 |
|
|
İlon Maskın yeni nəsil implantları yaradan "Neuralink" şirkəti iflic olan insanlara "düşüncə gücü ilə" robot qolu idarə etməyə imkan verəcək texnologiyanı sınaqdan keçirməyə başladığını bildirib.
Qaynarinfo xəbər verir ki, bu barədə "Digital Trends" yazıb.
Layihə "Convoy" kod adı altında həyata keçirilir. İndi tədqiqatların ilkin mərhələsidir, baxmayaraq ki, o, artıq insanlar üzərində ilk sınaqlardan keçir. Cihazın tam istehsala buraxılması üçün bir neçə il lazım olacaq.
"Neuralink" neyroçipi artıq ən azı iki nəfərin beyninə yerləşdirilib. Bu, xəstələrə kompüterləri idarə etməyə və hətta düşüncə gücü ilə video oyunları oynamağa imkan verir. İlk xəstəyə çip bu ilin yanvarında implantasiya edilib, o, ondan istifadə etməyə davam edir.
Və onlar "Convoy" ilə birlikdə ətraf aləmlə də ünsiyyət qura biləcəklər - robot qolun köməyi ilə insanın fiziki qarşılıqlı əlaqədə itirilmiş qabiliyyətlərini qismən bərpa etmək mümkündür.
"Neuralink" bildirir ki, bu tədqiqatlar təkcə rəqəmsal deyil, həm də fiziki azadlığın bərpası istiqamətində mühüm ilk addımdır.
İlon Mask gələcəkdə beyin çipini özünə yerləşdirməyi planlaşdırır: gələcəkdə bu, təkcə elektronikanı idarə etməyə deyil, həm də ətrafların hərəkətliliyini bərpa etməyə, depressiya ilə mübarizə aparmağa, görmə qabiliyyətini bərpa etməyə, hətta beynin daha səmərəli işləməsinə imkan verəcək.
2025-ci ildə "Tesla"dan "Optimus humanoid" robotlarının buraxılması baş tuta bilər. O, adi insan işinin çox hissəsini əvəz etmək üçün nəzərdə tutulub. Eyni zamanda İlon Mask əmin edir ki, robot insanların özlərinin işlərini əlindən almaq niyyətində deyil.
Amerikalı sahibkar İlon Mask Marsa uçuşun zəruriliyini izah edib.
Bu barədə o, X sosial şəbəkəsində yazıb.
Onun sözlərinə görə, planet "şüurun uzunmüddətli sağ qalması" üçün çox vacibdir. Mask əlavə edib ki, o, vençur kapitalistlərindən vəsait istəmək fikrində deyil. O qeyd edib ki, investisiya baxımından uçuşun mənasızlığını başa düşür. Buna görə də, sahibkar resursları toplayır.
Sentyabrın sonunda Mask iki il ərzində "Starship" sisteminin beş pilotsuz nəqliyyat gəmisini Marsa göndərməyi planlaşdırdıqlarını söyləyib. Mask hesab edir ki, kosmik gəminin uğurlu enişi dörd il ərzində Marsa insanlı missiyanı mümkün edəcək.
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib.
Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Tədbirin keçirilməsində məqsəd süni intellekt və innovativ texnologiyaların dayanıqlı inkişaf hədəflərinə çatmaqda oynadığı mühüm rolu, eləcə də yaşıl texnologiyalara keçidin ətraf mühit və iqtisadiyyat üçün yaratdığı perspektivləri müzakirə etmək olub. İştirakçılar qeyd ediblər ki, süni intellekt əsaslı yeni texnologiyalar resurslardan daha səmərəli istifadəyə, həmçinin iqlim dəyişikliyi ilə mübarizədə yeni yanaşmalar tətbiq etməyə imkan verir. Vurğulanıb ki, süni intellektin tətbiqinin genişlənməsi ekoloji və iqtisadi dayanıqlığı gücləndirərək daha yaşıl və dayanıqlı gələcəyin qurulmasına önəmli töhfə verəcək.
