Kompleks Qazma İşləri Trestində acınacaqlı mənzərə hökm sürüb. DİA.AZ bildirir ki, bu barədə tanınmış insan hüquqları müdafiəçisi, “Neftçilərin Hüquqlarının Müdafiə Təşkilatı” (NHMT) İctimai Birliyinin sədri Mirvari Qəhrəmanlı növbəti paylaşımında qeyd edib.

M.Qəhrəmanlı narazı neftçilərə istinadən yazır: "Kompleks Qazma İşleri Trestində vəziyyət pisdir. İşçiləri 1 ay quruya, 2 ay dənizə göndərirlər. Elə vaxt olur ki, hava şəraiti əlverişsiz olur, külək olur... getmək olmur... Günlərini yığa bilmirlər. Elə olan vaxtı idarəyə cağırırlar... - Sahil qəsəbəsindəki qaraja - "tanpanaj"a cağırırlar.

Hər gün ora get-gəl... Quru növbəsi çatanda da işçləri ora çağırırlar... Gedib-gəlmək bir ayrı zülümdür. Nə düzgün dənzdə gün yığmaq olmur, nə də quruda...

Hər kəsin borcu-xerci... bank krediti var... Vəziyyət çox pisdir. Əksər hallarda gecə pullarımız da kəsilir. Yazmırlar... İndi də 12 saatlıq iş rejiminde işləyrik. Onu kəsib ediblər 10 saat. 2 saatımızı kəsirlər və nəticədə əməkhaqında azalma olub.

Bu ay 16 is günümüzdən 2 gününü kəsiblər. 250-300 manat əməkhaqqımızı kəsiblər. Xahiş edirəm, köməllik edəsiniz..."

İddia olunanlarla bağlı dia.az olaraq qarşı tərəfi də dinləməyə hazırıq...

Naxçıvan Muxtar Respublikası Ali Məclisinin qarşısı qələbəlikldir. Muxtar respublikanın hər yerindən vətəndaşlar öz şikayətlərini çatdırmağa tələsirlər.

Toplum tv-nin əməkdaşı təkcə Naxçıvan şəhərində yox, muxtar respublikanın fərqli bölgələrinə də baş çəkib. Culfanın Bənəniyar kənd sakinləri Ali Məclisin keçmiş sədri Vasif Talıbovun dövründə ögey münasibətlə qarşılaşdıqlarını deyirlər, onun dövründə kəndə hərbi texnikanın vasitəsilə girən polisin bənəyarlılara divan tutduğunu, işgəncələrdən az sonra bir nəfərin həyatını itirdiyini bildirirlər. Hüquq-mühafizə orqanlarının yeni rəhbərliyi 13 il öncə əvvəl baş verənləri araşdırmağa başlayıb.

Vasif Talıbovun istefasından sonra yerli mediada onun ailəsinin qazandığı milyonlar haqda danışılmağa başlandı. Bənənyar sakinlərisə deyirlər ki, bu naxçıvanlılar üçün yenilik deyil.

Muxtar respublikada başlıca problemlərdən biri işsizlikdir. Bu üzdən çoxları ya Türkiyəyə üz tutur, ya ölkə paytaxı Bakıya. Ona görə də kəndlər boşalır. Belə kəndlərdən biri də Şərurun Ərəbyengicə kəndidir. Ərəbyengicədən olan Əli Seyidov hakimiyyətdəki dəyişikliklər haqqında nikbin düşünür. Deyir, özünün bundan sonra nələrsə arzulamaq üçün yaşı ötsə, gənclər üçün kəndin abadlığa çevrilməsini istəyir.

Muxtar Respublikada keçmişdən çox danışılsa da, sakinlər daha çox gələcəyi, bundan sonranı düşünürlər. Bundan sonra naxçıvanlılar rahat nəfəs ala, iş qura, tərk etdikləri evlərinə qayıda, ailələrinə çörək qazana biləcəklərmi? Siyasi fəaliyyətlərinə görə təqib olunmayaqlar ki, ayrı-seçkiliklə üzləşməyəcəklər ki? Yeni rəhbərliyin təyinatından bir aydan çox keçir. Naxçıvanlılar hələlik xüsusi fərq hiss etmədiklərini deyirlər.

