 |
|
|
Balakən rayonunun Qazma kənd sakini Bayramov Famil Aslan oğlu tərəfindən ona qarşı törədilən dələduzluq əməllərinə görə 6000 manat pulunun qaytarılmadığı üçün Balakən İcra şöbəsinin məmuru Bəhruzun özbaşına əməllərinin qarşısının alınması məqsədilə Prezident İlham Əliyevə, Ədliyyə naziri Fərid Əhmədova və diğər aidiyyəti qurumların rəhbərlərinə 30 aprel 2025-ci il tarixli müraciəti ünvanlanmışdı.
Bir nüsxəsi də Aktualinfo.org-a daxil olmuş məktubu biz 01 may 2025-ci il tarixində “Vətəndaş icra məmurunun əməllərindən Ədliyyə naziri Fərid Əhmədova müraciət etdi” başlığı ilə olduğu kimi ictimailəşdirdik və tədbirlər görülməsi üçün aidiyyatı üzrə göndərdik. Qısa müdət ərzində şikayətçi Famil Aslanov Balakən rayon Prokurorluğuna dəvət olunaraq izahatı alınmışdır. Şikayətçi Familin əməkdaşımıza verdiyi məlumatlardan aydın olmuşdur ki, aparılan araşdırmalardan dərhal sonra Balakən rayon İcra Şöbəsinin icra məmuru Bəhruz müəllimin özü onunla telefon əlaqəsi saxlayaraq çox ciddi narahat olduğunu bildirmiş, barəsində yazılan şikayətin də detallı və hərtərəfli yazıldığını etiraf etmiş və vaxtilə guya işin sürətlənməsi adı ilə ondan aldığı 200 manatı da nağd formada geri qaytarmışdır. Eləcə də Bəhruzun yaxın adamları da Familin qapısına minnətçi düşərək ondan şikayətçi olmamağı xahiş etmişlər ki, görək Bəhruz bu problemdən necə “xilas” ola bilir. Famil də onlarla razılaşmışdır ki, gedin işinizi özünüz həll edin. Mən əsas Rahilə müəlliməyə oğlunun vaxtilə həbs olunmaması üçün şəxsi fındıq bağını satacağı vədi verərək alıb mənimsədiyi 6000 manatı almağa çalışıram.
Bir daha xatırladaq ki, Famil həmkəndlisi olan Məmmədova Rahilə Məhəmməd qızına 2024-cü ilin əvvəlində ona şəxsi fındıq bağının satılması şərtilə əvvəlcədən Balakən Notariat kontorunda borc müqaviləsi imzalayaraq 7000 ( yeddi min manat) vermişdir. Daha sonra da 1000 manatı onun oğlu olan Sərkərov Pərviz Məmməd oğluna da notarius vasitəsilə vermişdir. Lakin necə oldusa bu ana və oğul sonradan fikirlərindən vaz keçdilər. Və Familə 2000 manat qaytardıqdan sonra qalan 6000 manat pulumu 1 ildən çoxdur ki, qaytarmaqdan vaz keçmişlər. Notariat kontoru rəisinə şikayətdən sonra işicra üçün edilməsi üçün Balakən İcra Şöbəsinə göndərilmişdir. Rahilənin hazırda əmək pensiyası 950 manat olduğu halda Balakən İcra Şöbəsinin icra məmuru olan Bəhruz bildirdi ki, fevral ayından sizə onun kartından 450 manat tutularaq ödənişlər olacaq. Lakin o ödəniş etmək əvəzinə Notariat Kontorunun qəbul etdiyi borcun ödənilməsi barədə qərardan yerli məhkəməyə şikayət vermişdir. Şikayətə 29 mayda baxılması nəzərdə tutulmuşdur. Elə burada “oğru-doğru”zərb məsləsi yada düşür.
Bəli, Familin yuxarı orqanlara etdiyi şikayətdən hiddətlənən Rahilənin Ekologiya Nazirliyində Meşələrin İnkişafı Depertamentində işləyən oğlu Sərkərov Rəşad Məmməd oğlu isə daha qabağa gedərək Famili ona “pəltək” deməklə təhqir etdiyinə görə məhkəməyə verəcəyilə hədələmişdir ki, sonda o anasından 6000 manat pulu istəməkdən vaz keçməyə məcbur olsun.
