Ardını oxu...
Sumqayıt bulvarında kənd təsərrüfatı məhsulları əkilir.

Baku TV bununla bağlı çəkiliş edib. Məlum olub ki, bulvarın bitdiyi hissədə əkin işləri aparılır.
Sakinlərin istirahəti üçün nəzərdə tutulan bulvar ərazisinə məişət tullantıları da atılır. Bu da ətrafda pis qoxunun yayılmasına səbəb olur.

Ətraflı süjetdə:

 
Ardını oxu...
"2022-ci ilin noyabrın 21-də Azərbaycan Meliorasiya və Su Təsərrüfatı ASC "Suryapı AZ" MMC və "Sur Yapı Endüstri Sanayi və Ticarət Anonim şirkətinin Azərbaycan Respublikasındakı nümayəndəliyi" ilə "Yengicə su anbarının tikintisi"nə dair müqavilə imzalandı".

Arqument.az xəbər verir ki, bunu iqtisadçı Toğrul Maşallı bildirib.

O qeyd edib ki, müqavilənin dəyəri 53 milyon 997 min 131,1 AZN təşkil edib: "Müqavilənin bitmə tarixi isə 2025-ci ilin 30 iyunu göstərilib".

2023-cü ilin aprelin 12-də Azərbaycan Respublikasının Prezidenti İlham Əliyev "Yengicə su anbarının tikintisi haqqında" sərəncam imzalayıb.

Sərəncama əsasən, Qəbələ rayonunda Yengicə su anbarının tikilməsi qərara alınıb.

Dövlət Su Ehtiyatları Agentliyinə Yengicə su anbarının tikintisi ilə bağlı müvafiq tədbirlər görülməsini təmin edilməsi tapşırığı verilib.

"Sual: o zaman 2022-ci ilin noyabrın 21-də imzalanmış müqavilə nə idi?", - deyə ekspert bildirib.
Ardını oxu...
Bir neçə gün öncə Azərbaycan Qida Təhlükəsizliyi Agentliyi ölkədə istehsal edilən kolbasa və sosiska məmulatlarının tərkibinin yoxlanılmasına qərar verib. Məlum olub ki, ölkədə “halal” adı ilə insanlara donuz əti yedirən, “mal əti” adı altında toyuq və yaxud tərkibində ət olmayan kolbasa və sosiskaları yedirən işbazlar var. Onlar haqqında ölçü götürüləcək bəlkə də, bəlkə də yox...
...Yenə də dəyişməyən bir reallıq var. İslam dininə iman gətirib, ömrünü halal ilə keçirmiş insanlar var ki, bu işbazların sayəsində donuz ətinin də dadına baxıb.

Düzdür, din qaydalarına görə, bilməyərəkdən yeyilən haram qidalar üçün insan məsuliyyət daşımır. Çünki gözünlə məhsulun üzərində böyük-böyük yazılmış “halal” sözünü görürsən. Kolbasa və ya sosiskanın tərkibini müəyyən edə biləcək xüsusi güc isə hələ insana bəxş edilməyib.

Bu da bir kənara... Bəs, tərkibində ət var deyə istehlakçını aldadan, sözün əsl mənasında haram yeyənlərə nə deyəsən? Haramın olsunmu? Bilmirəm, bircə onu bilirəm ki, ölkədə ən çirkli bazarlardan biri də kolbasa və sosiska məmulatları bazarıdır. Mağazalarda bəh-bəhlə satılan, bəzən baha olduğu üçün bəzi insanların həsrətlə baxdığı bu məhsulların sən demə sadəcə görüntüsü varmış...

TEREF.AZ-ın məlumatına görə, Azad İstehlakçılar Birliyinin sədri Eyyub Hüseynov Bizimyol.info xəbər portalına açıqlamasında bildirib ki, kolbasa, sosiska bazarı, bazarın çox çirklənmiş bir hissəsidir. Ekspertin fikrincə, ölkədə normal kolbasa və sosiska istehsal edən müəssisəsələr də mövcuddur.

O, hesab edir ki, xaricdən gətirilən kolbasa, sosiska məmulatlarında çox böyük problemlər var. Belə ki, tərkibində ət olmayan kolbasa və sosiska məmulatları Rusiyadan və digər ölkələrdən Azərbaycana gətirilir. Yerli istehsalçılar isə mal əti əvəzinə camış ətindən istifadə edirlər.