Toplum TV

İlk öncə onu qeyd edək ki, 2 nəfərin işlədiyi dönərxanada, 4 nəfərin işlədiyi gözəllik salonunda, dəlləkxanada, yaxud 10 nəfərin işlədiyi restoranda və s ciddi etiraz ola bilməz. Böyük etirazlar böyük işçi qüvvəsinin olduğu məkanda baş verir. Bir az da açıq yazsam, Yusif Qədimbəyli kimilər əslində öz əlləri ilə öz qəbirlərini qazıblar.
Bəli, yaxın zamanda Yusif Qədimbəylinin aqibətini görəcəksiniz. Qısa məlumat üçün qeyd edim ki, söhbət Cənubi Qafqazın ən böyük ticarət mərkəzi olan Sədərək Ticarət Mərkəzinin sahibi Yusif Qədimbəylidən gedir. Bir az da izahat verək ki, bura adi ticarət mərkəzi deyil, hər gün Rusiyadan, Türkiyədən, İrandan, qonşu Dağıstandan, Gürcüstandan və s bura yüzlərlə, minlərlə tacir, sahibkar, biznesmen gəlir. Bura hətta uzaq Çindən yüzlərlə məhsul dolu tırlar gəlir. Adi hesablama ilə bilmək olar ki, Sədərək ticarət mərkəzinin ticarət dövriyyəsi nəinki 100 milyonlar, hətta milyardlarla ölçülür. Bəli, milyardlar sizə təəccüblü gəlməsin. Əgər Vasif Talıbovun oğlunun təkcə İsveç bankında 1 MİLYARDI tapılıbsa, Sədərək ticarət mərkəzi üçün 1 milyard adi rəqəmdir. Sədərək Ticarət Mərkəzində yüzlərlə, minlərlə xırda dükanlar var. İndi burada işləyən insanların sayını, alıcıların sayını təsəvvür edin. Biz yazının girişində dəlləkxana, dönərxana söhbətini əbəs yerə eləmədik. Bəli, burada milyardlarla vəsait dövr edir.
Təsəvvür edin ki, Qafqazın bu boyda Ticarət Mərkəzində vergi, rüsum söhbəti neçə illərdir ki, yoxdur. Deməli, 100 milyionlar, milyardlar vergidən yayındırılıb. Yusif Qədimbəyli deyirmiş ki, buranın vergi naziri də, gömrük naziri də, baş prokuroru da özüməm. Təsəvvür edirsiniz, bu neçə ildə milyadrların dövr elədiyi Ticarət Mərkəzində bircə nəfərə də 1 manatlıq çek verilməyib. Burada yüzlərlə, minlərlə fiziki, hüquqi şəxs çalışır. Və hamısı deyir kİ, özümüz üçün VÖEN açıb vaxtlı-vaxtında vergimizi ödəmək istəyirik. Amma Yusif Qədimbəyli və onun qoçuları deyir ki, pulu bizə verin, vergini biz ödəməliyik. Axı, nəyə görə, sahibkar vergisini özü ödəməməlidir..?
İndi hesablayın ki, bu illər ərzində Yusif Qədimbəyli neçə yüz milyon, milyard vergini oğurlayıb... Biz Yusif Qədimbəylinin əməlləri barədə uzun-uzadı yazmaq istəmirik. Onunla bağlı son məlumatlara nəzər salaq. Xəbər başlıqlarına fikir verin... “Sədərək”də inqilab.... “Sədərəkdə” sahibkarlar ayağa qalxdı... və s.
“Sədərək” Ticarət mərkəzində işləyən sahibkarlar deyir ki, onların ödədikləri vergilər və icarə haqqı üçün onlara heç bir qəbz verilmir. Sahibkarlar yer haqqının tez-tez artırılmasından, karqo xidmətlərinin qanunsuz olmasından şikayət edirlər. Belə ki, bazarda çalışan hər bir sahibkar xaricdən gələn malın öz adına gətirilməsini tələb etsə də... buna nail ola bilmir. Yusif Qədimbəyli deyir ki, yüklər onun şirkətinin adına vurulmalıdır. Və yüklər sahibkarlara qanuni yolla, faktura ilə deyil, razılaşma yolu ilə verilməlidir.
İndi təsəvvür edin də, bura nə deməkdir. Bu hələ harasıdır..? Son vaxtlar Yusif Qədimbəyli göstəriş verib ki.... Hər dükan sahibindən 7-8 min pul alın və sahəsini 10 kv.m böyüdün. Dükan sahibləri deyir ki, bizə sahəni genişləndirməyə ehtiyac yoxdur, biz istəmirik... Amma Yusif Qədimbəylinin qoçuları deyir ki, pulları bura verin, biz bilərik... Naəlac qalan 1000 nəfər dükan sahibi deyir ki, yaxşı 7-8 mini hissə-hissə 500 manat ödəyək. Ay hay. Yusif Qədimbəyli deyib ki, pulu bir dəfəyə verməlisiniz. Hə, Yusif Qədimbəyli, bu dəfə səni nəinki keçmişdə Prezident Aparatında Əli Həsənovun köməkçisi işləyən oğlun Orxan, heç Ramiz Ənvəroviç də xilas edə bilməyəcək. 1000 nəfərlərin ağzını yummaq sizə asan gəlməsin. Bəli, düz oxudunuz Yusif Qədimbəylinin o qədər imkanları artıq olub ki, oğlu gedib çıxıb aparata. Bu haqda növbəti sayımızda. //gundelik-baku.com//