Bütün bu hadisələrin fonunda hər ay təqaüdündən 450 manat pul tutularaq Famil Aslanova ödənilməsi qərarına rəğmən o yerli prokuroluqda yazdığı öhdəlikdə qeyd etmişdir ki, oktyabrın 1-də 5500 manat pulu fındıq satıb ödəyəcəkdir. İndi isə 500 manat nağd pul verərək F.Aslanovu razı sala bilmişdir. Ürəyiyumşaq olan Famil Bayramov da uzaqgörən və istənilən çətin vəziyyətdən çıxmaqda mahir usta olan Rahilənin bu “tələsi”nə asanlıqla düşmüşdür. Regiondan verilən məlumata görə isə baş verən soyuqlar bu il fındıq məhsulunun çox zəif olacağını deməyə əsas verir. Atalar demişkən- “Yağmadı yağış, bitmədi qamış”. Onda necə olacaq?
Aktualinfo.org
Azərbaycanda məmurların özəl sahibkarlıq fəaliyyəti ilə məşğul olmaları adi hala çevrilib. Sahibkarlıqdan dövlət qulluqçusuna keçən bəzi şəxslər isə qanunverciliyin qadağalarını heçə sayaraq, köhnə işlərini açıq yaxud dolayı yollarla davam etdirməkdədirlər.
AzFakt.com-un əldə etdiyi məlumata görə belə məmurlardan biri də Xəzər rayon Binə inzibati ərazi dairəsi üzrə icra nümayəndəsi vəzifəsini icra edən Ərəstun Əlisoydur.
Bildirilir ki, sahibkarlıqdan dövlət qulluqçusu vəzifəsinə gələn Ərəstun Əlisoy köhnə işini olduğu kimi davam etdirir.
Belə ki, Binə qəsəbəsi, Hicran Hasilov küçəsi ünvanında yerləşən Verona Palace restoranı Ərəstun Əlisoya məxsus olduğu iddia edilir. İcra nümayəndəsinin Binə qəsəbəsində xeyli sayda obyektinin olduğu deyilir.
Həmçinin Verona Palace restoranının yanında yerləşən Laçın super market kimi fəaliyyət göstərən obyektin də Ərəstun Əlisoya məxsus olduğu və icarə verildiyi iddia edilir. Bundan başqa Binə qəsəbəsində aparılan qanunsuz tikinti işlərinə də Ərəstun Əlisoyun nəzarət etdiyi deyilir.
Məsələ ilə bağlı Ərəstun Əlisoydan münasibət örgənməyə çalışsaqda, icra nümayəndəsi sorğumuzu cavabsız qoydu.
Azərbaycan Respublikası Dövlət Şəhərsalma və Arxitektura Komitəsi Kəlbəcər rayonu Məmmədsəfi kənd yaşayış məntəqəsinin şəhərsalma əsaslandırılmasının hazırlanması xidmətləri üzrə başladığı açıq tenderə yekun vurduğunu elan edib. Bir mənbədən satınalma metodu ilə keçirilmiş tenderin qalibi “BUREAU MÜHİT” Məhdud Məsuliyyətli Cəmiyyəti seçilib və tərəflər arasında 188.130 manat dəyərində satınalma müqaviləsi bağlanılıb. Məlumat portalda 29.05.2025-ci ildə dərc edilib.
Qeyd edək ki, elə həmin gün Dövlət Şəhərsalma və Arxitektura Komitəsi tərəfindən Kəlbəcər rayonu Qanlıkənd kənd yaşayış məntəqəsinin şəhərsalma əsaslandırılmasının hazırlanması xidmətləri üzrə keçirilmiş tenderin də nəticələri açıqlanıb. Bir mənbədən satınalma metodu ilə keçirilmiş tenderin də qalibi “BUREAU MÜHİT” MMC seçilib və tərəflər arasında 189.620 manat dəyərində satınalma müqaviləsi bağlanılıb.
