 |
|
|
Gənc müğənni, xanəndə Rəvanə Əmiraslanlı tanınmış bəstəkar Tahir Əkbərin "Dərdin alım" mahnısına əlavələr edərək ifa edib.
Bu haqda Moderator.az-a mərhum bəstəkarın xanımı Aybəniz Əkbərova məlumat verib.
O iddia edib ki, müğənni mahnını icazəsiz oxuyub.
"Tahir Əkbərin nə tərifə, nə təbliğata, nə də reklama ehtiyacı var. O öz adını musiqi tariximizə qızıl hərflərlə yazdırıb. Əsərləri göz qabağındadır. Onun mahnılarını icazəsiz oxuyanların sayı az deyil. Bir də görürsən ki, mahnını elə hala qoyurlar ki... Sonda başa düşürsən ki, bu, Tahirin mahnısıdır. Özlərindən nəsə icad edirlər. Tahir professional bəstəkar olub. Tahir Əkbər muğamlarımızı, klassik musiqilərimizi bilirdi.
Bu paylaşımı dünən gördüm, təsadüfən qarşıma çıxdı. Adını da bilmirdim, sonradan dedilər ki, Rəvanə Əmiraslanlıdır. "Dərdin alım" illərin mahnısıdır. Bunu hər kəs əzbər bilir. Hətta gənclərimiz də. Mən anlamıram, bu rəqsi Tahir Əkbərin mahnısının içinə salıb nə demək istəyirlər?! Belə çıxır ki, Tahir Əkbər mahnını düzgün bəstələməyib, bunlar yenidən bəstələyirlər? Kimdir onlara bu ixtiyarı verən?! Birincisi, icazəsiz oxuyursan, problem yoxdur, oxu! Amma Tahir Əkbərin mahnısına əlavə rəqs salmağa ehtiyac yoxdur. "Dərdin alım" onsuz da rəqsdir.
Deyirlər ki, Rəvanə xanım teatrda "Leyli"ni oynayır. Yaxşı, aranjimançı bunu edib, ali savadlı Rəvanə xanım niyə mahnını belə oxuyur? Tahir Əkbərin əsərlərinin varisi bizik, bu cür əlavələrin olunmasına qətiyyən etiraz edirəm. Ümumiyyətlə bəstəkar mahnısına toxunmaq olmaz. Mahnı yazmaq istəyirsinizsə, gedib yazın, içinə də 10 dənə rəqs əlavə edin. Tahir Əkbər zəif bəstəkar deyil ki, onun əsərinə nəsə əlavə olunsun. Zamanında məsləhət bilsəydi, özü rəqs salardı. Bir-iki əsərdə kollaj kimi rəqsdən istifadə edib. Arzu Əliyevanın "O günlərə qayıdaram" və Gülyanaq Məmmədovanın "Məndən sənə yar olmaz" mahnılarında rəqsdən kollaj kimi istifadə edib və keçid verib. Mahnıları aranjiman etmək olar, müasirləşdirmək olar. O, özü də inqilabçı bəstəkar idi. Mən etiraz edirəm, həmin aranjimançı, yaxud da Rəvanə Əmiraslanlı çıxıb buna aydınlıq gətirsin ki, niyə belə etmişik?! Səbəbini desinlər!" - deyə bəstəkarın xanımı bildirib.
Palindrom – tərsinə oxunuşu da eyni olan cümlə, söz və ədədlərə deyilir. Yunan dilindəki "Palindromon" sözündəndir, mənası "Geri çevrilən / Tərs(in)ə dönən", "Arxası-Önü olmayan" deməkdir. Azərbaycan dilində bunu "Astarı-Üzü (Tərsi-Üzü) eyni" kimi qəbul etmək olar.
Müasir Türk dilində "palindrom" termininin mənasını birbaşa açıqlayan "Tərsi-düzü bir" deyimi işlədilir.
Palindrom yaradıcılığında dilin ifadə və formal imkanlarının üzə çıxarılması əsas məqsəd daşıdığından bu söz yığınının hər şeyə baxmayaraq bir də müəyyən məna daşıması əlavə üstünlük sayılır.
