Berlin hava limanında təhlükəsizlik qüvvələrinin bildirdiyinə görə, İsrail səfirliyinə terror aktı törətməyi planlaşdıran 18 yaşlı gənc saxlanılıb.

Bu barədə Berliner Zeitung qəzeti yazır.

Hökumət orqanlarının məlumatına görə, 18 yaşlı gənc Berlində siyasi motivli hücum həyata keçirməyi planlaşdırıb.

Hücumun hədəfinin İsrail səfirliyi olduğu bildirilib.

Gəncin Potsdamda yaşadığı və çeçen olduğu qeyd edilir.

Pəhrizinizi daha qidalı etmək üçün ona brokoli əlavə etmək yaxşıdır.
Ferra.ru xəbər verir ki, eyni zamanda, onun hazırlanmasının bir üsulu sağlamlıq üçün maksimum fayda təmin edir.Rutgers Sağlamlıq Peşə Məktəbinin klinik və profilaktik qidalanma şöbəsinin köməkçi professor Stephanie Johnson deyir ki, brokoli A, C, K vitaminləri, kalium, maqnezium, kalsium, dəmir, lif və güclü antioksidantlarda yüksəkdir.Daha çox sulforafan almaq üçün bitkini yüngülcə qızardın. Brokolini qovurmadan təxminən 90 dəqiqə əvvəl çiçəklərə ayırmaq lazımdır.

Gündə 2 butulkadan çox qazlı içki içmək bel ölçüsünün artmasına və diabet və ürək-damar xəstəliklərinin inkişafına səbəb olur.
Mötəbər nəşrlərindən olan “The Times of India”da amerikalı alimlərin araşdırmaları haqqında qısa məqalə dərc olunub.
Tədqiqatçılar gündə iki şüşədən çox qazlı içki qəbul edən orta yaşlı və yaşlı qadınların və qazlı içkilər içməyən qadınların diaqnostik məlumatlarını müqayisə ediblər. Nəticədə qazlı içki içənlərdə trigliseridlərin (zərərli yağ növü) səviyyəsinin 4 dəfədən çox artdığı məlum olub. Trigliseridlər metabolik pozğunluqların günahkarlarından" sayılır.
Oklahoma Universiteti Sağlamlıq Mərkəzinin tədqiqat rəhbəri və dosenti Kristina Şey deyib: "Gündə iki şüşədən çox şəkərli qazlı içki içən qadınlarda çəki artımı və qanda şəkərinin səviyyəsinə mənfi təsir, gələcəkdə diabet və ürək xəstəliklərinin inkişafına səbəb ola bilər”.
Oxşar araşdırmalar kişilərdə belə bir əlaqə aşkar etməyib. Tədqiqatın müəllifi bunu qadın orqanizminin kişilərə nisbətən daha az kalori tələb etməsi, ona görə də əlavə kalorilərin yığılmağa başlaması və bunun sağlamlıq problemlərinin yaranması ilə izah edib.

Hibiskus çayı şişkinlik və maye yığılması ilə mübarizədə təbii və effektiv bir vasitədir. Foodinfo.az xəbər verir ki, bu çayın tərkibindəki antioksidantlar, flavonoidlər və təbii diüretik (sidikqovucu) təsir göstərən maddələr orqanizmdən artıq mayeni və toksinləri çıxarmağa kömək edir.
1. Hibiskus çayı böyrəklərin fəaliyyətini stimullaşdıraraq artıq mayenin bədəndən atılmasını asanlaşdırır. Bu isə şişkinlik hissini azaldır.
2. Çay iltihab əleyhinə xüsusiyyətlərə malikdir, bu da şişkinliyin səbəbi olan daxili iltihabları azaldır.
3. Hibiskus çayı həzmi yaxşılaşdırır, mədə və bağırsaqlardakı qazı azaldaraq rahatlıq təmin edir.
4. Tərkibindəki minerallar orqanizmdə elektrolit balansını tənzimləməyə kömək edir. Hazırlanması:
1. Bir fincan qaynar suya 1-2 çay qaşığı qurudulmuş hibiskus çiçəkləri əlavə edin.
2. 5-10 dəqiqə dəmləyin və süzün.
3. İstəyə görə bal və ya limon əlavə edərək için.Hibiskus çayını gündə 1-2 fincan istehlak etmək şişkinliyi azaltmağa kömək edir. Lakin aşağı qan təzyiqindən əziyyət çəkənlər və ya hamilə qadınlar istifadədən əvvəl həkimlə məsləhətləşməlidirlər.

