“Yaxın vaxtlarda ali təhsil müəssisələrinin akkreditasiyasına başlanılacaq”.

“Report” xəbər verir ki, bunu elm və təhsil naziri Emin Əmrullayev AzTV-nin “45 dəqiqə” adlı təhsil proqramında deyib.

Nazir xatırladıb ki, oktyabrda ali təhsil müəssisəsinin akkreditasiyası üzrə qiymətləndirmə meyarları təsdiqlənib.

“Əsasən bu, məzmun və tədrislə bağlı meyarlardır, istər tələbələrlə iş, istərsə də həmin təhsil müəssisəsinin elmi-tədqiqat fəaliyyəti buraya aiddir. Bununla bağlı müstəqil ekspertlər tərəfindən qiymətləndirmələr həyata keçirilir. Həmçinin, ali təhsil müəssisələrinin akkreditasiya hesabatı hər bir Azərbaycan vətəndaşı üçün əlçatan olacaq”, – E.Əmrullayev qeyd edib.

Göyçay rayon sakini, ictimai fəal Məhəmmədəli Səmədov və sakinlər tərəfindən Azərbayxan Respublikasının Baş Prokuorluğuna və Daxili İşlər Nazirliyinə

"Cənab Nazir və cənab Baş Prokuror!
Məlumunuz olsun ki, Göyçay Dövlət İdarəetmə və Texnologiya Kollecinin qarşısında demək olar hər gün avtoqəzalar baş verir. Göyçay Polis Şöbəsinin Yol Polisi Bölməsini tərəfindən qeyri-ciddi nəzarət olunan bu, ərazidə avtoxuliqanlıq edən gənclər hər an insanların həyatı üçün yaradırlar. Övladlarını GDİTK-ya, 106 peşə liseyinə və yaxınlıqda yerləşən 9 saylı orta məktəbə təhsil almaq məqsədilə göndərən valideynlər daim səksəkidə, qorxu və təlaş içərisindədirlər. ilin ilk tədris günündən, yəni15 sentyabr tarixindən bu günə qədər çoxlu saylı avtoqəzalar baş verib, avtoşluq edən sürücülər də daxil olmaqla, bir neçə insanın sağlamlığına ciddi zərər dəymişdir. Bildiyiniz kimi, Azərbaycan Respublikasının Konstitusiyasının 39-cu maddəsində: "Hər kəsin sağlam ətraf mühitdə yaşamaq hüququ vardır".

Dəfələrlə əraziyə müşahidə kamerası, radar, tramplin qoyulması ilə bağlı Göyçay Rayon İcra Hakimiyyətinə və Göyçay Rayon Polis Şöbəsinə müraciət etsək də, heç bir nəticə əldə edə bilməmişik. Nəinki yuxarıda qeyd etdiyimiz təhlükəsizlik vasitələrinin quraşdırılması, heç DYP-nin əməkdaşlarının belə bu yerdə az-az göründüyünün şahidi oluruq. Halbuki bura rayonun ən ciddi nəzarət altında saxlanılmasına zəruri ehtiyacı olan ərazidir. Uca səslə oxudulan musiqilərin səsindən adamın qulağı deşilir, avtomobilləri o qədər yüksək sürətdə sürürlər ki, bu da idarəetməni itirməyə və insan ölümünə gətirib çıxarır. Avtomobillə ətrafdakı ticarət obyektlərinə, yaşayış evlərinə, qaz borularına, rabitə və elektrik dirəklərinə çırpılırlar. Piyada keçidinə məhəl qoyulmadığına görə, azyaşlı məktəblilərin yolun bir tərəfindən digər tərəfinə keçməsinə taksi sürücüləri və obyekt sahibləri yardım edirlər.

Kimə deyəsən, hara gedəsən, necə edəsən? - bilmirik!