“AQTA yoxlamaları zamanı kolbasalarda mal əti müəyyən edə bilməyib. Amma bu kolbasaların tərkibində camış əti var və bu da normal ətdir”,- deyən Eyyub Hüseynovun sözlərinə görə, istehsalçı müəssisələr kolbasaların üzərində tərkibi haqqında məlumat yerləşdirərkən camış əti olduğunu qeyd etməlidir. Ekspert bildirib ki, mal əti və camış əti eyni sinifdən olduğu üçün üzərinə mal əti yazılır.

P.S. Hər nə olursa olsun, istehlakçını bu şəkildə aldatmaq həm də qanun pozuntusudur.

Xatırlayırsınızsa, leş alveri ilə məşğul olan bir neçə işbaz var idi. Onlardan ən məşhurlarından biri “leş Tofiq” idi. Amma nə oldu? Bir müddət sonra azadlığa buraxıldı.

Yəni, ölkədə qida sektoruna ciddi nəzarət olunmalı və insanların sağlamlığına, qidasına haram və keyfiyyətsiz məhsullar qatanlar cərimələrlə, qısa müddətli islah işləri və yaxud qısa müddətli azadlıqdan məhrumetmə cəzaları ilə cəzalandırılmamalıdır. Çünki cəzasızlıq yeni cinayətlərin yolunu açır.
Bizimyol.info
 
Ardını oxu...
Hesablama Palatası 2022-ci il üzrə İş planına uyğun olaraq Gəncə Şəhər İcra Hakimiyyətinə ayrılan dövlət investisiyaları üzrə uyğunluq auditi aparıb.

DİA.AZ Modern.az-a istinadla xəbər verir ki, auditlə “Gəncə Dövlət Dram Teatrının 500 yerlik yeni binasının inşası” layihəsi (2014-2022-ci illər) və bu layihəyə istifadə edilən 42434,2 min manat vəsait əhatə olunub.

Audit nəticəsində müəyyən edilib ki, “Gəncə Dövlət Dram Teatrının 500 yerlik yeni binasının inşası” layihəsinə yönəldilən 44538,0 min manat məbləğində vəsaitlərdən istifadənin auditi nəticəsində 42434,2 min manat məbləğində vəsaitdən istifadə edildiyi müəyyən olunub, qənaət edilmiş 2103,8 min manat məbləğində vəsait hesabına əlavə olaraq teatr binasında ilkin layihədə nəzərdə tutulmayan, lakin müasir tələblərə uyğun olan qonaq otaqları və iaşə sahələri yaradılaraq tam təchiz olunmuş, obyektin ətraf ərazilərində abadlıq işləri yerinə yetirilib, habelə binada teatr muzeyekspozisiyası yaradılaraq eksponatlarla təmin edilib. Gəncə Dövlət Dram Teatrının yeni 500 yerlik binasının inşası obyekti üzrə dövlət investisiya layihələrinin əsaslandırılması, ilkin strukturunu və qiymətləndirilməsini özündə əks etdirən investisiya təklifi tam tərtib olunmamış, qüvvədə olan normativ hüquqi aktlara uyğun hazırlanmış və təsdiq edilmiş layihə-smeta sənədləri, texniki-iqtisadi hesablamalar Dövlət İnvestisiya Proqramına daxil edilməsi üçün müvafiq icra hakimiyyəti orqanına təqdim edilməyib, obyekt üzrə hazırlanmış "Layihə tapşırığına" bir neçə dəfə dəyişiklər edildiyindən layihə-smeta sənədlərinin hazırlanmasına 197,0 min manat və yenidən ekspertizadan keçirilməsinə 26,0 min manat olmaqla, ümumilikdə 223,0 min manat xərc edilib, işlərin satın alınması məqsədilə podratçı təşkilatla 2 halda (2015-ci və 2018-ci illərdə) bağlanmış satınalma müqavilələrin şərtlərini dəqiqləşdirən sənəd olan xüsusi və texniki şərtlər tərtib edilməyib.