ABŞ -da bu qış mövsümi qripdən ölənlərin sayı son beş ildə ilk dəfə olaraq COVID-19 virusundan ölənlərin sayını ötüb.

Demokrat.az xəbər verir ki, bu barədə ABŞ Səhiyyə Departamentinin Xəstəliklərə Nəzarət və Qarşısının Alınması Mərkəzləri məlumat verib.

KİV-in məlumatına görə, bu mövsümdə ən çox yayılan ştammlar H1N1 və H3N2-dir. Sonuncular isə daha ciddi xəstəliklərə səbəb olur.

COVID-19 2020-ci ildə ABŞ-da geniş yayılmağa başlayandan bəri qripdən təxminən 42 dəfə çox insanı öldürüb.

"Palma yağı dünya miqyasında geniş istifadə edilən bitki yağlarından biridir. Xüsusilə qida sənayesində, kosmetika məhsullarında və hətta bioyanacaq istehsalında tətbiq olunur.
Palma yağı dünyada ən yüksək məhsuldarlığa malik bitki yağlarından biridir. Bu yağın istehsalı digər bitki yağları ilə müqayisədə daha ucuz başa gəlir və az ərazi tələb edir.
Palma yağı digər yağlarla müqayisədə daha dayanıqlıdır, asan xarab olmur və bu səbəbdən qida sənayesində geniş istifadə edilir. Bir çox qida məhsulunun tərkibində olur. Onun struktur sabitliyi şokolad, çörək, dondurma, marqarin kimi məhsullar üçün əlverişli hala gətirir. Palma yağı yüksək doymuş yağ tərkibinə malikdir ki, bu da uzunmüddətli istehlak zamanı ürək-damar xəstəlikləri riskini artırır".

Bunu Sonxeber.az-a qida eksperti Asim Vəliyev danışıb.

O, açıqlamasında qeyd edib ki, ağır emaldan keçmiş palma yağı bəzi insanlarda həzm problemləri yarada bilir:

"Aparılmış elmi araşdırmalar göstərir ki, palma yağının həddindən artıq istehlakı "pis xolesterin"in (LDL) artmasına səbəb ola bilər, bu isə damarların tıxanması və ürək-damar problemlərinə səbəb ola bilər. Ağır emaldan keçmiş palma yağı bəzi insanlarda həzm problemləri yarada bilir. Yüksək temperaturda istifadə edildikdə palma yağında kanserogen və toksik maddələr yarana bilər ki, bu da sağlamlıq üçün təhlükəlidir.
Palma yağının geniş şəkildə istehsal edilməsi bəzi ekoloji problemlərə səbəb olur. Əsasən, İndoneziya və Malayziyada meşələrin qırılması, nadir heyvan növlərinin məhv olması və ətraf mühitin çirklənməsi bu sənaye ilə əlaqələndirilir. Bundan əlavə, idxal olunan palma yağının artması yerli yağ istehsalçıları üçün rəqabət çətinlikləri yarada bilir.
Palma yağı müəyyən üstünlüklərə malik olsa da, sağlamlıq və ekoloji baxımdan bəzi risklər yaradır. Bu səbəbdən istehlakçılar bu məhsulu qəbul edərkən onun miqdarına və emal üsullarına diqqət yetirməlidirlər. Həmçinin, sağlam alternativlərə üstünlük vermək daha məqsədəuyğundur".

