 |
|
|
Azərbaycan Milli Elmlər Akademiyasının (AMEA) Tarix və Etnologiya İnstitutunda son günlər baş verən hadisələrlə bağlı sözügedən təhsil ocağının direktoru Kərim Şükürova müraciət ünvanlanıb. Bir nüsxəsi də "DİA-AZ"ay daxil olan müraciətdə deyilir:
"Hörmətli cənab direktor,
Biz, Gül Ramilə Gülbaba qızının övladları olaraq, anamızın AMEA Tarix və Etnologiya İnstitutunda əmək fəaliyyəti dövründə məruz qaldığı psixoloji təzyiq, təhqir və qısnama hallarına dair Sizə müraciət edirik. Konkret olaraq, Nəşriyyat şöbəsinin müdiri Elçin Cabbarov və həmin şöbənin digər əməkdaşı Adilə Ağabəyovanın davamlı və məqsədli şəkildə nümayiş etdirdikləri kobud davranışlar nəticəsində anamızın sağlamlığında ciddi problemlər yaranmış, o, ağır cərrahi əməliyyat keçirmiş və hazırda yataq şəraitində müalicə alır.
Anamız uzun illər institutda səmərəli elmi fəaliyyət göstərmiş, kollektiv arasında hörmət və nüfuz qazanmış bir əməkdaşdır. Lakin son dövrdə yeni kadr təyinatından sonra, xüsusilə Elçin Cabbarovun rəhbərliyi altında onun sistemli şəkildə psixoloji təzyiqə, əsassız iradlara, kobud rəftara məruz qalması iş mühitində son dərəcə xoşagəlməz atmosfer yaradıb. Uzunmüddətli psixoloji gərginlik, mobbing və qısnama nəticəsində anamızın səhhəti ciddi şəkildə zərər görmüşdür. Mövcud vəziyyətin yaranmasında Elçin Cabbarovun davamlı və məqsədyönlü təzyiqi əsas rol oynayıb.
Sizdən xahiş və tələb edirik ki, yaranmış vəziyyətin ciddiliyini nəzərə alaraq, məsələni hərtərəfli araşdırasınız, müvafiq tədbirlər görəsiniz və bu kimi halların qarşısını almaq üçün zəruri addımlar atasınız. Anamız kollektivdə, ailəsində və ictimaiyyət arasında hörmətlə sevilir. Biz, övladları olaraq, onun iş yerində bu cür təzyiq, təhqir və mobbing hallarına məruz qalmasına biganə yanaşa bilmərik.
Ümid edirik ki, müraciətimiz diqqətlə qiymətləndiriləcək və lazımi tədbirlər görüləcəkdir.
Hörmətlə,
Gül Ramilə Gülbaba qızının övladları adından..."
Məsələ diqqətimizdədir...
Özlərini gözə soxmaq istəyən bir qrup aş pazlar və kurslar və s bizim Adımızdan və Loqolarımızdan istifadə edir və insanları aldadırlar.
Bu videoda gördüyünüz aşpaz da geyimində Azərbaycan Milli Kulinariya Assosiyasının
(AMKA) və Milli Üzvü olduğumuz Beynəlxalq Qurumların loqolarını gəzdirir.
Diqqətinizə çatdırırlq ki, bu adam AMKA-nın üzvü deyil və bu loqoları qanunsuz gəzdirir və Sizləri bununla aldadır.
Belə kəslərə inanmayın . Bunu Milli Kulinariya Assosiyasının rəhbəri Tahir Əmiraslanov sosial hesabında yazıb.
Qeyd edək ki, Milli Kulinariya Assosiyasının üzv olmayan “Chef Rauf” kimi tanınan Riva Hill Resort Lankaran da fəaliyyət göstərən aşpaz Rauf Agasiyevdir. Məlumat almaq üçün Rauf Agasiyevlə əlaqə yaratmaq istəsəkdə Riva Hill Resort Lankaran inzibatçısı bildirib ki, Rauf Ağasıyev bu gündən artıq bizdə işləmir heç bir açıqlama verə bilmərik.
xalq.az
"Yelo Bank"ın Bərdə filialının mütəxəssisi Müşfiq Əkbər və onun tanışı Cavanşir Əsədovun məhkəmə prosesi başlayıb.