İlk palindrom hələ Miladdan əvvəl IV əsrdə qədim latın dilində tərtib olunub : "Sator Arepo tenet opera rotas"("Əkinçi Arepo yorulmadan çalışır.") Bizans imperiyasının paytaxtı Sofiyadakı bir kilsənin mərmər divarlarına aşağıdakı palindrom üslublu hikmət oyulmuşdur: NİSPONANOMİMATAMİMONANOPSİN
("Təkə üzünüzü deyil, günahlarınızı da yuyun")
Palindrom sözlər :
Mum, Sus, Dad, ləl, lal, ütü, iki, səs, ada, ağa, ala, iri, yay, ana, ata, kök, bab, amma, kələk, şabaş, qabaq, mənəm, qapaq, ənənə, mühüm, kiçik, Əzizə, Küllük, qulluq, Tavat, şeş, küçük iti
https://az.m.wikipedia.org/wiki/Palindrom
Gülnar Abbasova
"Hamlet Qurbanov çox qəribə insan idi. Heç kimə bənzəmirdi. Öz dünyası vardı. O dünyasına da heç kəsi buraxmırdı. Qapalı adam idi." Sənət dostları onu belə xarakterizə edirlər. Böyük aktyorluq istedadı onun qəribə xarakteri ilə çulğaşmışdı. Bu xüsusiyyətlərin birliyində Azərbaycan teatrı, televiziyası və kinosu üçün əvəzolunmaz rollar yaranmışdı...
Oktyabrın 13-ü mərhum aktyor Hamlet Qurbanovun doğum günüdür. Sənət yoldaşları "Kaspi" qəzetinə onun haqqında həm böyük məhəbbət, həm də erkən itkisindən doğan dərin kədər hissi ilə danışıblar:
Milli Dram Teatrın qocaman aktyoru, Xalq artisti Rafiq Əzimov xatırlayır: "Hamlet məndən bir il əvvəl teatra gəlmişdi. Hələ Teatr İnstitutunda oxuduğu illərdə onun diplom tamaşasına baxıb çox bəyənmişdim. Nazim Hikmətin "Şöhrət və unudulan adam" əsərində oynadığı doktor obrazı demək olar ki, gənclik illərində oynayan aktyorların içərisində ən yüksək səviyyədə yaradılan bir obraz idi. Teatrda işlədiyi dövrdə də çox istedadlı aktyor kimi tanınırdı. Təbiətində bir az qeyri-adilik olsa da istər teatrda, istərsə də kinoda yaratdığı bütün obrazlar bir-birindən fərqli və maraqlı idi. Rejissorlarla münasibətdə çox vaxt obrazı təqdim etmək üçün öz istədiyinə nail olurdu. Onun obrazlara öz baxışı vardı. İndi də Hamletin oynadığı rollara baxanda tamaşaçılar hər bir rolunda aktyor oyununun qüdrətini görürlər". R.Əzimov sənət dostunun oynadığı obrazlarla unudulmaz xarakterlər yaratdığını deyir: "Elə təkcə "Topal Teymur" televiziya tamaşasını xatırlamaq kifayətdir. İstər Əmir Teymuru oynayan Hamlet Xanızadə, istərsə də İldırım Bəyazidi oynayan Hamlet Qurbanovun sonda üz-üzə gələrkən dialoqları böyük sənəti nümayiş etdirirdi. Hamlet də atası Ağadadaş Qurbanov, anası Gülzar Həsənova kimi sənət aləminin incisi idi".
