 |
|
|
Azərbaycanda on il bundan əvvəlki ilə müqayisədə sanatoriya-kurort müəssisələri, istirahət evləri və bazalarının sayı xeyli azalıb. Belə ki, Dövlət Statistika Komitəsinin məlumatına görə, belə müəssisələrin sayı əvvəllər 73-ə çatmışdısa, hazırda bu rəqəm 52-dir. On il əvvəl bu müəssisələrdə çarpayı sayı 11 min 168 olubsa, hazırda bu kəmiyyət 8 min 146-dır. Əgər 2012-ci ildə ölkədə fəaliyyət göstərən sanatoriyaların sayı 32 idisə, hazırda bu rəqəm 28-dir. Həmin sanatoriyalarda çarpayı sayı 5 min 746 idisə, hazırda bu rəqəm 5 min 266-dıMaraqlıdır, hazırda ölkədə sanatoriyalar, müalicəvi pansionatlarla bağlı ümumi vəziyyət necədir?
DİA.AZ-ın məlumatına görə, Qaxda yerləşən "Şəfa" müalicə pansionatının rəhbəri İftixar Saadov Sputnik Azərbaycan-a açıqlamasında bildirib ki, onlar üçün iş mövsümü iyunun 1-dən sentyabrın 15-dək davam edir. Bu müddətdə pansionata 7 dəfə giriş olur və hər dəfəsində 126 yerin hamısı dolur.
Fəaliyyətləri haqda ümumi məlumat verən İ.Saadov bildirir ki, burada fizioterapiya üsulu ilə müalicə, mineral sulardan ibarət vannalar, müxtəlif duşlar, inqalyasiya var. Burada həmçinin müalicəvi Süskənd suyu ilə vanna qəbulu mövcuddur:
"Biz Həmkarlar İttifaqının tabeliyindəyik. Bura göndərişlə qəbullar olur. Həmkarlar İttifaqından da yalnız ilin 3 ayında göndərişlər verilir. Digər aylarda isə göndərişlər olmur".
Qiymətlərə gəlincə, bu istirahət mərkəzində 13 gecə və 14 gün üçün adambaşına xərc 865 manatdır. Bu məbləğin 15 faizi həmkarlar ittifaqı tərəfindən ödənilir və insanlar göndəriş alıb burada istirahət edirlər. Müqayisə üçün qeyd edək ki, Naftalan sanatoriyalarında bir həftəlik adambaşına qiymətlər 259 manatdan başlayır.
Qiymətə nələr daxildir?
Qeyd olunan məbləğə istirahət mərkəzində qalmaq, gündə 3 dəfə qidalanmaq və müalicə daxildir. Bura ailəvi gəlmək imkanı da var.
İ.Saadov bildirir ki, hazırkı qiymətlər 3 il əvvəl müəyyən olunub və qiymət artımı gözlənilir.
Müalicəvi pansionatda göndərişlərin yalnız ilin 3 ayında olması işçilərə də təsirsiz ötüşmür. Belə ki, müəssisənin 70 işçisi ilin 9 ayı ərzində işsiz qalır.
Əsas problemlər nədir?
1989-cu ildən fəaliyyət göstərən pansionatın əsas problemi Qaxın Süskənd əraizisində qazlaşdırılmanın aparılmamasıdır:
"Bizim işimizə əsas maneə yaradan qazın olmaması və işıqların tez-tez yanıb-sönməsidir. Su qazla qızdırılır, buna görə daimi qazın olmasına ehtiyac var ki, isti su daim olsun. Hazırda isə isti su saatladır. Qaz olsa, kombi quraşdırardıq".
Lakin problemlər bununla da bitmir
Masallıda yerləşən "İsti su Şəfa sanatoriyası"nın rəhbəri İldırım Allahyarov digər problemlərdən söz açıb. O bildirib ki, ölkə başçısı dəfələrlə sahibkarlara dəstək göstərilməsi üçün çağırışlar etsə də, məmurlar onlara "qan uddurur":
"Gürcüstan kimi bir çox ölkələrdə sanatoriya sahiblərinə güzəştlər edilir, onlara pul ayrılır. Amma bizdə bu yoxdur, bu səbəbdən də yerimizdə sayırıq. Fəaliyyətimiz yalnız 3 ay olur. Bu qısamüddətli fəaliyyətimizin müddətini uzada bilmirik. Çünki biz sahibkarlara heç bir yardım edilmir, məmurlar bizi çox incidir, əsassız yoxlamalar aparırlar. Reket jurnalistlər isə bizi şantaj etməklə məşğuldurlar".
O deyir ki, kredit də götürəndə, faizlər yüksək olduğu üçün bu yükün altından çıxa bilmirlər:
"Bu səbəbdən də yeni obyektlər tikə, mövcud olanları isə təmir edə bilmirik. Bizim nəfəs almağımız, bu sahədə yeni iş yerlərinin açılması üçün haqsızlığa son qoymaq lazımdır. Məmurlar obyektlərimizi əlimizdən almaq üçün hər cür hücumlar edirlər, bizə "badalaq" atırlar. Biz 20-30 ildir ki, bir çürük taxtanı da dəyişdirə bilmirik. Belə olarsa, vəziyyət bu cür davam edərsə, mövcud maenələr nəinki yerli, o cümlədən də əcnəbi turist axınının da qarşısını almış olacaq".
"Səlahiyyət sahibləri gəlib bu qədər vergi və maneələrlə müəssisəni idarə etsin, görüm necə idarə edirlər. Yaxud da qərar qəbul edən millət vəkilləri gəlib burada rəhbər olsun görüm, nə edirlər. Deputatlar sahibkar olsa, bizim çəkdiyimiz əziyyətləri başa düşə bilərlər", - deyə o əlavə edib.
Vergilər də sahibkarlar üçün əlavə yükdür
Sahibkar bildiri ki, vergilər də sahibkarlar üçün əlavə yükdür:
"Bir çox ölkələrdə turizmi inkişaf etdirmək üçün müəyyən sahələri 15-20, 30-40 illik vergidən azad edirlər. Amma bizdə vəziyyət acınacaqlıdır. Vergi 18 faizdir. Mənfəət, torpaq, ƏDV və sair - ondan artıq vergi ödəyirəm. Bizi çox yükləyiblər. Heç olmasa, bizi 5 il müddətinə vergilərdən azad edərdilər ki, özümüzə gələ bilək. Baxın, ilin yalnız 3 ayında işləyirik və zərərlə çalışırıq. Heç bir gəlirimiz yoxdur, 9 ay ac qalırıq. Gözümüzü ilin bu 3 ayın dikmişik. Fəaliyyətimizi dayandırsaq, kimsə bizə iş verəcək?".
