Naxçıvan Əlahiddə Ümumqoşun Ordusunun bir qrup zabiti təxris olunmaq üçün öz hərbi hissə komandirlərinə raport yazıblar. Onlar, ordu komandanı general-polkovnik Kərəm Mustafayevin haqsızlıqlarına etiraz edərək, bu addımı atıblar. TEREF.AZ yazır ki, bu haqda „Gündəlik Naxçıvan“a zabitlərin özləri məlumat verib. Raport yazanlar hərbidə ən az 20 il xidmət edən zabitlərdir. Ordunun baş qəragahındakı mənbənin məlumatına görə, kütləvi etirazların qarşısını almaq üçün, Kərəm Mustafayev yanvarın 17-də təcili iclas keçirib:
“Kərəm Mustafayev əvvəllər belə etirazları ciddi qəbul eləmirdi, əksinə etiraz edənləri sərt cəzalandırırdı. Naxçıvanda hakimiyyət dəyişəndən sonra o da qorxuya düşüb. Dünən təcili iclas çağırıb, dedi ki, bu etiraz böyüyüməməlidir, Bakıdakılar xəbər tutmamalıdır. 5 saata yaxın sürən iclasın sonunda əvvəllər haqsızlığa uğrayaraq rütbəsi, vəzifəsi əlindən alınan bir neçə zabitin əvvəlki vəyifə və rübələrinə qaytarılması ilə bağlı göstəriş verdi. Hesab edir ki, bu yolla zabitləri sakitləşdirəcək. Ancaq, general indiyə kimi o qədər zabitin evini yıxıb ki, bu yolla etirazların qarşısını ala bilməyəcək”.
Təxris olunmaq üçün raport yazan zabitlərdən R. Tağıyev deyir ki, əslində o, Azərbaycan ordusunda qalıb, vətənə xidməti davam etdirmək istəyir. Lakin, Naxçıvan ordusunda uzun illərdir üzləşdiyi haqsızlıqlara görə, təxris olub, yaxasını qurtarmaq istəyir:
„Biz qalıb məmnuniyyətlə ordumuzda xidmət etmək istəyirik. 20 il xidmət etmiş zabitlər ən təcrübəli, orduya lazımlı zabitlərdir. Lakin, Kərəm Mustafayev başımıza elə oyunlar açıb ki, bezmişik xidmətdən. O, bizə özünün şəxsi nökəri kimi baxır, maaşımızı kəsir, rütbəmizi azaldır, eyiraz edənləri cəzalandırır, həbsə atdırır. Biz onun qardaşı, heç bir hərbi rütbəsi olmayan Nemət Mustafayevin qarşısında təzim etməliyik, onun tikintisində qul kimi işləməliyik. Ordudakı bu cür haqsızlara dözməyib, neçə zabit, MAXE intihar edib. Demək olar ki, hər ay bir intihar hadisəsi baş verir. Hamısı da Kərəm Mustafayevin haqsızlıqları ucbatından. Belə ordu olar? Naxçıvan Ordusu həm də korrupsiyanın, rüşvətin içində boğulur. Ümid edirik ki, Müdafiə Nazirliyi müdaxilə edib, vəziyyəti nizamlayacaq. Yoxsa, Naxçıvanda daha pisini yaşadacaqlar bizə “

Vətən müharibəsi şəhidi Əmrah Rəcəbovun doğmaları haqqında səslənən iddialar səngimək bilmir.

Teref.az BAKU.TV-yə istinadən xəbər verir ki, kənd sakinləri şəhidin anasının onun üzərində haqqı olmadığını bildiriblər.

Daha ətraflı BAKU.TV-nin reportajında:

Bakının mərkəzində magistral yol acınacaqlı durumdadır. Vaxtilə əl zəhməti ilə salınmış, qədimliyi, füsunkarlığı və gözəlliyi ilə yola fərqlilik qatan daş örtüklər dağılıb uçulur və yerindən qopur. Qopmuş daş örtüklərinin yerini isə yamaq asfalt hissələr əvəzləyir…

Söhbət Nəsimi rayonunun Füzuli küçəsindən gedir. Həmin küçədən üzü yuxarı başlayaraq xeyli hissədə daş örtüklər qopub, dağılıb və ətrafa səpələnib.

Qopmuş daş döşəmələrinin yerinə isə yamaq asfalt döşənib. Aidiyyəti qurumun sözdə təmir etdiyi bu yolun tarixiliyi və qədimiliy də məhv edilib. Dağılan daş döşəmələrinin yerinə hissə-hissə asfalt örtük vurulması hərəkət iştirakçları, həmçiniin əcnəbilər tərəfindən xoş qarşılanmır.

Şəhərin ən sıx və işlək ərazisi sayılan bu yolda hər gün yüzlərlə avtomobil və piyada hərəkət edir. Yerindən qopan, dağılan və uçan daş örtükləri də getdikcə sıradan çıxır.
Əslində damlı və uzunömürlülüyünə görə daş döşəmələrin daha çox piyadaların hərəkət etdiyi küçələrdə salınması məqsədəuyğun hesab edilir. Mütəxəssislərin dediyinə görə daş döşəmələrin hamarlanması avtomobillərin hərəkəti üçün müvafiq deyil.

