 |
|
|
İslandiya hakimiyyəti öz müdafiə strategiyasını nəzərdən keçirmək və həmçinin ABŞ-nin Qrenlandiyaya iddiaları ilə bağlı vəziyyətə görə Avropa İttifaqı ilə üzvlük danışıqlarını bərpa etmək imkanlarını araşdırmaq istəyir.
“Report” xəbər verir ki, bu barədə “The Wall Street Journal” məlumat yayıb.
Məlumata görə, Avropa İttifaqına mümkün üzvlük məsələsi 2027-ci ildə referenduma çıxarılacaq. Həmin vaxta qədər İslandiya hökuməti öz hərbi strategiyası ilə bağlı qərar vermək niyyətindədir.
"İslandiyada hərb sahəsinə heç vaxt ictimai dəstək olmayıb və mən yaxın gələcəkdə də bunun olacağını düşünmürəm", - nəşr İslandiyanın Baş naziri Kristrun Frostadottirdən sitat gətirib. "Lakin bu o demək deyil ki, biz aktiv müdafiəyə malik ola bilməyəcəyik. Müdafiə vacibdir", - o əlavə edib.
Frostadottir əlavə edib ki, islandiyalılar Reykyavikin sıx əlaqələrinin olduğu Qrenlandiyada baş verənləri diqqətlə izləyirlər.
Pakistan və Hindistan arasında sərhəd gərginliyi yenidən alovlanıb. Pakistan ordusu Lipi bölgəsində Hindistan ordusuna məxsus iki blok-postu məhv edib.
Məlumatlara görə, əməliyyat Pakistan Silahlı Qüvvələrinin dəqiq zərbələri nəticəsində uğurla başa çatıb.
Musavat.com xəbər verir ki, Hindistan ordusuna məxsus iki mühüm postun sıradan çıxarıldığı bildirilib. Hədəf alınan mövqelər, bölgədə Hindistan ordusunun fəaliyyətini ciddi şəkildə zəiflədib.
Əməliyyatdan sonra sərhəd bölgəsində vəziyyətin daha da gərginləşdiyi qeyd olunur. Hər iki tərəf qoşunlarını yüksək hazırlıq vəziyyətinə gətirib. Hazırda bölgədə atəşkəs rejiminin pozulması səbəbindən əlavə tədbirlər görülür.
Hadisə ilə bağlı hələlik hər iki tərəfdən rəsmi itki sayı açıqlanmayıb. Pakistan ordusunun əməliyyatı və Hindistan tərəfinin cavab tədbirləri barədə əlavə məlumatların veriləcəyi gözlənilir.
Musavat.com
“Hələ xeyli müddət öncə Ukrayna xüsusi xidmət qurumları rəsmi açıqlama veriblər ki, Ukrayna xalqına qarşı soyqırımı törədən hərbi cinayətkarlar- bizim üçün legitim hədəfdir və onlar bir-bir məhv ediləcək...”
“Heç kəs nə Krımı Ukraynaya verəcək, nə də Rusiya ilə müharibədən çəkiləcək... Döyüş bölgələrindən də yaxşı xəbərlər var... Hələ, azı bir neçə ay ağır döyüşlər gedəcəyi şəksizdir. Məhz həmin döyüşlər müharibənin, işğalçı Putin Rusiyasıyla danışıqların taleyini həll edəcək. Ona görə də yatmaq olmaz və Ukrayna uğrunda döyüşənlər yatmır”.
Moderator.az xəbər verir ki, bunu Ukraynada fəaliyyət göstərən hərbi ekspert, Ukrayna Zabitlər Birliyi mərkəzi nəzarət-təftiş komissiyasının sədri, ehtiyatda olan polkovnik Elxan Nuriyev bu gün Kiyev vaxtilə səhər saat 6-7 radələrində“Facebook”dakı yayımında söyləyib.