Obyekt üzrə tərtib edilmiş smeta sənədlərində tikinti materiallarının fiziki göstəricilərinin mövcud normativlərdən fərqli tətbiq edilməsi nəticəsində 130,0 min manat məbləğində kənarlaşmaya yol verilmiş, smeta sənədlərində göstərilən iş həcmlərinin "Yerinə yetirilmiş işlərin qəbulu Akt"larına daxil edilərkən düzgün hesablamaların aparılmaması (hesab səhvi) səbəbindən podratçıya 33,3 min manat artıq vəsait ödənilib, obyektə fiziki baxış keçirilərkən 227,3 min manat dəyərində işlərin yerinə yetirilmədiyi və 125,1 min manat dəyərində (12 adda) 35 AUDITOR TRIBUNASI 2023, №1 mebel və inventarın yerində olmadığı müəyyən edilib. Audit dövründə çatışmamazlıqlar tam bərpa olunub.
Ardını oxu...
"Şikayətim "Azercell" və "Aztelekom" internet şəbəkəsindəndir..." DİA.AZ bildirir ki, bu barədə "Müştəriyəm, Şikayətim Var" sosial qrupundakı paylaşımında Əmrah Gülağaoğlu adlı istifadəçi giley edir.

Ardını oxu...

Narazı vətəndaş daha sonra yazılr: "Mən hər ay "Azercell" nömrəmdən 27 manat internet paket alıram, evdə də "Aztelekom"a internet üçün 13 manat ödəyirəm. Və bu paket bu aydan o aya keçmir...

Düz 2 aydan çoxdur ki hər həftənin altıncı və bazar günü nə "Azercell" nomrəmdə internet olmur, nə də evdə - "Aztelekom"da. Aya 40 manat internetə pul ödəyirəm, amma istifadə edə bilmirəm.

Baxın, ancaq "edge" gəlir. Zəng edib deyirsən, deyirlər ki qəza baş verib.... Bu qəza məhz altıncı və bazar günlərini seçir? Yoxsa bizi gic yerinə qoymusunuz?

2023-cü ildə yaşayırıq... camaat internetlə robotlar istifadə eliyir, biz Neftçala rayonunda internetə həsrət qalmışıq. Elə bir zəmanədir ki hal-hazırda havasız, susuz yaşamaq olur, amma internetsiz iş belə görmək olmur.

Verdikleri internetində nə gücü var, nə də sürəti. Xahiş edirəm, bu problemi aradan qaldırın... ya da insanların pulunu oğurlamayın...."

İddia olunanlarla bağlı teref.az olaraq bütün maraqlı tərəflərin mövqelərini işıqlandırmağa hazırıq...

Ardını oxu...

DİA.AZ: - "Ədalət dedikləri budurmu?" DİA.AZ bildirir ki, bunu öz narazılığında tanınmış hüquq müdafiəçisi, Neftçilərin Hüquqlarını Müdafiə Təşkilatının sədri Mirvari Qəhrəmanlı ifadə edib.

Hüquq müdafiəçisi "Azəriqaz" rəhbərliyinin idarəetmə üsulunu aşağıdakı kimi şərh edib:

"" Azəriqaz" İB Ağsu RQİİ idarəsinin baş mühəndisi , Zaur Məmmədovu Zaqatala RQİİ-ə baş mühəndis göndəriblər.
Bir müddət əvvəl baş mühəndis Ucar XC -nin işçisi İlkin Məmmədovla dalaşıb,onu işdən azad etdirdi , işdən çıxarılandan sonra da idarə tərəfindən polis idarəsinə İlkindən şikayət olunmasına nail oldu. Hazırda İlkin bir aylıq həbs cəzası ilə türməyə, Zaur Məmmədov isə öz bilik və bacarıqlarını inkişaf etdirmək üçün Zaqatala RQİİ baş mühəndis göndərildi.

Bu həm də haqqını müdafiə etmək istəyən işçilərə bir mesajdır..."
Ardını oxu...
DİA.AZ: - "Aqrar Universitet (keçmiş AKTI) yarandığı yüz il müddətində ölkəmizdə kənd təsərrüfatının inkişafına öz müəllim və professor heyyətinin peşəkar fəaliyyəti əsasında yetişdirdikləri mütəxəsiz ordusunun xidmətləri sayəsində çox böyük tövhələr vermişdir.Uzun illər şanlı yol keçmiş, dəfələrlə dövrünün layiqli mükafatlarını almışdır". Bu barədə DİA.AZ-a göndərilən məqalədə deyilir.

Məqalənin ƏVVƏLİ BURADA: ADAU NİYƏ BÜDRƏYİR? - Görünəni odur ki...

Məqalədə daha sonra bildirilir: "Biz qorxuruq tələbələr əsas yiyələnməli olduqları peşələrini kənarda qoyub rektorun əsgərlikdən yayınan, vətən müharibəsində qaçıb gizlənən nəzarətçisi Bəşir Bağırzadənin agentlik və şər böhtan atmaq peşəsinə yiyələnmələridir.