Amma “Azəristiliktəchizat”da problemlər qalmaqda davam edir...
İlham Mirzəliyev Yaşar Həsənovdan qalma problemləri aradan qaldırmağa çalışır, amma... Haqqında bəhs edəcəyimiz “Azəristiliktəchizat” Açıq Səhmdar Cəmiyyəti haqqında qısaca onu qeyd edək ki, qurum “Azərbaycan Respublikasında istilik təchizatı sahəsində idarəetmənin təkmilləşdirilməsi haqqında ”Azərbaycan Respublikası Prezidentinin 08 iyun 2005-ci il tarixli 847 saylı sərəncamına əsasən yaradılmış və vəzifəsi Bakı şəhərində və Respublikanın Regionlarında yaşayış evlərinin və binalarının, təhsil, səhiyyə müəssisələrinin və digər sosial təyinatlı obyektlərin istilik təchizatını təmin etməkdən ibarətdir. “Azəristiliktəchizat” ASC ölkəmizin 60-a yaxın şəhər və rayonunda 184 minə yaxın mənzil, 287 məktəb, 162 uşaq bağçası, 152 səhiyyə müəssisəsi və 2230 digər sosial və təsərrüfat obyektlərini istiliklə təmin etməlidir.
Gəlin görək təmin edə bilirmi..? Bu məqamda cənab Prezidentin dediyi cümləyə istinad edək: “Biz “Azəristiliktəchizat”-ı yaratdıq ki, Bakının və bütün ölkənin istilik problemini aradan qaldıraq.” Problem aradan qalxdımı..?
Həə, indi gələk mətləb üstünə. Belə ki, 2006-2013-cü illərdə dövlət büdcəsindən bu quruma 110 milyon manat ayrılıb. 2013-cü il üçün bu quruma 25 milyon manat vəsait yönəlib. 135 milyon vəsait hara gedib..? Hər il söz verirlər ki, ASC qışa hazırdır. Amma, dekabr, yanvar ayında sakinlər istilik üzünə həsrət qalırlar.
Təsəvvür edirsiniz, bu qurum cəmi 6 ay işləmədir, yəni noyabrın 15-dən aprelin 15-nə kimi. Amma nəinki noyabr, heç dekabrda istilik gəlmir. Məktəblərdə, uşaq bağçalarında, xəstəxanalarda istilik olmur.
Bilənlər bilir ki, Rusiyada 20-30 dərəcə şaxta olanda belə binaların mənzilləri deyil ee, “podyezd”lər istidən buğlanır. Bəs bizdə niyə şaxta-filan olmaya-olmaya insanlar evlərində donur, xəstəlik tapırlar. Hələ bu harasıdır..? Keçənil məlum oldu ki, ASC-nin 41 milyon manat borcu var. Bu məbləğin 25 milyon manatı “Azəriqaz”a olan borc idi. Ən dəhşətlisi odur ki, bu borcun böyük hissəsini dövlət ödəməli oldu.
