonunda təmir-bərpa işləri səliqəsiz həyata keçilir. Bu, vətəndaş şikayətlərində də əksini tapır. Son günlər mətbuatda qeyd olunur ki, obyekt sahibləri səkiləri zəbt edir. Təbii ki, buna səbəb müvafiq qurumların prosesə göz yummasıdır. Əsas cavabları bundan ibarət olur ki, obyekt xüsusi mülkiyyətdədir. Yəni əvvəlki illərdə razılıq alınıb. Burada xüsusi ilə vurğulamaq istərdik ki, hazırki icra başçısı Rafiq Quluyev 1997-ci ildən Xətai Rayon İcra Hakimiyyətində çalışır. O, ümumi şöbədə müfəttiş, 2003-cü ildən müfəttiş-inspektor, 2006-cı ildən 2012-ci ilədək həmin şöbənin müdiri vəzifələrində çalışıb. 21 may 2012-ci ildən 19 dekabr 2013-cü ilədək Başçının müavini, 2013-cü il dekabrından 12.11.2019-cu il tarixədək başçının 1-ci müavini vəzifəsində çalışıb. Azərbaycan Respublikasının Prezidenti İlham Əliyevin 12 noyabr 2019-cu il tarixli müvafiq Sərəncamı ilə Xətai rayon İcra Hakimiyyətinin başçısı təyin olunub. Bu, səkiləri zəbt edən obyektlərin tikilişi üçün razılıqla bağlı suallara təxminən aydınlıq gətirir. İcazə 1980-ci illərdə alınmayıb axı… Məsələn, “Əhmədli” metrostansiyası yaxınlığında, yol ayrıcında, yaşıllıq sahədə obyektlər 4-5 il bundan öncə tikilib. Misallar çoxdur. Nöqsanlardan nəticə çıxarılmazsa, yəqin ki, icra başçısı vəzifəsindən azad olunacaq. Burada Azərbaycan Respublikası Dövlət Şəhərsalma və Aritektura Komitəsinin də üzərinə məsuliyyət düşür. Onların “obyekt xüsusi mülkiyyətdədir” və ya “Müvafiq qaydada müraciət olunub” kimi standart cavabları Komitənin işinin öhdəsindən gəlmədiyini göstərir. Axı bu qurumun qarşısında xüsusi tapşırıqlar qoyulub. Sədr Anar Quliyev Komitənin fəaliyyətinə yenidən nəzər yetirməlidir.Pravda.az



Xətaidə səliqəsiz, səkiləri, avtobus dayanacaqlarını zəbt edən obyektlərlə bağlı faktları təqdim edəcəyik…

Ölkənin Gömrük sistemində illərdir oturuşmuş "qanunsuz fəaliyyət göstərən şirkətlər" mövzusu hələ də gündəmdədir.

Daha doğrusu, bu şirkətləri idarə edən məmurlar bir müddət sakitləşsə də, yenidən aktivləşiblər. Bir neçə gün əvvəl Bizimxeber.az-a daxil olan məlumatda qeyd olunurdu ki, uzun illər ölkənin Gömrük sistemini iflic edən, büdcədən milyonların oğurlanmasına yol açan qanunsuz fəaliyyət göstərən şirkətlər sistemi yenidən aktivləşib.

Məlumatda qeyd olunurdu ki, bu şirkətlər diğər qanuni fəaliyyət göstərən, onlarla işçi saxlayan, anbarı və qanuni fəaliyyəti olan şirkətlər üçün problemlər yaradır.

Yeni yaradılan onlarla qanunsuz şirkət İdxal-İxrac Əməliyyatları üzrə Nəzarət Baş İdarəsi rəhbəri Azər Məmmədovun özünün və yaxınların nəzarətində olduğu iddia edilir. Dövlət büdcəsini vergi ilə dolduran bu qanuni şirkətlər, büdcədən oğurlayan qanunsuz şirkətlərinin, onların yaratdığı monopoliyanın qurbanına çevirilir.

Bu kimi şirkətlər təkcə büdcədən oğurluq etmir, yüzlərlə insanı intihara sövq edir, ailələri dağıdır...

Əvvəlki illərdə belə şirkətlərin qurbanına çevirilən yüzlərlə insanın adını çəkmək olar. Bu qanunsuiz fəaliyyət göstərən şirkətlərin əsas işi xarici ölkələrdən Azərbaycana müxtəlif səpkili məhsulların idxalı ilə bağlıdır.