Qeyd edək ki, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “BUREAU MÜHİT” (VÖEN: 2006792941) Məhdud Məsuliyyətli Cəmiyyətinin 18.06.2021-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ XƏTAİ RAYONU, MƏHƏMMƏD HADİ, ev.82, m.3, qanuni təmsilçisi kimi isə Bayramov Toğrul Şahin oğlu qeyd olunub.
Bəs Bayramov Toğrul Şahin oğlu kimdir. O, “Ulduz İnformasiya Kommunikasiya Texnologiyaları Sahəsində Maarifləndirmə” İB sədridir. Bayramov Toğrul Şahin oğlu həm də Dövlət Şəhərsalma və Arxitektura Komitəsi yanında İctimai Şuranın üzvüdür. O, 11 sentyabr 2021-ci il tarixində Komitədə gizli səsvermə yolu ilə keçirilən seçkilərdə vətəndaş cəmiyyəti institutlarından təqdim olunan 18 namizəd arasından səs çoxluğu qazanan 11 nəfərdən biri olub, Şuraya üzv seçilib.
Bəs qanun necə, Bayramov Toğrul Şahin oğlunun qanuni təmsilçisi olduğu “BUREAU MÜHİT” MMC-nin Dövlət Şəhərsalma və Arxitektura Komitəsinin keçirdiyi satınalmalarda iştirakına yol verirmi?
“Dövlət Satınalmaları Haqqında” Azərbaycan Respublikası Qanununun 6-cı (Satınalmalarda maraqlar toqquşması) maddəsində gıstərilir: 6.1.3. təchizatçılardan biri digərinin idarəetmə orqanının üzvü və (və ya) iştirakçısı olduqda, yaxud təchizatçıların azı ikisinin idarəetmə orqanının üzvü və (və ya) iştirakçısı eyni şəxs olduqda;
Belə olduğu təqdirdə Dövlət Şəhərsalma və Arxitektura Komitəsi buna necə yol verib?
Qey dedək ki, bunlar Dövlət Şəhərsalma və Arxitektura Komitəsi ilə “BUREAU MÜHİT” MMC arasında bağlanan ilk satınalma müqavilələri deyil. Belə ki, 20.05.2024-cü ildən 29.05.2025-ci ilə qədər tərəflər arasında ümumi dəyəri 1408180 manat olan 7 satınalma müqaviləsi bağlanılıb.
Dövlət Vergi Xidmətinin reyestr məlumatlarındann da göründüyü kimi “BUREAU MÜHİT” MMC 18.06.2021-ci il tarixdə dövlət qeydiyyatına alınıb. Dövlət Şəhərsalma və Arxitektura Komitəsi 11 sentyabr 2021-ci il tarixində keçirdiyi iclasından da məlum olur ki, MMC-nin qanuni təmsilçisi Bayramov Toğrul Şahin oğlu Arxitektura Komitəsi yanında İctimai Şuranın üzvü seçilib.
Qeyd edək ki, Arxitektura Komitəsi yanında İctimai Şuranın üzvü seçildikdən səkkiz ay sonra Toğrul Bayramovun qanuni təsilçisi olduğu “BUREAU MÜHİT” MMC Dövlət Şəhərsalma və Arxitektura Komitəsinin tabeliyində olan Ərazi Tikinti-Planlaşdırma Mərkəzi ilə işbirliyinə başlayıb və 28.04.2022-ci ildən 01.11.2023-cü ilə qədər ümumi dəyəri 1 945 510 manat olan 8 satınalma müqaviləsi bağlayıb.