Sahibkar deyir ki axın, tələbat çox olsa da, onlarda qonaqları qarşılamaq üçün şərait yoxdur, yer sayı çox deyil.
Maraqlıdır, bu cür müəssisələrin qışda fəaliyyət göstərməsinə maneə olan nədir?
Sahibkar deyir ki, bunun üçün istilik sistemi çəkilməlidir, bu isə vəsait tələb edir:
"Qaz xətti olmalıdır. Turizmə qayğı, diqqət olmalıdır, yollar düzəldilməlidir. Üç ay işləməklə bu sistemi, infrastrukturu qurmaq olmaz".
DİA.AZ: - Daxili Qoşunların Xüsusi Təyinatlısı olmuş, Şuşanın azad olunması zamanı ağır yaralanmış Müsüzadə Sirus Araz oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
"Mən, 14 yanvar 1998-ci ildə anadan olmuşam. Hərbi xidmətdən sonra 2020-ci ilin noyabrın 6--na qədər MAXE vəzifəsidə Azərbaycan Respublikası Daxili İşlər Nazirliyinin Daxili Qoşunlarında Xüsusi Təyinatlı Qüvvələrdə çalışmış və Vətən Müharibəsində sonadək iştirak etmişəm. Vətən Müharibəsində iştirak etdiyim qızğın Şuşa uğrundakı döyüşlərdə bədənimin və başımın müxtəlif yerlərindən ağır yaralanışam. Mühariədən sonra hal-hazırkı günə qədər ciddi xəstəliklərdən əzyyət çəkr və müalicələr alıram. Budur 2 ilə yaxındır ki, müxtəlif xəsətəxanalara etdiyim müraciətlərdən və müalicələr almağıma baxmayaraq DİN-in DQ hərbi həkim Komssiyasının qoyduğu diaqnoz üzrə “ Partlayış travması nəticəsində qapalı kəllə - beyin ( bədənin müxtəlif yerlərində) döş qəfəsinin sağ yarısının sağ bazu, sol sağrı nahiyyəsinin odlu silah ( qəlpə) yarası, yumşaq toxumaların yad cismi, kəllə-beyin kontuziyası almış emossional -lovil şəxsiyyət pozğunluğu, yaddaşın enməsi, davamlı qıcolma " diaqnozu əsasında F.07.0, F 61.8, F06 .0 F 07.8 ) tapdığım xəstəliklərdən çox əziyyət çəkirəm. İş qabiliyyətimi tam itirmişəm. Çünki normal hərəkət edə bilmirəm, güclü baş ağrıları və təzyiqdən əziyyət çəkirəm.Qulağımın eşitmə dərəcəsi biri 2-ci, dəgəri isə 3-cü dərəcədir.
Nəticədə DİN-nin DQ-ın hərbi həkim komissiyası özlərini də qeyd etdiyi kimi çoxsaylı diaqnozlar qoysalar da nevroloji. vəziyyətimi, hərəkət pozğunluğumu və fatiki sağlamlığımın itirilməsni nəzərə alaraq 2022-ci ilin martında Xəstəlik haqqında Şəhadətnamə əsasında forma 88 göndərişi versələr də onların mənim xəstəliklərim üzrə verdikləri FORMA -88 göndərişinə ƏƏSMN-nin Dövlət Tibbi-Sosial Ekspertiza və Reabilitasiya Agentliyi komissiyası tərəfindən əsassız olaraq imtina verilmişdir. Beyin pozğunluğu və davamlı şəkildə aqressiyaya meyliliyimi nəzərə alaraq hazırda da Maştağa Psixi Xəstəxanasında müalicəni davam etdirməyə məcbur olmuşam. Çünki özümdən asılı olmayaraq hər gün iş yoldaşlarımla ( avtoyuma məntəqəsində) dava dalaş salırdım, evdə də qab qacağı sındırmaqla əsəblərimi bir az soyuduram.
Bəli, mənə aydın olamayan formada əlilliyimin təyin edilməsinə ƏƏSMN komissiyası qəsdən imkan verməmişlər. Belə ki, komissya mənə qoyulan diaqnozu əlillik meyarına hələlik uyğun hesab etmir. Yəni, bu rəsmi süründürməçilkdən belə nəticə çıxarıram ki, mən qazinin konkret olaraq 4000 manat pulum olmadığına görə ƏƏSMN-nin Dövlət Tibbi-Sosial Ekspertiza və Reabilitasiya Agentliyinin komissiysı əlillik təyin etməyiblər.Vəssəlam.
Hesab edirəm ki, həkim komissiysının mənim ağır xəstəliyimə əlaqədər gəldiyi nəticə və əsassız imtinası bir bəhanədir. Belə olmasaydı ağır xəstəliyim ola ola əlilliyin təyin edilməsi üçün mənə "forma 88" göndərişi verməzdilər. Hazırda 2 saylı npsixatriya xəstəxanasında müəlicəmi davam etdiriəm.
Xatırladım ki, bir neçə ay əvvəl Bakının Nizami rayonun "Neftçilər" metrostansiası yaxınlığında işlədiyim "Avtoyuma" məntəqəsində yığılan həftəlik gəliri - 4250 manatı yığıb portmanatın içinə qoyub "moyka"nın içindəki masya qoymuşdum. Digər iş yoldaşım Yengibar bunu görüb və xəlvəti olaraq gəlib pulu götürüb və sexdən qaçıb. Həm pulun götürülməsi zamanı, həm də küçədə dayanmadan qaşması videokameraya düşüb.( videolar əlavə olunur) Amma bu əclaf etdiyi oğurluğu etiraf etmir. Nizami Polis Bölməsi təhqiqatı yekunlaşdırıb materialı Nizami rayon Prokurorluğuna göndərsə də prokurorluqda müstəntiq oğru Yengibara qarşı cinayət işi açmaq istəmir. Deyir ki, bu oğrunun ilk işidir buna görə onu tutmaq olmaz. 2 ay vaxt verək. Budur 2 aydan çox vaxt keçib amma Nizami Prokuroluğu nədənsə sübuta yetirilən oğurluq hadisəsinə cinayət işi açmaq istəmir. Avtoyumanın sahibi də oğurlanan pulu məndən tələb edir. İndi mən bu ağır vəziyyətimlə həm iki gündən bir avtoyumada, gecələr isə daş karxanasında KAMAZlara daş atıb pul qazanıb oğrunun əvəzinə pul ödəyirəm. Doğrudur, mən Xüsusi Təyinatlı döyüşçü olmuşam və gücüm-qüvvəm var. Amma başım özümü çox vaxt idarə edə bilmir. Allaha yalvarıram ki, oğurlanmış 4250 manat pulu ödəyənə qədər əlimdən kiməsə qarşı xəta-bəla çıxmasın. Əsəbləşsəm kimisə öldürə bilərəm. Bu məndən asılı deyil. Vicdansız həkimlər də real vəziyyətimi qiymətləndirmir.