Onların işi hansısa savadsız, kasıb insana 100 min manatlarla vergi borcu yazılmasından tutmuş, dövlət büdcəsində külli miqdarda ziyan vurmağa yönəlib. Nəticədə işbaz məmur milyonlar qazanır, hansısa sahədəki monopoliyanı nəzarətində saxlayır.

Qanunsuz fəaliyyət göstərən, anbarı olmayan, heç bir rusum ödəməyən, mal dövriyyəsi az göstərilən və ya heç göstərilməyən şirkətlərin malları asanlıqla ölkə ərazisinə daxil olur, sənədləşdirilir və bazara buraxılır. Bu hal belə fəaliyyət göstərən qanunsuz şirkət üçün ilk yaşıl işıqdıq. Ardınca isə hansısa şəxsin öünü öldürməsi və ya ömrlük vergi borcları ilə yaşamasıdır.

Həmçinin bunların fəaliyyəti qanunla fəaliyyət göstərən, vergiləri vaxtında ödəyən, anbarları olan, işçilər saxlayan və DSMF ödəyicisi olan şirkətlərin sıxışdırılması prosessinin sürətlənməsinə "töhfə"dir.

Vətəndaşların adına yazılan külli miqdarda vergi borcu əsasən ölkəyə mal idxal edən işbazların və monopolist məmurların əli ilə yaradılan "şirkət" sahiblərinə aiddir. Daha doğrusu, bu şəxslər sıradan adamlardır və kasıb təbəqənin üzvləridir.

Prosses təxminən belə aparlır...

Belə şirkətləri yaratmaq istəyən monopolist məmurlar ətraflarına bir neçə yaxşı aldatmaq qabiliyyəti olan şəxsləri toplayaraq onlardan dost-tanışlarının, yaxın qohumlarının adına müəyyən kiçik ödənişlər edilməklə şirkətlər açılmasını istəyirlər. Bu şəxslər də, ehtiyac içərisində olan qohumlarına adına şirkət açılmasını təklif edir və müxtəlif şirinləşdirici vasitələrlə belə şirkətlər açılır, etibarnamə ilə diğər şəxslərə həvalə olunur.

Nəticədə vergi borcu adına şirkət olan şəxsə yazılır. Bir müddət sonra isə adına şirkət açılan şəxsin ünvanına borc barədə məktub gəlir və ödənilməsi tələb olunur.
Bir qədər qanuni araşdırma aparsaq belə bir qənaətə gəlmək olar ki, vergi orqanı öz işini görür və borc barədə vətəndaşı məlumatlandırır və ödəməsini tələb edir. Nəticədə insanlar ya intihar edir, ya da ailəsi dağılır... istənilən halda insan üçün problem yaradır.

Amma işin ən vacib tərəfi budur ki, bu qədər məlumatların fonunda aidiyyatı qurumlar hələ də susur.

Elə isə maraqlıdır ki, nədən ölkə büdcəsini doldurmaqdan sorumli olan Azərbaycan Respublikasının iqtisadiyyat naziri Mikayıl Cabbarov, Gömrük Komitəsinin rəhbəri Şahin Bağırov da hələ də bu işbazlarla bacara bilmir. İdxal-İxrac Əməliyyatları üzrə Nəzarət Baş İdarəsi rəhbəri Azər Məmmədov da səsini çıxartmır...

Görəsən niyə?

Görəsən, həqiqətən də aidiyyatı qurumların belə qanunsuz şirkətlərin fəaliyyətindən xəbəri yoxdur? Həqiqətən də bu şəxslər baş verənlərin ölkə büdcəsinə nə qədər böyük ziyan vurduğundan xəbəri yoxdur?

İnandırıcı görünməsə də, biz reallığı yazırıq və Gömrükdə yenə də qanunsuz fəaliyyət göstərən şirkətlər və onların qolçomaq rəhbərləri milyonları 1 dəqiqədə qazandığını araşdırırıq...

Abşeron rayon İcra hakimiyyətinin başçısı Abdin Fərzəliyev Elmira Axundovaya Novxanıda 22 sot torpağ hədiyyə edib?

Milli Məclisin sabiq deputatı, eks-səfir Elmira Axundova Novxanıda obyekt tikdirib?.

Elmira Axundova Abşeron rayonu, Novxanı kəndi, Binəqədi-Novxanı yolunda “Azin Construction” MMC-nin lahiyəsi ilə Abşeron rayon İcra hakimiyyətinin başçısı Abdin Fərzəliyevin icazəsi ilə anbar tikdirib.

