Son məlumatlara görə, İranın da İsrailə cavab atəşləri fonunda İsrailin daha kəskin hücumları, şiddətli partlayışlar və dağıntılar İran əhalisində həyəcan yaradıb. Tehran, İsfahan, digər cənub və şərq ərazilərdən, şəhərlərdən kütləvi şəkildə şimala, Xəzər dənizi tərəfə güclü axın başlayıb.
Artıq Qərbi İran, Güney Azərbaycan tərəfdən də sakinlər bizim Azərbaycana və Türkiyəyə doğru istiqamət götürüblər. Belə getsə, bu axın daha güclənə, İranın şimal-qərb sərhədlərə çata bilər.
Yazıq camaat artıq, görür və yaxşı bilir ki, İran bu müharibəni uduzur. Artıq, İran hökumətinin "Zəfər çalırıq, Mehdi gəlir!" təbliğatı işə yaramır. Görürlər ki, İran hakimiyyət elitası öz ailələrini xüsusi təyyarələrlə ölkədən çıxarır. Panika var. Ölkə böyük, idarəçilik xalqın təminini çatdırmlr,
Yollar kilometrlərlə tıxaclı, nəqliyyat basabasda, İran məmur və generalları da öz haylarında. Bu gedişat, bombalanmalar, vacib infrastrukturları dağılışı ilə, tezliklə İranda idarəçilik pozular, bu durum artıq xeyli nəzarətdən çıxa bilər. Ölkədə kütləvi itaətsizlik, iğtişaşlar, üsyan yarana bilər.
Bu ara, Rusiya, Pakistan və Çinin İrana hərbi və müasir texniki və s. yardımı barədə məlumatlar var. Yəni ki müxtəlif raketlər, qurğular göndərilir. Belə halda ABŞ və NATO-nun münaqişəyə hərbi müdaxiləsi qaçılmaz olar. Və İran da beynəlxalq savaş meydanına çevrilir. Yaxşı hal olmazdı, bu.
Videoda: Tehran bu gün. İsrail İranın kəşfiyyat (Sepah) nazurliyini vurdu. Zərbələr davam edir.
Ilqar Altay
TEREF