Cənab Ali Baş Komandan hesab edirəm ki, mənim kimi XTQ təmsilçisi müharibədə aldığım ağır yaralardan sonra sağlamlığımı və iş qailiyyətimi itirib kasıb vəziyyətə düşdüyümə görə çox əziyyət çəkirəm, Bir tərəfdən də borc ödəməyə məcburam.
Sizdən çox xahiş edirəm. Mənim təqdim etdiyim sənədərin əvvəlcə əsaslar üzrə yoxlanılaraq əlilliyin təyin edilməsinə və ƏƏSMN-də yerləşdirilmiş antitürk kadrlarının təcili olaraq təmizlənməsinə göstəriş verəsiniz ki, mənim kimi qazilərin canı bu süründürməçilərdən birdəfəlik qurtarsın".
Məsələ ilə əlaqədar bütün maraqlı tərəfləri dinləməyə hazırıq...
Azərbaycanda yeni fəaliyyətə başlayan bukmeyker şirkəti “Misli” vətəndaşları aldadır. Vətəndaş iddia edir ki, misli.az uduşları ödəmir.
“24 saat“a müraciət edən vətəndaşlardan biri bildirib ki, şirkət onun udduğu pulu vermək istəmir.
“Cuiaba Esporte Clube-Atletiko Mineiro klubları arasındakı oyuna 10 AZN pul qoymuşam. Hər iki komandanın qol vuracağını proqnozlaşdırmışam. Kuponum gəlib. Lakin şirkət vurğudum pulu geri qaytarsa da, uduşu vermək istəmir. Uduşun məbləği 55.10 AZN-dir”, – deyə vətəndaş bildirib.
Onun sözlərinə görə, uduşun verilməməsi ilə bağlı heç bir izahat yoxdur. Şikayətçi iddiası ilə bağlı redaksiyamıza sübutlar da təqdim edib.
Etibar Əliyev: “Nazir müavini məktəbdən xəbəri olmayan birisidir”.
“Mən təhsil sahəsində bütün məsələlərin şəffaf olmasının tərəfdarıyam. Qrant və proqramların maliyyələşməsindən tutmuş, məktəblərin təminatı və təchizatı kimi məsələlərə qədər. Elm və Təhsil Nazirliyinin rəhbərliyi buna çalışmalıdır. Təhsil qapalı system deyil, təhsil açıq sistemdir. Dediyim nüanslar nazirliyin saytında öz əksini tapmalıdır. Maliyyə vəsaitinin xərclənməsindən sonra audit prosesi baş verməldir”.
AzToday.az xəbər verir ki, bunu millət vəkili, Təhsil Nazirliyi yanında İctimai Şuranın üzvü Etibar Əliyev “Yenisabah.az”-a müsahibəsində təhsil eksperti Kamran Əsədovun sosial şəbəkələrdə təhsil sektoru ilə bağlı açıqladığı korrupsiya faktlarına münasibət bildirərkən deyib.
Xatırladaq ki, K.Əsədov Elm və Təhsil Nazirliyinin orta məktəblərə oturacaqların, Prezidentin portretlərinin, bunlardan başqa, 44 günlük Vətən müharibəsinə dair qələbəmizi əks etdirən bannerlərin dərindən qat-qat baha qiymətə satılması haqda faktlar paylaşıb.
Deputat təəssüfə qeyd edir ki, nazirliyin fəaliyyətində dediyi şəffaflığı görmür: “Mütəxəssislər, təhsil ekspertləri bu məsələləri mənbə kimi Elm və Təhsil Nazirliyinin informasiya resurslarından götürməlidirlər. Məlumatlar fərdi tanışlıq vasitəsilə əldə olunmamalıdır. Tenderlər də açıq şəkildə həyata keçirilməlidir. Burada insanların vergisindən formalaşan vəsaitlərdən söhbət gedir. Bunun da aydınlığı çox vacibdir”.
E.Əliyev əlavə edir ki, məktəblər müstəqil deyil: “Adi qapının cəftəsini dəyişməyə belə azadlığı yoxdur. Məktəb rəhbərliyi Bakıda tam şəkildə Bakı Şəhəri üzrə Təhsil İdarəsinə, regionlarda isə regional təhsil idarələrinə tabedir. Onlara da birbaşa Elm və Təhsil Nazirliyi rəhbərlik edir. Nazirlikdə isə məktəb işindən məlumatsız olan şəxslər toplaşıblar. Məsələn, Elm və Təhsil nazirinin məktəblərə kuratorluq edən müavini məktəbdən xəbəri olmayan birisidr. O, beynəlxalq münasibətlər üzrə mütəxəssisdir.
Məktəb çox mürəkkəb bir sistemdir. Buna görə də bu sahədə birbaşa aidiyyəti olan şəxslər olmalıdır. Məktəblərlə bağlı şaxəli araşdırmalar aparsaq, daha çox neqativ hallara rast gələrik. 10-11-ci sinif şagirdləri məktəbə gəlmir. Bu, böyük bir fəlakətdir. Burada çox böyük vəsaitdən söhbət getdiyindən, təhsilin rəhbərliyində olan şəxslər bunda maraqlıdırlar. Heç bir məktəbin normal saytı yoxdur”.
Deputat vurğulayır ki, məktəb direktorlarını ifrat asılı vəziyyətə salıblar. Onun sözlərinə görə, məktəb rəhbərlərini Bakı Şəhəri üzrə Təhsil İdarəsində müxtəlif qruplaşmalar idarə edirlər: “Həmin qruplaşmalar isə nazirlikdə formalaşıb. Belə bir məqamda məktəb direktorlarının heç nəyə etiraz etməyə cürəti yoxdur. Onları dərhal vəzifəsindən azad edərlər. Məktəbləri feodal təfəkkürlə idarə etmək olmaz. Bu cür məktəblərdə hansı keyfiyyətdən, şəffalıqdan danışmaq olar?!”.