XALQ.AZ Dövlət Şəhərsalma və Arxitektura Komitəsinin saytına istinadən xəbər verir ki, Elmira Axundovanın adına qeydiyata alınan obyektin istismara icazəsi 29.04.2024- cü il tarixində verilib. Abşeron rayonu, Novxanı kəndi, Binəqədi-Novxanı yolu ünvanında inşa edilən obyektin tikinti sahəsi 967 kvadrat, ümumi sahəsi 918 kvadrat metrdir. Məlumatalara görə, əmlak bazarında Novxanı ərazisində obyektin qiyməti 1 milyon manata dəyərləndirilir.

Qeyd edək ki,Elmira Axundova və oğlu Həbib Axundovun adı mütəmadi mətbuatda qalmaqallarda halların.

Adları keçənlərin açıqlamasını dərc etməyə hazırıq.

Göyçay rayon sakinləri tərəfindən

ŞİKAYƏT MƏKTUBU

Bizi qanunsuz olaraq işdən çıxarıblar, həmçinin son haqq-hesab pulumuzuda az yazıblar. Biz mətbuat vasitəsi ilə Azərbaycan Respublikasının Prezidenti cənab İlham Əliyevə müraciət etmək istəyirik.

Hörmətli Prezident Sizə bildiririk ki, biz ailəmizlə birlikdə Göyçay rayonunda yaşayırıq.Siz Azərbaycan xalqının ümid yeri dayağısınız buna görə xalq Sizi sevir Sizə güvənir.Siz həmişə Azərbaycan vətəndaşlarına köməklik göstərirsiniz.Buna görə üzləşdiyizm çətinliyin aradan qaldırılması üçün Sizə müraciət etməyi qərara aldıq.

2016-cı il tarixdə “DOST” İş Mərkəzi MMC-nin əmək müqaviləsi ilə “Azərqaz” İstehsalat Biriliyinin Ağsu Regional Qaz İstismarı İdarəsinin Göyçay Xidmət Sahəsində fəhlə vəzifəsinə işə qəbul edilmişik. İşimizdə heç vaxt nöqsana yol verməmişik, verilən tapşırıqları layiqincə yerinə yetirmişik.

Bu ərizəni imza edən 10 nəfərin 10 iyun 2024-cü il tarixdə, 4 nəfərin isə 09 iyul 2024-cü il tarixdə əmək müqaviləsinin müddəti bitdiyi üçün Azərbaycan Respublikasının Əmək Məcəlləsinin 68.2-ci maddəsinin “b” bəndi ilə işdən azad ediblər.Hansı ki, hər birimiz cavan, əmək qabiliyyətinə tam malik insanlarıq.Nə pensiya yaşında deyilik, nədə ki, alternativ gəlir yerimiz yoxdur. Əksəriyyətimizin banklara kredit borclarımız var, himayəmizdə xəstələrimiz, azyaşlı övladlarımız var. Çox çıxılmaz bir vəziyyətdə qalmışıq. Bizə məşğulluq alt sistemində işsiz kimi qeydiyyata düşməyi tövsiyə etməklə işlərini bitmiş hesab edirlər.

Göyçay rayonunun qaz sahəsində bizim işləməyimizə zərurət var idi.İndi isə işsiz qalmışıq ki, buna görə bizim ailəmiz aclıqdan məhv olacaq.Çünki ailəmizdə heç kəs işləmir himayəmizdə ailə üzvülərimiz var.
Əvvəlcədən heç bir xəbərdarlıq edilmədən, məlumat verilmədən əmək müqaviləmizə qanunsuz xitam verilmişdir. Həmçinin “DOST” İş Mərkəzi MMC nəyə görə bizimlə yenidən əmək müqaviləsi bağlamamasını qanunla əsaslandırmır ki, bunu biz bilək.Heç bir qanunu əsaslandımada yoxdur. Nə baş verdiki, “DOST” İş Mərkəzi MMC-nin bizimlə əmək müqaviləsi bağlamaq istəmir ? Bizi ən çox düşündürən bu sualdır.
Sanki feodal dövrünün nökərləri kimi bizimlə davranıb işimizdən azad ediblər.

Həmçinin bizim son haqq-hesab pulumuz düzgün hesablanmayıb. Çünki biz işlədiyimiz dövürdə məzuniyətə çıxmamışıq.Son-haqq hesab və əmək haqqı olaraq bizə çox az pul verilib. Bizimlə müqavilə bağlayıb işimızə bərpa olunmağımıza zərurət ona görə var ki, biz daima işə çıxmışıq, verilən tapşırıqları layiqincə yerinə yetirmişik, işimizdə heç vaxt nöqsana yol verməmişik, işləyib halal maaş almışıq.
Cənab Prezident biz hər zaman ailə üzvülərimizlə birlikdə prezident seçkilərində Sizə səs vermişik.

