Türkiyənin Elazığ şəhərində restoranın sahibi nəfəs borusunda qida qalan müştərinin həyatını xilas edib.

Hadisə anbaan restoranın təhlükəsizlik kameraları tərəfindən qeydə alınıb.

Restoranın sahibi Mehmet Dəmirəl Heymlix fəndi ilə müştərinin həyatını xilas edib.

Mənbə: İHA

Dəniz qumunun faydaları haqqında bilmədikləriniz - FAYDASINDAN YARARLANIN
Dəniz qumu və ya çimərlik qumunun bir neçə faydası və istifadəsi ola bilər:
Dəniz qumu tikinti materialı kimi istifadə oluna bilər, xüsusən də hazır olduğu sahil bölgələrində. Tez-tez beton və digər tikinti materiallarının istehsalında istifadə olunur. Bununla belə, qeyd etmək vacibdir ki, dəniz qumunda duz və digər çirklər ola bilər ki, bu da müəyyən tikinti tətbiqlərinə zərər verə bilər. Buna görə də, tikinti layihələrində istifadə edilməzdən əvvəl yuyulma və ya emal tələb oluna bilər. Çimərliyin qidalanması və eroziyaya nəzarət: Dəniz qumu bəzən ölçüsünü və funksionallığını bərpa etmək və ya artırmaq üçün eroziyaya uğramış və ya tükənmiş çimərliklərə yerləşdirildiyi çimərlik qidalanma layihələri üçün istifadə olunur. O, sahilyanı əraziləri eroziyadan qorumağa və fırtına dalğalarına qarşı tampon təmin etməyə kömək edə bilər.
Ətrafın abadlaşdırılması və bağçılıq: Dəniz qumu abadlıq və bağçılıq layihələrində istifadə edilə bilər. Onun qaba toxuması torpaqda drenajı yaxşılaşdırmağa kömək edə bilər, onu yaxşı drenaj tələb edən müəyyən bitkilər və bağlar üçün uyğun edir. Bununla belə, dəniz qumunun tərkibindəki duz bəzi bitkilər üçün narahatlıq yarada bilər, ona görə də istifadə etməzdən əvvəl onu yaxalamaq və ya digər torpaq əlavələri ilə qarışdırmaq lazımdır.
Qum oyunları və istirahət fəaliyyətləri: Dəniz qumlu çimərliklər günəş vannası qəbul etmək, qum qalaları tikmək, çimərlik voleybolu və digər çimərlik oyunları kimi fəaliyyətlər üçün istirahət imkanları təklif edir. Dəniz qumunun incə toxuması və yumşaqlığı onu bu fəaliyyətlər üçün cəlbedici edir.
Müalicə və istirahət: Ayaqyalın çimərlik gəzintisi kimi tanınan dəniz qumu üzərində gəzinti müalicəvi faydaları ola bilər. Bu, ayaqların əzələlərini stimullaşdırmağa, tarazlığı yaxşılaşdırmağa və sakitləşdirici bir sensasiya təmin etməyə kömək edə bilər. Bundan əlavə, dalğaların səsi və çimərliyin atmosferi istirahətə və stresdən azad olmağa kömək edə bilər.
Qeyd etmək lazımdır ki, dəniz qumunun çıxarılması ətraf mühitə təsir göstərə bilər, o cümlədən yaşayış mühitinin pozulması və sahil ekosistemlərinin zədələnməsi. Bundan əlavə, bəzi bölgələrdə dəniz qumunun sahilyanı sabitliyə potensial mənfi təsiri səbəbindən kənarlaşdırılması tənzimlənir və ya qadağandır. Buna görə də, dəniz qumundan hər hansı bir məqsəd üçün istifadə etməzdən əvvəl yerli qaydaları və ətraf mühit amillərini nəzərə almaq vacibdir. \\Saglamolun.Az

Miçiqan Universitetinin alimləri müəyyən ediblər ki, 71 yaşdan yuxarı insanlarda görmə qabiliyyətinin itirilməsi və pisləşməsi demensiya ilə əlaqəli ola bilər.

Cebhe.info xəbər verir ki, tədqiqat “JAMA Ophthalmology” jurnalında dərc olunub.

Həkimlər daha böyük NHATS Yaşlanma Tədqiqatında iştirak edən 71 yaşdan yuxarı 3000-ə yaxın ABŞ vətəndaşının məlumatlarını təhlil etdilər. Onlar iştirakçıların yaxın və uzaq görmə qabiliyyətini və müxtəlif fonlarda obyektləri nə qədər yaxşı ayıra bildiklərini qiymətləndiriblər. Sınaqlar tabletlərdə aparılıb və alimlər təsdiqləyiblər ki, düzgün aparıldıqda bu üsul adi həkim müayinəsindən geri qalmır.

