 |
|
|
Paytaxtan kənardada Dövlət Şəhərsalma və Arxitektura Komitəsinin rəsmi icazəsi olmadan aparılan qanunsuz tikinti işlərinin sayı artmaqdadır.
Yenixeber.org: İddialara görə Masazırda yaşıllıq məhv edilib, qanusuz tikinti aparılır.
Görüntülərdən məlum olur ki, belə qanunsuz tikintilərdən biri də Masazır qəsəbəsində aparılır.
Belə ki, Dövlət Şəhərsalma və Arxitektura Komitəsinin rəsmi saytında Masazır qəsəbəsində inşa edilən 2 mərtəbəli bina ilə bağlı hərhansı bir məlumata rast gəlmədik.
Məlumdur ki, icazəsiz obyektlərin tikintisi rayon icra hakimiyyəti ilə “razılaşma” əsasında aparılır.
Qeyd edək ki, son vaxtlar qanunsuz tikintilər aparılması, yaşıllğın məhv edilməsi, və piyada səkillərin zəbt olunması ilə bağlı sosial paltformalarda və mətbuatda mütamadi xəbərlər yayımlanır.(xalq.az)
Həmin görüntüləri təqdim edirik:
İmişlidə baş verən məlum bayraq məsələsi çoxunun adını belə bilmədiyi Azərbaycan Ağsaqqallar Şurası adlı təşkilatı gündəmə gətirdi.
Maraqlıdır,ölkə başçısı İlham Əliyev cənablarının 9 may Qələbə Günü münasibəti ilə Rusiyaya getməkdən imtina etdiyi eyni gündə “Ağsaqqallarımız” İmişlidə rus bayrağı altında bayram edib,dövlət siyasətinə qarşı “demarş” nümayiş etdiriblər.
Qeyd edək ki,sözügedən təşkilatın başında 6 dəfə deputat seçilmiş, adı bir çox qalmaqallı hadisələrdə hallanan Kooperasiya Universitetinin rektoru, hələ SSRİ illərindən “Azərittifaq” adlı təşkilata başçılıq etmiş Eldar Quliyev durur.
Sosial şəbəkə üzərindən xırda bir axtarış apardıqda bir çox neqativ hallarda adı çəkilən təşkilatın İmişlidəki kimi rayon təşkilatı və Saleh Səmədov kimi də sədri olar.
Yaxalarına “Gorgiyev lenti” taxıb boy-boy şəkil çəkdirən ağsaqqalların yaddaşı da deyəsən “gedib”.Unudublar ki,bu lent II Yekaterina tərəfindən Rusiya-Türkiyə savaşında döyüşən rus əsgərlərinin yaxasına taxılıb. Səmədov isə çıxıb deyir ki, niyə Türkiyə bayrağına heç nə demirsiz, SSRİ bayrağına etiraz edirsiz?
"DogruXeber.az" 1xəbər.media-nın etibarlı mənbələrdən əldə etdiyi məlumata görə,Saleh Səmədovun tabe olduğu şəxs-Eldar Quliyevin rəhbərlik etdiyi təşkilat dövlətdən 300 min manata yaxın vəsait alır.Amma deyəsən bu azmış kimi cənab Quliyev özünə məxsus binanı sədri olduğu Azərbaycan Ağsaqqallar Şurasına icarəyə verib.Ayda isə dövlətdən daha 10 min manat alıb səfasını sürür.
Ağsaqqqallar hər zaman gənclərə örnək olmalı,nəsihət verməli olduğu halda İmişlidəki hadisə göstərdi ki, heç də hər zaman belə olmur.Çoxlarının ziyansız gördüyü belə təşkilatlar kimlərinsə əlində gözlənilmədən təhlükəli siyasi alətə çevrilə bilir….
Milli Məclisin iclasında çıxış edən deputat Səyyad Aran övladı plastik əməliyyat zamanı ölən valideynin şikayətindən bəhs edərək iclasda iştirak edən səhiyyə naziri Teymur Musayevə xitab edib.
Musavat.com-un məlumatına görə, S.Aran belə deyib: “Dünən bir valideyn gəlmişdi və övladı plastik əməliyyat zamanı ölüb. Valideyn deyir ki, həmin həkim fərqli soyadla fəaliyyət göstərir. Nazirlik siyahı dərc etdi, amma hamı bilməlidir ki, həmin şəxslər kimdir. Yaxından tanımalıdır. Ölən şəxs komaya düşəndən sonra həkim aparıb evinə, görüb ki, sağalda bilmir. Valideynlər etiraz edirlər. Səhiyyə nazirinə müraciət edirəm, plastik cərrahiyə əməliyyatına dair xüsusi mərkəz yaradılsın! Vətəndaş da bilsin ki, hara gedir. 9-cu sinifi bitirmiş şəxsə plastik cərrahiyyə ilə məşğul olmağa kim imkan verib?”