Bizim yeganə ümüd yerimiz Sizsiniz, buna görə Sizə müraciət etməyi qərara aldıq.İmkan verməyin ki, bizim ailəmiz aclıqdan məhv olsun.İşsiz insan ölümə məkum olunmuş kimidir.

Sizdən xahiş edirik bizim ailə vəziyyətimizi nəzərə alıb işlə təmin edilməyimizə əvvəlki “DOST”İş Mərkəzi MMC-dəki işimizə bərpa olunmağımza köməklik göstərəsiniz.

İmza; Göyçay rayon sakinləri

Əliyev İlham Lutvik oğlu Əlaqə telefonu; 055 720-50-29
Abuşov Emil Zakir oğlu
Ağamalıyev Əli Cəfər oğlu
Babayev Seymur Zəfər oğlu
Bədirov Zamiq Mirdamət oğlu
Bəkirov Zaur Şirxan oğlu
Cəlilov Cavid İsmayıl oğlu
Dadaşov Fərid Səxavət oğlu
Abdullayev Dilqəm Zaman oğlu
Həmidov Yunis Tahir oğlu
Burcalıyev Samir Azər oğlu
Daşdıyev Ramil Emin oğlu
Cəfərov Fikrət Məcnun oğlu
Ələkbərov Ruslan Xanlar oğlu

Naxçıvan Muxtar Respublikası (MR), Babək rayonu, Cəhri kəndinin əkin sahələrini su ilə təmin etmək üçün SSRİ dönəmində qurulan suvarma sisteminin məhv edildiyi haqda “Hürriyyət”də dəfələrlə yazmışıq. Qeyd etmşdik ki, Vasif Talıbovin Naxçıvan MR Ali Məclisinə rəhbərlik etdiyi dönəmdə su boruları kəsilərək daşındığından, Cəhri sakinləri illərdir öz əkin sahələrini suvara bilmirlər.

Redaksiyamızla əlaqə saxlayan sakinlər deyir ki, Talıbovun “xanlığı dönəmində” nəinki Cəhrinin suvarma sistemi, digər kanallar, eləcə də dəmiryol xətləri də sökülərək İrana satılıb. Oxucularımız buna misal olaraq Şərur rayonunun Aralıq kəndindən Naxçıvan şəhərinə qədər olan “Aralıq suyu” deyilən su boru xəttini göstərir. Bildirilir ki, 70 km-dən artıq kanalın boru xətləri sökülərək, İrana daşınıb.

Ən maraqlısı isə odur ki, bu məsələdə yaxın günlərdə Naxçıvan Əlahiddə Ümumqoşun Ordu komandanı vəzifəsindən azad olunan Kərəm Mustafayevin qardaşı Nemət Mustafayevin adı hallanır. İddia olunur ki, boru xəttini Nemət Mustafaeyevin göstərişi və hərbi hissənin vəsaiti hesabına doğrayıb daşıyıblar. Burada N.Mustafayevlə yanaşı, polkovnik Əli Əsədov və İran vətəndaşı olan Yusif adlı şəxsin də adı hallanır. İddia olunur ki, sökülən boru xətləri iranlı Yusif vasitəsilə qonşu ölkəyə - İrana aparılaraq, orada satılıb.

Bundan əlavə, məlum “üçlüyün” – Nemət Mustafayev, Əli Əsədov və iranlı Yusifin Başbaşı kəndindən (Başbaşı kəndi Araz çayının sahilində, Naxçıvan şəhərindən 12 km məsafədə, cənub-qərbdə yerləşir – red.) Duzdağa qədər olan dəmir yolu xəttini də sökərək, bütün relsləri İrana satdıqları vurğulanır.

Mənbə deyir ki, vaxtilə Duzdağ dəmiryolu vasitəsilə Naxçıvana, buradan isə respublikanın digər ərazilərinə duz daşınırdır. Hazırda həmin xətdən əsər-əlamət belə, yoxdur.

Hurriyyet.az

Redaksiyadan: Qarşı tərəfin mövqeyini dərc etməyə hazırıq.

Redaksiyamızın poçtuna daxil olan məqaləni oxuculara təqdim edirik. Müəllif yazır:
Hektarlarla torpaq sahələri, qoyun sürüləri, nəhəng malikanələr və daha nələr...