Təhlil göstərib ki, görmə itkisi olan iştirakçılar hətta kiçik olsa da, görmə problemi olmayan insanlarla müqayisədə demensiyadan daha çox əziyyət çəkirlər. Tədqiqatda iştirak edən bütün şəxslər arasında 12,3%-də demans əlamətləri olub. Miyopi olan xəstələr arasında demans əlamətləri 19,5%, hipermetropiya ilə isə 21,5% aşkar edilib. Orta və ağır görmə pozğunluğu (görmə itkisi daxil olmaqla) olan insanlarda demans 32,9% olub.

Demans hallarının 40%-ə qədəri insanların təsir edə biləcəyi 12 risk faktorundan qaynaqlana bilər. Bunlara siqaret, hipertoniya və eşitmə itkisi daxildir. Bu cür görmə qabiliyyətinin itirilməsi faktorlarının siyahısına yeni məlumatlar əlavə oluna bilər. Əgər gələcək tədqiqatlarda səbəb-nəticə əlaqəsi təsdiqlənərsə, bu, o demək ola bilər ki, yaşlandıqca görmə problemlərini minimuma endirmək üçün addımlar atan insanlar da demans riskini azalda bilər.

Keçən ay Avropada ən isti iyun ayını yaşayan mütəxəssislər bədənimizin nə qədər istiyə tab gətirə biləcəyini müəyyən ediblər.

Bakupost.az xarici KİV-ə istinadən xəbər verir ki, Londondakı Roehampton Universitetinin tədqiqatçıları tərəfindən nəşr olunan yeni araşdırmaya görə, insan orqanizminin 40 ilə 50 dərəcə selsi arasında dözə biləcəyi "üst kritik temperatur" həddi var.

Həmçinin bildirilib ki, körpələr və yaşlıların ürək-damar sistemləri yüksək temperaturlara yaxşı reaksiya vermədiyi üçün həddindən artıq istilərə ən həssas kateqoriyalar arasındadır.

Qeyd olunub ki, bu temperatura çatdıqdan sonra bədənimiz ürəkbulanma, başgicəllənmə, baş ağrısı və huşunu itirməyə səbəb olan "isti stressi" yaşayır.

Massaçusets Texnologiya İnstitutunun (MIT) alimlərinin xərçəngə qarşı hazırladığı yeni peyvənd sınaqdan keçirilən heyvanların 80 faizində şişi məhv edib.

Yeni dərman T-hüceyrələrinin immun reaksiyasını gücləndirir, həmçinin onların lazımi müalicəvi xüsusiyyətlərlə istehsal prosesinə başlayır.

Müalicə qlioblastoma və melanoma olan gəmiricilərin böyük əksəriyyətində xərçəngin yox olmasına gətirib çıxarıb. İndiyədək bərk şişlərdə immunoterapiyanın belə effektinə nail olmaq mümkün deyildi.

Hazırda alimlər müxtəlif növ şişlərin müalicəsini öyrənməyə və adaptasiya etməyə davam edir. Daha sonra terapiya insanlarda təhlükəsizlik və effektivlik baxımından qiymətləndiriləcək.

Mənbə: unews.pro

Azərbaycanda kəllə qənd istehsalı ilə məşğul olan “Bolluq” MMC-nin istehsal müdiri məhkəmə qarşısına çıxarılıb.

“Qafqazinfo”nun əldə etdiyi məlumata görə, Abşeron Rayon Məhkəməsində keçirilən prosesdə Nadir Tağıyev (ad-soyad şərtidir) malın keyfiyyətinə dair istehlakçıları aldatmaqla təqsirləndirilib.

Belə ki, şirkətin Bakı şəhəri, Nizami rayonu, Böyük Şor qəsəbəsi, 8-ci köndələn 5 ünvanında yerləşən istehsalat müəssisəsində satış üçün hazırlanan qəndlərin tərkibinə normadan artıq kükürd dioksid vurulub.

Bu addım qəndin ağardılmasına hesablanılıb.

Adiyyəti dövlət qurumlar tərəfindən şirkətin Abşeron rayonu, Xırdalan şəhəri, Bakı-Sumqayıt şossesi 13-cü kilometrdə yerləşən anbarında aparılan yoxlamalar nəticəsində 33.243,81 manat dəyərində “Oman”, “Əla keyfiyyətli kəllə qənd” və “Bolluq” markası ilə müxtəlif çəkidə qablaşdırılmış qəndlər aşkarlanıb.

Qeyd edək ki, qəndin tərkibində kükürd dioksidin normadan artıq olması insan sağlamlığı üçün riskli hesab olunur. Belə ki, qeyd olunan maddə insan orqanizmində tənəffüs yollarının disfunksiyasına, həmçinin mədə-bağırsaq pozğunluqlarına səbəb olur.