Etibar Əliyev bildirir ki, bu gün abituriyentlər yüksək nəticələr göstərirsə, bu, ilk növbədə abituriyentin öz istedadı, ikinci növbədə, repetitorların hesabınadır: “Çünki məktəblərdə 10-11-ci sinifdə dərs olmadığından biliklə zənginləşmə də yoxdur. Məktəblərdə maliyyə müstəqilliyi olmalıdır. Məktəb laborant, süpürgəçi işə götürə bilmir”, deyə təhsil eksperti qeyd edib.
Millət vəkili hesab edir ki, məktəbin büdcəsi olsa, məktəblərə müəyyən sərbəstlik verilsə, özü özünün bəzi kiçik təminatlarını da həll edə bilər: “Bəzi şeylər kənardan 10 qat baha qiymətinə verilir və akta qol çəkməyə məcbur edilirlər. Bu proses ildırım sürəti ilə baş verir. Bakı Şəhəri üzrə Təhsil İdarəsi məktəblər üzərində “Damokl qılıncı”dır. Bundan başqa, xeyli sayda məktəb direktorunu nazirlik və idarədə əyləşən vəzifəlilərin himayə etmələri məktəbi çökdürüb. Qruplaşmaya aid olmayan məktəb direktorlarına ən sərt qaydalar tətbiq edilir. Qruplaşmaya aid olanlara isə “gözün üstdə qaşın var” deyən yoxdur. Qruplaşmaların himayə etdiyi məktəblərdə özbaşınalıq, hərc-mərclik, rüşvət tüğyan edir. Məktəbin belə duruma düşməsini istəməzdim”.
Teref.az-ın poçtuna daxil olan şikayət məktubunu təqdim edirik:
Göyçay rayonu Qaraməryəm kənd sakini Quliyev Səbuhi Fəxrəddin oğlu tərəfindən cənab Prezidentə
ŞİKAYƏT ƏRİZƏSİ
"Hörmətli cənab Prezident! Bildirmək istəyirəm ki, bir müddət öncə Göyçay Rayon Mərkəzi Xəstəxanasının bəzi həkimlərinin məsuliyyətsizliyi üçbatından qardaşımın həyat vəfat etmişdir. Mən də xəstənin yaxın qohumu olaraq mərhumun ölüm səbəblərinin obyektiv araşdırılması və xəstəxanada yaranmış özbaşınalıqların qarşısının alınması üçün Azərbaycan Respublikasının Baş Prokurorluğuna və Göyçay Rayon Prokurorluğuna yazılı ərizə ilə çoxsaylı müraciətlər ünvanlayırdım. Lakin, xəstəxananın direktoru Yaşar Əhmədov prokurorluq tərəfindən aparılan istintaqın normal gedişinə mane olmaq məqsədilə əsas və tərkib olmadan, qondarma ittihamla məni Göyçay Rayon Məhkəməsinə şikayət edib.
Belə ki o, facebook sosial şəbəkəsində mənim xəbərim olmadan "Səbuhi Quluzadə" adlı profildən paylaşılan paylaşımların mənimlə əlaqəsi olduğunu iddia edir. Halbuki həmin paylaşımlarda yer alan təhqir və şərəf və layəti alçaldacaq sözlərlə mənim heç bir əlaqəm yoxdur. Yuxarıda qeyd etdiyim "Səbuhi Quluzadə" profili uydurma profildir. Hətta 1 il yarım öncə həmin profilin oğurlandığı haqqında hüquq mühafizə orqanlarına yzılı ərizə ilə müraciət etmişdim. Buna baxmayaraq "facebook" sosial şəbəkəsinin baş ofisi (baş server) ölkəmizin hüdudların kənarda yerləşdiyi üçün araşdırma aparmaq mümkün olmamışdır. Həmin vaxtdan etibarən mənim adımdan istifadə edilərək paylaşılan paylaşımlarla mənim heç bir əlaqəm yoxdur.
Hörmətli cənab Prezident! Bildiyiniz kimi, Azərbaycan Respublikasının Konstitusiyasının 8-ci maddəsinə əsasən "Azərbaycan Respublikasının Prezidenti məhkəmə hakimiyyətinin müstəqilliyinin təminatçısıdır". Məhz ona görə də Sizdən çox xahiş edirəm, barəmdə Göyçay Rayon Məhkəməsinə verilən əsassız ittihamın ləğv edilməsi və hüquqlarımın bərpa olunması üçün köməklik göstərəsiniz. Sizə öz dərin təşəkkürümü bildirirəm".
Bu il IV ixtisas qrupu üzrə ən yüksək – 700 balı toplayan Nigar Ağazadə Azərbaycan universitetlərindən imtina edib.
Bu barədə “Azərbaycan Universitetləri” səhifəsi məlumat yayıb.
Bildirilib ki, Nigar burs qazanaraq Ankara Universitetinin Tibb fakültəsinə qəbul olunub.
Qeyd edək ki, Nigar Ağazadə 125 nömrəli tam orta məktəbin məzunudur. O, qəbul imtahanının I mərhələsində 300 bal, ikinci mərhələsində isə 400 bal toplayaraq maksimal nəticə göstərib.