Məlum olduğu kimi, Ədliyyə Nazirliyinin Xaçmaz Regional Ədliyyə İdarəsinin sabiq rəisi Cavanşir Əvəzovun cinayət işi üzrə məhkəmə araşdırması başa çatıb. Hökmə əsasən, Cavanşir Əvəzovla 9 il 6 ay azadlıqdan məhrumetmə cəzası təyin edilib. Lakin məhkəmə müttəhimin cəzanı real çəkməsini məqsədəuyğun hesab etməyib. Əvəzova münasibətdə Cinayət Məcəlləsinin 70-ci (şərti məhkümetmə) maddəsi tətbiq edilib.

Məlumat üçün qeyd edək ki, ittihama görə, Cavanşir Əvəzov qanunvericiliyin ona verdiyi səlahiyyətlərdən yararlanıb etibardan sui-istifadə etmə və aldatma yolu ilə bələdiyyə və dövlət mülkiyyətində olan torpaq sahələrinin rəsmi sənədlərini saxtalaşdırıb başqa-başqa adamların adına rəsmiləşdirib. O, qanunsuz əldə etdiyi gəlirin həqiqi mənbəyini gizlətmək məqsədilə qazandığı pulları leqallaşdırıb. Məhz bu səbəbdən də Cavanşir Əvəzov 9 il 6 ay müddətinbdə azadlıqdan məhrum edilib. Lakin bu cəzanın qısa müddət ərzində şərti cəza ilə əvəzlənməsi baş verib ki, bu da tamamilə məntiqsiz və qanunsuzdur.

Əməlində bir neçə ağır cinayət tərkibi olan sabiq rəisə şərti cəza hansı əsasla verilib?

Hər şeydən öncə qeyd edək ki, Cavanşir Əvəzovun törətdiyi saysız-hesabsız qanunsuzluqlardan sonra şərti cəza alması hüquq və ədalət adına rəzalətdir və belə bir qərar ölkınin ədalət sisteminə inamsızlıq formalaşdırır.

Xatırladaq ki, Cavanşir Əvəzov xüsusilə külli miqdarda dələduzluğa cəhd etməkdə, külli miqdarda dələduzluqda, cinayət yolu ilə əldə edilmiş pul vəsaitlərini leqallaşdırmaqda, rəsmi sənədləri saxtalaşdırmaqda və başqa cinayətlərin törədilməsində ittiham olunub. Onun barəsində ilkin və məhkəmə istintaqı dövründə "başqa yerə getməmək haqqında" iltizam qətimkan tədbiri seçilib. Cavanşir Əvəzovla bağlı ittihamlar məhkəmə prosesində də sübut olunub və nəticə olaraq 9 il 6 ay müddətində həbsə məhkəm edilib. Lakin “hansısa sehirli əlin”sayəsində bu qərar heç bir qanuni-məntiqi əsas olmadan dəyişdirilərək şərti cəza ilə əvəzlənib. Başqa sözlə desək, Cavanşir Əvəzov etdiyi bunca qanunsuzluqlara rəğmən azadlıqda qalmağa nail olub. Halbuki, əməlində böyük ictimai təhlükə olan sabiq rəisin azadlıqda qalması ona öz əməllərini yenidən təkrarlamaq imkanı verir ki, bu da həm dövlət büdcəsinin yenidən talanması, həm də onlarla vətəndaşın qanuni haqqının tapdanması deməkdir.

Ata Əvəzovun yolunu davam etdirən bala Əvəzovun başgicəlləndirən sərvəti

Cavanşir Əvəzovla bağlı maraqlı məqamlardan biri onun Məhərrəm Əvəzovun oğlu olması faktıdır. Bilməyənlər üçün deyək ki, uzun müddət Novxanı bələdiyyəsinin sədri vəzifəsində çalışan Məhərrəm Əvəzov kənd torpaqlarını dədə-baba mülki kimi sataraq külli miqdarda sərvət qazanmışdır. Bu gün Məhərrəm Əvəzovun Novxanıdakı evinin həyətində dəyəri 100 min manatlarla ölçülən bir neçə avtomobil, kənddə bir neçə böyük ticarət və ictimai iaşə obyekti, çoxlu sayda kirayə və satış məqsədli ikimərtəbəli və üçmərtəbəli evləri mövcuddur.