Bu qədər də məsuliyyətsizlik olmaz! Öz övladlarının burnu qanayan zaman dəridən-qabıqdan çıxan, onların üstündə tir-tir əsən həmin vəzifəli şəxslər sakinlərin özlərinin və övladlarının sağlamlığına və təhlükəsizliyinə görə məsuliyyət daşıyırlar.

Bu, Azərbaycan Respublikasının Konstitusiyasının 41-ci maddəsilə də (İnsanların həyatı və sağlamlığı üçün təhlükə törədən faktları və halları gizlədən vəzifəli şəxslər qanun əsasında məsuliyyətə cəlb edilirlər) təsdiqlənməkdədir.

Sizdən çox xahiş edirik, adı çəkilən ərazidə təcili olaraq təhlükəsizlik tədbirləri və DYP-nin postu təşkil edilsin".
Teref.az

Qubanın Qənidərə kənd sakinləri antisanitar vəziyyətə görə kəndin təmiz havasından məhrum olublar.

Kəndin göz oxşayan mənzərəsini hər addımda yığılan zibil qalaqları korlayır. Kənd xəstəlik mənbəyinə çevrilib.

Qənidərə kəndi rayon mərkəzindən 40 km aralıda yerləşir. Zibil tökülən ərazinin sahəsi get-gedə genişlənir. 100-dən çox sakinin yaşadığı kənddə uzun zamandır eyni mənzərədir.


Sakinlər yaranmış anormal vəziyyətə görə dəfələrlə bələdiyyə sədrinə müraciət etsələr də, dəyişən heçnə yoxdur.

Məlumata görə, kəndin bələdiyyə sədri qonşu kənddə yaşayır. Buna baxmayaraq kəndin problemləri ilə maraqlanmır.

Kənd sakinləri deyir: Bu kənd biyabırçı gündədir. Bələdiyyə baxmırsa, bu işə kim baxacaq? Müraciət edirik, deyirlər fəhlə yoxdur. Haradadır bunun fəhlələri?

Bələdiyyə sədri Arif Ömərov məsələ ilə bağlı belediyye.netin sorğusunu cavabladı. Sədr tezliklə zibilliyin təmizlənəcəyinə söz verdi. //belediyye.net//

Azərbaycanda ən çox nöqsanlara və ictimai narazılığa bank sektorunda rast gəlinir desək, yəqin ki, yanılmarıq. Doğrudur, əhalinin böyük əksəriyyəti bankların müştərisi olduğundan, bu sahədəki narazılıqların sayının hədsiz çoxalması da anlaşılandır. Digər tərəfdən bank sektorunun bərbad vəziyyətdə olması faiz nisbəti ilə bu sahədən gələn şikayətlərin artmasını labüd edir. Haqqında ən çox şikayət səsləndirilən, bununla belə müştəri məmnuniyyətini nəzərə almayan banklardan biri də Kapital Bankdır. İnsanlar daha çox karta müdaxilələrin olması, təhlükəsizliyin yaxşı təmin edilməməsi, müştəri məmnuniyyətinin nəzərə alınmaması, operatorların ünvanlanan sualları vaxtında və lazımı səviyyədə cavablandırmaması və sair bu kimi problemlərdən şikayət edirlər.

TEREF.AZ bildirir ki, KONKRET.az-ın redaksiyasına Kapital Bankın yarıtmaz fəaliyyəti barədə bu cür şikayətlər vaxtaşırı daxil olur.

Bu dəfə isə adıçəkilən Bankın fəaliyyətindən tanınmış teleaparıcı Turan İbrahimov öz sosial şəbəkə hesabında fikir paylaşmaqla şikayət edib. Teleaparıcı bildirib ki, uzun müddətdir müştərisi olduğu Kapital Bank və onun Birbank tətbiqi onun maliyyəsini qoruya bilmir, edilən müraciətləri və səsləndirilən haqlı iradları isə cavablandırmır. Əksinə süründürməçiliyə yol verməklə müştəri məmnuniyyətini heçə sayır. Bütün bu səbəbləri əsas gətirən teleaparıcı Kapital Bankla əməkdaşlıqdan və onun Birbank tətbiqindən imtina etdiyini açıqlayıb.