Məlumdur ki, “Azəristiliktəchizat” ASC 2005-ci ildə yaranıb və həmin vaxtdan, 7 fevral 2022-ci ilədək Yaşar Həsənov quruma rəhbərlik edib.
Onu da qeyd edək ki, Yaşar Həsənov Bakı Şəhər İcra Hakimiyyətinin sabiq başçısı Hacıbala Abutalıbovun ən yaxın adamı olub, yəni onun kadrı idi. Bir soruşan olmadı ki, bu borcu niyə dövlət ödəməlidir..? Qoy Yaşar Həsənov oğlunun 300 min manatlıq avtomobilini, villasını satıb ödəsin də.. 17 il ərzində Yaşar Həsənov ASC-nin adından saxta tenderlər keçirərək milyonlara sahib olub. Və nəticədə ASC borc içərisində batır. Yəqin ki, çoxlarının yadında olar ki, ötən qış 25 milyon qaz borcuna görə Azəriqaz ASC-yə qaz verməkdən imtina edirdi. Sonda dövlət məcbur olub borcu ödəmli oldu. Bəli, Yaşar Həsənov bütün qanunları pozaraq vergi borcu olan şirkətləri tenderdə qalib elan edirdi. Ancaq məlumdur ki, vergi borcu olan şirkətlər tenderdə iştirak edə bilməz. Təsəvvür edirsiniz ASC-nin hər bir rayonda idarəsi fəaliyyət göstərir. ASC-nin saytına girib baxıram.
Təsəvvür edirsiniz, ASC sədrinin İSLAHATLAR üzrə MÜŞAVİRİ vəzifəsi var. Ay adamlar, nə islahat, nə müşavir, qazanxanaya, nə bilim istilik turbalarına nə islahat..? Bax, beləcə milyonları basıb yeyirlər, milyonlar qazanırlar. Və sonda rahatca canlarını qurtarıb gedirlər, oğurladıqları milyonları rahatca xərcləməyə.
Bəli, 1 il öncə, yəni 7 fevral 2022-ci il tarixdə cənab Prezidentin sərəncamı il 17 il ASC-yə sədrlik etmiş Yaşar Həsənov vəzifəsindən azad edildi. Və yerinə müvəqqəti olaraq onun müavini İlham Mirzəliyev təyin edildi.
Görəsən, ölkənin müvafiq dövlət qurumları nə üçün Yaşar Həsənovun 17 illik yarıtmaz fəaliyyətini yoxlayıb mənimsədiyi milyonları büdcəyə qaytarmadılar..? Nə üçün Yaşar Həsənov həbs olunmadı..?
İndi gələk hazırkı duruma. Yenə ASC sakinləri istiliklə normal təmin edə bilmir. Biz başa düşürük ki, ASC-nin sədri vəzifəsini müvəqqəti olaraq cənab İlham Mirzəyev 5-6 ayda köklü müsbət dəyişikliyə nail ola bilməz. Düzdür, İlham Mirzəliyev yerlərdə sakinlərlə görüşür, problemləri aradan qaldırmağa çalışır. Amma yenə İlham müəllimə müraciət edirik ki, heç olmasa, gündə 3-4 saat normal istilik verin, insanların durumunu anlayın. Gundelik Baki.com/