Cəbhədəki vəzifələrlə bağlı Ukrayna paytaxtından 200-300 km məsafəyə - sərhəd bölgəsinə ezamiyyətə yollanan azərbaycanlı hərbi ekspert etibarlı mənbədən aldığı maraqlı bir məlumatı da çatdırıb:
“Gecə aldığım məlumata görə, Papanın dəfn mərasimində iştirak üçün Romaya gələn ABŞ prezidenti Donald Tramp təyyarəyə minəndə ona bildiriblər ki, Rusiyada daha bir yüksək vəzifəli general avtomobilində partladılaraq öldürülüb. Cavabında o deyib ki, Vaşinqtona qayıdanda bu işlə özüm məşğul olacam- Ukrayna düz etməyib. Belə çıxır ki, Amerika liderinin nəzərində hər gün 40 milyonluq ölkəni, 4-5 milyonluq paytaxtı ballistik raketlərlə, dronlarla atəşə tutub onlarla, yüzlərlə insanı öldürmək, terror etmək olar, amma həmin terroru törədənlərin başında duranları məhv etmək olmaz... Hələ xeyli müddət öncə Ukrayna xüsusi xidmət qurumları rəsmi açıqlama veriblər ki, Ukrayna xalqına qarşı soyqırımı törədən hərbi cinayətkarlar- bizim üçün legitim hədəfdir və onlar bir-bir məhv ediləcək. Əlbəttə ki, kim bu xalqa zülm edirsə, kim gecə-gündüz bu xalqın başına bombalar yağdıraraq onun on minlərlə övladını, doğmasını, əzizini məhv edirsə, şikəs edirsə, mütləq - gec-tez cavab verməli olacaq...”
Sonda Ukraynadakı soydaşımız bütün media qurumlarından bu xalqın. bu dövlətin işğalçı Rusiyaya qarşı ədalətli özünümüdafiə savaşına maksimum dəstək vermələrini xahiş edib.
Sultan Laçın
ABŞ uzun mənzilli hipersonik silahın (LRHW, həmçinin Qaranlıq Qartal kimi tanınır) orta mənzilli hipersəs raketinin növbəti sınağını keçirib.
32gun.az bildirir ki, bu barədə Orlando Sentinel qəzeti yazır . "Hökumət, akademik və sənaye tərəfdaşlarından ibarət birgə komanda Müdafiə Departamenti adından Kanaveral burnunda Kosmik Stansiyada sınaq keçirib", - nəşr bildirib.
Hazırda ekspertlər məhkəmənin nəticələrini qiymətləndirirlər. Nəşr vurğulayır ki, sistem quruda və ya dənizdə yerləşdirmə üçün nəzərdə tutulub. Hipersonik raketlər səs sürətindən beş dəfə çox sürətlə hərəkət edir, bu da onları bir dəfə atıldıqdan sonra qarşı durmağı daha çətin silahlara çevirir.
Göyçə gölü istiqamətində Ermənistan silahlı qüvvələri irimiqyaslı atəş mövqeləri inşa edib.
Bu barədə GSSR44 "Telegram" kanalı görüntü paylaşıb.
Bildirilib ki, atəş mövqeləri hücum xarakterli beton-bunker tipli mövqenin arxasında yerləşir.
“Maskalanma üçün meşəlik ərazidən və relyefdən istifadə olunur. Ərazidə maskalanmış çox saylı texnika müşahidə edilir. Həmçinin ərazidə iriçaplı artilleriya-raket qurğularının, HHM sistemlərinin və öldürücü silahların yerləşdirilməsi də istisna olunmur. İrimiqyaslı atəş mövqeyi şərti sərhədin bir neçə kilometrliyində yerləşir”, - məlumatda qeyd edilib.
Mayın 9-na planlaşdırılan Qələbə Paradı təhlükəsizlik səbəbindən Krasnodarda keçirilməyəcək.
Tribunainfo.az RİA Novosti-yə istinadən xəbər verir ki, bu barədə Krasnodar diyarının qubernatoru Veniamin Kondratyev məlumat verib.
“Çünki bu, böyük riskdir – demək olar ki, hər gecə hava hücumu xəbərdarlığı var. Təbii ki, biz Krasnodar sakinlərini, parada gələcək iştirakçıların həyattını riskə ata bilmərik”, – region rəhbəri bildirib.
Kondratyev həmçinin bildirib ki, “Ölümsüz alay” aksiyası bu il onlayn rejimdə keçiriləcək. Onlar veteranları konsert proqramı ilə təbrik etməyi planlaşdırırlar.
ABŞ Prezidenti Donald Tramp rusiyalı həmkarı Vladimir Putinə səslənib.
Tramp Putindən müharibəni dayandırmasını istəyib.
“Vladimir, dayan”, – deyən Tramp Rusiyanın Kiyevi bombalamasından məmnun olmadığını dilə gətirib.