Maraqlı və diqqət çəkən məqam ondan ibarətdir ki, Turan İbrahimovun paylaşımına rəy yazan insanların demək olar ki, hamısı teleaparıcı ilə həmfikir olduqlarını bildiriblər və Kapital Bankın fəaliyyətindən narazılıqlarını dilə gətiriblər. Bəziləri sözügedən bankın öz müştərisinin kartından boş yerə pul çıxdığını, lakin 3d kodu göndərmədiyini, digərləri köçürmələr zamanı çox faiz tutduğunu və operatorların gec cavab verdiyini vurğulayıblar.

Bir sözlə yazılan rəylərdən insanların böyük əksəriyyətinin Kapital Bankın qurduğu sistemdən və tətbiqlərindən narazı olduğu açıq-aşkar görünür. Müştəri məmnuniyyətinin heçə sayılması isə adıçəkilən Bankın ən böyük nöqsanı kimi təqdim edilir.

Mövzu ilə bağlı KONKRET.az-a açıqlama verən bank məsələləri üzrə ekspert Əkrəm Həsənov bildirib ki, Azərbaycanda 25 bank fəaliyyət göstərir və müştərilərin seçim imkanı var:

“Hansısa bank müştərinin tələbatını lazımı səviyyədə ödəyə bilmirsə və narazılıq yaradırsa, bu zaman digər bankın fəaliyyətindən yararlanmaq mümkündür. Çünki bu sektorda seçim azaddır. Burada hər bir müştərinin fərdi yanaşması mümkündür. Bir bankın fəaliyyətindən hər kəs razı qala bilməz. Hər bir halda müştərinin haqqı və müqavilə şərti pozularsa, bu zaman mütləq məhkəməyə müraciət edə bilər”.

Görəsən Azərbaycan xalqının yazıçısı olan və “Xalq Yazıçısı” adını daşıyan Çingiz Abdullayev Azərbaycan dilində normal danışa bilmədiyinə görə heç utanıb ölmürmü?! Axı o dilini bilmədiyi xalqın yazıçısıdır…
TEREF.AZ yazır ki, bunu Gələcək Azərbaycan Partiyasının sədri Ağasif Şakiroğlu deyir. Daha sonra Ağasif Şakiroğlu fikrini davam etdirərək deyir ki, maraqlıdır, görəsən Azərbaycan Yazıçılar Birliyinin qərərgahının yarısını əvvəllər "26”-"Twenty six” gecə clubuna, daha sonra isə "13 CLUB" adlı gecə klubuna yüksək məbləğdə pul qarşılığında icarəyə vermiş və şəxsən icarə müqaviləsi bağlamış Çingiz Abdullayev yazıçı adına heç utanıb ölmürmü?!
Adama sual edərlər: Sən yazıçısan ya gecə klubu işlədən?
Hesab edirəm ki, ayıb nə olan şeydi ilk öncə özünüz dərk edin, bəlkə də kəşf edin ilk əvvəl özünüzdə - sonra bu hissi başqalarında axtarın hörmətli Çingiz Abdullayev!
Sözün hər mənasında Sizə və Sizə maraq qarşısında “vəkillik” edənlərə AYIB OLSUN!
Teref.az

Prezident İlham Əliyevin dünən imzaladığı Fərmana əsasən, bir neçə qanunvericilik aktından "Naxçıvan Muxtar Respublikasının Dövlət Təhlükəsizliyi Xidmətinin rəisi, onun müavini” kəlmələri çıxarılıb.

Bəs bu, nəyə işarə ola bilər?

Ovqat.com-un fikrincə, bu sualın ağlabatan yalnız bir cavabı var: Naxçıvan Muxtar Respublikasının Dövlət Təhlükəsizliyi Xidməti bir struktur kimi ləğv olunacaq, onun yerinə Azərbaycan DTX-nın Naxçıvan MR Baş İdarəsi yaranacaq.