Məhkəmə istehsalat müdirinin 7 min manat cərimələyib. Bundan başqa, o, 1 il ay müddətində dövlət və yerli özünüidarə etmə orqanlarında rəhbər və maddi-məsul vəzifə tutmaq hüququndan məhrum edilib.

Çətənə bitkisi haqqında nə bilirik ?
1. Bir hektar çətənə, 25 hektar meşə qədər oksigen istehsal edir.
2. Yenə bir hektar çətənədən, 4 hektar ağacdan edilənə bərabər kağız istehsal edilə bilər.
3. Çətənə 8 dəfə kağıza çevrilərken, ağaca 3 dəfə kağıza çevirə bilər.
4. Çətənə 4 ayda yetişir, bir ağac isə 20-50 ildə ...
5. Çətənə, əsl radiasiya təmizləyicidir.
6. Çətənə dünyanın hər yerində yetişdirilə bilər və çox az suya ehtiyac duyur. Bundan başqa özünü böcəklərdən qoruya bildiyi üçün kənd təsərrüfatı dərmanlarına da ehtiyac duymur.
7. İlk cins şalvar, çətənədən hazırlanıb; hətta "kətan" sözü çətənə məhsullarına verilən addır.
8. Çətənə bundan başqa ip, kəndir, çanta, ayaqqabı, papaq istehsalı üçün də ideal bir bitkidir.
9. Çətənə, QİÇS və xərçəng müalicəsində kemoterapi və radiasiya təsirini azaltmaq; rematizma ürək, sara, astma, mədə, yuxusuzluq, psixologiya, onurğa narahatlıqları kimi ən az 250 xəstəliyin müalicəsində istifadə edilməkdədir.
10. Çətənə toxumunun protein dəyəri çox yüksəkdir və içindəki iki yağ turşusu da təbiətdə başqa heç bir yerdə yoxdur.
11. Çətənə istehsalı soyadan belə daha ucuzdur.
12. Çətənə ilə qidalanan heyvanlar, əlavə hormona ehtiyac duymur.
13. Plastik məhsulların hamısı, çətənədən istehsal oluna bilər və çətənə plastikinin təbiətə geri qaytarılması olduqca asandır.
14. Bir avtomobilin gövdəsi çətənədən
hazırlansa, dözümlülüyü poladdan tam 10 qat çox olar.
15. Binaların izolyasiyası üçün də istifadə edilə bilər; dayanıqlı, ucuz və elastikdir.
16. Çətənə ilə hazırlanan sabunlar və kosmetika məhsulları, suyu kirlətmir; yəni tamamilə təbiət dostudur.
Səfər İbrahimli
Teref.az

Türkiyənin paytaxtı Ankaradan Gürcüstana gedən folklor konvoyunun ekipaj heyəti orada yedikləri yeməkdən zəhərlənib.

"Report" "Haber Global"a istinadən xəbər verir ki, geri dönərkən vəziyyəti pisləşən 46 nəfər Ordunun Fatsa rayonundakı xəstəxanaya aparılıb.

Ekskursiya avtobusu ilə Gürcüstana gedən folklor komandası geri qayıtmazdan əvvəl Batumidə nahar edib.

Onların bir qismi təcili yardım maşınları, bəziləri isə tur avtobusu ilə Fatsa Dövlət Xəstəxanasına aparılıb. Xəstəxanaya çatdırılan 46 nəfərdən 26-sı evə buraxılıb, 20 nəfər isə müşahidə altına alınıb.

Müşahidə altında olanların həyati təhlükəsinin olmadığı bildirilir.

Milli Məclisin bu gün keçirilən iclasında “Dərman vasitələri haqqında” Qanununda dəyişiklik edilməsi barədə qanunun layihəsi ikinci oxunuşda müzakirəyə çıxarılıb.
Teref.Az xəbər verir ki, qanun layihəsini Milli Məclisin Səhiyyə komitəsinin sədri Əhliman Əmiraslanov təqdim edib.

Komitə sədri deyib ki, qanun layihəsi dünyanın məşhur dərman istehsalçılarının istehsal etdiyi dərmanlara əlçatanlığı asanlaşdıracaq.

Eyni zamanda Əhliman Əmiraslanov “Dərman vasitələri haqqında” Qanuna təklif olunan dəyişiklikliyin birinci oxunuşunda çıxış edən deputatların ölkəyə gətirilən dərmanların keyfiyyətsiz, qiymətlərinin baha olması ilə bağlı dediklərinə sə münasibət bildirib.

Qeyd edək ki, qanun layihəsinin müzakirə ilə bağlı səhiyyə nazirinin müavini Rasim İsmayılov parlamentin iclasında iştirak edir.

Qanun layihəsi ikinci oxunuşda səsə qoyularaq qəbul olunub. \\Cebhe.info