Böyüklər, yəni yaşı 18-dən yuxarı insanlar üçün buğda çörəyinin gündəlik istehlak norması 100 qramdır.Çörək qidalanmanın vacib elementi olaraq qalır, lakin onun ağ çeşidi ən az sağlam hesab olunur, ona görə də mütəxəssislər onu gündəlik istehlak etməyi məsləhət görmürlər. TEREF “Medicina”ya istinadən xəbər verir ki, endokrinoloq, tibb elmləri namizədi Oksana Mixaleva normalardan danışıb:“Normativ sənədlərə əsasən, sağlam yetkinlər üçün gündəlik çörək istehlakı norması 100 q buğda və ya 150 qr çovdardır.Yalnız qlütenə qarşı allergik reaksiya və ya dözümsüzlük halında buğda çörəyinin tam xaric edilməsi tövsiyə oluna bilər.Həzm sisteminin patologiyaları halında onun istehlakı da azaldılmalıdır. Belə hallarda ağ çörəkdən qurudulmuş formada və minimum miqdarda istifadə məsləhətdir.Son vaxtlar məhsula günəbaxan tumu, kətan toxumu və balqabaq toxumu kimi yağlar əlavə olunur ki, bu da onun kalorililiyini xeyli artırır.Sağlam qidalanmaq üçün çovdar, tam taxıl, ikinci dərəcəli buğda, kəpək və çoxdənli çörəyin ən yaxşısı hesab olunur. Ən faydalısı tam taxıl unu və çovdardan hazırlanmış çörəklərdir”.

Qatıq müntəzəm istehlak edildikdə bağırsaq xərçəngi riskini azaldır. Bunun bir neçə səbəbi var:
1. Probiyotiklər bağırsaq sağlamlığını qoruyur- Qatıqda olan Lactobacillus və Bifidobacterium kimi probiyotiklər bağırsaq florasını tarazlayır.
- Faydalı bakteriyalar iltihabı azaldır və zərərli maddələrin bağırsaqda toplanmasının qarşısını alır.
2. İmmuniteti gücləndirir
- Güclü bağırsaq mikroflorası bədənin müdafiə sistemini aktiv saxlayır.
- Xərçəngə səbəb ola biləcək zərərli maddələrin parçalanmasını dəstəkləyir.
3. Xroniki iltihabı azaldır
- Xroniki iltihab bağırsaq xərçənginin inkişafına səbəb olur.
- Qatıqda olan probiyotiklər və kalsium bağırsaqdakı iltihabı azaldaraq xərçəng riskini aşağı salır.
4. Zərərli bakteriyaların yayılmasının qarşısını alır- Qatıq turşu mühiti yaradır, bu da bağırsaqda zərərli bakteriyaların çoxalmasını məhdudlaşdırır. Hər gün 1 stəkan (təxminən 200-250 q) qatıq yemək bağırsaq sağlamlığı üçün çox faydalıdır. Şəkərsiz, təbii və evdə hazırlanmış qatıq daha yaxşı təsir göstərir. Tək başına qatıq xərçəngin qarşısını almasa da, sağlam bağırsaq mühiti yaradaraq riskin azalmasına kömək edir. Əgər həzm problemləriniz varsa və ya laktoza həssaslığınız varsa, qatığı ehtiyatla istifadə etməlisiniz.

Azərbaycan səhiyyə sisteminin acınacaqlı vəziyyətdə olması haqda daha bir dəhşətli fakt

Azərbaycanda təhsil sisteminin çox bərbad durumda olduğu kimsəyə sirr deyil. İllərdir təhsilimizi “bataqlıq” dan çıxarmağa cəhdlər olunsa da, vəziyyət günbəgün daha da ağırlaşır. Belə ki, müstəqillik qazandıqdan sonra bir çox inkişaf etmiş ölkələrin təcrübəsindən faydalanmağa çalışsaq da, indiyədək nəinki bir addım qabağa gedə bilmişik, əksinə, təhsilimiz Sovetlər Birliyi dönəmində olduğundan daha bərbad duruma düşüb.

Əlbəttə, hər bir millətin gələcəyi onun təhsilindən asılıdır. Təhsili inkişaf edə bilməyən dövlət heç bir sahədə uğur qazana bilməz. Əslində, bu gün Azərbaycandakı uğursuzluqlarımızın səbəbi də məhz təhsilimizin “qəbrə qoyulması” ilə bağlıdır. Bir ölünü diriltmək mümkün olmadığı kimi, artıq “fatihə”si oxunan təhsilimizi də “həyata qaytarmaq” mümkün deyil. Çünki təhsil kökündən dəyişikliyi, yəni yenidən “doğuluşu” sevir. Biz isə alt “ölünü diriltməyə”, yəni kosmetik islahatlarla bu sahədə hansısa uğur əldə etməyə cəhd edirik. Şübhəsiz, bu istiqamətdə həyata keçirilən bütün cəhdlər də uğursuzluğa məhkumdur.