Azərbaycanda küçələrin açıq qumarxanalara çevrildiyi məsələsi zaman-zaman gündəmə gəlir. “Azərlotereya” ASC-nin hər küçənin tinində açdığı piştaxtaların önünü görəndə, insanlarımızın “şans” urğunda apardığı mübarizəyə baxanda həqiqətən də ürək ağrıyır.

TEREF.AZ-ın yazdığına görə, "Azərbaycan Reallığı" xəbər verir ki , şirkət aşkar formada və sadə yolla insanları bu oyunlara sürükləyir; küçələrdə, məhəllələrdə, metro çıxışlarında, bazarlarda, dayanacaqlarda, az qala hər tin başında, o cümlədən rayonlarda “Poz, qazan” oyunları təşkil edir.

Böyük rus şairinin məşhur bir sözü var. ”Alışqanlıq cənnətin yerinə keçər, xoşbəxtliyin yerini alar”.Bəs bizi cənnətdən edən nədir? Yerimizi kim tutub? Çox maraqlı cavabı var.

Gələcək aylarda artıq 1 il olar ki, cəmiyyətimiz bu alışqanlıqdan əziyyət çəkir. Söhbət bizə böyük “xoşbəxtlik” gətirəcək “Azərlotereya” ASC inin mədəni qumar lahiyələrindən gedir.

Dünyanın hər yerində mədəni qumar mövcüddür.Lakin sərvəti ilə dünyanı bürüyən Azərbaycan kimi yox.

Bakı hal hazırda insanların “uduş” mərkəzinə çevrilib. Bəs qazananlar var? Cavab şübhə altındadır. Son bir ildə “Azərlotereya”-nın verdiyi məlumata əsasən 1000 manata yaxın pul udulub. Çox gülünc vəziyyət yaranır.

24 minlik maşınını və evlərini “Azərloterya” nın mədəni qumar lahiyələrinə qurban verilər. Görünən odur ki, birmənalı olaraq “Azərloterya” bizi tam şəkildə ələ salır. İndi bir sualda ortaya çıxır, insanlarımızı buna alışdıran nədir?

Təbiiki bəzilərimiz, daha doğrusu çoxumuz artıq gündəlik həyat tərzimizi “Azərlotereya”– nın Bakı küçələrindəki mədəni qumar oyununa həsr edirik. Çox təssüf k, insanlar qeyri-reallığı real kimi qəbul edirlər.Cəmiyyət lahiyəçilərin öz hazıladığı müştərilərinə tuş gəlirlər. Daha bir gülməli, həmdə ağlamlı olayla rastlaşırıq. Allahın bəndəsi 1 ni sildi, 2 ni sildi, 3 də uddu. Bəli o çox sevindi ki, qazanmışam. Nə qədər 1 manat. Bəs özün nə qədər verdin 3 manat.

Belə bir vaxtda yenidən rus ədəbiyyatına müraciət etmək yerinə düşər.

“Oyun bitəndə şahda, piyadada eyni qutuya qoyulur“

Millətin pulu bitəndə “xoşbəxtlik” gətirən kağız parçasıda, piyadasıda qutuda toz içində yatır.

Belə ağlamlı vəziyyət içində “Azərloterya” insanları “soyundurmaq” lahiyəsini uğurla davam etdirir. Həmdə böyük muzdlu müştəriləri ilə.

Qurum niyə bu işlə məşğuldur?

Hətta bu yaxınlarda rəhbər Zafer Reisoğlunun mediyaya verdiyi müsahibəsidə ciddi marağa səbəb olub.

Reisoğlu hələ lotereyaların “uğurlarından” danışır.