Bir sözlə, Naxçıvan DTX-sı bundan sonra "xan" həzrətlərinin nəzarətindən çıxıb paytaxtın nəzarətinə keçəcək.

Növbəti sual: nəzərdə tutulan bu struktur dəyişikliyinin əhəmiyyəti nədir?

Zənnimizcə, sözügedən struktur islahatının əhəmiyyəti odur ki, bundan sonra Naxçıvan "xanı"nın özü də Bakının gözündən uzaq qalmayacaq, hər istədiyini edə bilməyəcək. Naxçıvan DTX-sı əmri "xan"dan yox, Bakıdan alacaq, hesabatı da eyni qaydada paytaxta verəcək.

Yaxın günlərdə bənzər struktur islahatlarının Naxçıvan əlahiddə ordusunda, MR DİN-də, Prokurorluğunda və s. dövlət qurumlarında aparılacağı da istisna edilmir.

Bir sözlə, Vasif Talıbov həzrətlərinin "Mən Naxçıvanın "xanı"yam, mən nə desəm, o olur" erası bitmək üzrədir.

Prezidentin dünən imzaladığı Fərmanlar

1-ci Fərman

Azərbaycan Respublikası Prezidentinin “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikası Qanununun icrasının təmin edilməsi barədə” 2007-ci il 22 may tarixli 578 nömrəli, “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nın təsdiq edilməsi barədə” 2017-ci il 23 fevral tarixli 1256 nömrəli və “Rayon (şəhər) məhkəmələrinin baxdığı inzibati xətalar haqqında işlər üzrə protokol tərtib etmək səlahiyyəti olan vəzifəli şəxslərin Siyahısı”nın təsdiq edilməsi barədə” 2017-ci il 3 may tarixli 1361 nömrəli fərmanlarında dəyişiklik edilməsi haqqında

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikası Qanununun icrasının təmin edilməsi barədə” Azərbaycan Respublikası Prezidentinin 2007-ci il 22 may tarixli 578 nömrəli Fərmanının (Azərbaycan Respublikasının Qanunvericilik Toplusu, 2007, № 5, maddə 460; 2017, № 3, maddə 353) 1.4-cü və 1.5-ci bəndlərindən “(Naxçıvan Muxtar Respublikasının ərazisində Naxçıvan Muxtar Respublikasının Dövlət Təhlükəsizliyi Xidməti)” sözləri çıxarılsın.

2. Azərbaycan Respublikası Prezidentinin 2017-ci il 23 fevral tarixli 1256 nömrəli Fərmanı (Azərbaycan Respublikasının Qanunvericilik Toplusu, 2017, № 2, maddə 200, № 6, maddə 1105, № 9, maddə 1638, № 11, maddə 1984; 2018, № 2, maddə 199, № 3, maddələr 415, 419, 429, № 5, maddələr 915, 927, № 7 (I kitab), maddə 1481, № 8, maddə 1698, № 11, maddələr 2242, 2289, № 12 (I kitab), maddələr 2566, 2597; 2019, № 1, maddə 82, № 2, maddə 213, № 3, maddə 426, № 4, maddələr 620, 630, 649, № 5, maddələr 819, 862; 2020, № 3, maddələr 238, 240, № 4, maddə 404, № 7, maddələr 864, 885, № 8, maddə 1041, № 9, maddə 1153; 2021, № 6 (I kitab), maddə 566, № 7, maddələr 724, 728, № 12, maddələr 1407, 1423; 2022, № 4, maddələr 313, 323, Azərbaycan Respublikası Prezidentinin 2022-ci il 29 avqust tarixli 1836 nömrəli Fərmanı) ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nın 10.0-cı bəndindən “, Naxçıvan Muxtar Respublikasının Dövlət Təhlükəsizliyi Xidmətinin rəisi və onun müavini” sözləri çıxarılsın.