İnteraktiv formada təşkil olunan panel müzakirəsi sual-cavab sessiyası ilə davam edib.
Tədbir “Bakcell”in dayanıqlı inkişaf hədəflərinə çatmaq və yaşıl texnologiyalar vasitəsilə iqtisadi inkişafa töhfə vermək istiqamətində öhdəliyinə sadiqliyini göstərir.
Bu ilin yanvar-oktyabr aylarında Azərbaycan 2 592 ədəd yalnız elektrik mühərriklə hərəkətə gətirilən nəqliyyat vasitələri idxal edib.
Bu avtomobillərin dəyəti isə 104 milyon 237 min ABŞ dolları təşkil edib. Ötən ilin eyni dövrü ilə müqayisədə bu miqdar baxımından 167 ədəd (6,9%), dəyər baxımından isə 5 milyon 938 min ABŞ dolları (6,04%) çoxdur.
Azərbaycan bazarında müxtəlif elektrik mühərrikli avtomobil modelləri mövcuddur. Qiymətlərə baxsaq görərik ki, Çin istehsalı elektrik avtomobilləri daha aşağı qiymətədir. Qiymətlər təxminən 30 000 - 70 000 manat arası dəyişir. Həmçinin avtomobilin əlavə xüsusiyyətləri, idxal xərcləri və vergilərdən asılı olaraq da qiymət arta və ya azala bilər. Ölkəyə gətirilən elektrikli avtomobillərin çoxu Çin və Avropa ölkələrindən olduğu üçün qiymət fərqləri mövcuddur.
"Operativ Media" Azərbaycanda satılan bir neçə elektrikli avtomobil modellərinin qiymətlərini araşdırıb:
1 Changan Qiyuan A05 33 660 AZN
2 BYD Qin Plus 26520 AZN
3 Changan Qiyuan 33660 AZN
A06
4 Skywell ET5 76000 AZN
5 Zeekr 001 60000 AZN
6 BMW i4 M50 143070 AZN
7 Volkswagen ID.6 53350 AZN
8 BYD HAN 66500 AZN
9 Volkswagen ID.6 47 922 AZN
Nəqliyyat eksperti Aslan Əsadov qiymətə təsir edən əsas amilin vergi olduğunu bildirib:
“Vergi güzəştləri və dövlət dəstəyi (vergi azadlığı və ya idxal güzəştləri) səbəbindən, bəzi elektrikli avtomobillərin qiymətləri bazarda daha cəlbedici ola bilər. Hər bir ölkə idxal etdiyi vasitəni çalışır ki, ucuz əldə etsin. Bunun üçün də dövlət həmin şirkətləri və ya şəxsləri dəstəkləməlidir. Vətəndaş məhsulu idxal edərkən müəyyən güzəştlər də əldə etməlidir. Nəqliyyat vasitəsi üçün müəyyən güzəştlər avtomobilin qiymətinə də təsir edir. Qiymətlərin enməsi üçün bu kimi addımlar daha vacibdir.
Elektrik avtomobillərinin idxal olunma zamanı, daxili gömrük bəyannaməsi və ya ixrac bəyannamələrinin təqdim edilməsi zamanı müəyyən güzəştlərin edilməsi labüddür. Bu, həmin avtomobillərin qiymətlərinə önəmli təsir göstərir”.
Qeyd edək ki, bundan əlavə, hesabat dövründə Azərbaycana 314 milyon 456 min ABŞ dolları dəyərində 12 529 ədəd elektrik enerjini xarici mənbədən doldurma qabiliyyətinə malik olanlar istisna olmaqla daxili yanma mühərriklə yanaşı elektrik mühərriklə də hərəkətə gətirilən nəqliyyat vasitələri idxal edilib. Həmçinin sözügedən dövr ərzində ölkəyə 205 milyon 693 min ABŞ dolları dəyərində 6 457 ədəd elektrik enerjini xarici mənbədən doldurma qabiliyyətinə malik olan, daxili yanma mühərriklə yanaşı elektrik mühərriklə də hərəkətə gətirilən nəqliyyat vasitələri gətirilib.