Xalq artisti, tanınmış rejissor Ramiz Həsənoğlu "Hamletlə işləmək o qədər asan deyildi. Onun öz dünyası vardı, qapalı adam idi", - deyə xatırlayır: "Hamletin düşündüyü ilə sənin təklifin bəzən üst-üstə düşmürdü, ancaq işləməyə yol tapırdın. Mən Hamleti dörd televiziya filmində - "Topal Teymur", "Günahsız Abdulla", "Yollar görüşəndə" və "Evləri köndələn yar"da çəkmişəm. Yadımdadır ki, "Topal Teymur"a bir çox aktyorları, həmçinin Fuad Poladovu dəvət etmişdim. İstəyirdim Fuad tamaşada Orxan rolunu oynasın. Sonra nədənsə alınmadı, o rolu Rafael Dadaşov oynadı. Tamaşa efirə çıxandan sonra Fuad mənə zəng edib dedi: "Açığı deyim ki, sən o rolu mənə təklif edəndə ürəyimdən İldırım Bəyazid obrazı keçirdi. Amma nə yaxşı ki, sən o rolu Hamlet Qurbanova vermisən". Siz aktyorun böyüklüyünə baxın. Ürəyindən keçəni deməyib, üstəlik aktyor yoldaşının uğuruna da sevinib. Fuad hər aktyoru bəyənməzdi. Əgər o Hamletin rolunu bəyənmişdisə, indi görün, o necə oynayıb ki, oyunu Fuadı da valeh etmişdi". Rejissor deyir ki, H.Qurbanov istədiyi rolları oynaya bilib: "Hamletin özünəməxsus danışıq tərzi vardı. Hərdən sözlərin tələffüzünü özünəməxsus şəkildə deyirdi. Roluna o qədər daxil olurdu ki, hətta özünü unudurdu. Heyf ki belə bir sənət adamını tez itirdik. Mən heç vaxt onu unutmuram!".
"Hamletin özünəməxsusluğu, qəribəliyi, heç kəsə bənzəməyən oyun tərzi vardı", - deyə Xalq artisti Rasim Balayev xatırlayır: "Hamlet hətta ömrünün axırlarında "Əliqulu evlənir"də Əliqulu obrazın da oynadı. Baxmayaraq ki, Ağasadıq Gəraybəyli o rola möhür vurmuşdu, Hamlet də özünəməxsus oynadı. Onun rolu da tamaşaçı tərəfindən sevildi və qəbul olundu".
Xalq artisti Səidə Quliyeva mərhum aktyorla bir neçə tamaşada tərəf-müqabil olduğunu xatırlayır: "Mən 1978-ci ildə teatra işləməyə gələndə rejissor Əşrəf Quliyev Şekspirin "Heç nədən hay-küy" tamaşasını hazırlayırdı. Mənə baş rollardan biri verilmişdi. Hamlet Qurbanov tamaşada mənim atamı oynayırdı. Əlbəttə, gənc aktrisanın belə bir teatrda, bu cür böyük sənətkarlarla addımlaması böyük qürur idi. Hamlet çox istedadlı aktyor idi. Elə bil onun qanından istedad axırdı. Onun hər sözü, hər baxışı gənc aktrisa üçün bir məktəb idi.
Daha sonra "Yollar görüşəndə" televiziya tamaşasında həm Hamlet Qurbanovla, həm də anası Gülxar Həsənova ilə birlikdə çəkildim. Nə yaxşı ki, Ramiz Həsənoğlu o tamaşada Gülxar xanıma rol verdi. Gülxar xanım Opera Teatrının bir çox tamaşalarında unudulmaz rollar yaratmışdı, amma televiziya tamaşasında oynadığı bir obrazla yaddaşlara həkk olundu". S.Quliyeva Hamlet Qurbanovun qeyri-adi xarakterindən danışır: "Hamlet çoxdanışan adam deyildi. Əvvəllər elə bilirdim o biganə insandır. Amma bir dəfə İrəvan Teatrında qastrolda olanda onun nə qədər unikal bir insan olduğunun şahidi oldum. Hərdən yemək masasında oturub söhbət edirdik. Mən onda başa düşdüm ki, ondan öyrənməli çox şey var. Çox qürurlanıram ki, Azərbaycan səhnəsində belə bir möhtəşəm aktyor olub. O, Tofiq Kazımovun ən çox sevdiyi aktyorlardan idi". S.Quliyeva sənət dostunun səhhətinə biganə yanaşmasını da xatırlayır: "Hamlet çox məhsuldar aktyor idi, amma səhhətinə o qədər də fikir vermirdi. O, hətta xəstə olanda da məşqlərə, tamaşalara gəlirdi. Məndən yaşda böyük idi, ona nəsə deməyə çəkinirdim. Amma "Ay Hamlet, belə vəziyyətdə niyə gəlirsən?" deyəndə "Evdə otura bilmirəm, xəstəliyimi də teatrın səhnəsində unuduram", - deyə cavab verirdi. Təəssüf ki, Hamletin şəxsi həyatındakı problemləri onun əhvalına və yaradıcılığına da sirayət edirdi. Hamleti dərin fikirlərə aparan həyatı vardı. Atası faciəli şəkildə vəfat etmişdi. Özü onkoloji xəstə idi. Ona yardım olmadı. Bütün bunlar ona pis təsir edirdi. Hamlet ağır şəraitdə dünyasını dəyişdi. Hamlet Qurbanov bu gün yada düşmür. Bizdə talesiz aktyorlar olub. Onlardan biri də Hamlet Qurbanov idi. Amma onun oynadığı rollar, yaratdığı xarakterlər yaddaşlarda əbədi qaldı".