Səhiyyə nazir Teymur Musayev deputatın dediklərinə reaksiyasında bildirib ki, Sara Qəhrəmanovanın ölən qızı barədə araşdırma aparılıb: “Onun valideynləri mənim də qəbulumda olub. Özü də bütün qohumlar bilirdilər ki, o şəxs tibb ixtisasına malik deyil. Səhiyyə Nazirliyi ancaq tibb işçilərinə cavabdehdir. Bu faktla hüquq mühafizə orqanları məşğul olur”. Nazirin sözlərinə görə, əməliyyat tibb məntəqəsində həyata keçirilməyib. Belə ki, ölən qız mətbəxdə əməliyyat olunub.
E.Paşasoy,
Musavat.com
Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyi ”Azkommunlayihə” Kommunal Layihələndirmə Institutunda direktoru Sahib Qarayev bundan sonra bahalı maşın sürəcək.
xəbər verir ki, dünən bununla bağlı tender keçirilib və nəticəsi açıqlanıb.
Məlumatda deyilir ki, sözügedənn qurum “TOYOTA”-BAKI MƏRKƏZİ” MMC ilə 1 ədəd avtomobil alınması üçün 185 min 300 manat ödəyəcək.
Qeyd edək ki, Sahib Qarayevin bundan öncə də bahalı xidməti maşınla işə gedib, gəldiyi bildirilir.
İstifadəsində olan həmin xidməti maşının köhnə olmadığı, bir neçə il bundan əvvəl alındığı da verilən məlumatlar sırasında var. Maraqlıdır ki, sözügedən məmur hansı zərurətdən yeni və bahalı xidməti maşın sürmək qərarı verib?
Bu əsnada, FHN-nin daha bir tender keçirib. Nazirliyin Əsaslı Tikinti İdarəsi FHN-in Lənkəran şəhərində yerləşən Cənub Regional Mərkəzinin inzibati binasının qazanxanasında, nasosxana və isitmə sistemlərində cari təmir işlərini “ÜLVİ İNŞAAT” MNC-yə həvalə edib. Bu işlərin görülməsi üçün isə 102 min 235 manatlıq satınalma müqaviləsi imzalayıb.Tribunainfo.az
Xaçmaz rayonunun Yeni Sudur kənd sakini Qüdrət Hidayətov bildirib ki, dəfələrlə ünvanlı sosial yardım almaq üçün Dövlət Sosial Müdafiə Fonduna müraciət etsə də, hər dəfə min bir bahanə ilə imtina cavabı verirlər.
"DİA-AZ" xəbər verir ki, vətəndaşın sözlərinə görə, 2023-cü ildən torpaq üzərindən vaxtında vergi ödəyib. Lakin 2024-cü ilin iyun-iyul aylarında səhhətində yaranmış ciddi problemə görə vergin ödəyə bilmıyib, gecikməsi olub. Vətəndaş bildirir ki, 2025-ci il gecikməsiz vetgidini ödəməyinə baxmayaraq ötən ilkin iki ayını bahanə edib ona imtina verirlər.
Şikayətçi deyir ki, bəzi qurumlar onun vergi ödəmədiyini, digərləri isə ailə gəlirlərinin düzgün qeyd olunmadığını əsas gətirir. Qüdrət Hidayətov iddia edir ki, bəzi ailələr 2-3 ay vergi ödəməsələr də, komissiya üzvlərinə rüşvət verərək ünvanlı sosial yardım ala bilirlər. O, aidiyyəti qurumlardan bu məsəlınin ciddi araşdırmasını və rüşvət qarşılığında saxta sənəd hazırlayan məmurlar barədə ölçü götürmələrini xahiş edir.
“Şirvan Gənclər Evi” sosial xidmət müəssisəsi tərəfindən işçinin əmək hüquqlarının pozulması faktı ilə bağlı Şirvan şəhər prokurorluğunda araşdırma aparılıb.
XALQ xəbər verir ki, araşdırma zamanı qeyd olunan hüquqi şəxs tərəfindən əmək qanunvericiliyində nəzərdə tutulmuş qaydada əmək müqaviləsi hüquqi qüvvəyə minmədən (bağlanmadan) 1 nəfərin təlimçi-tibb bacısı işlərinin yerinə yetirilməsinə cəlb edilməsi müəyyən edilib.
Faktla bağlı Şirvan şəhər prokurorluğunda “Şirvan Gənclər Evi” sosial xidmət müəssisəsi barəsində İnzibati Xətalar Məcəlləsinin 192.1-ci (əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb edilməsi) maddəsi ilə inzibati xəta haqqında iş üzrə icraat başlanaraq baxılması üçün aidiyyəti üzrə şəhər məhkəməsinə göndərilib, məhkəmənin qərarı ilə sosial xidmət müəssisəsi 20 min manat məbləğində inzibati cərimə edilib.