Həmçinin mətbuata verdiyi müsahibəsində yeni “iş yerlərinin açılması “məsələsinə toxunub. Mədəni qumarla hansı iş yeri açıla bilər ki. Yəqin Zafer müəllim tin, dalanlarda, ayaqaltılarda qurulan piştaxtaları iş yeri adlandırır. Sonrada millətə “məsuliyyətli oyna” deyir. Reisoğlu şans oyununda “məsuliyyətdən” danışır.

Hamımıza bəlli olmalıdır ki, bu lahiyələr milləti acınacaqlı vəziyyətə gətirməkdən başqa bir şey deyil. Hələ “Azərlotereya” haçan insaflı olacaq o da, şübhə altındadır. Çünki onlar milləti ələ salmağa öyrəşiblər. Bu onların hobbisinə çevirilib. Necədə “xoşbəxt” insanlarıq ki, barmağımızı oynadaraq, kağız parçasının üstündəki “cənnətə aparan yola” keçmək üçün mübarizə aparırıq.

Yanlız bunu demək yerinə düşər ki, insanlarımız yaxşı olardı ki, mədəni qumar yox, halal çörək qazansınlar. Bizə böyük “xoşbəxtlik” aşılayan “cənnət rəmzi” “Azərloterya” nıda insaflı olmağa dəlalət etmək ən doğrusdur.

"Yaşıl enerji istiqamətində də çox önəmli addım atılıb və sabah yaşıl enerji üzrə birinci Məşvərət Şurası keçiriləcək. Bu, çox strateji, böyük sərmayə tələb edən, bir neçə ölkəni, iki dənizi birləşdirən bir layihədir. Ümid edirik ki, sabahkı birinci rəhbər komitənin toplantısı gələcək birgə fəaliyyət üçün bir yol xəritəsini də təklif edəcək".
Bu fikirləri Azərbaycan Prezidenti İlham Əliyev Rumıniya Prezidenti Klaus Yohannis ilə birgə mətbuata bəyanatında söyləyib.

Dövlətimizin başçısı deyib ki, çox önəmli strateji tərəfdaşlıq platformuna əsaslanaraq bu gün inkişafa doğru, enerji təhlükəsizliyinə doğru çox önəmli addım atmış olduq: “Eyni zamanda, digər sahələr də prioritet təşkil edə bilər, o cümlədən nəqliyyat sahəsi. Bakı və Konstansa limanları arasındakı əməkdaşlığın dərinləşdirilməsi üçün çox yaxşı imkanlar var”.

Azərbaycan Prezidenti əmin olduğunu bildirib ki, həm qaz, həm yaşıl enerji dəhlizləri, o cümlədən nəqliyyat sahəsində də gözəl nəticələrə gətirib çıxaracaq.

Keçmiş Milli Təhlükəsizlik Nazirliyinin generalı, uzun illər nazirliyin Energetika və Nəqliyyat Sahələrində Təhlükəsizlik Baş İdarəsinə rəhbərlik etmiş Akif Çovdarovun əmlaklarının qaytarılması ilə bağlı qərardan artıq Ali Məhkəməyə şikayət verilib.

Teref.az "Azadlıq radiosu"na istinadla xəbər verir ki, şikayətçi generala qaytarılan əmlaklardan birinin – "8-ci kilometr bazarı"nın keçmiş sahibi Çingiz Əsədovdur. Bu ticarət mərkəzinin səhmlərinin 50 faizi Çovdarovun qızı Aidə Qasımovaya məxsusdur.

Sabiq MTN generalının həbsindən sonra Bakı Hərbi Məhkəməsinin hökmü ilə müsadirə olunan əmlaklar arasında bu da vardı. Çünki cinayət işinin materiallarında iddia olunur ki, 2005-ci ildə bazarı sahibi, "Maral-Veqa" MMC-nin təsisçisi Cəfər Səfərov və qardaşlarının əlindən zorla alıblar. Sonradan bazarın səhmlərinin 50 faizi Çovdarovun qızının, 50 faizi isə o dövrdə milli təhlükəsizlik nazirinin müavini vəzifəsində çalışan Hilal Əsədovun həyat yoldaşı Nüşabə Əsədovanın adına keçirilib.