Ukrayna Fövqəladə Hallar Xidmətinin məlumatına görə, ölənlərin sayı 12 nəfərə yüksəlib.
***
Ukraynanın kütləvi dron hücumuna məruz qalması zamanı həlak olanların sayı 10 nəfərə yüksəlib.
Globalinfo.az xəbər verir ki, bu barədə Ukrayna Dövlət Fövqəladə Hallar Xidməti məlumat yayıb.
Yaralıların sayı isə 90 nəfərdir.
Dağıntılar altından axtarış-xilasetmə işləri davam etdirilir.
Ötən gecə Ukrayna Rusiya tərəfindən kütləvi hücuma məruz qalıb, Kiyevdə zərbələr nəticəsində çoxlu insan ölüb, onlarla insan yaralanıb.
APA xəbər verir ki, Ukrayna Fövqəladə hallar üzrə Dövlət Xidmətinin məlumatına görə, bu gün səhər saatlarına olan məlumata görə, 9 nəfər həlak olub.
Bundan başqa hava zərbələri nəticəsində 63 nəfərin xəsarət aldığı bildirilir ki, onlardan da 6-sı uşaqdır. Xəsarət alanların 42 nəfəri xəstəxanaya yerləşdirilib.
"Yaşayış binalarında dağıntılar olub. Dağıntılar altında qalan insanların axtarışı davam edir", - məlumatda bildirilir.
***
05:51
Ukraynanın bir sıra şəhərləri pilotsuz uçuş aparatları, ballistik raketlərlə, o cümlədən “Kalibr” raketlərindən atəşə tutulub.
APA xəbər verir ki, Ukrayna mətbuatı Xmelnitski, Poltava, Kirovoqrad vilayətləri, Çerkasi, Xarkov, Çerniqov, Vinnitsa vilayətləri raket atəşinə tutulub.
Ukrayna Silahlı Qüvvələri Kiyevdə hava hücumundan müdafiə sisteminin fəaliyyət göstərdiyini açıqlayıb.
***
04:32
Ukraynanın şəhərləri kütləvi raket hücumuna məruz qalıb.
APA xəbər verir ki, Kiyevdə güclü partlayışların baş verdiyi bildirilir.
Ukrayna mediası hücumlar zamanı ölən və yaralananların olduğunu yazıb.
Xarkovda Novobavarski rayonunda da bir sıra partlayışlar baş verib. Partlayışlar zamanı ölən və yaralananlar barədə hələlik məlumat yoxdur. Xarkovun meri İqor Terexov şəhərə yeddi raket zərbəsi endirildiyini bildirib.
Kiyevin meri Vitali Kliçkonun sözlərinə görə, Rusiyanın Kiyevə hücumundan ən çox Svyatoşinski rayonu zərər görüb. Belə ki, şəhərin 6 məntəqəsində yanğın baş verib, dağıntılar var.
Ukrayna Müdafiə Nazirliyi “18–24 Müqaviləsi” proqramı çərçivəsində vətəndaşların könüllü əsaslarla xidmət edə biləcəyi daha səkkiz hərbi birliyin adını açıqlayıb.
Musavat.com xəbər verir ki, bu proqram 18 ilə 24 ay müddətində xidmət etməyi nəzərdə tutur və iştirakçılara sosial təminat, əməkhaqqı və təcrübə imkanları təqdim edir.
Proqrama yeni qoşulan briqadalar bunlardır:
47-ci ayrı mexanikləşdirilmiş briqada “Mağura”
54-cü mexanikləşdirilmiş briqada – hetman İvan Mazepanın adını daşıyır
3-cü ayrı zirehli “Dəmir” briqadası
82-ci desant-hücum “Bucovina” briqadası
34-cü sahil mühafizəsi briqadası
103-cü ərazi müdafiə briqadası – mitropolit Andrey Şeptitskinin adını daşıyır
108-ci ərazi müdafiə briqadası
127-ci ərazi müdafiə briqadası
Qeyd edək ki, “18–24 Müqaviləsi” proqramı Ukrayna Silahlı Qüvvələrinin şəxsi heyət tərkibini gücləndirmək və peşəkar kadrlarla təmin etmək məqsədi daşıyır. Müdafiə Nazirliyi daha çox gənci bu proqrama qoşulmağa çağırır.
Musavat.com