Cənab Zəfər Qurbanov, sən böyük bir universitetə şöbə rəhbəri qoyanda baxmadın ki, bu adam vətənə xidmət etməyib, özü də ehtiyac yarandığı dövrlərdə? Vətənin müdafiəsinə çağırış olduğu dövrdə özünə vətən üçün yararsız etiketi düzəltdirib bir gizləndiyini görmədinmi?

Axı tez-tez deyirsən, "yoxlatdırıram, baxdırıram..." 2021-ci ildə Bəşir Bağırzadə tələbələrdən imtahanlardan keçirəcəyi müqabilində külli miqdarda pul yığmışdı, məsələ kollektivin əməkdaşları və tələbələr tərəfindən açıldı da... polis bu işǝ qarışdı da... Ancaq İbrahim Cəfərov öz vəzifəsindən və universitetin adının ləkələnməsindən qorxaraq işin üstünü ört-basdır etdi.

İndi həmin cəzasızlıqdan Bəşir Bağırzadə istifadə edərək (tələbələri agent yetişdirərək) universiteti isdədiyi kimi idarə edir. Bunları bilən hər kəs düşünür ki, 2020 ci ildə Vətən müharibəsi başlayanda sabiq Daxili Nəzarət və audit şöbəsinin müdiri Namiq Cəfərov öz rahat işini atdı, vətənin müdafiəsinə qalxdı... ordu sıralarına yazıldı, şərəflə vuruşdu. Belə bir cəsarətli, cəsur bir şəxsiyyətin yerinə Başir Bağırzadə kimi hərbidən qaçanın təyinat alması ən öncəsi Kənd Təsərrüfatı Nazirliyinə və ADAU-nun professor və müəllim heyətindən ibarət kollektivə bir lǝkǝdir, təhqirdir".

DAVAMI VAR...

İddia olunanlarla bağlı dia.az olaraq bütün maraqlı tərəfləri dinləməyə hazırıq...
 
Ardını oxu...
“Badamlı Mineral Sular” MMC barəsində inzibati protokol tərtib edilib.

Qaynarinfo xəbər verir ki, şirkət İnzibati Xətalar Məcəlləsinin 48-cü maddəsi (Xarici valyuta vəsaitlərinin xaricdən qaytarılmamas) ilə ittiham edilir.

Bu maddədə qeyd edilir ki, xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə tətbiq edilir.

“Az miqdarda” dedikdə, iyirmi min manatadək olan məbləğ başa düşülür.

Şirkətlə bağlı protokol baxılması üçün Naxçıvan Muxtar Respublikası (MR) Şahbuz Rayon Məhkəməsinə göndərilib. İş hakim Daşqın Səfərovun icraatındadır.
Aprelin 25-də iş üzrə məhkəmə baxış iclası keçiriləcək.
“Badamlı Mineral Sular” MMC 24 noyabr 2008-ci ildə qeydiyyata alınıb. Nizamnamə kapitalı 200 AZN-dir. Şirkətin qanuni təmsilçisi Axundov Simral Fərəc oğludur.

“Badamlı Mineral Sular” MMC Naxçıvan Ali Məclisinin keçmiş sədri Vasif Talıbovun şirkəti kimi tanınıb. Vasif Talıbov vəzifəsindən istefa verdikdən və hakimiyyət komandasında arzuolunmaz fiqura çevrildikdən sonra Elşad Məmmədov adlı sahibkar əslində “Badamlı”nın ona məxsus olduğunu deyib. İş adamının iddiasına görə, Talıbovlar zorla müəssisəni onun əlindən alıblar.

Bəzi iddialara görə, “Badamlı” hələ də Talıbovların nəzarətindədir. Hər halda şirkətin Vasif Talıbovun əlindən alnmasına dair heç bir məlumata rast gəlinmir.
Ardını oxu...
Yaşayış binaları tikilib istifadəyə verildikdən sonra mənzil tikinti kooperativləri yaşayış binasının idarəçiliyini davam etdirir.

Əslində isə MTK mənzil mülkiyyətçilərinə çıxarış verdikdən sonra bir ay müddətində ləğv olunmalıdır. O da bir faktdır ki, bu gün yaşayış binalarında fəaliyyət göstərən “komendatlar” nə sakinlər, nə də bələdiyyələr tərəfindən seçilir. Adətən MTK tərəfindən təyin edilən həmin şəxslərin də işi əsasən sakinlərdən pul toplamaqdan ibarətdir. Bu gün MTK-ların bu cür “təyinatları” ilə bağlı sakinlər öz hüquqlarından istifadə edə bilirmi?