Regionları birləşdirmək baxımından böyük əhəmiyyətə malik Bakı-Şamaxı avtomobil yolunun genişləndirilməsi turizmin və kənd təsərrüfatının inkişafına, avtonəqliyyat vasitələri ilə yük daşımalarının artımına gətirib çıxarmalı idi. Elə bu məqsədlə də Azərbaycan prezidenti İlham Əliyevin fərmanı ilə təsdiqlənən “Regionların 2014-2018-ci illər sosial-iqtisadi inkişafı Dövlət Proqramı” çərçivəsində “Azəravtoyol” ASC tərəfindən mühüm əhəmiyyətə malik Bakı-Şamaxı-Yevlax avtomobil yolunun 13.3-91-ci km-lik ( 77.7 km ) hissəsinin I texniki dərəcəyə uyğun olaraq 2 hərəkət zolağından 4 hərəkət zolağına (bəzi hissələrdə 6 zolaq) genişləndirilməsi layihəsinin həyata keçirləməsi üçün 100 milyon manata yaxın vəsaitin ayrılmasına göstəriş vermişdir. Layihənin necə həyata keçirilməsilə əlaqədar apardığımız araşdırmalar zamanı irimiqyaslı korrupsiya faktlarına yol verildiyini tərəfimizdən aşkar edildi. Bakı-Şamaxı-Yevlax avtomobil yolunun qeyd olunan hissəsinin yenidən qurulması layihəsi üzrə yolun genişləndirilməsi, avtonəqliyyat vasitələrinin yola asan girişini təmin etmək məqsədi ilə hər iki istiqamət üzrə 4.5 m enində kollektor yolların inşası, Müşfiq qəsəbəsinə daha təhlükəsiz giriş-çıxışını təmin etmək üçün mövcud yol ötürücüsündən istifadə etməklə 300 m uzunluğunda qəsəbədaxili yolun, həmçinin drenaj şəbəkəsinin yenidən qurulması işləri yerinə yetirilmişdir. Qeyd edək ki, 3 il öncə yenidənqurmadan sonra istifadəyə verilən Bakı- Şamaxı avtomobil yolunun Ceyrançekməz çayına çatmamış hissəsində ( 67-68- ci km ) asfalt örtüyündə yoxuş hissədə bir sıra yerlərdə hissə hissə iri çatlar, qabarmalar və çökmələr əmələ gəlmiş və avtomobillərin hərəkəti üçün real təhlükəli vəziyyət yaranmışdır. Vəziyyət nəzərə alınaraq 2 ay öncə həmin sahələrin asfalt örtüyü yenidən qazılaraq yolun səviyyəsinin qabarmalardan və çökmələrdən azad edilməsi üçün xeyli bərkitmə işləri görülmüşdür. Hansı ki, bu yolun yenidənqurulması zamanı podratçı şirkət olan "Polad Yol Yapı San., Tic. A.Ş." şirkəti yola 30 illik zəmanət vermişdir. Amma bu şirkətin 2015-ci ildə inşa edib istifadəyə verdiyi Şəki-Qax yolunda gördükləri keyfiyyətsiz işləri elə Bakı- Şamaxı yolunda da təkrarlaması , hesab edirik ki, ən azı qardaş hesab etdikləri Azərbaycana qarşı olan hörmətsizlik və sayğısızlıqdır. Qax yolunda apardığımız monitorinq zamanı aşkar etmişdik ki, öhdəliklər heç də 35 km uzunluğu olan bu yolun açılışı zamanı cənab Nəqliyyat naziri Ziya Məmmədovun cənab Prezidentə verdiyi rəsmi raportda qeyd edilənlər kimi, yol çəkilişi heç də keyfiyyətlə icra edilməmişdir. O zaman da aşkar etmişdik ki, asfalt örtüyünün 3-cü əsas qatı - yəni, 4 sm qalınlığı olan üst aşınma qatı sənəddə göstərilsə də ümumiyyətlə faktiki olaraq çəkilməmişdir. Və bunun nəticəsində dövlətə ən azı 6 milyon manat maddi ziyan vurulmuşdur. Nəticədə bu gün asfaltın orta və kənar hissələrində çoxsaylı çatlar, çökmələr və yoxuş hissələrdə qabarmalar( el arasında "şifer asfalt" adlanır) əmələ gəlmiş və yol qismən yarasız vəziyyətə düşmüşdür. Qobustan rayonun Nərimankənd kənd sakinlərindən adının çəkilməsini istəməyən ağsaqqalın verdiyi məlumatdan o da məlum olmuşdur ki, Bakı -Şamaxı yolunun 2 zolaqlıdan 4 zolaqlı asfalt yolun yenidənqurulması zamanı 2013-2019-cu illər ərzində görülən işlər zamanı da irimiqyaslı maliyyə maxenasiyalarına yol verilmişdir. Belə ki, Nərmankənd kəndinin 6 km günbatar hisəsində yerləşən "Diri Baba" dağının yaxınlığındakı qayalı dağ yerli icra başçısı olan cənab Adil Məmmədovla "Polad Yol Yapı" şirkəti rəhbərliyi arasında əldə edilmiş gizli sövdələşmə nəticəsində 3 milyon manata satılmışdır. Tikinti şirkəti yol kənarlarının genişləndirlməsi zamanı bu dağın bərk suxurlarını ağır texnikanın köməkliyi sayəsində dağıdaraq hissə hissə yol yatağına daşımışdır. AAYDA-nın 2017-ci ildə rəsmi portalı vasitəsilə verdiyi məlumatlardan isə görürük ki, yol yatağının bu hissələrində heç də AAYDA-nın rəsmi məlumatında göstərildiyi kimi işlər aparılmamışdır: http://www.aayda.gov.az/az/news/796 "Azərbaycan prezidenti İlham Əliyevin fərmanı ilə təsdiqlənən “Regionların 2014-2018-ci illər sosial-iqtisadi inkişafı Dövlət Proqramı” çərçivəsində “Azəravtoyol” ASC tərəfindən mühüm əhəmiyyətə malik Bakı-Şamaxı-Yevlax avtomobil yolunun 13.3-91-ci km-lik ( 77.7 km ) hissəsinin I texniki dərəcəyə uyğun olaraq 2 hərəkət zolağından 4 hərəkət zolağına (bəzi hissələrdə 6 zolaq) genişləndirilməsi layihəsi uğurla icra olunmuşdur. Layihəyə uyğun olaraq: yol yatağının eni 27.5 m, yolun hərəkət hissəsinin eni 15 m, hərəkət zolaqlarının eni 3,75 m, ayrıcı zolağın eni 5 m, hər iki istiqamət üzrə çiyinlərin eni isə 3,75 m-dir. Yol geyiminin qalınlığı 1 m 16 sm-dir: hamarlayıcı lay 50 sm, əsasın qranular alt layının qalınlığı 22 sm, doğranmış əsas layının qalınlığı isə 15 sm, bitumlu əsas layının qalınlığı 19 sm, əlaqələndirici asfalt layının qalınlığı 6 sm, üst aşınma layının qalınlığı 4 sm-dir. Ümuilikdə yol örtüyünün əsası ( asfalt-beton örtük ) 29 sm təşkil edir. Sözügedən avtomobil yolu 4 hissə üzrə yenidən qurulur: 1. 13.3-15.1 km; 2. 15.1-44.6 km; 3. 44.6-67.5 km; 4. 67.5-91.0 km. Yolun 44.6-67.5-ci km-lik (22.9 km) hissəsi ( Cəngi-Qobustan) üzrə yenidənqurma işləri tam olaraq yekunlaşdırılıb. Yolun tikintisinə 2013-cü ilin avqust ayında başlanılıb." Yəni, yol yatağının inşası zamanı rəsmi məlumatda olduğu kimi inşaat normalarına uyğun deyil, hamarlayıcı lay 50 sm, əsasın qranular alt layının qalınlığı 22 sm, doğranmış əsas layının qalınlığı isə 15 sm göstərilsə də bunların heç biri reallıqda həyata keçməmişdir. Yəni, 50sm + 22 sm + 15sm = 87 sm dərinlik sadəcə bərk dağ suxurlarının daşınıb yol yatağına tökülməsilə əvəz olunmuşdur. Layihədə göstərilən işlərin əvəzinə isə tam ucuz formada yaxınlıqdakı dağdan doğranıb daşınmış qaya suxurlarından gen-bol istifadə edilmişdir. Budur, görünən kəndə bələdçi lazım olmadığı kimi, Bakı-Şamaxı yolunun qeyd edilən hissələrində 2 ay əvvəl məcburi aparılan "yamaqvurma" əməliyyatı zamanı rəsmi məlumatların əsasız olmasını, yolun yenidənqurulması zamanı külli-miqdarda dövlət əmlakının mənimsənilməsi faktını bir daha isbatlayır. Hətta enişlərdə ( Bakı-Şamaxı yolunun 67-ci km-də) yamaqvurma əməliyyatıhəyata keçiriərkən asfaltın qalınığı 80 m-ə çatmışdır. Eləcə də layihədə göstərilən - Ümumilikdə Bakı-Şamaxı-Yevlax avtomobil yolunun 13.3-91-ci km-lik hissəsində layihə çərçivəsində 123 ədəd dairəvi boru, 14 ədəd düzbucaqlı su keçidi, 20 ədəd yeraltı keçid və 26 ədəd drenaj boru quraşdırılıb. Həmçinin yol boyu zəruri olan ərazilərdə 8 ədəd yerüstü piyada keçidinin inşası da planlaşdırılır.