Son dövrlərdə elektromobillərə maraq artıb. Bakı ilə bərabər regionlarda da belə avtomobillər almaq istəyənlər kifayət qədərdir.
Xezerxeber.az-ın məlumatına görə, bölgələrdə şarj yerlərinin olmaması sürücüləri çətin vəziyyətdə qoyur.
Gəncə, Sumqayıt və Mingəçevir şəhərlərində bu cür elektrikdoldurma məntəqələri cəmi bir ünvandadır. Sürücülər deyirlər ki, bu da onların elektromobil almaq həvəslərini azaldır.
Paytaxdan sonra digər iri şəhərlərdə bir ünvanda elektrikdoldurma məntəqələri olsa da, digər rayonlarda ümumiyyətlə yoxdur.
Avtomobil satışı üzrə mütəxəssis Eldəniz Cəfərov bölgələrdə yaşayanların elektromobillərə marağını artırmaq üçün təkilif edir ki, yanacaqdoldurma məntəqələrinin sahibləri qarşısında öhdəlik qoyulsun.
Ekspert deyir ki, respublika əhəmiyyətli magistral yolların kənarındakı yanacaqdoldurma məntəqələrində və hətta yeni yaradılan ''Dayan Dincəl'' məntəqələrində də şarj cihazları qoyulmalıdır.
Ətraflı süjetdə:
Səkkiz günlük kosmosa gedən və hələ də yerə qayıda bilməyən NASA astronavtları açıqlama verib.
Milli.Az xarici mətbuata istinadən xəbər verir ki, Sunita Williams səhhətinin yaxşı olduğunu bildirib.
O, hətta orada idman etdiyini də açıqlayıb.
Kosmosda missiyalarını kosmik gəmi olmadan davam etdirən Sunita 'Suni' Williams və Barry 'Butch' Wilmore fevral ayında Yerə qayıda biləcəklər.
Xatırladaq ki, 59 yaşlı Uilyams və 61 yaşlı Uilmor iyunun 5-də səkkiz günlük kosmosa səyahət ediblər, lakin onların kosmik gəmisi texniki səbəblərdən nasaz olduqdan sonra ikili yeni kosmik gəminin göndərilməsini gözləyiblər. Bir neçə gün əvvəl ikilinin jurnalda dərc olunan fotosu insanlarda narahatlıq yaratmışdı. Hətta bəzi ekspertlər fotolarda Uilyamsın zəif göründüyünü və vəziyyətinin yaxşı olmadığını bildirmişdi.
Müğənni Madonna bir neçə aydan sonra sevgilisi Akim Morrisdən ayrılıb.
66 yaşlı Madonna 28 yaşlı futbolçunu qısqanclıq və yaş ucbatından tərk edib.
Qeyd edək ki, Madonna ilk dəfə 38 yaşında ana olub. O, kubalı idmançı Karlos Leondan Lurdes adlı bir qız dünyaya gətirib və bir il sonra uşağın atası ilə ayrılıb. Daha sonra ifaçı rejissor Qay Riçi ilə evlənib. 2000-ci ildə onların Rokko adlı övladı dünyaya gəlib, 2006-cı ildə isə cütlük afrikalı Devid adlı oğlanı övladlığa götürüb. Onlar 2008-ci ildə boşanıblar.
GUNDEMXEBER.AZ
Amerikalılar və ingilislər bütün dünyanı kommunikasiyanı təmin edən kabellərə hücum hazırlayırlar.
Azpost.info bildirir ki, bu barədə Rusiya prezidentinin köməkçisi Nikolay Patruşev “Kommersant”a müsahibəsində bildirib.