Göründüyü kimi, Dövlət Şəhərsalma və Arxitektura Komitəsi və onun tabeliyində olan Ərazi Tikinti-Planlaşdırma Mərkəzi qurumun İctimai Şurasının üzvü olan Toğrul Bayramovun qanuni təsilçisi olduğu “BUREAU MÜHİT” MMC ilə sob üç ildə 3 353 690 manat məbləğində satınalma müqavilələrim bağlayıb. Bütün bu müqavilər bir mənbədən satınalma metodu ilə bağlanıb. Dövlət Şəhərsalma və Arxitektura Komitəsi “Dövlət Satınalmaları Haqqında” Qanunun digər tələblərini də pozub. Belə ki, sözügedən Qanunun 49-cu maddəsinə görə: 49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; 49.1.2. satınalma predmetinə təcili tələbat yarandıqda:
Amma Dövlət Şəhərsalma və Arxitektura Komitəsi onlarla əvəzedicisi və alternativi olan, bir MMC ilə satınalma müqaviləsi bağlamışdır ki, bu da satınalma prosesində qanun pozuntularına yol verildiyinə əsaslı şübhələr yaradır.
Qeyd edək ki, elektron mediada yayılan məlumatlara görə Qarabağda görülən işlərə cəlb olunan “BİMD” QSC və “Feniks-AA” MMC də Dövlət Şəhərsalma və Arxitektura Komitəsinə yaxın şirkətlərdir. Qurumun sədri Anar Quliyev başda olmaqla digər rəsmi şəxsləri də mediada dərc olunmuş bu kimi məlumatlara münasibət bildirməyib. Bu da onların törətdikləri qanunsuzlarla razı olduqlarına bir işarədir.
Aktualinfo.org
Min bir əziyyətlə böyütdüyünüz oğlunuzun bir gün bəd xəbərini alırsınız. Qonşuları zəng edib deyirlər ki, bəs gəlin oğlunuzun meyitini götürün.
Qatilsə özgəsi deyil. Öz gəlininiz və onun məmur anası...
Daha ətraflı aşağıdakı videoda:
AzTimes.Tv
Özünə kosmetoloq, üstəlik də doktor deyən Elnarə adlı bir qadın var. Bakıda- metronun Nizami stansiyasının yaxınlığında yerləşən bir binada özünə otaq götürüb, kosmetoloji xidmət göstərir.
Vaxtaşırı da Tolikin "Tarixin bir günü" verilişinin qonağıdır. Bu Elnarə xanımdan kosmetoloq kimi işləmək üçün sertifikatının, icazəsinin olub-olmadığını soruşdum. Deyir, məni Tolik yaxşı tanıyır. Tolikin məsələyə nə aidiyyatı var?
Bunu başa düşmədim. Aparıcı məgər həkimlərə rəy verəndir? Elnarə xanım, siz nədən narahatsınız?
Əgər qanuni olaraq fəaliyyət göstərirsinizsə, adınız Vahid Səhiyyə İnformasiya Sistemində çıxacaq. Amma mən jurnalist olaraq sorğu ilə bunu hələ öyrənməmişəm. Niyə belə xoflanırsınız?
Deyirsiniz, 20 nəfər işçiniz var. Çox gözəl. Bu qədər insanın işlə, pulla təmin olunmasına yalnız sevinə bilərəm. Amma sizin sosial şəbəkələrdəki videoçarxlarda "Elnarə Canlı Beauty Center" adlı salonunuzda ancaq özünüz görünürsünüz.
Heç özünü təqdim etmədən whatsapp nömrəmə yazan köməkçiniz də deyəsən kadrlarda yoxdur. Siz mənə dediniz ki, lisenziyamı və diplomumu göndərə bilərəm. Mən də dedim göndərin.
Bunun əvəziində köməkçiniz səsli mesajlar göndərərək mənə az qala jurnalistikadan dərs keçərək bir az da hədələyici tonda danışıb, sonra da ofisə dəvət edir. Guya jurnalistin whatsapp üzərindən kimləsə əlaqə saxlayıb məlumat almaq hüququ yoxdur. Bu hansı qanunda yazılıb? Göstərin, oxuyub bilək.
Elnarə xanım ölkənin xüsusi səlahiyyətli şəxsidir ki, jurnalist gedib yalnız onunla ofisində görüşsün? Bu nə məntiqdir? Elnarə xanımın öz instagram hesabında mobil nömrəsi qeyd olunub, mən də bu nömrəyə yazıb əlaqə saxlamışam. Həm jurnalist, həm də vətəndaş kimi onun nə dərəcədə qanunauyğun fəaliyyət göstərməsi mənə maraqlıdır.