Bəli, dəmir konstruksiyadan hazırlanmış və hər birinin ağırlığı 30 ton olan 8 yerüstü piyada keçidinin inşası zamanı da külli-miqdarda dövlət vəsaitinin mənimsənilməsi faktını da ayrca araşdırmamız zamanı üzə çıxarmışdıq. Təkcə bu epizodla bağlı onu qeyd edə bilərik ki, Bakı-Şamaxı avtomobil yolunda 9 yerüstü piyada keçidinin inşaası zamanı xüsusi araşdırmalarımız zamanı məlum olmuşdur ki, tək bir epizod üzrə dövlətin təxminən 3 milyon manata qədər vəsaiti sabiq deputat Günəşovun MMC-si tərəfindən mənimsənilmişdir. Rəsmi məlumatdan da aydın olur ki, Bakı-Şamaxı-Yevlax avtomobil yolunun 27-100-cü km-lik hissəsində vətəndaşların avtomobil yolunu rahat və təhlükəsiz şəraitdə keçməsini təmin etmək məqsədi ilə AAYDA ASC tərəfindən 9 yerüstü piyada keçidi inşa edilmişdir. Bu məlumatdan sonra AAYDA-nın İctimaiyyətlə əlaqələr şöbəsi bir daha bildirmişdir ki, işlər yüksək keyfiyyətlə və texnoloji ardıcıllığa riayət edilməklə aparılmışdır. Yeni yerüstü piyada keçidlərindən biri yolun Qaradağ rayonu Müşviqabad qəsəbəsindən keçən hissəsində, digərləri isə Qobustan rayonunun ərazisində yerləşirlər. Apardığımız araşdırmalardan belə ümumi nəticəyə gəlirik ki, Bakı-Şamaxı-Yevlax avtomobil yolunun 27-109-cü km-lik hissəsində vətəndaşların avtomobil yolunu rahat və təhlükəsiz şəraitdə keçməsini təmin etmək məqsədi ilə AAYDA ASC tərəfindən inşa etdirdiyi 9 yerüstü piyada keçidi istifadə üçün yayarsızdır və yenidən keyfiyyətli materiallarla təchz olunaraq texnoloji qaydalar və standartlar gözlənilməklə yenidən inşa olunmalıdır. İnşaat ekspertləri asanlıqla belə keyfiyyətsiz inşa edilmiş yerüstü piyada keçidlərinin hər birinə reallıqda nə qədər vəsait sərf edildiyini də dəqiqliklə hesablayıb hüquq-mühafizə orqanarına təqdim edə bilərlər. Təxmini hesablamalarımıza görə hər bir keçid üçün dövlət büdcəsindən 470000 manat pul ayrılsa da, reallıqda bu vəsaitin max. 150000 manatı belə 30 tonluq piyada keçidlərinə sərf edilmişdir. Yəni, burada ciddi korrupsiya hüquqpozmaları olmuşdur. Nəticədə, dövlətə cəmi 3 milyon manat maddi zərər dəymişdir.( mənimsənilmişdir) Apardığımız araşdırmalar zamanı ortalığa çıxan ciddi korrupsiya faktlarına hüquqi qiymət verilməsi üçün aidyyatı üzrə yuxarı direktiv orqan rəhbərlərinə faktlar üzrə yazılı müraciətlər etdikdən və Baş prokurorluğun müraciətlər üzrə idarə prokuroru cənab Yadigar Aslanlının məsələnin araşdırılması və müraciət müəllifinə cavab verilməsi barədə rəsmi məktubundan sonra, nəhayət AAYDA ASC-nin Mətbuat Xidməti rəisi cənab Anar Nəcəfli səviyyəsində 14 aprel 2022-ci il tarixli cavab məktubu aldıq. Əlbəttə, əgər buna cavab məktubu demək mümkündürsə. Anar müəllim cavab məktubunda beynəlxalq səviyyədə sifarişin həyata keçirilməsi üçün dövlət satınalmalarının keçirildiyini, işin icrasına da eyni qayda ilə nəzarət edildiyini, yerüstü keçidlərdən intensiv olaraq istifadə edildiyini, yazdığımız və mənimsənilən rəqəmlərin reallığa uyğun olmadığı, yerüstü keçidlərin istismara qəbulunun Fövqəladə Hallar Nazirliyi tərəfindən həyata keçirilməsi bizə rəsmən xatırladılmışdır. Lakin biz AAYDA səlahiyyətlisinin məcburi formada həm bizə, həm də Baş Prokurorluğa ünvanlanmış cavab məktubunun əsas qayəsinin baş vermis irihəcmli korrupsiya cinayətlərinin ört-basdır edilməsinə xidmət edən bir namə olduğu qənaətinə gəlirik. Və cənab A.Nəcəfliyə xatırlatmaq istəyirik ki, cinayəti bilib məlumat verməmə və cinayəti ört –basdır etmə hər iki halda cinayət hesab edilir. Və cənab A. Nəcəfliyə onu da xırdalığına qədər nəzərinə çatdırmaq istəyirik ki, 9 ədəd yerüstü keçid heç də onun dediyi kimi, beynəlxalq səviyyədə sifarişə uyğun satınalmaların həyata keçdiyi kimi olmamışdır. Cavab olaraq bildirirk ki, yerüstü keçidlərin tikintisinin icraçısı satınalma zamanı "tender qalibi" olmuş MMC sabiq deputat Günəşov olmuşdur. Və onun hazırda Bakının Xətai rayonunda, Babək prospektində, konkret desək indiki köhnə təkərlər bazarının arxa tərəfində yerləşən dəmr sexində sözügedən piyada keçidləri korroziyaya uğramış metallom borulardan istifadə olunmaqla çox keyfiyyətsiz olaraq quraşdırılmışdır. Hətta paslanmış metal borulara antipas rəng vurulmadan ağ rənglənmişdir. Hazıda həmin yerüstü keçidlərin boru dayaqlarından ağ rəngin altından axan sarımtıl pas sadəcə göz oxşayır. Bizim dəqiqləşdirmələrimiz bu qədər. Ona görə də hesab edirik ki, istər Bakı-Şamaxı, istər Şəki-Qax, istərsə də Şamaxı yolunda inşa edilmiş 9 ədəd yerüstü keçidlərin tikintisi zamanı baş vermis iri miqyaslı korrupsiya cinayətlərinin yerində araşdırlması üçün dövlətin aidiyyatı üzrə rəsmi qurumlarının apardığımız araşdırmalar zamanı ortalığa çıxardığımız maliyyə maxenasiyalarına hüquqi qiymətin verilməsi zəruridir.