Teleqraf.com xəbər verir ki, Gəncə Ağır Cinayətlər Məhkəməsində hakim Mikayıl Məmmədzadənin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Daha sonra iclasda cinayət işinin məhkəmə baxışına verilməsi müzakirə edilib. Tərəflər cinayət işinin məhkəmə baxışına verilməsini, işin məhkəmə baxışında araşdırılmasına etraz etməyiblər. Hakimlər işin məhkəmə baxışına verilməsi barədə qərar qəbul ediliblər.
Cinayət işi üzrə məhkəmə baxışı dekabrın 17-nə təyin olunub.
Qeyd edək ki, "Yelo Bank"ın əməkdaşı Baş Prokuror yanında Korrupsiyaya qarşı Mübarizə Baş İdarəsi tərəfindən həbs edilib. Bankın Bərdə filialının mütəxəssisi Əkbər Müşfiq Şükür oğlu 3,5 milyon manat vəsaiti mənimsəmədə ittiham olunur.
O, vəzifə saxtakarlığı edərək 20-dən çox tanışının adına saxta kredit rəsmiləşdirilməasində ittiham olunur.
Ə.Müşfiqin bu işdə bankın əməkdaşı olmayan tanışı Cavanşir Əsədov ilə əlbir olduğu qeyd edilib.
Onların hər ikisinin barəsində Cinayət Məcəlləsinin 179.4-cü (mənimsəmə-xüsusilə külli miqdarda ziyan vurmaqla törədildikdə) maddəsi ilə ittiham elan edilib və barələrində həbs-qətimkan tədbiri seçilib.
İstintaq müddətində təqsirləndirilən şəxslər vurduqları ziyanın 2,9 milyon manatını geri ödəyiblər.
Faktinfo.az xəbər verir ki, 32gun.az saytının Ağstafa Mənzil Kommunal Təsərrüfatı Birliyinin (MKTİB) əməkdaşlarının tikintidə(şəxsi obyekt tikintisində) işlədilmələrinə dair yaydığı video Ağstafada,o cümlədən sosial şəbəkələrdə əks-səda doğurub.
Saytın sosial şəbəkədə yayılmış məlumata istinadən yaydığı xəbərdə bildirilir ki, MKTİB-nin işçiləri Ağstafa şəhərində mağaza və obyektlərin tikintisinə məcburi cəlb edilirlər.Əks təqdirdə tikintidə işləmək istəməyən MKTİB əməkdaşları işdən çıxarılma ilə hədələnirlər.
"Bu haqda sosial şəbəkədə yayımlanan görüntüdə də məcburi əməyə cəlb edilmə ilə bağlı fikirlər öz əksini tapıb,"-xəbərdə bildirilir.
Faktinfo.az saytı məlum yayılmış xəbərə dair bildirir ki, Ağstafa Mənzil Kommunal Təsərrüfatı Birliyinin işçilərinin məcburi əməyə cəlb olunaraq şəxsi obyekt tikintisində işlədilməsi suallar doğurur:
- "Obyektlərin" maya dəyərinin ucuz başa gəlməsi məqsədilə Ağstafa Mənzil Kommunal Təsərrüfatı Birliyinin işçilərinin məcburi şəkildə işlədildikləri obyektlər kim(lər)ə məxsusdur?
-Ağstafa RİH-də vəzifə sahibləri olan şəxslərin Mənzil Kommunal Təsərrüfatı Birliyinin işçilərinin məcburi əməyə cəlb olunmasından xəbərləri varmı?
-Ağstafa RİH-də vəzifəli şəxslərin bu obyektlərə aidiyyatı yoxdur ki?