Səhiyyə qaydalarına əsasən kosmetoloq ixtisasca həkim-dermotoloq olmalı və belə mərkəzlər klinikaların tərkibində yerləşməlidir. Biz sizin nümunənizdə bunu görmürük. Əgər dürüstsünüzsə, buyurub şəffaf şəkildə mediaya açıq olun.
Məni araşdırmaq istəyiniz olduğu kimi, mənim də sizi araşdırmaq istəyim, haqqım var. Jurnalisti israrla ofisinizə çağırmaqda məqsədiniz nədir? Hesab edək ki, mən jurnalist kimi deyil, müştəri kimi müraciət edən bir vətəndaşam. Gəlməmişdən əvvəl xidmət göstərəcək həkimin diplomunun, xüsusi icazə tələb edən sənədlərinin olub-olmaması mənə vacibdir. Qorxusu-hürküsü olmayan adam reklamına ilk növbədə diplomu, sənədləri ilə başlayar.
Mən buradan səhiyyəmizə cavabdeh bütün qurumlara- Səhiyyə Nazirliyinə, TƏBİB-ə, eləcə də digər dövlət təşkilatlarına səslənib xahiş edirəm ki, "Elnarə Canlı Beauty Center"-in, onun rəhbəri, özünü Dr.kosmetoloq Elnarə xanım kimi təqdim edən bu şəxsin fəaliyyətinin qanunlarımıza nə dərəcədə uyğun olub-olmadığını müəyyənləşdirsinlər.
Sima Babayeva
TEREF
Bakıda yerləşən məşhur hotellərdən birinin ərazisində fəaliyyət göstərən restoran barədə sosial şəbəkələrdə ciddi narazılıqlar yayılıb. Müştərilər Ramada otelinin ərazisində yerləşən Marmaris restoranında yaşadıqları xoşagəlməz təcrübəni ictimailəşdiriblər.
AzPost xəbər verir ki, istifadəçilər səhər yeməyi adı ilə getdikləri məkanda köhnə məhsullar və bərbad xidmətlə qarşılaşıblar. Sosial şəbəkə istifadəçisi Fatimə Amrali Şıxveli paylaşımında bildirib ki, restoranda hər şey köhnə və istifadəyə yararsız vəziyyətdə olub. Onun sözlərinə görə, isti yemək sifariş verdikdən tam iki saat sonra gəlib və o da cəmi bir boşqabla təqdim olunub.
“Demək olar ki, ac gəlib evdə yedik. Çörək, meyvə, şokolad yağı – hamısı köhnə idi. Hər şey bərbad, xidmət sıfır səviyyəsində idi”, – deyə o qeyd edib.
Digər istifadəçi Solmaz Cahangirova isə qeyd edib ki, bu restoran hələ açıldığı ilk gündən narazılıqlarla gündəmdədir. Onun sözlərinə görə, illər öncə gedəndə də eyni vəziyyətlə üzləşiblər.
Restoran və otelin digər xidmətləri barədə də narazılıqlar səsləndirilib. Abbas Diyar adlı istifadəçi bildirib ki, Ramada otelinin SPA və hovuzları da bərbad vəziyyətdədir: “Hovuzlar xlorlu gölməçəni xatırladır. SPA isə girilməz haldadır.”
Hazırda restoran və otel rəhbərliyindən məsələ ilə bağlı hər hansı açıqlama verilməyib. Qeyd edək ki, sosial şəbəkə istifadəçiləri bu cür xidmət səviyyəsinin paytaxtın mərkəzində yerləşən və özünü nüfuzlu məkan kimi təqdim edən obyekt üçün qəbuledilməz olduğunu bildirirlər.
Həkim – kosmetoloq işləyən Elnarə Təhməzova qanunsuz fəaliyyət göstərir?
XALQ-ın əməkdaşı özünü sosial hesablarında estetik həkim kimi təqdim edən “dr.elya.aesthetiic” barədə ilginc faktlar aşkarlayıb.