Onu da qeyd etmək yerinə düşərdi ki, "Polat Yol Yapı" icraçı şirkətin texniki direktoru, türk iş adamı Zəfər bəylə telefon danışığı zamanı bildirmişdir ki, sorun bizdə deyi, bizə nə qədər para ayrılırsa, biz də o qədər iş görmüşük. Yəni bu müsahibədən gün kimi aydın olur ki, sifarişçi təşkilat olan Azərbaycan Avtomobil Yolları DA-yi heç də yol ikintisi üçün nəzərdə tutulan pul vəsaitinin hamısını deyil, yalnız cüzi bir hissəsni podratçı təşkilata verirlər.
Müstəqil araşdırmaçı Məmməd Əhmədoğlu
Teref.az olaraq məqalədə toxunulan iddialarla bağlı qarşı tərəfin mövqeyini dərc etməyə hazırıq!
Teref.az
"Zəruri ərzaq və gündəlik istehlak malları sürətlə bahalaşır". Bu cümləni ya bəzi rəsmi şəxslərin dilindən eşidirik, ya da mətbuatdan oxuyuruq. İqtisadi terminlər, heç kimin başa düşə bilmədiyi izahlar və sairə...
Amma və lakin hamının başa düşəcəyi və işlətdiyi bir cümlə də var - "Bazar od tutub yanır, qiymətlər hər gün qalxır"... Bu cümləni isə ölkənin bütün bölgələrində yaşayan insanlar hər gün, hər saniyə işlədir.
Bizimxeber.az bildirir ki, Azərbaycanda bazar "od tutub yanır", marketlərdəki qiymətlərə nəzarətin kimlər tərəfindən və necə edildiyi, üzən və ya qaçan məzənnənin necə tənzimləndiyini bilən yoxdur. Gündəlik tələbat malları, əsasən ərzaq məhsullarının qiyməti durmadan dəyişir və bahalaşır.
Veysəloğlu Şirkətlər Qrupu “Veysəloğlu” MMC barədə mediada yayılmış məlumata aydınlıq gətirib
Rəsmi qurumlar bu vəziyyəti, Koronavirus, Rusiya-Ukrayna müharibəsi ilə əlaqələndirsələr də, sadə vətəndaş buna inanmır və gördüyü qiymət artımı ilə barışmaq istəmir.
Elə isə ölkədə əsasən gündəlik tələbat malları və ərzaq məhsullarının qiymətini tənzimləməkdə və ya artırmaqda yaxından iştirak edən böyük satış şəbəkələri hansı funksiyanı, dəstəyi verir?
Azərbaycanda bir neçə belə böyük dağıtım şirkəti fəaliyyət göstərir - "Azərsun" Holdinq, "Veysəloğlu" Şirkətlər Qurupu və adını çəkmədiyimiz diğər dağıtımçılar...
Hələlik və ilk olaraq "Veysəloğlu" Şirkətlər Qurupunun Azərbaycan istehlakçısına təqdim etdiyi məhsullara, işçi məmuniyyətina, alıcı qabiliyyətinə və qiymət tənzimlənməsinə nəzər yetirək.
"Veysəloğlu" Şirkətlər Qurupu Azərbaycan bazarında "Araz" Supermarketləri və "OBA" Marketləri ilə at oynadır. Bəli, düz oxuduz, "at oynadır"...
Şirkətin mətbuat üçün həftəlik açıqlamasında qiymətlər, tənzimləmələr və sairə hallar elə təqdim edilir ki, sanki bu şirkətin fəaliyyəti ağ kağızdır və heç bir əyri işi yoxdur.
Amma və lakin diqqət edək!
İlk olaraq diqqəti Veysəloğlu" Şirkətlər Qurupunun tərkibindəki "OBA" marketlərinə yönəldək. Azərbaycanın bütün bölgələrində, eləcə də paytaxtda 100-lərlə məkanda fəaliyyət göstərən bu marketlərin xadiməçiləri yoxdur. Bəli, düz oxuduz, bu marketlərdə xadimə yoxdur və satıcılar həm xadimədir, həm yük daşıyandır (fəhlə), həm də satıcıdır.
Təsəvvür edin ki, "OBA"da hansısa məhsulla bağlı nəsə soruşmaq istəsən, yaxud çəki ilə 1 kq qənd almaq istəsən satıcı-xadimə-fəhlə funksiyasını həyata keçirən xanım və bəyləri 5-10 dəqiqə gözləməlisən. Ya pol silir, ya hansısa məhsulu sayır, ya da toz basmış məhsulları təmizıləyir...