Hər halda bu suallar gələcəkdə digər xoşagəlməz hallara yol açılmaması səbəbindən aidiyyatı qrumlar tərəfindən araşdırma predimeti olmalı,Ağstafa Mənzil Kommunal Təsərrüfatı Birliyinin işçilərinin şəxsi obyektlərdə kimlərin göstərişinə əsasən işlədilməsi bilinməlidir!
Faktinfo.az
Şirvan şəhər İcra Hakimiyyəti cari ilin dekabr ayının 6-da "Şirvan şəhərində abadlıq işləri" lotu üzrə sifarişçi olduğu satınalmaya yekun vurub.
Qlobal.az xəbər verir ki, satınalmanın məbləği 195.272 manat olub.
İcra Hakimiyyəti satınalmada "AS-TƏMİR TİKİNTİ" (VÖEN: 2100971171) Məhdud Məsuliyyətli Cəmiyyətini qalib elan edib.
"AS-TƏMİR TİKİNTİ" MMC 2017-ci ildə təsis edilib.
Şirkətin hüquqi ünvanı Şirvan şəhərindədir.
Şirkətin qanuni təmsilçisi Mustafayev Anar Ağasəf oğludur.
Şirvan şəhər İcra Hakimiyyəti keçirdiyi bu satınalmada qanun pozuntusuna yol verib.
Belə ki, İcra Hakimiyyətinin qalib etdiyi "AS-TƏMİR TİKİNTİ" MMC-nin hazırda dövlətə 351.252 manat vergi borcu var.
"Dövlət satınalmaları haqqında” Qanunun 23-cü maddəsində göstərilir ki, vergilər və digər icbari ödənişlər üzrə vaxtı keçmiş öhdəlikləri olan şirkətlərin tender müsabiqəsində iştirakına yol verilmir.
Xatırladaq ki, Şirvan şəhər İcra Hakimiyyətinin başçısı İlqar Abbasovdur.
İ.Abbasov 2019-cu ildən bu vəzifədə çalışır.
Cahandar Laçınlı
Qlobal.az
“Bravo” marketdə vaxtı keçmiş məhsul satılır.
XALQ.AZ əbər verir ki, bununla bağlı sosial şəbəkədə görüntülər yayılıb. Zefir mallda yerləşən Bravoda vitrində müştəri tərəfindən vaxtı keçmiş məhsul aşkarlanıb.
Görüntülərdə məlum olur ki, vaxtı keçmiş məhsulun son istifadə tarixi 16.11.2024-ci ildir.
Qeyd edək ki, dəfələrlə mətbuatda və sosial şəbəkələrdə bu kimi şikayətlər olunur.
“Khazar Fish” MMC-yə inzibati protokol yazılıb.
XALQ.AZ-ın xəbərinə görə, Azərbaycan Mərkəzi Bankı protokolu İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsinə əsasən tərtib edib.
İş Səbail Rayon Məhkəməsinin hakimi Ülviyyə Şükürovanın icraatındadır. Baxış iclası dekabrın 25-də keçiriləcək.
Xəstəxanada ilk növbə yerləri satılır.
İqtisadiyyat.az xəbər verir ki, belə bir iddia sosial şəbəkədə müzakirə mövzusu olub.
İddia edilib ki, səhər tezdən xəstəxanaya gəlib növbə üçün qəbz götürənlər "qara bazar" qurub, onu sonradan gələn xəstələrə satırlar.
Oxu.Az-a açıqlamasında iddiaçı bildirib ki, söhbət Xırdalandakı dövlət xəstəxanalarından birindən gedir.
"Nə həkimi vaxtında gəlir, nə işçiləri yerindədir. Qeydiyyat şöbəsində 12 nəfərlik yerdə dörd nəfər işləyir. Bu da növbələrin hədsiz uzanmasına və xaosa səbəb olur".
Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) bildirilib ki, araşdırma aparılır, nəticəsi ilə bağlı məlumat veriləcək.
Xəbər verdiyimiz kimi ötən gün ulduz futbolçu Lionel Messi və onun komanda yoldaşları Luis Suares, Xordi Alba və Serxi Buskets bir günlük Azərbaycana səfər edib.