Qeyd edək ki, sözügedən ərazidəki yol vaxtilə Bakı Şəhər İcra Hakimiyyəti tərəfindən daşla döşənib. Qopmuş hissələrin asfaltlanması işlərini isə Azərbaycan Avtomobil Yolları Dövlt Agentliyi həyata keçirir.

Bəs, bundan sonra acınacaqlı yolun taleyi nə olacaq?

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli Bizim.Media-ya açıqlamasında bildirib ki, sözügedən ərazinin əsaslı şəkildə təmiri nəzərdə tutulur:

“Amma yolun daşla, yoxsa asfaltla təmir olunacağı çıxarılacaq qərardan asılı olacaq. Məsələ ilə bağlı necə qərar veriləcəksə işlər də o şəkildə icra olunacaq”, – deyə qurum rəsmisi əlavə edib.bizim media/

Yanvarın 12-dən başlayan külək, media və sosial şəbəkələrdən hamının bildiyi kimi Xaçmaz rayonunun onsuz da qənaətbəxş olmayan işıq sisteminə xeyli zərbə vurub. Beləki, güclü küləyin nəticəsi olaraq bu sahədə ard-arda, zəncirvari formada baş verən qəzalar rayonun böyük bir hissəsini, 100-dən artıq yaşayış məntəqəsini işıqsız qoyub.
İnsafən desək, Azərişığın yerli qurumunun əməkdaşları durmadan çalışsalar da, təbii ki, həm fiziki baxımdan, həm də zaman baxımından bu problemləri yoluna qoymağı çatdıra bilməyiblər və bizdə olan məlumata görə, hələ də rayonda işıqsız qalan kəndlər var, hətta Xaçmaz şəhərinin özündə də bəzi küçələr elektrik enerjisindən məhrum olduğunu söyləyirlər.
Dövrümüzdə bütün sosial həyatın bir növ əsasını təşkil edən elektrik enerjisinin verilməsində yaranan məhdudiyyətlər isə camaata olduqca ağır başa gəlib.
Çünki, işığın sönməsi bir çox yerlərdə istiliyin və suyun da olmamasına gətirib çıxarıb.
Bu gün Xaçmazda baş verən qəzaların birini, qeyd etdiyim kimi, Xaçmaz şəhəri, Atatürk küçəsindəki transformatorunda baş verən yanğını müzakirə edəcəyik.
Təbii ki, yanğından sonra Azərişığın əməkdaşları da olay yerinə gəlib, gecə ilə hadisənin nəticələrini aradan qaldırmağa çalışıblar.
İnsafən onu da qeyd etmək vacibdir ki, 3-4 gün silsilə qəzalarla 24 saat işləyən bu azsaylı qrupun belə davranışları təqdirəlayiqdir.
Amma...
Bu məsələnin amması ondan ibarətdir ki, Atatürk küçəsindəki transformator, həm də Nazim Qəniyevinn həyətində, bəli, evinin 5 metrliyində yerləşir.
Transformator digər evlərə də olduqca yaxın məsafədədir, ancaq Qəniyevlər ailəsi isə demək olar ki, birbaşa odun-alovun, təhlükənin içində yaşayırlar.
Ailə uzun illərdir ki, bir çox səlahiyyətli orqanlara müraciət etsə də, aldıqları ən son və qəti cavab bu olub ki, transformatorun yerini yalnız öz hesabına dəyişə bilərsən.
Xaçmazda Azərişığın yerli idarəsinin əməkdaşları bütün günü qəzalarla məşğul olduqlarından, həm də biz onlara mane olmamaq üçün suallarımıza qeyri-rəsmi cavablar almağa çalışdıq.
Maraqlı bir situasiya yaranıb. Hökümət, yəni Azərişıq iddia edir ki, bu ərazidə əvvəl transformator olub, sonra isə ev tikilib. Qəniyevlər ailəsi isə deyir ki, hələ uzun illər bundan öncə, o dövrün şəhər sovetinin təkidi ilə, özlərinə məxsus həyətdə transformator qoyulub.
Burda kimin haqlı olub olmamasını birbaşa deyə bilmirik.
Əlbəttə ki, məntiqlə Azərişıq yəqin ki, bir yerə transformator qurarşdırırsa, əlbəttə ki, bu quraşdırmanın özünəməxsus, təlimata uyğun qaydaları və şərtləri olmamış deyil.
Ancaq sakinlərin şikayəti də əsasıs və ya boşuna deyil.
Adi bir yanğın hadisəsində bütün ətrafdakı qonşuların hansı əsəb və stressi yaşadıqlarını təsəvvür etmək çətin deyil.
Yəqin ki, obyektiv şəkildə işıqlandırdığımız bu geniş reportaj Azərişığın əmədaşlarının çəkdikləri əziyyətə kölgə salmamaqla həm də bu qurumun rəhbərliyinin məsələyə həssas yanaşmasına çağırış kimi nəticəsiz qalmayacaq.
Necə deyərlər, daha gözəl nəticələr üçün, daha dürüst addımlar atmağa, məsələn biri elə bu transformatoru burdan başqa yerə köçürməklə həm küçənin sakinlərinin, həm də özlərinin qayğı və stressindən qurtula bilərlər.
Nəticəni DÖVLƏTin yanaşması göstərəcək, biz də bu yanaşmanı çəkib göstərəcəyik...
C'mil Məmmədli
Teref.az