Dövlət torpaqlarının talanması hesabına milyonlar qazanan Məhərrəm Əvəzovun yalnız Abşeron rayonunda deyil, respublikanın bir çox bölgələrində böyük torpaq sahələri, mal-qara sürüləri, fermaları mövcuddur. Övladı Cavanşir Əvəzovun şöhrət və vəzifə pilləllərində sürətlə irəliləməsində də Məhərrəm Əvəzovun sahib olduğu haram pulların çox böyük rolu olmuşdur. Bu gün Cavanşir Əvəzovun ölkənin şimal zonası ilə yanaşı, Oğuz, İsmayıllı, Şəki, Zaqatala ərazisində də hektarlalra torpaq sahəsi, qoyun və mal-qara sürüləri, nəhəng malikanələr, ticarət obyektləri mövcuddur. Hansı ki, bu sərvətlərin çoxu nə istintaq, nə də məhkəmə prosesində aşkara çıxarılmayıb. Halbuki, qanun və ədalət Cavanşir Əvəzovdan bunca qanunsuz sərvətin hesabını sormağı zəruri edir. Ümid edirik ki, dövlət əmlakını külli miqdarda taladığı üçün azadlıqla mükafatlandırılan Cavanşir Əvəzovla bağlı bu qərar ləğv ediləcək, sabiq rəis etdiyi çoxsaylı cinayətlərə görə öz layiqli cəzasını alacaq.
Qarşı tərəfində mövqeyini dərc etməyə hazırıq!
TEREF

Əmlak Məsələləri Dövlət Xidmətində qanunsuz yollarla nəhəng biznes imperiyası quran məmurlardan biri də Torpaqların dövlət idarəetməsinin təşkili və geodeziya şöbəsinin müdir müavini Eldəniz Qafarovdur. Müdir müavini ilə bağlı cumhuriyyet.az olaraq media üzərindən apardığımız araşdırma nəticəsində məlum olub ki, Eldəniz Qafarov tutduğu vəzifə etibarı ilə o qədər də diqqət çəkməsə də, kifayət qədər ciddi və iddialı oyunçudur. Paytaxt ərazisində biznes üçün ən uğurlu nöqtələrin zəbti Eldəniz Qafarovun adı ilə bağlıdır.

Gediş-gəlişin çox olduğu ərazilərdə boş torpaq sahələrini, hətta səki, park və zibilxanaları belə zəbt edən müdir müavini, qısa zamanda bu ərazilərdə ictimai iaşə obyektləri və mağazalar inşa edərək öz biznes imperiyasını durmadan genişləndirir. Tutduğu vəzifə və yüksək ranqlı məmurlarla qurduğu dostluq münasibəti ona zəbt etdiyi əraziləri qısa zamanda sənədləşdirməyə, əməlinə qanuni don geyindirməyə imkan verir.

XəbərAl.az xəbər verir ki, Mənbənin cumhuriyyet.az-a bildirdiyinə görə, xidmət rəisinin sabiq müavini Elçin Yusubovun “sağ əli” kimi tanınan, onun tərəfindən bilavasitə himayə olunan Eldəniz Qafarovun ən mühüm gəlir mənbələrindən birini isə icarəyə verilmiş torpaqların təftişi təşkil edir. Daşıdığı vəzifədən istifadə edərək mütəmadi şəkildə icraəyə verilmiş torpaqların təftişini həyata keçirən müdir müavini, təftiş prosesində icarə müqaviləsinin hər hansı bəndənin pozulduğunu iddia edərək müqaviləyə xitam verəcəyini bildirir. Sahibkarları bu sözlə qorxuya salan Xidmət məmuru, uzun çək-çevirdən sonra güzəştə getməyə razı olur. Təbii ki, bu razılaşma hər səfərində Eldəniz Qafarovun sərvətinin bir qədər də artması ilə nəticələnir.

Baş Prokuror yanında Korrupsiyaya qarşı Mübarizə Baş İdarəsi tərəfindən Dövlət Əmlak Xidmətində nazirlikdən daxil olmuş məlumat əsasında keçirilmiş təxirəsalınmaz əməliyyat-axtarış tədbirlər nəticəsində Dövlət Xidmətinin Torpaqların Torpaq bazarının təşkili sektorunun müdiri vəzifəsində işləyən İldırım Məmmədov və həmin sektorun baş məsləhətçisi Əsəd Nəsibov, eyni zamanda qurumun bir çox rayonlardakı şöbə müdirləri həbs edildi. Həbs olunan şəxslərə qarşı Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanıb. Bununla bağlı cumhuriyyet.az bildirir ki, aparılan əməliyyat-istintaq tədbirləri nəticəsində yalnız Dövlət Xidmətinin Torpaqların, Torpaq bazarının təşkili sektorunun müdiri vəzifəsində işləyən İldırım Məmmədovun və sektorun baş məsləhətçisi Əsəd Nəsibovun həbs olunması bəzi qaranlıq müəmmalara yol açır. Çünki Dövlət Əmlak Xidmətində korrupsiyaya bulaşanlar və saxtakarlıq edənlər sektor müdiri İldırım Məmmədovla, həmin sektorun baş məsləhətçisi Əsəd Nəsibovla bitə bilməz.