DİA.AZ-ın məlumatına görə, iqtisadçı-ekspert Əkrəm Həsənov Cebhe.info-ya bildirdi ki, hazırda binaların 90 faizində eyni vəziyyətdir, yəni binalar MTK-lar tərəfindən zəbt edilib:

“Bina onu tikən şikət tərəfindən idarə olunur, sakinlər soyulur, ödəniş etməyənlərə qarşı tədbirlər görülür, liftə buraxmırlar və s. Mənim yaşadığım bina ilə bağlı ilk iş idi ki, bir neçə sakin binanı idarə edən şirkətin çıxmalı olduğunu bildirdi. Çünki qanuna görə, binanı idarəedici şirkət sakinlərin ümumi yığıncağında qəbul edilməlidir. Bu qayda da heç bir yerdə tətbiq olunmur. Çox az sayda bina var ki, bu üsul tətbiq olunur. Bakı Apellyasiya Məhkəməsi bu şikayəti təmin etdi. Həmin qanun hələ ki, qüvvəyə minməyib. Çünki fevralda qəbul olunmuşdu, apreldə tərəflərin Ali Məhkəməyə şikayət hüququ var. Buna görə də yəqin ki, qarşı tərəf şikayət edəcək. Ali Məhkəmə də yəqin ki, təxminən yayda bu məsələyə baxacaq, o zaman son qərar bilinəcək”.

Hüquqşünas bildirib ki, hazırda bir neçə binada belə işlərə başlanılıb:

“Bu proses gedir. Mənə bir çox vətəndaşlar müraciət edir ki, bizim sənədlərə baxıb onlar da şikayət versinlər. Mən də kömək edirəm. Bəzi hallarda proses əksinə baş verir. Tikinti şirkəti vətəndaşı məhkəməyə verir ki, pulu ödəsin. Həmin vətəndaşlar da bizə müraciət edir və qarşılıqlı iddia veriilir ki, tikinti şirkəti orada qanunsuz olub, ona heç bir ödəniş edilməməlidir, oradan çıxmalıdır. Düşünürəm ki, yaxın müddətdə bu məsələ həllini tam tapmayacaq. Beləliklə, məhkəmələr gedəcək, vətəndaşların çoxu qanunları bilmir, bəziləri bilir və gözləyir ki, məhkəmə işləri nə ilə qurtaracaq. Ancaq yaxşı olardı ki, dövlət də bu məsələyə qarışsın. Bu qanunları dövlət qəbul edib. Hamı bilir ki, idarəedici şirkətlər orada qanunsuzdur. Ona görə dövlət tədbirlər görməli, idarəedici şirkətləri oradan çıxarmaldır”.

Ekspert deyir ki, bu məsələdə bələdiyyələrin də rolu böyükdür:

“Qanuna görə ya sakinlər, ya da bələdiyyələr idarəedicini təyin etməlidir. Onlar aktivləşib tikinti şirkətlərini oradan çıxarsalar, bu problem tezliklə həllini tapacaq. Hər bir halda ilin sonuna kimi bu məsələlərdə konkret mövqe bilinəcək. Reallıq odur ki, MTK-lar əl çəkmir, pul yığır, ona görə də vətəndaşlar aktiv olmalıdırlar”.
Ardını oxu...
 
 

ABŞ-ın, həm də dünyanın ən bahalı şəhərlərindən olan Mayamidə yaşamaq hər kəsin arzusu, amma çox az adamın nail olduğu bir şeydir. Bu şəhərdə yaşamaq, Mayami gecələrində macəralara qatılmaq üçün ya ABŞ-da varlı şəxslərdən biri olmalısınız, ya da Əli Həsənovun oğlu...

 

Başqa ölkələrdən də varlılar bu şəhərə axışır, amma Azərbaycandan Mayamidə yaşayan, həm də burada şirkət qura bilən nadir şəxslərdən biridir Şamxal Həsənli... 

Onun üstünlüyü savadlı olmasında, yaxud “vunderkind” doğulmasında yox, məhz Əli Həsənovun oğlu olmasıdır. Əli Həsənovun üstünlüyü isə vəzifədə olarkən dövlət büdcəsindən mediaya ayrılan vəsaiti mənimsəmək və bu pullar hesabına nəhəng biznes şəbəkəsi qurmaq bacarığıdır. Atanın oğurladığı pullarla oğul Mayamidə kef edir.