Onun sözlərinə görə, məlumatlara görə, amerikalılar və ingilislər “Şimal axını”nda təxribatı öz iqtisadi maraqlarını təşviq etmək üçün bir çox üsullardan biri hesab edirlər: “Yeni infrastruktur, o cümlədən bütün dünyada rabitəni təmin edən dəniz fiber optik kabelləri onların hücumuna məruz qala bilər“-deyə Patruşev bildirib.
“Şimal axınında terror aktı ilə bağlı maraqlı detallar ortaya çıxır. Hətta Danimarka dəniz səlahiyyətliləri bir gün əvvəl Amerika gəmilərinin partlayışlar bölgəsində olduğunu gizlətmirlər. Eyni zamanda, xarici ölkələrin hərbi dəniz qüvvələrinin imkanları ilə maraqlanan hər kəs bilir ki, Ukrayna Hərbi Dəniz Qüvvələrinin dərin dənizdə terror aktı törətmək üçün nə texnikası, nə də təlim keçmiş mütəxəssisləri var. Belə miqyasda təxribatı yalnız NATO ölkələrinin xüsusi təyinatlı bölmələri həyata keçirə bilərdi. Məlumdur ki, Amerika və Britaniya kəşfiyyat xidmətlərinin belə döyüş üzgüçüləri və müvafiq avadanlıqları var”-deyə Patruşev vurğulayıb
Sosial şəbəkələrdə vətəndaşlara xəbərdarlıq edən paylaşımlar yayılıb. İddia olunub ki, bəzi şəxslər peyvəndə görə zəng edərək dələduzluğa yol verirlər. Onlar vətəndaşlardan “peyvənd olunmusunuzsa, “1” düyməsinə basın” deyir, ardınca telefon bloka düşür və məlumatlar oğurlanır.
Bununla bağlı Sfera.az-a açıqlama verən texnobloger Fərid Pərdəşünas deyib ki, sözügedən məlumat həqiqəti əks etdirmir:
“Hazırda belə bir hücum növü yoxdur və texniki cəhətdən zəng vasitəsilə smartfona müdaxilə olunmur. Bu məlumatı yaymaq vətəndaşlarda panika və şübhə yaratmaq, bank hesablarında olan vəsaitləri tez bir zamanda nağdlaşdırmağa sövq etmək məqsədini güdür”.
Texnobloger vətəndaşlara da müraciət edib:
“Vətəndaşlardan yalnız rəsmi və sahənin mütəxəssisləri tərəfindən yayılan xəbərdarlıqlara diqqət etmələrini xahiş edirik!”.
"iPhone 15" 2024-cü ilin üçüncü rübündə qlobal smartfon satışlarına liderlik edib.
Bu barədə "Counterpoint Research" tədqiqat şirkətinin hesabatında deyilir.
İkinci və üçüncü yerləri daha bahalı "iPhone 15 Pro Max" və "iPhone 15 Pro" tutub. Analitiklər qeyd edir ki, Pro modelləri ilk dəfə olaraq üçüncü rübdə bütün "iPhone" satışlarının yarısını təşkil edib.
Əlverişli qiymətləri və uzunmüddətli proqram dəstəyi ilə tanınan "Samsung"un "Galaxy A "seriyası smartfonları artan bazarlardakı populyarlığı və sərfəli modellərə diqqət yetirməsi sayəsində ən populyar 10 cihaz arasında dörd yeri tutub. Belə ki, dördüncü yerdən yeddinci pillələrə kimi "Galaxy A15 4G", "Galaxy A15 5G", "Galaxy A35 5G" və "Galaxy A05 "qərarlaşıb.
Eyni zamanda, "Samsung"un flaqman "Galaxy S24" xəttinin baza modeli onuncu yerdə qalır və ardıcıl üçüncü rübdür ki, ilk 10-luqdadır. Mütəxəssislər qeyd edir ki, 2018-ci ildən bəri ilk dəfədir "Galaxy S" modeli qlobal satış liderləri onluğuna daxil olur.
Nəhayət, səkkizinci və doqquzuncu yerləri "iPhone 14" və "Redmi 13C" tutub.