Bir daha vurğulayaq ki, təhsilimizin bərbad duruma salınması bütün sahələrdə, xüsusilə də tibb sahəsində böyük problemlərə, hətta faciələrə səbəb olmaqdadır. Tibb sahəsini ona görə xüsusi vurğulayırıq ki, burada insan faktorundan söhbət gedir. Yəni hər birimiz bu və ya digər səbəbdən həkimə müraciət etmək məcburiyyətində olduğumuz üçün, tibb sahəsinə diqqət ayırmağımız heç də səbəbsiz deyil.

Amma çox təəssüflə qeyd edirik ki, bu gün Azərbaycanda təhsilsiz, biliksiz həkimlər ordusu nəinki bizim sağlamlığımızın qayğısına qalır, əksinə, bəzi hallarda daha ciddi problemlərlə qarşılaşmağımıza səbəb olurlar. Əlbəttə, söhbət bütün həkimlərdən getmir, hər zaman olduğu kimi, burada da istisnalar var. Amma əfsuslar olsun ki, bizdə bu istisnalar çox az olduğundan, insanların böyük kəsimi həkimə müraciət edərkən, nə qədər qəribə səslənsə də, həyatını təhlükəyə atmış olurlar. Çünki bu gün həkim diplomu ilə çalışan bir çox “tibb işçiləri” vətəndaşlara “qəssab” gözü ilə baxır, lazım oldu-olmadı onları kəsib-doğramağa can atırlar. Və yaxud da heç bir zərurət olmadığı halda insanlara yararsız, bahalı “firma dərmanları” yazmaqla, öz gəlirlərini güdürlər.

Əslində, bizi bu yazını yazmağa vadar edən də məhz bu cür həkimlərdən birinin tükürpərdici əməlidir. Hörmətli oxuculara agah olsun deyə bildirək ki, indi qələmə alacaqlarımız çox yaxın qohumumuzun başına gələnlərdir və inanırıq ki, bizim kimi, sizlər baş verənlərdən dəhşətə gələcəksiniz.

Bəli, bu yaxınlarda xanım qohumlarımızdan biri öz yaxın tanışına qan vermək üçün özəl klinikalardan birinə müraciət edir. Analiz zamanı tibb işçisi ona ciyərinin “çox dəhşətli vəziyyətdə” olduğunu, özünün isə “Hepatit C” virusuna yoluxduğunu söyləyir. Həmin vaxtadək sağlamlığı ilə bağlı heç bir şikayəti olmayan xanım, təbii ki, bu sözlərdən gərgin psixoloji sarsıntı keçirir. O, bu haqda həyat yoldaşına məlumat verdikdən sonra, yenidən başqa bir tibb müəssisəsində analiz verməyi qərara alırlar. Bu məqsədlə ilk öncə 1 sayli şəhər klinik xəstəxanasına (“Semaşko”), hepatoloq həkim L.A.-ya müraciət edirlər. Sözügedən tibb işçisi xanımı dinlədikdən sonra onu analiz vermək üçün laboratoriyaya yönləndirir. Xanım analiz verdikdən təxminən iki saat sonra nəticə bəlli olur. Maraqlıdır ki, bu zaman da onun qanında “Hepatit C” virusu aşkarlandığı bildirilir.

Bundan sonra xanım və həyat yoldaşı yenidən hepatoloq həkimə müraciət edirlər. L.A. analizin nəticəsi ilə tanış olduqdan sonra xanıma bildirir ki, onun və həyat yoldaşının “Hepatit C” virusuna yoluxduqları şübhəsizdir və hər ikisi təcili müalicə almalıdır. O, hətta bir aylıq müalicə xərcini də açıqlayır - 380 manat. Əlavə edir ki, sağalmaq üçün 3 ay müalicə almalıdırlar. Həkimin bu fikri xanımın həyat yoldaşında şübhələr oyadır. Ən azı ona görə ki, o, hələ analiz verməsə belə, hepatoloq onu “xəstə” çıxarıb. Bu səbəbdən, o, həyat yoldaşına təklif edir ki, daha bir tibb müəssisəsində analiz versin, xəstə olduğuna tam əmin olsunlar. Həmin vaxt L.A. onlara bildirir ki, başqa tibb mərkəzində analiz verib, əlavə xərc çəkməyə ehtiyac yoxdur. O, xanımın “Hepatit C” virusuna yoluxub-yoluxmadığını yüz faiz müəyyənləşdirmək üçün onu növbəti dəfə PCR testi vermək üçün laboratoriyaya yönləndirir. Maraqlıdır ki, normalda bu analizin cavabı 1 həftəyə çıxsa da, cəmi 2 saat sonra nəticə bəlli olur. Bundan sonra hepatoloq L.A. analizin nəticəsini ortaya qoyaraq, xanıma həyat yoldaşı ilə birlikdə təcili müalicə almağı tövsiyyə edir. Lakin onun tövsiyyəsi bir növ təkid xarakteri daşıyır.