"Pulun 120 minini bankdan kredit götürmüşdüm"

Keçmiş MTN-çilərin cinayət işində bu bazar məsələsi ilə əlaqədar Səfərov qardaşları zərərçəkmiş qismində tanınıb. Qardaşların dediyinə görə, 2005-ci il dekabrın 16-da bazarla üzbəüzdə yerləşən "Maral-Veqa" MMC-nin ofisinə MTN əməkdaşları silahlı basqın edib. Qardaşlardan Qəhrəman Səfərovu, bazarın mühasibi Akif Əzimovu və direktoru Əyyub Novruzovu aparıblar. Az sonra Cəfər Səfərov da ora gətirilib:

"Akif Çovdarov mənə dedi ki, bazarı Fərhad Əliyevgil (keçmiş iqtisadi inkişaf naziri-red.) mənim vasitəmlə əvvəlki sahibindən zorla alıblar. Dedim ki, xeyr, mən özüm bu bazara görə əvvəlki sahibi Çingiz Əsədova 2002-ci ildə 240 min dollar pul vermişəm. Hətta bu pulun 120 minini bankdan kredit götürmüşdüm, bazar da girov qoyulmuşdu. Alqı-satqı müqaviləsinin bağlandığı notariusu da dedim...".

"Başqa yol yox idi"

Səfərovların sözlərinə görə, onlar MTN-ə aparılanda Fərhad Əliyev təxminən iki ay olardı, həbs edilmişdi. 2005-ci il oktyabrın 19-da parlament seçkiləri ərəfəsində iqtisadi inkişaf naziri Fərhad Əliyev öz xidməti kabinetində həbs edilib. O, 2007-ci ildə mənimsəmə, rüşvətalma və digər ittihamlarla 10 il müddətinə azadlıqdan məhrum edilib. 2013-cü ildə isə əfv sərəncamı ilə azadlığa çıxıb.

Qardaşların iddiasına görə, onları sərbəst buraxmaq üçün bazarı təhvil vermələri tələb olunub. Cəfər Səfərov razılaşıb: "Başqa yol yox idi. Özləri də bilirdilər ki, götürdüyüm krediti ödəməmişəm, bazar bankda girovdur. Çovdarov özü 70 min dollardan bir qədər artıq krediti ödədi, bankdan arayış alındı...".

Çovdarovgil razı deyillər

Daha sonra bazarın 50 faizi sabiq nazir müavini Hilal Əsədovun qayınatası Ənvər Məmmədovun, qalan 50 faizi isə Elşən İsmayılov adlı şəxsin adına keçir. Ardınca Məmmədov da öz payını qızı Nüşabə Əsədovaya bağışlayır, İsmayılovun aldığı hissə isə Çovdarovun qızı Aidə Qasımovanın adına keçir.

Çovdarov və Hilal Əsədov isə bazarın zorla ələ keçirilməsi ittihamı ilə razılaşmır. Onlar bu məsələ ilə əlaqədar ifadələrində də Səfərov qardaşlarını "Fərhad Əliyevin yaxın adamları" adlandırıb, o bazarın Çingiz Əsədov adlı şəxsdən zorla alındığını iddia ediblər.

"Akif Çovdarov yanıma gəlib dedi ki, Çingiz Əsədov adlı şəxs sahibi olduğu bazarın 2002-ci ildə əlindən alınması barədə MTN-ə şikayət edib. Səfərov qardaşları da bu əməllərini etiraf ediblər. Bu məsələni nazirə məruzə elədim. Sonra məlum oldu ki, qardaşlardan biri bazarı geri qaytarmağa razılıq verib, Çingiz Əsədov da şikayətini geri götürməyə razılaşıb. Sonradan bazar satıldı, qayınatam da bir hissəsini aldı...", – sabiq nazir müavininin ifadəsindəndir.