Hə bu bir başqa biabırçılıqdı... Əlində pol ağacı (pas-pas) olan satıcı-xadimə-fəhlə əlini yumadan (Əl yumaq üçün əksər marketlərdə su belə yoxdur) sənə 1 kq qənd çəkir. Gözəl mənzərədir, analoqsuz xidmətdir... Bu reallıqdır, əziz Veysəloğlu" Şirkətlər Qurupunun milyonçu rəhbəri..
Sizcə belə olamalıdır? Bir adam həm satıcılıq etməli, həm xadimə işi görməli, həm də fəhlə kimi yük daşımalıdır? Ayda 300-400 manata ehtiyacı olan insanların bu vəzziyyətindən istifadə edib beləmi edirsiz?
Əziz oxucu, bilirsiz bununla rəhbərlik nə demək istəyir? Məncə Veysəloğlu" Şirkətlər Qurupunun rəhbəri düşünür ki, zatən OBA merketlərində al-ver edənlər kasiblardı, acından ölənlərdir, orda çalışan Satıcı-xadimə-fəhlələr isə pula ehtiyacı olan məcburlar. Bunlara nəyi necə sırısaq məcburdular alıb yeməyə, işləməyə. İylənmiş və aylarla buzlanmış toyuq, tükü-dərisi ilə bizlikdə çəkilmiş fars, mənbəyi bilinməyən peçeniye, içərisi qırıq-qırıq olan cipsi, içərisini qurd basmış şokoladlar (belə şokoladlardakı qurdları yalnız xüsusi avadanlıqla görmək olur), mənşəyi bilinməyən baş və bədən şampunları. Bir sözlə keyfiyyətsiz nə desən tapmaq olar "OBA" marketlərində.
Daha bir müəmma odur ki, Veysəloğlu" Şirkətlər Qurupunun tərkibində olan "Araz" Supermarketlərində satılan məhsullar "OBA" marketlərdə yoxdur. Bütün bunlar OBA-nın kasıb təbəqə üçün hesablandığı qənaətini ortaya qoyur. Yəni, Veysəloğlu" Şirkətlər Qurupunun dağıtımı elə tənzimlənir ki, artıq heç nə qalmasın, mütləq mənada satılsın.
Daha bir ciddi məsələ "OBA" marketlərində satılan sosis və kolbasa məhsulları ilə bağlıdır. Bu məhsulların əksəriyyətinin, əsasən kolbasa məhsullarının keyfiyyəti böyük sual altındadır. Dəyişdirilə bilən etiketlərlə satışa çıxarılan bu məhsulların yağlılığı və ədviyyatının daha çox olması keyfiyyətilə bağlı ciddi şübhələr ortaya qoyur. Kolbasa məhsullarının yağı az qalır yerə damsın.
Qiyməti isə bir kq üçün 5 manat. Əcəba, yağı üzünə çıxan kolbasa elə görüntü yaradır ki, bu ya quzu ətindən hazırlanıb, ya da xüsusi bəslənmiş dana ətindən. Sizə bu kolbasalar belə hazırlanıb? İnanan daşa dönsün...
Qida Təhlükəsizliyi Agentliyinin rəhbəri Qorxmaz Təhməzli haqqında ŞOK İDDİA - FOTOLAR | KONKRET
Qiymət məsələsinə gəlincə Azərbaycanda zəruri ərzaq və gündəlik istehlak mallarının qiymətinin qalxmasında Veysəloğlu" Şirkətlər Qurupunun xüsusi payı var. Bu barədə yaxın günlərdə oxuculara ətraflı məlumat verəcəyik...
Ölkənin İqtisadiyyat naziri Mikayıl Cabbarov, Azərbaycan Qida Təhlükəsizliyi Agentliyinin rəhbəri Qorxmaz Təhməzli və Antiinhisar və İstehlak Bazarına Nəzarət Dövlət Xidmətinin rəhbəri Məmməd Abbasbəyli cənabları... Siz nəyi gözləyirsiz? Kasıb insanların övladlarının gələcək həyatı sual altındadır. Bu marketlərdə satılan qidaların keyfiyyəti, satıcıların kimliyi və hansı iş görməsi sual altındadır.
Bizimxeber.az xatırladır:
OBA marketlərində işçiləri qul kimi işlədirlər - (İqtisadiyyat naziri Mikayıl Cabbarov)
Qiymətlər süni olaraq qaldırılır - ( Antiinhisar və İstehlak Bazarına Nəzarət Dövlət Xidmətinin rəhbəri Məmməd Abbasbəyli)
Satılan qida məhsullarının keyfiyyəti böyük sual altındadır - (Azərbaycan Qida Təhlükəsizliyi Agentliyinin rəhbəri Qorxmaz Təhməzli)
“Ölkəmin ali qanunverici orqanında Aydın Hüseynov kimi şəxslərin millətimi, xalqımı təmsil etməsi utancvericidir. Bir deputat ki düz-əməlli yaza bilmir, sizcə, o xalqı parlamentdə normal təmsil edə bilərmi? Əlbəttə, xeyr!”
Pravda.az-ın xəbərinə görə, bunu Gələcək Azərbaycan Partiyasının sədri Ağasif Şakiroğlu bildirib.
GAP sədri xüsusi vurğulayıb ki, Aydın Hüseynov parlamentdə YAP-ı təmsil edir: “Obyektivlik naminə deyim ki, YAP-da kifayət qədər intellektual, müasir dünya görüşünə malik gənclər var. Müxalifət olaraq buna sevinirəm. Eyni zamanda Aydın Hüseynov kimi deputatları görəndə də üzüntü məni boğur. Belə insanları YAP-ın namizədi etmiş YAP-ın Mərkəzi İcra Aparatının keçmiş sədri Əli Əhmədov, görəsən, heç utanırmı? Sadəcə, rəzalətdir. İndi də təzə məsələ tapıblar. Kim belə biabrçı status yazır, deyir, sürücü yazıb. Ay qardaş, sürücü maşın sürmək üçündür, ya status yazmaq üçün? Desələr ki, “deputatın köməkçisi yazıb, deputatın xəbəri yoxdur” bəlkə də inandırıcə gələr. Yalanı elə abırsızcasına danışırlar ki... Xalqı qızışdırmaq, özündən çıxarmaqdır niyyətləri… A kişi, sənin rəsmi sosial şəbəkə hesablarını sürücü kimdir ki, idarə edə? Bunun məsuliyyətini anlamırsan? Elədirsə, iki qat ayıb olsun. Məsuliyyətini dərk etməyən deputatın o mandatı daşımağa mənəvi haqqı yoxdur”.