Həkimin bu israrından şübhəyə düşən xanım və həyat yoldaşı müalicəyə başlamaq haqda qərar vermək üçün bir gün vaxt istəyirlər. Elə həmin günün axşamı hepatoloq yenidən xanıma zəng açaraq, “vəziyyətin çox ağırdır, bir gün də ötürə bilməzsən, zaman sənin əleyhinə işləyir”, - deyir. Sözsüz ki, həkimin bu “canıyananlığı” qarşı tərəfin şübhəsini bir qədər də artırır. Bundan sonra onlar dost-tanışın məsləhəti ilə daha bir həkimə müraciət etməyi qərara alırlar.

Ailənin güvəndiyi hepatoloq həkim xanımın analiz nəticələrinə baxdıqdan sonra məlum olur ki, əslində, 1 sayli şəhər klinik xəstəxanasında (“Semaşko”) verilən testlərin hər ikisi sıradan qan analizləri olub, PCR testi aparılmadan, yəni xanımın qanında “Hepatit C” virusunun olduğu təsdiqlənmədən, həkim onu ciddi psixoloji sarsıntıya salıb və ağır müalicə almağa təhrik edib. Xanımın ciddi psixoloji sarsıntı keçirdiyini görən tanış hepatoloq onu əmin edib ki, qanında “Hepatit C” virusu yoxdur və ümumiyyətlə, ümumi qan analizinin nəticəsinə əsasən bu haqda yekun qərara gəlmək mümkün deyil və onu müalicəyə məcbur edən həkimin davranışları tibb adına qara ləkədir. Bu baxımdan, o, xanıma nəticəsi bir həftə sonra bəlli olacaq PCR analizi verməyi məsləhət bilir.

Həkimin bu sözlərindən sonra xanım və həyat yoldaşı xeyli rahatlıq tapsalar da, yenə də növbəti həftəni ciddi həyəcan içində gözləyiblər. Həftənin tamamında isə məlum olub ki, xanımın qanında “Hepatit C” virusu aşkarlanmayıb və ümumiyyətlə onda bu xəstəliyin heç bir əlaməti yoxdur. Bu xəbəri böyük sevinclə qarşılayan ailə istər-istəməz həkimə belə bir sual ünvanlayıblar: Bəs nə üçün əvvəlki 3 analizin nəticəsi onun qanında “Hepatit C” virusunun olduğunu göstərib? Bu zaman həkim onları başa salıb ki, bir çox qadınlarda hətta illər öncə aldıqları hansısa müalicə ilə əlaqədar bu cür nəticələr ortaya çıxa bilər və bu, normaldır. Bunun üçün tam əmin olmaq məqsədilə onlara PCR testi vermək məsləhət görülür…

Hörmətli oxucularımız da təsdiq edərlər ki, təkcə bu fakt Azərbaycan tibb sahəsinin hansı durumda olduğunu ortaya qoyur. Əlbəttə, bütün bunlar həm də onu göstərir ki, bu cür savadsız həkimlərin ucbatından ölkəmizdə nə qədər sağlam insanlar şikəst qoyulur, heç bir səbəb olmadan ağır müalicə prosesinə cəlb olunur, psixoloji sarsıntıya məruz qoyulurlar.

Nə yazıq ki, bu cür savadsız həkimlərin sayı heç də az deyil. Nəzərə alsaq ki, gün ərzində təkcə “Semaşko”ya minlərlə vətəndaş müraciət edir, zənnimizcə, burada onların başına hansı oyunların açıldığı haqda əlavə izahat verməyə ehtiyac qalmır.

Bax, bütün bunlar həm də təhsilimizin bugünkü bərbad duruma salınması ilə bağlıdır.

Jalə FAMİLQIZI hurriyyet.az