20 manata alqı-satqı

Çovdarov isə ifadəsində bildirib ki, Çingiz Əsədov bazarı Səfərov qardaşlarından 300 min dollara geri almağa və şikayətindən imtina etməyə razılaşıb. Lakin sonradan deyib ki, bu qədər pulu yoxdur və bazarı geri ala bilmir: "Ona görə də bu məsələ MTN rəhbərliyinə məruzə olundu. Rəhbərlik tərəflərin hər ikisinin (Cəfər Səfərov və Çingiz Əsədovun) halallığı alınmaqla, mən və Hilal Əsədovun pulu ödəyib bazarı satın almağımızı təklif etdi...".

Lakin Çingiz Əsədov iddia edir ki, həmin vaxt onu bazarı MTN generallarına verməyə məcbur ediblər:

"O bazarın Akif Çovdarovun qızının adına alqı-satqısı cəmi 20 manata rəsmiləşib. Həmin bazarla bağlı Bakı Şəhər İcra Hakimiyyətinin Çingiz Əsədovun adına verdiyi sərəncam bu gün də qüvvədədir. Təəssüf ki, Bakı Apellyasiya Məhkəməsində hakim Habil Məmmədov bu məqamların heç birini nəzərə almadan əmlakın Akif Çovdarovun ailəsinə qaytarılmasına qərar verdi...".

Əsədov kassasiya şikayətini Ali Məhkəməyə yanvarın 31-də təqdim edib.

Dövlət ittihamçısının etirazı

AzadlıqRadiosunun əldə etdiyi məlumata görə, dekabrın 28-də Bakı Apellyasiya Məhkəməsində Çovdarovun yaxınlarının adlarına olan əmlaklarla bağlı müsadirə qərarının ləğvi məsələsinə baxılanda dövlət ittihamçısı buna etiraz edib. Prokuror deyib ki, sözügedən əmlakların müsadirə olunması haqda qərar əsaslıdır və dəyişməməlidir. Lakin məhkəmə təxminən 30 milyon manata yaxın dəyəri olan əmlakların müsadirədən azad olunmasına qərar verib. Prokurorluğun da bu qərardan Ali Məhkəməyə kassasiya protesti verib-verməyəcəyi, hələlik, məlum deyil.

Cinayət işlərində Ali Məhkəməyə şikayət və ya protest üçün il yarımlıq müddət müəyyənləşdirilib.

Çovdarovun ailəsinə qaytarılan əmlaklar

Çovdarovun ailəsinə qaytarılanlar arasında "8-ci kilometr bazarı"ndan başqa, aşağıdakı əmlaklar da var:

- Nəsimi rayonu, Bülbül prospektində mənzil – 483 min manat;

- Novxanı qəsəbəsində iki bağ evi – 800 min və 700 min manat;

- Binəqədi rayonu, 7-ci mikrorayonda 6-mərtəbəli bina – 3 milyon 178 min manat;

- Nəsimi rayonu, Cavadxan küçəsində 7-mərtəbəli bina – 4.5 milyon manat və s.

Bakı Hərbi Məhkəməsində mühakimə olunarkən ailə üzvlərinə məxsus əmlakların üzərinə həbs qoyulmasına Çovdarov belə münasibət bildirmişdi: "Həmin əmlakların bəziləri övladlarıma, kürəkənlərimə məxsusdur. Kürəkənlərim öz əmlaklarını özləri alıblar. Mən öz yaşadığım evin torpağını 2000-ci ildə almışam. Həmin vaxt heç MTN-də işləmirdim. Novxanıda yerləşən bağımın torpağını da 2000-ci ildə almışam. Onu da Mərdəkandakı torpağımı satıb almışam. Nazirlikdə işlədiyim dövrdə xidmətimlə əlaqədar dövlət tərəfindən mənə bir ev verilib. O da icra hakimiyyətinin sərəncamı əsasında verilib...".

2015-ci ildə həbs olunan və 12 il azadlıqdan məhrum edilən Çovdarov 2020-ci ilin aprelində əfv sərəncamı ilə azadlığa buraxılıb.