İsmayıl Şıxlı: "Cahandar ağanın nəslindənəm. Gecə yazırdım, bir xanım gəldi ki, mən Cahandar ağanın bacısıyam. Ziddiyyətli ailədə böyümüşəm, atamla anam qan düşməni olublar".
Video: AzTV.
2024-cü il Nobel Sülh Mükafatı Yaponiyanın “Nihon Hidankyo” hərəkatına verildi.
Hərəkat uzun illərdir ki, Xirosima və Naqasakiyə atılan atom bombalarının qurbanlarının hekayələrindən nümunələr götürərək, nüvə silahı təhlükəsini dünyaya çatdırır.
“Nihon Hidankyo bütün dünyada insanları ruhlandırır və məlumatlandırırlar. Və onlar bəşəriyyətin gələcək təhlükəsizlik şəraitində yaşaması üçün zəmin yaradır”, – Nobel Komitəsinin sədri Yorgen Vatne Frydnes deyib.
https://t.me/ibrahim_nebioglu
İki dəfə Nobel mükafatı laureatı Laynus Polinq (ing. Linus Pauling, 1901-1994) alman əsilli görkəmli amerikalı kimyacı və kristalloqrafıdır. Birinci Nobel mükafatına Kimya üzrə (1954), ikinciyə isə Sülh üzrə (1962) layiq görülmüşdür.
Polinq dövrün ən hərtərəfli alimlərindəndi, onun elmi maraqları müxtəlif sahələrə yayılmışdı – kvant mexanikası, mineralogiya, struktur kimyası, anesteziya, immunologiya, tibb, təkamül. Fenomenal yaddaşa malik olan Polinq molekulyar biologiyanın yaradıcılarından biri sayılır.
1940-cı illərin sonunda Sovet İttifaqında Laynus Polinqin “Rezonans nəzəriyyəsi”nə qarşı hücumlar başlamışdı. Bonifatiy Kedrov adlı bir “yarıfilosof” və “yarıkimyaçı” dünya şöhrətli Polinqin kimyada fiziki metodlarını tətbiq etməsini topa tutaraq, bunu “burjua metodları” adlandırdı.
Bonifatiy kimi səviyyəsizlər yetişdirən sistem dünənə qədər linç etdiyi, “psevdo alim” adlandırdığı Laynus Polinqi utanmadan, qızarmadan, ar etmədən 1958-ci ildə SSRİ Elmlər Akademiyasına üzv seçdi, 1970-də onu "Xalqlar arasında sülhün möhkəmləndirməsinə görə" Beynəlxalq Lenin Mükafatına layiq gördü, 1977-də isə SSRİ Elmlər Akademiyasının Lomonosov adına qızıl medalı ilə təltif etdi.
Polinq ömrünün ikinci yarısını vaxtını və enerjisini nüvə əsrində müharibə ehtimalını aradan qaldırmağa həsr etdi. O, 1963-də atmosferdə nüvə sınaqlarını qadağan edən beynəlxalq müqavilənin təmin edilməsində mühüm rol oynadı. Laynus Polinq bu əməklərinə görə 1962-ci ildə Nobel Sülh mükafatına layiq görüldü.
Nobel tarixində bu prestijli mükafatı 2 dəfə alan cəmi 5 alim var ki, onlardan biri də Laynus Polinq idi:
Mariya Küri - fizika üzrə (1903), kimya üzrı (1911)
Fred Senger - iki dəfə kimya üzrə (1958 və 1980)
Laynus Polinq – kimya üzrə (1954), sülh üzrə (1962)
Con Bardin - iki dəfə fizik üzrə (1956 və 1972)
Karl Barri Şarpless - iki dəfə kimya üzrə (2001 və 2022).
https://t.me/ibrahim_nebioglu
TEREF
Bir müddət öncə tanınmış sənətçilər Mədəniyyət Nazirliyində tədbirlərin təşkili şöbəsinin müdiri Mənzər Nurəliyeva ilə bağlı şikayətlərini dilə gətiriblər.