Deyə bilərik ki, qurumun sektor müdiri və yerli şöbələrin rəhbərləri tərəfindən həyata keçirilən saxta işlərdən Dövlət Xidmətində işləyən bəzi yüksək vəzifəli şəxslərin xəbərsiz olması heçdə inandırıcı deyil. Məsələn, sektor müdiri İldırım Məmmədovun müxtəlif şəxslərlə əlbir olaraq, həyata keçirdiyi saxtakarlıqlardan Dövlət Xidmətinin Torpaqların dövlət idarəetməsinin təşkili və geodeziya şöbəsinin müdir müavini, şöbə müdiri vəzifəsini icra edən Eldəniz Qafarovun xəbərsiz olmasına heç kəs inanmaz. Ona görə ki, bələdiyyə mülkiyyətində olan torpaq sahələrinin mülkiyyətə, istifadəyə və icarəyə verilməsinə dair müsbət rəyin verilməsinə cavabdeh qurumlardan birincisi məhz Torpaqların dövlət idarəetməsinin təşkili və geodeziya şöbəsidir. Bununla bağlı cumhuriyyet.az-a daxil olan məlumatda bildirilir ki, bələdiyyə mülkiyyətində olan torpaq sahələrinin mülkiyyətə, istifadəyə və icarəyə verilməsinə dair müsbət rəylərin verilməsi ilə bağlı aparılan istintaq dərinləşərsə şöbə müdiri vəzivəsini icra edən Eldəniz Qafarov da məsulliyətə cəlb oluna bilər. Saxtakarlığa görə həbs edilən İldırım Məmmədovun Torpaqların, Torpaq bazarının təşkili sektorunun müdiri vəzifəsinə təyinat almasında əsas rolu məhz Eldəniz Qafarov oynayıb və elə qurumdakı korrupsiya şəbəkəsinin başında duran şəxslərdən biri də odur.

Qeyd edək ki, Eldəniz Qafarovun adı bundan əvvəl də saxta işlərdə hallanıb. Nümunə kimi Göyçay rayonu Ulaşlı-Şıxlı kənd sakini İsmayılova Kəmalə Ağsəf qızının mediada yayılmış müraciətini göstərmək olar. Həmin müraciətdə vətəndaş Göyçayın icra başçısından şikayətlənir. Bildirir ki, icra başçısı onların istifadəsində olan bələdiyyəyə aid torpaq sahəsini ələ keçirmək istəyir. Eldəniz Qafarov isə bu işdə ona faktiki olaraq yardımçı olub. Belə ki, şöbə müdiri vətəndaşın ona ünvanladığı məktuba cavabında həmin torpaq sahəsinin bələdiyyəyə aid olmadığını iddia edib: “Hətta iş o yerdədir ki, mənim ünvanıma Əmlak Məsələləri Dövlət Xidməti Yanında Torpaqların Dövlət İdarəetməsinin Təşkili üzrə Dövlət Agentliyinin direktor müavini Eldəniz Qafarov tərəfindən göndərilən cavab məktubunda yalandan qeyd edilib ki, həmin mübahisəli torpaq sahəsi bələddiyəyə aid deyil, şəxsi mülkiyyətdir”, deyə vətəndaşın müraciətində qeyd edilir.

Beləliklə, aydın olur ki, Eldəniz Qafarov bələdiyyə mülkiyyətində olan torpaq sahəsini şəxsi mülkiyyət kimi təqdim etməklə, saxtakarlığa yol verib və həmin ərazinin ələ keçirilməsinə dəstək olub. Eldəniz Qafarovla şərikli biznesi olan, Xidmətin rəis müavini Elçin Mustafa oğlu Yusubovun Tarqovıda və Mərkəzi Univermaqda qızıl mağazaları var. Onu da qeyd edək ki, Elçin Yusubov İldırım Məmmədov həbs olunmayanadək hətta öz rəisi Mətin müllimi də saymırmış. Amma İldırımın həbsindən sonra Elçin Yusubov Mətin müəllimə yaxınlaşmaq üçün yollar axtarır. Eldəniz Qafarov haqqında onu deyə bilərik ki, o əslən Şəmkirin Zəhim kəndindəndir. Şəmkirdən olan sakinlərin sözlərinə əsasən cumhuriyyet.az bildirir ki, Eldəniz Qafarov nə qədər torpaq sahəsinin məmurlara satılmasına imza atıb. Və kiməsə 1 saxta sənəd vermək üçün az qala 1 “meşok” rüşvət alır. Eldəniz Qafarov rüşvətlə qazandığı milyonların hesabına oliqarxa çevrilib.