Ölkədə tibbi təhsili olmayan bir çox şəxslər öz çirkin əməllərini davam etdirməkdədir.
Hüquq-mühafizə orqanları ayrı-ayrı şəxsləri məsuliyyətə cəlb etsədə, belə məqamlar bitmək bilmir. Özəl klinikalarda müxtəlif estetik prosedurlar həyata keçirən,tibbi təhsili olmayan şəxslər fəaliyyətini gizli şəkildə davam etdriməkdədir.
Bakıda sosial hesablarda özünü dr.elya həkim kimi təqdim edən Elnarə Təhməzova da bu kimi qanunsuz fəaliyyət göstəriməkdədir.
Sosial hesablarında,bütün estetik prosedurlar, full face, endolazer, liposaksiya əməliyyatı,-Face-Body, Lipofiling-face body,popolifting və sair estetik prosedurlar həyata keçirməsi ilə bağlı və sosial hesabında bu kimi prosedurları görüntüləri paylaşılması bir daha onu göstərir ki, Səhiyyə Nazirliyinin heç bir icazəsi,qərarı və tələbi gərəkmir?
Səhiyyə Nazirliyinin Analitik Ekspertiza Mərkəzindən verilən məlumat görə, Kosmetoloji və cərrahi xidmətlər göstərən istənilən estetik tibb mərkəzinin fəaliyyəti üçün kosmetoloji iş və plastik cərrahi iş üzrə özəl tibbi xidmət lisenziyası tələb olunur.Tibbi kosmetogiyaya, саrrаhi müdaxiəlar istisna olmaqla (plastik саггаhiууауа aid оlmayan) konservativ va korreksion üsullar daxildir. Bu usüllаrа inyeksion рrоsеdurlаr, müxtalif növ араrаt kosmetologiyası (о сümlədən lazer üsulu epilyasiya), biorevitalizasiya, mezoterapiya, pilinq рrоsеdurları,və müalicəvi masaj usullarl, plazmoliftinq və digər рrоsеdurlar aid оlunur. Bu tibb müəssisələrində praktiki tibb fəaliyyəti üzrə müvafiq sertifikata malik plastik-cərrahlar, həkim-dermatovneneroloqlar və sertifikat alaraq, ixtisaslaşma keçən digər həkim mütəxəssislər fəaliyyət göstərə bilər. İstənilən pasientin kosmetoloq və ya cərrahın sertifikatını tələb etmək hüququ vardır. Qeyd edək ki, həkimlər beş ildən bir sertifikasiyadan keçirlər. Hər bir pasiyentin müraciət etdiyi həkimin sertifikatını tələb etmək hüququ var. Həkim həmin sertifikatı təqdim etməzsə, o zaman vətəndaş Analitik Ekspertiza Mərkəzinə müraciət edə bilər . Bu halda araşdırılma aparılır və lazım gələrsə, plandankənar yoxlama aparılması barədə qərar qəbul edilir deyə mərkəzdən bildirilib.
Məlumat üçün bildiri ki, lisenziyasız kosmetoloji və estetik fəaliyyəti ilə bağlı sosial şəbəkələrdə bir çox görüntülər var ki, hətta endirim adı ilə müştəriləri cəlb edib vaxtı keçmiş kosmetoloji,və tibbi preparatları istifadə olunması ilə bağlı məlumtlar var.
Araşdırmalarımız nəticəsində “estetik həkim” Elnarə Lətifova Səhiyyə Nazirliyinin və Elm və Təhsil Nazirliyinin məlumat bazasında ali tibb təhsil olması barədə məlumat yoxdur həmçinin sertifikasiyası haqqında məlumat mövcud deyil. Dövlət Reyestrində sistemində onunla bağlı heç bir qeyd yoxdur. Yəni o heç bir ali tibbi təhsili, tibbi sertifikata və lisenziyaya malik olmadan fəaliyyət göstərir.
İddialara görə özünü həkim kimi təqdim “dr.Elya.aesthetiic” kimi təqdim edən Elnarə Təhməzova tibbi prosedurları həyata keçirərək qanunvericiliyimizi heçə sayır.