Belə ki, sıralarında müğənni Nura Surinin, xanəndələr Pərviz Qasımov, Almaxanım Əhmədli, şair Vüqar Əhməd, kamança ifaçısı Şəhriyar Musayev kimi simaların olduğu məşhurlar şikayətçi olub.
Sənətçilərin sözlərinə görə, M. Nurəliyeva onlara qarşı haqsızlıqlar edib, onları təşkil olunan tədbirlərə dəvət etməyib. Hətta bəzi ittihamlarda rüşvətxorluq iddiası da yer alıb.
İfaçılar OLAY-a müraciət edərək şikayətlərinin nəzarətə götürüldüyünü bildirib.
Müğənni Nura Suri bildirib ki, şikayətçilərdən izahat alınıb:
“Mədəniyyət Nazirliyindən statuslarımızdan sonra bizi dəvət etdilər, fikirlərimizi, izahatımızı aldılar. Bilirsiniz ki, bir çox tanınmış musiqiçi, xanəndə şikayət etmişdi. Araşdırma apardıqlarını bildirdilər. Sadəcə hazırda nə yerdə olduğunu bilmirəm, yəqin ki, araşdırma davam edir”.
Müğənni Almaxanım Əhmədli isə araşdırmanın davam etdiyini söyləyib:
“Araşdırma gedir. Ümidimiz nazirliyədir. Bütün şikayət ərizələri toplanıb. Onlarla şikayətçi var. Ümidvarıq ki, haqq yolunu tapacaq, bu məsələ tezliklə düzələcək. Nazirlik də daxil olmaqla lazımlı yerlərə ərizələrimizi göndərmişik. Kimlər ki açıqlama verib, hamısının ərizəsi var. Bu qədər haqsızlıq qarşısında Mənzər xanım haqda bir tədbir görülməlidir, araşdırılma aparılmalıdır”.
Xanəndə Pərviz Qasımov isə cavab gözlədiklərini deyib:
“Hələ ki, məlumat yoxdur, cavab gözləyirik, görək nə olacaq? Açıqlama verənlərdən bəziləri qorxularından şikayət etmədi, bəziləri boş buraxdı. Sadəcə iki-üç nəfər ürəkli oldu. Hər kəs fikirləşir, ümid edir ki, nə vaxtsa tədbirə çağıracaqlar. Mən onun işdən azad olunmasının tərəfdarı deyiləm, çörəyini qazanır. Sadəcə mənə etdiyi haqsızlıqların cavabını almaq istəyirəm. Hansı səbəbə görə və niyə? Bu qədər müsabiqə qalibi olmuşam ki, evdə oturub diplomlarıma baxım? İnşallah haqq-ədalət öz yerini tapar”.
Görkəmli Azərbaycan şairi Arif Ərdəbili 1369-cu ildə yazdığı "Fəryadnamə" poemasında bir qaladan bəhs edir:
"Bakıda dənizdə bir qala var ki, yeni şəhər qalasını orada su basıb".
Arif Ərdəbilinin haqqında danışdığı bu qala, 13-cü əsrə aid tarixi memarlıq nümunəsi olan Bayıl qalasıdır. Xəzər dənizində suyun səviyyəsi geri çəkildikcə qalanın qalıntıları üzə çıxmağa başlayıb.
Qala ilə bağlı bir sıra fərziyyələr mövcuddur. Hazırda sözügedən ərazidə araşdırma aparan tarixçi İdris Əliyevin sözlərinə görə, arxeoloji cəhətdən qalanın öyrənilməsinə 30-cu illərin sonlarından başlanılıb:
"Çünki Xəzər dənizinin suyu o vaxtlar çəkilmişdi. İki mərhələdə qazıntı işləri aparılıb. Qazıntılar 1940, 1945 və 1946-cı illərdə, müharibə ilə bağlı olub. Üçüncü mərhələdə isə 60-cı illərdə qaladan 700-ə yaxın yazılı daş aşkar edilib. Bu daşlarda insan, heyvan və müxtəlif iqlimlərin təsvirləri yer alıb. Həmin daşlar hazırda Şirvanşahlar Muzeyində saxlanılır".