3. Azərbaycan Respublikası Prezidentinin 2017-ci il 3 may tarixli 1361 nömrəli Fərmanı (Azərbaycan Respublikasının Qanunvericilik Toplusu, 2017, № 5, maddə 765, № 9, maddə 1650, № 10, maddə 1789, № 12 (I kitab), maddələr 2314, 2321; 2018, № 1, maddə 54, № 2, maddələr 200, 219, № 3, maddələr 416, 430, 448, № 5, maddələr 916, 919, № 6, maddə 1243, № 9, maddələr 1828, 1840, № 11, maddələr 2274, 2289, № 12 (I kitab), maddələr 2540, 2587, 2601; 2019, № 1, maddə 82, № 2, maddə 216, № 3, maddə 431, № 4, maddə 620, № 5, maddələr 819, 824, 835, 866, № 7, maddə 1221, № 8, maddə 1388, № 10, maddələr 1581, 1587, № 11, maddələr 1700, 1710; 2020, № 3, maddə 252, № 5, maddələr 538, 564, № 6, maddələr 710, 714, № 7, maddələr 865, 880, № 8, maddə 1032, № 11, maddə 1345, № 12 (I kitab), maddə 1484; 2021, № 1, maddə 33, № 6 (I kitab), maddə 566, № 8, maddə 921, № 12, maddələr 1407, 1423; 2022, № 4, maddələr 305, 306, 323, 329, № 7, maddə 728) ilə təsdiq edilmiş “Rayon (şəhər) məhkəmələrinin baxdığı inzibati xətalar haqqında işlər üzrə protokol tərtib etmək səlahiyyəti olan vəzifəli şəxslərin Siyahısı”nın 28-ci hissəsindən və 55-2.5-ci bəndindən “, Naxçıvan Muxtar Respublikasının Dövlət Təhlükəsizliyi Xidmətinin rəisi, onun müavini” sözləri çıxarılsın.

4. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.

İlham Əliyev
Azərbaycan Respublikasının Prezidenti
Bakı şəhəri, 27 oktyabr 2022-ci il

İkinci Fərman

Azərbaycan Respublikası Prezidentinin 2016-cı il 13 yanvar tarixli 724 nömrəli Fərmanı ilə təsdiq edilmiş “Azərbaycan Respublikasının Dövlət Təhlükəsizliyi Xidməti haqqında Əsasnamə”də, “Azərbaycan Respublikası Dövlət Təhlükəsizliyi Xidmətinin strukturu”nda və “Azərbaycan Respublikasının Dövlət Təhlükəsizliyi Xidmətində ali hərbi rütbəli vəzifələrin siyahısı”nda dəyişiklik edilməsi barədə

Azərbaycan Respublikası Prezidentinin Fərmanı

27.10.2022 [14:09]

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Respublikası Prezidentinin 2016-cı il 13 yanvar tarixli 724 nömrəli Fərmanı (Azərbaycan Respublikasının Qanunvericilik Toplusu, 2016, № 1, maddə 46; 2018, № 7 (I kitab), maddə 1492; 2019, № 3, maddə 414, № 7, maddə 1247, № 10, maddələr 1580, 1592; 2020, № 2, maddə 109, № 5, maddə 556, № 6, maddə 700; 2021, № 3, maddə 229; 2022, № 1, maddə 24, № 3, maddə 223) ilə təsdiq edilmiş “Azərbaycan Respublikasının Dövlət Təhlükəsizliyi Xidməti haqqında Əsasnamə”də, “Azərbaycan Respublikası Dövlət Təhlükəsizliyi Xidmətinin strukturu”nda və “Azərbaycan Respublikasının Dövlət Təhlükəsizliyi Xidmətində ali hərbi rütbəli vəzifələrin siyahısı”nda dəyişikliklər təsdiq edilsin.



2. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.

İlham Əliyev
Bakı şəhəri, 27 oktyabr 2022-ci il