Məsələ ilə bağlı “dr.Elya.aesthetiic” kimi təqdim edən Elnarə Təhməzovandan açıqlama almaq istəsəkdə asistenti əməkdaşımıza bildirib ki, vaxtı yoxdur sizinlə danışa bilməz.
Qeyd edək ki, Azərbaycan Respublikasının Qanununa əsasən tibb xidməti fəaliyyətinin göstərilməsi üçün lisenziya tələb olunur. Nazirlər Kabinetinin 15 may 2017-ci il tarixli 206 nömrəli Qərarı ilə təsdiq olunmuş “Özəl tibb fəaliyyəti üzrə lisenziyalaşdırılan xidmətlərin və işlərin Siyahısı”nda “kosmetoloji” iş üzrə tibbi xidmətin göstərilməsi tibbin bir sahəsi kimi qeyd olunub: “Burada tibbi kosmetologiyaya daxil olan estetik problemlər, onların korreksiyasına və profilaktikasına yönəlmiş, örtük toxumalarına müdaxilə ilə müşayiət olunan müxtəlif kompleks prosedurları nəzərdə tutulub. Tibbi kosmetologiyaya, cərrahi müdaxilələr istisna olmaqla (plastik cərrahiyyəyə aid olduğundan) konservativ və korreksion üsullar daxildir. Bu üsullara inyeksion prosedurlar, müxtəlif növ aparat kosmetologiyası (o cümlədən lazer üsulu epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmoliftinq aid oluna bilər. Bu üsulların hamısı “kosmetoloji” işə aid olunduğundan müvafiq iş üzrə özəl tibb xidməti fəaliyyətinin göstərilməsi üçün lisenziya tələb olunur. Bu sahədə praktiki tibbi fəaliyyət üzrə müvafiq sertifikatı olan həkim-dermatoveneroloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssilər məşğul olmaq hüququna malikdirlər”.
Qarşı tərəfində mövqeyini dərc etməyə hazırıq.
Araşdırmalarımız davam edir.
Bakının Sabunçu rayonu, Bakıxanov qəsəbəsində yerləşən Kühüldağ zirvəsinin ərazisi aktiv şəkildə satılır.
"DogruXeber.az" Qaynarinfo-ya istinadən xəbər verir ki, bu barədə insanoid.com saytına alpinist və qayaya dırmaşma üzrə məşqçilərdən ibarət bir qrup idmançı məlumat verib.
Onların sözlərinə görə, bir neçə gün əvvəl bu dağ ərazisi qayaya dırmaşma festivalına ev sahibliyi edib.
"Bu tədbiri dağın qanunsuz tikintidən, qaya məhvindən və ətraf mühitin çirklənməsindən qorunması üçün keçirdik. Məqsədimiz bu ərazinin idmançılar üçün qorunmasına dəstək vermək və ictimaiyyətin diqqətini problemin həllinə yönəltmək idi. İdmançılar qayaların üzərindəki yazıları, hisləri və zibilləri təmizləmək üçün iməciliklər keçirirdi,” – deyə idmançılar bildiriblər.
Qeyd edilib ki, qayaya dırmaşma alpinizmin mühüm tərkib hissəsidir və təbii qayalıqlarda məşqlər bu sahədə peşəkarlığın artması baxımından vacibdir. Alpinistlər Federasiyasının dəstəyi ilə köhnə sığorta nöqtələri yenilənib, yeni marşrutlar salınıb. Xatırladaq ki, qayaya dırmaşma artıq bir neçə ildir ki, olimpiya idman növü statusuna malikdir.
Lakin bütün bu səylərə baxmayaraq, yaxınlarda dağın zirvəsində qaya dağıdan buldozerlər müşahidə olunub. Alpinistlər Federasiyasının prezidenti Muxtar Babayev bu tikinti işlərinin dayandırılması üçün Sabunçu Rayon İcra Hakimiyyətinə rəsmi müraciət göndərsə də, Kühüldağda işlər davam edir.
Daha da narahatedici məqam: onlayn əmlak saytlarında dağın zirvəsində yerləşən 7 sot torpaq sahəsi 350 min manata satışa çıxarılıb.