Sözügedən abidə müxtəlif mənbələrdə "Sualtı şəhər", "Bayıl daşları", "Səbayıl qalası", "Karvansara", "Xanəgah", "Gömrükxana" kimi qeyd olunsa da, elmi ədəbiyyatda daha çox "Bayıl qəsri" adı ilə tanınır.
Arxeoloq İdris Əliyevin sözlərinə görə, tədqiqatlar nəticəsində bəlli olub ki, əsrlərdir qalanın məhv olma səbəbi ilə bağlı irəli sürülən fikirlər tamamilə yanlışdır.
Qeyd edək ki, qalanın bərpası üçün yaxın gələcəkdə Arxeologiya və Antropologiya İnstitutunda yeni yaradılan Xəzər Arxeologiyası Şöbəsi tədqiqatlara başlayacaq.
Ətraflı Baku TV-nin süjetində:
Valyuta.Az "Kitabçı" layihəsinə start verir. Bu layihə çərçivəsində populyar biznes və motivasiya kitablarından bəhs edəcək, kiçik xülasələrini dərc edəcəyik.
Napoleon Hillin "Düşün və varlan" (ingiliscə: "Think and Grow Rich") kitabı şəxsi inkişaf və motivasiya sahəsində dünya miqyasında ən tanınmış əsərlərdən biridir. 1937-ci ildə yazılan bu kitab, zənginliyin və uğurun sirlərini açaraq, oxucuları məqsədlərinə çatmaq üçün praktiki tövsiyələrlə təmin edir. Hillin əsəri, illərlə apardığı tədqiqatlar və bir çox uğurlu insanın həyat hekayələrindən yığdığı məlumatlara əsaslanır.
Kitabın təxmini tirajı dünyada 100 milyondan çoxdur. İllər ərzində milyonlarla nüsxə satılaraq şəxsi inkişaf və uğur mövzusunda ən çox oxunan və təsirli əsərlərdən birinə çevrilib. Kitabın populyarlığı və təsiri onu müxtəlif dillərə tərcümə olunaraq dünya miqyasında oxuculara çatdırılmasına səbəb olub.
Kitabın Məğzi və Məzmunu
"Düşün və varlan" kitabı, Hillin həyat və uğur anlayışını əks etdirən 13 əsas prinsip üzərində qurulub. Bu prinsiplər şəxsi uğurun əldə edilməsində çox önəmli amilləri vurğulayır. Hill kitabında inancların, məqsədlərin və düşüncənin gücünü oxuculara çatdırır və zənginliyə çatmaq üçün yalnız fiziki əməklə deyil, eyni zamanda zehni hazırlıq və düşüncə ilə də uğur qazanmağın mümkün olduğunu izah edir.
Kitabın Əsas Prinsipləri
Kitabın əsas prinsipləri arasında aşağıdakılar yer alır:
1. Arzu: Hill, zəngin olmağın və uğur qazanmağın əsas şərtinin güclü və sarsılmaz bir arzunun olduğunu vurğulayır. Arzu, insanın düşüncə və hərəkətlərinin mərkəzində durmalıdır və bu arzunu real məqsədə çevirmək üçün konkret bir plan qurulmalıdır.
2. İnam: İnamsız məqsədlərə çatmaq mümkün deyil. Hill, özünə inamın və məqsədə inanmağın vacibliyini izah edir. Pozitiv düşüncə və özünəinam, insanı maneələri aşmağa və uğura çatmağa yönəldir.
3. Özünə təlqin: Hill, təkrarlanan düşüncə və özünə təlqin etmənin gücünü vurğulayır. Düşüncə prosesində özünü daim uğur qazanacağına inandırmaq, real nəticələr əldə etməyə kömək edir.