Eyni zamanda sosial xidmət müəssisəsinin direktoru Həsənov Əfqan Abbas oğlu barəsində həmin Məcəllənin eyni maddəsilə inzibati xəta haqqında iş üzrə icraat başlanaraq baxılması üçün aidiyyəti üzrə Əmək və Əhalinin Sosial Müdafiəsi Nazirliyi Yanında Dövlət Əmək Müfəttişliyi Xidmətinin Şirvan-Salyan Regional şöbəsinə göndərilib və vəzifəli şəxs müvafiq qərarla 3 min manat məbləğində inzibati cərimə edilib.unikal
"“Bahar Enerji” Əməliyyat Şirkəti uzun illərdir ki, ölkənin əmək qanunvericiliyini mütamadi olaraq pozur və cəzasız qalıb". "DİA-AZ" xatırladır ki, bu barədə zamanında açıqlama ilə çıxış edən Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı hələ bu ilin yanvar ayında işçilərin əməkhaqqılarının gecikdirildiyini də vurğulamışdı. Bu barədə NHMT-ə edilən müraciətdə də aydın şəkildə qeyd olunurdu ki, prezidenti Con Harkins, benefisiar sahibi "gizli" olan “Bahar Enerji” Əməliyyat Şirkətində dekabr ayından bəridir ki, əməkhaqqılar verilimir.
Bu gün isə NHMT sədri yenə də oxşar problemlə bağlı açıqlama ilə çıxış edib.
M.Qəhrəmanlı bildirir: "Bilirlər ki, xətirlərinə dəyən, irad tutan olmayacaq. İllərlədi ölkənin əmək qanunvericiliyini pozan bu şirkət rəhbərliyini heç bir qurum cəsarət edib cəzalandırmır. Görəsən niyə?..
"Bahar Enerji Limited" ƏŞ-nin işçiləri deyir ki, aprel ayinin maaşını hələ də almamışıq. Vəziyyət biabırçı haldadır. Nə qədər olacaq belə bilinmir.
Qeyd edək ki, “Bahar Enerji” Əməliyyat Şirkəti: ARDNŞ( 20%paya malik) və “Bahar Enerji Limited” (80% paya malik)arasında bağlanmış 22 dekabr 2009-cu il tarixli Saziş və 27.04.2010-cu il tarixli Azərbaycan Respublikası Qanunu ilə təsdiq edilmiş “Xəzər dənizinin Azərbaycan sektorunda Bahar yatağının və Qum-dəniz yatağının daxil olduğu blokun kəşfiyyatı, bərpası, işlənməsi” hasilatın pay bölgüsü Sazişi əsasında 01.10.2010-cu il tarixdən fəaliyyət göstərir. Bu müqavilə üzrə ARDNŞ tərəfdaşı kimi Virgin adalarında qeydiyyatdan keçmiş Bahar Energy Ltd şirkəti çıxış edir. Bahar Enerji -nin təsisçisi Greenfields Petroleum Corporation isə Kayman adalarında qeydiyyatdan keçib. “Bahar Enerji” Əməliyyat Şirkətinin prezidenti Con Harkins, benefisiar sahibi isə..."
Eşqi Bağırovun himayə etdiyi Arslan Hacıyev kimdir?
207 nömrəli məktəbin direktoruna məxsus səs yazısının yayımlanmasından sonra, ölkənin demək olar ki, bütün media resursları Elm və Təhsil Naziri Emin Əmrullayevi kəskin tənqid etməyə başladı. Lakin aparılan qısa araşdırmalar nəticəsində məlum oldu ki, bu cür məsələlərə birbaşa Elm və Təhsil Nazirliyi deyil, Məktəbəqədər və Ümumi Təhsil üzrə Dövlət Agentliyi cavabdehdir.
Patrulaz.az-ın məlumatına görə, həmin agentliyin strukturunda diqqətçəkən bir şəxsin – Arslan Hacıyevin adı önə çıxır. O, əvvəllər “Azərşəkər” şirkətində satış meneceri vəzifəsində çalışıb. Sonradan Qazax-Tovuz Regional Təhsil İdarəsinə rəhbər təyin olunub. 2024-cü ilin noyabr ayından isə Eşqi Bağırovun əmri ilə Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdiri vəzifəsinə gətirilib. Daha sonra Eşqi Bağırovun Təqdimatı ilə MÜTDA-nın direktor müavini təyin olunub.
Təəssüf doğuran məqam ondan ibarətdir ki, Arslan Hacıyev təhsil müəssisələrini bir növ satış məntəqəsinə çevirməkdə ittiham olunur. Onun regional təhsil müdiri olduğu dövrdə həyata keçirdiyi bu təcrübələr bu gün bütün ölkə üzrə məktəblərdə tətbiq olunur. Hazırda bir çox məktəbdə “Son zəng” tədbiri üçün valideynlərdən pul yığılır, müəllimlərə isə ödəniş qarşılığında dərs saatları satılır. Bu hallar təhsil sistemində ciddi narazılıqlara səbəb olur.