Yenixeber.org: Qonaqları iş adamı Adnan Əhmədzadə Bakıya gətirib. Paytaxtın gəzməli və görməli yerlərində qonaq edib, məşhur restoranlarında ziyafət verib.
Ən əsası isə Bakı Kristal Zalında səkkiz dəfə “Qızıl top” mükafatçısı fanatları izdihamlı görüşü təşkil olunub. Biletlər isə 50 manata satılıb.
Araşdırmalarımız nəticəsində iddia olunur ki, iş adamı Adnan Əhmədzadə ulduz futbolçulara Bakıya gəlmək üçün 1.2 milyon dollar vəsait xərcləyib. Belə ki, futbolçulara 1 milyon dollar səfər üçün vəsait verilib. Məlumatda Messiyə 300 min dollar, digərlərinə isə 150 min vəsait ödənilməsi və xüsusi ayrılmış özəl təyyarə ilə Bakıya səfər etmələri bildirilir. Həmçinin paytaxtın prestijli otelində yerləşərək, bahalı restoranlarında qidalannmaları, özəl mühafizə və xüsusi ilə ayrılmış lüks avtomobillərlə gəzmələri qeyd olunur. Məlumatda həmçinin qonaqlara bahalı hədiyyələr verilidiyi bildirilir.
Lakin çox təəssüf ki, ulduz futbolçu Bakıya səfəri barədə özünün sosial hesablarında heç bir paylaşım etmədi. Messiyə kifayət qədər isti münasibət göstərilməsinə baxmayaraq, onun ölkəmizə qarşı laqeyid münasibəti insanlar arasında birmənalı qarşılanmayıb və müzakirələrə səbəb olub. Təəssüflər olsun ki, Messinin bu biganəliyi, faktiki olaraq Bakıya gəlməyibmiş kimi davranışı onun ölkəmizdəki fanatlarının da üzüntüsünə səbəb olub.
Argentinalı ulduzla yanaşı, onun komanda yoldaşları Luis Suarez, Jordi Alba və Serxio Buskets də ölkəmizlə bağlı özlərinin sosial şəbəkə hesablarında heç bir paylaşım etmədilər.
Sosial şəbəkə istifadəçiləri və ictimayyət nümayəndələri Adnan Əhmədzadənin növbəti uğursuz projesi kimi qeyd olunduğunu bildrirlər. Bakı sakinlərində başqa ulduz futbolçuların Azərbaycana gəlmələrindən heç kəs xəbərdar olmadı. Belə ki, heç bir beynəlxalq media, idman portalları və xarici sosial hesablarda məlumatlar yayımlanmadı.(xalq.az)
Müasir Azərbaycan təhsilinin inkişafı birbaşa Ümummilli lider Heydər Əliyevin adı ilə bağlıdır. Azərbaycan Kommunist Partiyasının birinci katibi olan dövrdə Azərbaycanda təhsilin inkişafı istiqamətində onun gördüyü işlər barədə çox eşitmiş, arxiv materiallarından çox oxumuşuq. Onun Azərbaycan gənclərinin təkcə Azərbaycanda deyil, həm də keçmiş SSRİ-nin ayrı-ayrı şəhərlərində ali təhsil almaları üçün gördüyü işləri, yaratdığı şəraiti bu gün o dövrün insanları minnətdarlıq hissi ilə xatırlayırlar.
Heydər Əliyev Azərbaycan Kommunist Partiyasının birinci katibi olarkən- yəni 1972-ci ildə “Gənclərin ümumi orta təhsilə keçidini başa çatdırmaq və ümumtəhsil məktəbini daha da inkişaf etdirmək haqqında”, 1973-cü ildə isə “Kənd ümumtəhsil məktəblərinin iş şəraitini daha da yaxşılaşdırmaq haqqında” qərarlar qəbul edildi.Təbii ki, bu qərarlar birbaşa onun təşəbbüsü və ideyası əsasında qəbul olunmuşdu.