Ardını oxu...

O pullar ki, Azərbaycan mediasının inkişafına sərf edilməli idi, amma bu gün Şamxal Həsənli medianın, yəni bütün jurnalistlərin pulunu Mayamidə xərcləməklə məşğuldur.

Əli Həsənov vəzifədə olanda oğlu Şamxal Həsənlini “Xəzər TV”-yə rəhbər qoymuşdu, Şamxal da hədiyyə kimi qəbul etdiyi bu vəzifədə pul qazanır, həm də kef çəkirdi. Tale elə gətirdi ki, Əli Həsənov vəzifədən, Şamxal Həsənli isə “Xəzər TV”-dən, həm də Azərbaycandan getdi. ABŞ-a köçən Şamxal Həsənli Mayamidə mediamıza ayrılan, amma atası ilə birlikdə mənimsədiyi pulların hesabına mülklər aldı, təhsilini davam etdirdi, hətta şirkət də qurdu.
Ardını oxu...
İndi Şamxal Həsənlinin Mayami macəraları maraqlı hadisələrlə gündəm olur. Belə ki, o Mayamiyə köçəndən sonra daşınmaz əmlak bazarına meyl salıb. Bu sahə həm gəlirlidir, həm də bu işlə məşğul olmaq üçün kifayət qədər kapitala malik olmalısan. Necə deyərlər, “Pul bir ingilisdədir, bir də Həsənovlarda”.

Əvvəlcə daşınmaz əmlak şirkətlərində işə başlayan Şamxal Həsənli daha sonra özünün “SOLIS DEVELOPMENT LLC” adlı şirkətini qurdu. Mayamidə belə bir şirkət qurmaq üçün on milyonlarla vəsait lazımdır ki, Şamxal Həsənlidə olan bəlkə də yeganə şey mediadan oğurladıqları milyonlardır. Şirkət quran Şamxal Kolumbiya Universitsteinin daşınmaz əmlak ixtisasına da qəbul olundu. Bu, ABŞ-ın ən pullu universitetlərindədir və hər adam orada təhsil ala bilməz, məsələ savadlı olmaqda yox, təhsilin ödənişidir. Şamxal buna da nail oldu və universiteti yenicə bitirib, ABŞ-ın iş dünyasına atılıb.

Özünü mükafatlandırmaq üçün də Havay adalarında istirahət edir, bu azmış kimi milyonlarla dollar dəyərində olan əmlak alıb. Varlığa nə darlıq...

Ardını oxu...

Şamxal Həsənlinin ABŞ macəraları bununla da bitmir. Əldə etdiyimiz məlumata görə, Prezident Administrasiyasının ləğv olunmuş İctimai-siyasi məsələlər şöbəsinin sabiq müdiri Əli Həsənovun oğlu gününü dünyanın qumar və əyləncə mərkəzi olan Las-Veqasda keçirir. Las-Veqas gecələrinə qatılan Şamxal Həsənli bu yaxınlarda “Golden Nugget Las Vegas Hotel & Casino” adlı oteldə qumar oynayaraq, nə az, nə çox, düz 140 min dollar pul uduzub. Bu pulu o, atasına məxsus “Mercedes GL” markalı avtomobilin satışından əldə edibmiş. Belə ki, ABŞ-a köçməmişdən öncə özü ilə daha çox vəsait aparmaq üçün Bakıda Əli Həsənovun “Mercedes”ini satıb, okeanın o tayına çatan kimi da Las-Veqas kazinosunda qumara qoyub. Hətta, buna görə Əli Həsənov oğluna bərk əsəbləşib, dalaşıblar.
Ardını oxu...

Əslində həmin 140 min nə Əli Həsənovun, nə də onun avtomobilinin pulu yox, dövlət büdcəsindən mediaya ayrılan vəsait hesab oluna bilər. Çünki Əli Həsənov bütün sərvətini məhz mediaya ayrılan pulları oğurlamaq hesabına əldə edib. Oğlu da Azərbaycan mediasının pulunu qumarda uduzub. 

140 min dollar media üçün böyük puldu, Həsənovlar üçün isə yox. Mediamız uzun illər Əli Həsənov zülmündən əziyyət çəkdi, dövlətin bizə ayrılan pulları mənimsənildi. İndi Şamxal Həsənli də məhz bizim pullarımızla Mayamidə, Las-Veqasda kef çəkir...

Demokrat.az

 

XalqXeber.Az

Dünyapress TV

Xəbər lenti