Cəmiyyət haqlı olaraq hesab edir ki, Elm və Təhsil Naziri Emin Əmrullayev bu məsələni də nəzarətə götürməli, müvafiq araşdırmalar aparmalı və nəticə olaraq satış menecerliyindən təhsilə gətirilmiş, lakin sahəyə dair yetərli bilik və təcrübəsi olmayan şəxsin təhsil sistemindən uzaqlaşdırılması üçün zəruri addımlar atmalıdır.
Xəbər verdiyimiz kimi, İmişli Rayon Ağsaqqallar Şurasının sədri Saleh Səmədov mayın 9-da İmişlinin Sarıxanlı kəndində faşizm üzərində Qələbə Günü münasibətilə təşkil olunan tədbirdə SSRİ bayrağı altında, sinəsində rus imperiyasının rəmzi olan “Georgi lenti” ilə çıxış etdiyinə görə vəzifəsindən azad edilib.
Axar.az xəbər verir ki, bu gün İmişli Rayon Ağsaqqallar Şurasının sədri vəzifəsi müvəqqəti olaraq təşkilatın İdarə Heyətinin üzvü Vahid Tağıyevə həvalə olunub.
Maraqlı məqam isə V.Tağıyevin də həmin tədbirdə iştirak etməsi və sinəsində "Georgi lenti" olmasıdır. Belə ki, tədbir zamanı lentə alınan görüntülərdən də aydın olur ki, həmin tədbirdə V.Tağıyev S.Səmədovun yanında dayanıb, sinəsində də "Georgi lenti”.
Həmçinin İdarə Heyətinin 26 nəfər üzvü olmasına baxmayaraq, “əvəzlənmə prosesində” cəmi 7 nəfərin iştirak etdiyi barədə deyilənlər fotodan da təsdiqlənir.
Nərimanov Rayon İcra Hakimiyyətinin Nərimanov rayonu Təbriz, Həsənoğlu və A.M.Cümə küçələrinin kəsişməsində yerləşən 4,44 ha torpaq sahəsini eyni anda iki şirkətə satdığı iddia olunur. Ərazinin daha əvvəl satıldığı "Star City Construction" MMC şirkəti bununla bağlı Nərimanov Rayon İcra Hakimiyyətinə qarşı məhkəmə iddiası qaldırıb. İddia olunur ki, məhkəmə şirkətin lehinə qərar çıxarsa da, icra hakimiyyəti məhkəmə qərarını icra etməyib.
Məsələ ilə bağlı "Star City Construction" MMC şirkətinin hüquqşünası Etibar Paşayev Publika.az-a açıqlama verdi.
O, bildirdi ki, məhkəmə tərəfindən Nərimanov Rayon İcra Hakimiyyətinə qarşı cərimə müəyyən edilib. Lakin yenə də öhdəlik yerinə yetirilməyib və hələ də eyni ərazinin satıldığı digər şirkət olan "Ailə Park” MTK orada tikinti işlərinə davam edir:
"İllərdir ki, icra hakimiyyəti orqanları tərəfindən hüquqlarımız kobud şəkildə pozulmaqdadır. Hazırda qanuni qüvvəsini almış, ölkəmizin ən ali məhkəmə instansiyası olan Azərbaycan Respublikası Ali Məhkəməsinin qərarını Nərimanov Rayon İcra Hakimiyyəti tərəfindən artıq 6 aydır ki, icra edilmir.
09.12.2024-cü ildə Nərimanov Rayon İcra Hakimiyyətinə xəbərdarlıq edilmişdi. Bildirilmişdi ki, Azərbaycan Respublikası İnzibati-Prosessual Məcəlləsinin 120-ci maddəsinə əsasən müəyyən edilmiş müddətdə inzibati orqan tərəfindən onun üzərinə qoyulmuş öhdəlikləri icra etmədikdə, məhkəmə cərimə məbləği müəyyən edir. 120.3-cü maddəsinə uyğun olaraq cərimə 50 000 manatadək müəyyən oluna bilər və cərimə təkrar təyin oluna və məcburi qaydada tutula bilər.
Bütün bunlara baxmayaraq, yenə də Nərimanov Rayon İcra Hakimiyyəti məhkəmə qərarını icra etmir. Artıq hara, kimə, hansı dövlət orqanına müraciət etməyimizi bilmirik. Çünki, Nərimanov Rayon İcra Hakimiyyəti nə yuxarı orqanların, nə də məhkəmələrin qərar və tapşırıqlarını nəzərə almır”.