XəbərAl.az

Cəlilabad rayonunun Zərbəli kənd sakini Məmmədov Hüseyn Qulam oğlu tərəfindən Hurriyyet.az saytının redaksiyasına şikayət məktubu göndərilib. Vətəndaş iddia edir ki, onun mülkiyyətində olan torpaq sahəsinin 3 hektarını kənd nümayəndəsi Səfərov Hüseyn Qürbət oğlu qanunsuz şəkildə zəbt edib:

“Mən, Məmmədov Hüseyn Qulam oğlu, yazaraq bildirirəm ki, çıxarışlı torpaq sahəm var, 30 ildir əkib-becərirəm. Gülməmmədli kənd sakini Səfərov Hüseyn Qürbət oğlu bizim pulla kəndin 50 faizini alıb. Onun aldığı 1,19 ha torpaq sahəsinin qırağında bizim torpaq vardı. İndi mənim əkilmiş taxıl sahəmə girib. Pul hesabına mütəxəsis də dəvət ediblər, deyirlər ki, sənin yerin artıqdır.

Hüseynin tanışı Siracın xalası oğlu Əmlak Komitəsinin sədridir. Mir Cəlal müəllimin köməkliyi ilə torpağa yeni çıxarış almaq, ölçüsünü dəyişmək Səfərov Hüseyn üçün problem deyil. Bir də bu işdə Mir Cəlalın qohumu, 8 saylı Cəlilabad Ərazi İdarəsinin müdiri Əbiyev Adilin adını çəkirəm...”.

Rəsmi qurumlara müraciət etdiyini deyən torpaq sahibi bir nəticə əldə etmədiyini vurğulayır:

“8 aydır ora-bura yazıram. Nazirliklərdən incimirəm, rayona bildiriş göndərirlər, rayon “hər şey qaydasındadır” deyə yazır. Mənə isə bildirirlər ki, nə qədər yazırsan, yaz, mən “sumka” ilə pul verirəm, sənin yazmağın heç nə verməz. 11 dəfə yerimi qeyri-qanuni şəkildə ölçdürüb.

Səfərov Hüseynin 2 qardaşı və bir oğlu polis işləyir. Buradan kiminsə adı ilə böyük torpaq sahələri alıb. Təkcə min hektar əraziyə noxud əkib. Bu pul haradandır? Səfərov Hüseyn İrandan maliyyələşir, polis qardaşları da ona himayədarlıq edir.

Bir vətəndaş kimi, bilmək istəyirəm ki, Səfərov Hüseyn kimdir? “Day-dayı” kimdir?

Cəlilabad Rayon Prokurorluğuna teleqram vururam ki, məni qəbul etsin, amma qəbul etmirlər. Cəlilabad Rayon Polis Şöbəsində də məni dinləmirlər”.

Şikayətçi gileylənir ki, Səfərovlar ailəsi ilə arasında gedən ədavətə görə, oğlu qanunsuz şəkildə həbsdədir:

“Qanunun yerinə yetirilməsini tələb edirəm. Bu Səfərov Hüseyn saxta sənədlərlə iş görür. Oğlumu girov götürüb, 2 aydan çoxdur, Kürdəxanıdadır. Balaca oğlan o boyda Hüseyni vura bilər? Ümumiyyətlə, Cəlilabadda kimsə bu adamı vura bilər? Oğlum xəstə uşaqdır. Müstəntiq bunların boy və çəki fərqini görmür? Oğlum Hüseynin barmağını necə qıra bilər? Abdullayev Şahin Sabirabaddan gəlib, orada baş müstəntiq işləyirdi, bizə “Əzrayıl” gəlib. Həmişə piyandır, gələni içəri itələyir”.

Səfərov Hüseyn torpağının ətrafındakı başqa əraziləri də zəbt edib. Mənə deyir ki, pencəyini götür, çıx get. Qorxudan evdə qala bilmirik. Bu adam türmədə olub, savadsız adamdır, 5 ildir qanunsuz olaraq kənd icra nümayəndəsi işləyir. Prezidentdən rica edirəm ki, bu adam və qardaşları araşdırılsın”.

Cəmilə ƏZİMOVA

Redaksiyadan Qarşı tərəfin mövqeyini dərc etməyə hazırıq.