Alpinistlərin sözlərinə görə, Kühüldağ — Bakıda təbii qaya relyefi üzərində məşq və yarışların keçirilə bildiyi yeganə məkandır.
Məsələnin hüquqi tərəfini araşdırmaq məqsədilə media nümayəndələri əmlakı satışa çıxaran maklerlə əlaqə saxlayıblar. O, torpağın "kupçası” olduğunu bildirsə də, onu təqdim etməyib.
Bununla yanaşı, Sabunçu Rayon İcra Hakimiyyətinə, Əmlak Məsələləri üzrə Dövlət Komitəsinə və digər aidiyyəti qurumlara rəsmi sorğular göndərilib — dağın idman məqsədilə istifadə olunan və şəhər üçün əhəmiyyətli olan bu təbii ərazisinin satışının hüquqi əsası olub-olmadığı aydınlaşdırılmağa çalışılır.
Elm və təhsil naziri Emin Əmrullayevlə Dövlət İmtahan Mərkəzinin sədri Məleykə Abbaszadənin arasında münasibətlər daha kəskin xarakter alıb. İctimaiyyətin sərt qınağına tuş gələn DİM sədrinin Əmrullayevin təlimatı ilə hədəfə götürüldüyü bildirilir.
Yenisabah.az məsələnin təfərrüatını öyrənə bilib. Məlum olub ki, nazir Abbaszadəni “yıxmaq” üçün son döyüşə başlayıb. Onun bu dəfəki silahı cəmiyyətdə kifayət qədər hörmət və etibar sahibi olan aparıcı təhsil ekspertləridir. Əmrullayev təhsil dairəsində olan bu şəxslərin vasitəsilə DİM sədrini ictimai rəydə nüfuzdan salmaq və beləliklə də onun gedişini sürətləndirmək istəyir.
Qeyd edək ki, təhsil ekspertləri DİM sədrini bu dəfə ən zəif yerindən vururlar. Onlar cəmiyyəti inandırmağa çalışırlar ki, Abbaszadə blok imtahanlarının birinci cəhdində abituriyentləri qəsdən çətin suallarla sınağa çəkir. Bu iddia təkcə abituriyentləri deyil, onların valideynlərini də əməlli-başlı qəzəbləndirib. Sosial şəbəkələrdə DİM sədrinin əleyhinə səslənən ittihamlar da bunu sübut edib.
Məleykə Abbaszadəyə qarşı səslənən digər ittiham isə abituriyentlər vasitəsilə külli miqdarda vəsait əldə etməsi ilə bağlıdır. Blok imtahanlarının ikinci cəhdində təxminən 60 min abituriyentin iştirak etməsi gözlənilir. Bu isə DİM-in büdcəsinə 5 milyon 600 min manatın daxil olması deməkdir. Opponentlər iddia edirlər ki, Abbaszadənin bu addımı əhalinin sosial cəhətdən həssas təbəqəsi üçün ağır zərbədir.
M.Abbaszadə həm də repititor hazırlığı ilə məşğul olan kursların marağına xidmət etməkdə günahlandırılır. Hətta DİM sədrinin özünün analoji fəaliyyətlə məşğul olan bir neçə hazırlıq kursuna sahib olduğu bildirilir. İddialara görə, Abbaszadə buraxılış və blok imtahanlarının suallarını həmin kursların tədris proqramlarına uyğunlaşdırır. Buna görə də repetitor yanına getməyən ancaq məktəblərin verdiyi təhsillə kifayətlənən abituriyentlər zəif nəticə göstərirlər.
Məlumatlı şəxs bizimlə söhbət zamanı Emin Əmrullayevin konkret hədəfini açıqlayıb. Onun sözlərinə görə, Əmrullayevin məqsədi Abbaszadəni vəzifədən uzaqlaşdırmaq deyil, bütövlükdə DİM-in ləğvinə nail olmaqdır. O, ləğv olunacaq DİM-in səlahiyyətlərini ələ keçirməklə gələcəkdə nəhəng bir dövlət qurumuna rəhbərlik etməyi hədəfləyir.