Bu qərarların icrası nəticəsində ümumtəhsil məktəblərinin sayı 765-dən 2117-yə, 1982-ci ildə isə 3750-yə çatdırıldı. Ümumtəhsil məktəblərində 1980-ci ildə 710 min şagird təhsil alırdı ki, bu da 1969-cu illə müqayisədə iki dəfə çox idi. Həmin illərdə beş yeni ali təhsil müəssisəsi yaradıldı və ali təhsil alanların sayı 70000 nəfərdən 100000 nəfərə çatdırıldı.
1991-ci il oktyabr ayının 18-də müstəqilliyimizi rəsmən bəyn etsək də, Ermənistanın ölkəmizə qarşı ərazi iddiası irəli sürməsi və bunun nəticəsində yaranmış Qarabağ münaqişəsi respublikamızın inkişafına böyük əngəllər yaratdı. Yaranmış əngəllərin ən qlobalı siyasi hərcmərclik idi. Bunun nəticəsində torpaqlarımız işğal olundu, bir milyon vətəndaşımız doğma yurdundan məcburən didərgin düşdü. Daxili çəkişmələr vətəndaş müharibəsi təhlükəsi yaratmışdı. Bu təhlükəni açıqca hiss edən xalqımız nəhayət üzünü Naxçıvan Ali Məclisinin sədri Heydər Əliyevə tutdu və onu təkidlə Azərbaycan Respublikasının rəhbərliyinə dəvət etdi.
Ulu öndərin ikinci dəfə siyasi hakimiyyətə qayıdışı ilə müstəqil, azad, suveren Azərbaycanın yeni təhsil siyasətinin əsası qoyuldu.
“Məktəb, maarif, təhsil işi ilə həmişə sıx bağlı olmuşam...” deyən Heydər Əliyevi biz təhsilimizin memarı hesab edirik...
Ümummilli lider Heydər Əliyev 1993-cü il iyun hadisələrindən sonra parçalanmaq təhlükəsi ilə üz-üzə qalmış müstəqil Azərbaycan dövlətinə rəhbər seçiləndən sonra hüquqi, dünyəvi dövlət quruculuğu sahəsində böyük siyasi və dövləti idarəetmə təcrübəsinə əsaslanaraq bütün sahələr üzrə Azərbaycanın inkişafını təmin edən islahatlar həyata keçirdi.Təhsil sahəsi də onun apardığı islahatların tərkib hissəsi idi.
1993-cü ildən başlayaraq yaratmış olduğu təhsil konsepsiyası əsasında milli dəyərlər nəzərə alınmaqla Azərbaycanın qiymətli, vətənpərvər vətəndaşlarının yetişdirilməsi istiqamətində qərarlar qəbul etdi, islahatların hüquqi bazasını yaratdı.
Müstəqilliyimizin ilkin illərində ümumtəhsil məktəblərində dərslik problemi yaranmışdı. Bunu görən Ümummilli lider bütün məktəblərin dünya standartlarına cavab verən dərsliklərlə təmin edilməsi barədə qərar qəbul etdi. İlk illərdə I-IV siniflərin, daha sonra isə yuxarı sinif şagirdlərinin dərsliklərinin dövlət vəsaiti hesabına çap olunması və şagirdlərə pulsuz paylanması təmin olundu. Daha sonra qısa müddətdə ümumtəhsil məktəblərinin şagirdləri üçün 152 adda yeni dərslik, 50-dək adda dərs vəsaiti hazırlandı və ümumtəhsil məktəblərində istifadə edilən 182 adda dərsliyin 83 faizi yeniləndi.
1996-cı ildə “Avropa regionu dövlətlərində tədris kurslarının, ali təhsil haqqında diplomların və elmi dərəcələrin tanınması barədə 1979-cu il 21 dekabr tarixli Konvensiyaya qoşulmaq haqqında”, həmçinin 1997-ci ildə “Avropa regionunda ali təhsil sahəsində ixtisasların tanınması haqqında Konvensiyanın təsdiq edilməsi barədə” qanunlar qəbul edildi. Təbii ki, bu qanunlar Ümummilli lider Heydər Əliyevin təşəbbüsü ilə qəbul olunmuşdu.