4. İxtisaslaşmış Bilik: Sadəcə bilik deyil, ixtisaslaşmış və tətbiq oluna bilən bilik insanı uğura aparır. Hill bu prinsipi əsas götürərək, insanların öz sahələrində dərin biliklər əldə etməsini və bu bilikləri praktik istifadə etməsini tövsiyə edir.
5. Planlaşdırma: Uğur təsadüfən gəlmir; ona çatmaq üçün effektiv və realistik bir plan qurmaq vacibdir. Hill, məqsədə çatmaq üçün konkret addımlarla hərəkət etməyin əhəmiyyətini vurğulayır.
6. Qərarlılıq və Əzmkarlıq: Hill, uğur qazanmaq üçün insanların qərarlılıq və əzmkarlıq göstərməli olduqlarını, hər hansı çətinlik və maneələrə baxmayaraq irəliləməyin vacibliyini izah edir.
Kitabın Fəlsəfəsi və Təsiri
"Düşün və varlan" kitabı, yalnız zənginlik əldə etmək üçün deyil, həyatın bütün sahələrində uğur qazanmaq üçün bir yol xəritəsidir. Hillin yazıları, oxucuları öz düşüncələrini və inanclarını dəyişdirməyə, həyatın çətinlikləri qarşısında durmağa və məqsədlərinə sadiq qalmağa ilhamlandırır. Kitab, uğura aparan yolların hamısının öz düşüncə və inanclarımızdan keçdiyini izah edir.
Kitabın Əhəmiyyəti
Kitab bu gün də aktualdır və bir çox uğurlu iş adamı və motivator tərəfindən öyrənilir və tövsiyə edilir. "Düşün və varlan" oxuculara zəngin olmağın yalnız pul və maddi gəlirlərlə əlaqəli olmadığını, əksinə, şəxsi inkişaf, inam və özünə hörmət kimi mənəvi dəyərlərlə sıx əlaqədə olduğunu göstərir.
Nəticə
Napoleon Hillin "Düşün və varlan" əsəri, hər kəsin uğur qazanmaq və zəngin olmaq üçün öyrənə biləcəyi dərslərlə doludur. Kitab, uğura gedən yolun əsasını insanın düşüncəsi və inancları ilə formalaşdırır və bu yolda oxuculara güclü, məqsədyönlü və qərarlı olmağın əhəmiyyətini aşılayır.
Kitab Azərbaycan dilinə də tərcümə olunaraq, bir neçə dəfə nəşr olunub. Kitab mağazalarından rahat əldə etmək olar.
1970-ci illərdə məşhurlaşan və dünya estrada musiqisi tarixində ən uğurlu ansambllardan sayılan ABBA qrupunun xoşladığım The Day Before You Came - "Sən gəlməzdən öncəki gün" mahnısına çəkilən yeni klipini gözəl və çox uğurlu sayıram.
Sən gəlməzdən öncəki gün,
Ondan əvvəlki günlər də
Həmişəki həyatımı yaşayırdım,
Məktub, sənəd, xəbərlər, kofe,
Sən gəlməzdən öncəki gün...
Klip meqapolisdə yaşayan, sosial şəbəkə vasitəsiylə bir-birini görən, bəyənən, üzdən tanıyan, amma real həyatda qonşu binalarda işləməklərina baxmayaraq küçədə, avtobusda rastlaşanda da baxmayan, tanımayan iki gəncin Love Story-sini bizə yüksək bədii səviyyədə göstərir. Həmçinin şəbəkələrin həyatımıza necə böyük yer tutduğunu və rolunu da...
İşləyirdim, evə gedirdim, yenə işə
Gündəlik qayğılar, tv-seriallar,
Yatırdım, durudum, səhər yeməyim,
Əmindim ki, yaxşı yaşayıram,
Xoşbəxt olmadığımı duymurdum,
Sən gəlməzdən öncəki gün...
Yazı yazanda dinləməyi xoşladığım mahnılardandır. Əlimdə bir neçə yazı var, işləyirəm, amma sizinlə bu klipi və çoxdan məlum bir fikri yenidən bölüşmək istədim - məhəbbət olub, var, həmişə də olacaq və onun şəksiz varlığı bəşəri dəyərlərin və ülvi hisslərin maddiyat, pul və zordan üstün olduğunu bir daha sübut edir. Siz də baxıb zövq alın.
Чингиз Султансой
TEREF