1998-ci il mart ayının 30-da Ümummilli liderin Sərəncamı ilə Təhsil sahəsində İslahatlar üzrə Dövlət Komissiyası yaradıldı. Komissiyanın qarşısında duran başlıca missiya təhsil sistemimizi XXI əsrin qlobal çağırışlarına, iqtisadi inkişafın dayanıqlığına və davamlı olmasına, həmçinin Avropa əmək bazarının tələblərinə və ona çıxışa təminat yaratmaq idi.
Ümummilli lider 1999-cu il iyunun 15-də Təhsil Sahəsində İslahat Proqramını xüsusi sərəncamla təsdiq etdi. Üç etapdan ibarət olan bu islahat proqramı müddətinə, əhatə dairəsinə və miqyasına görə ən böyük Dövlət Proqramı idi.
Prezident Heydər Əliyev 13 iyun 2000-ci il tarixində “Azərbaycan Respublikasında təhsil sisteminin təkmilləşdirilməsi haqqında” Fərman imzaladı. Bu fərmanın imzalanmasında məqsəd Azərbaycan vətəndaşlarının təhsil hüququnu tam təmin etmək, milli təhsil konsepsiyasının müddəalarını gerçəkləşdirmək, təhsil sistemində aparılan islahatları sürətləndirmək, idarəetmə mexanizmini təkmilləşdirmək, pedaqoji kadrların müasir tələblər səviyyəsində hazırlanmasını təmin etmək, təhsildə maddi-texniki və kadr potensialından istifadənin səmərəliliyini artırmaq idi.
Ümummilli lider Heydər Əliyev ikinci dəfə hakimiyyətə qayıdışından sonra təhsil müəssisələrinin pozulmuş fəaliyyəti normal vəziyyətə gətirildi. Ümumtəhsil məktəblərinin sayı və şagird kontingenti əsaslı surətdə artdı. Əgər 1993-1994-cü tədris ilində respublikanın 4364 ümumtəhsil məktəbində 1 milyon 549 min şagird təhsil almışdısa, 2002-2003-cü tədris ilində 4561 ümumtəhsil məktəbində 1 milyon 600 min nəfərdən çox yeniyetmə təhsilini davam etdirirdi.
Məcburi köçkünlərin müvəqqəti məskunlaşdığı rayon və şəhərlərdə 700-dən çox ümumtəhsil məktəbi təşkil edildi. İstedadlı uşaqların qabiliyyətini inkişaf etdirmək məqsədilə 30-a yaxın lisey və gimnaziya təşkil edilərək buraya 12 minə yaxın şagird cəlb olundu.
“Azərbaycan Respublikasının təhsil sisteminin təkmilləşdirilməsi haqqında” 2000-ci il 13 iyun, “Dövlət dilinin tətbiqi işinin təkmilləşdirilməsi haqqında”, 2001-ci il 9 avqust, “Azərbaycan Respublikasında dövlət dili haqqında” Qanunun tətbiqi edilməsi barədə” 2003-cü il 2 yanvar standartları səviyyəsinə qaldırılmasında böyük rol oynayıb.
Ulu öndər Heydər Əliyev tərəfindən əsası qoyulmuş təhsil siyasəti bu gün Azərbaycan Respublikasının Prezidenti İlham Əliyev tərəfindən uğurla davam etdirilir. Son on səkkiz ildə Prezident İlham Əliyevin diqqət və qayğısı sayəsində ölkəmizdə təhsil müəssisələrinin maddi-texniki bazasının möhkəmləndirilməsi, respublikanın hər yerində məktəb tikintisinin geniş vüsət alması bu günümüzün reallığıdır.
Təkcə onu vurğulamaq kifayətdir ki, bu dövrdə Prezident İlham Əliyevin təşəbbüsü ilə məktəb tikintisinə dair bir neçə ayrıca Dövlət Proqramı qəbul edilmişdir...
İradə Sərdarova,
Azərbaycan Dillər Universitetinin dosenti,
YAP-ın üzvü