Bu ilin avqust ayında apardığımız araşdırma nəticəsində bəlli olmuşdu ki, Naxçıvanda şəhidlərin adını daşıyan bütün məktəblərdə “ad islahatı” aparılıb: Məktəblərdən şəhid adı çıxarılıb və onlar faşist düşərgələrində saxlanılan əsirlər kimi nömrələrlə işarələnib.
Bundan əlavə, Şərurun Şəhid Məmməd kəndinin sakinlərinin şikayətindən anlaşılır ki, onların kəndinin də adı özünü Azərbaycanın akademikbaşısı sayan İsa (el arasında “Pəncov” və ya “Perevod” İsa ünüylə məşhurdur) Həbibbəylinin təkidli tələbləri ilə dəyişdirilib və “Dan yeri” kimi uydurma ad qoyulub. Pəncov İsa bu ad dəyişikliyində maraqlı bir arqumentə istinad edibmiş: “Şəhid Məmməd sürücü olduğundan bir kənd onun adı ilə anıla bilməz”. Görünür, ona-buna “savad” və saxta diplom satmaqla akademik ünvanı qazanan Pəncov İsa öz adını bu kəndə daha layiq görübmüş və arzusu qursağında qaldığından kəndə Dan yeri adını qoymağı məsləhət bilib. Sanki kənd onun ata mülküdür və ona istədiyi adı qoya bilərmiş.
Nəzərə alsaq ki, Vasif Talıbovun ideoloji istinadgahı Pəncov İsa olub, məktəblərdən şəhid adının yığışdırılması kimi absurd hadisənin öz doğma kəndinin sakinlərinin iradəsinə belə acımazsız yanaşan akademikbaşının qeyri-sağlam düşüncəsindən doğduğunu təxmin etmək olar. Mümkündür ki, Naxçıvanın Təhsil naziri Rəhman Məmmədov da Pəncov İsa yolu gedənlərdəndir və o da şəhidlərin ruhuna akademikbaşı sayağı hörmət bəsləyir. Belə olmasaydı, 2019-cu ildə bir gözqırpımı qərarı ilə Naxçıvanın şəhid adını daşıyan bütün məktəblərin adını “şəhidsizləşdirməzdi”.
Naxçıvan MR Təhsil Nazirliyində işləyən və kimliyinin açıqlanmasını istəməyən qaynağımızın məktəb adlarının “şəhidsizləşdirilməsi” siyasəti ilə bağlı sorğumuza verdiyi cavab da belə düşünməyə əsas verir:
“Bizim and yerimiz Şəhidlərimizdir. Şəhidlərimizə edilən hörmətsizlik bu xalqa edilmiş hörmətsizlikdir.
Heydər müəllim, sizin bəhs etdiyiniz məktəb adlarının “şəhidsizləşdirilməsi” 2019-cu ildə Naxçıvan Muxtar Respublikası Təhsil naziri Rəhman Məmmədovun qərarı ilə baş tutub. Şəhid adına olan məktəblərin adı dəyişdirilib, möhürləri təhvil alınaraq yeni (şəhid adının olmadığı ) möhürlərlə əvəz edilib.
Həmin məktəbin direktorlarına qəti şəkildə tapşırıq verilib ki, bu məsələ hallanmasın.
Sizcə, damarında Türk qanı axan, kimliyində Azərbaycanlı yazılan, vicdanı olan bir insan bunu edərmi? Amma Rəhman Məmmədov etdi, sanki bu etməklə də Azərbaycan dövlətçiliyinə diş qıcadı, gücünü göstərmək istədi.
Hələ də həmin Şəhid ailələri elə bilir ki, məktəblər Şəhidlərimizin adınadır.
Bu məsələ təcili araşdırılmalı, həmin məktəblərin adı bərpa edilməlidir.
Naxçıvan müəllimləri cümlənin ortasında belə "Şəhid" sözünü böyük hərflə yazarkən onlara rəhbərlik edən bir şəxsin bu addımı bizi dərindən üzür”.
Heyder Oguz
Teref

Azərbaycanın Birinci vitse-prezidenti Mehriban Əliyeva rəsmi “Instagram” səhifəsində 31 Dekabr - Dünya Azərbaycanlılarının Həmrəyliyi Günü və Yeni il bayramı ilə əlaqədar paylaşım edib.

Teref.az həmin paylaşımı təqdim edir:

Azərbaycan Respublikasının Prezidenti İlham Əliyev 31 Dekabr – Dünya Azərbaycanlılarının Həmrəyliyi Günü və Yeni il bayramı ilə əlaqədar sosial şəbəkə hesablarında paylaşım edib.

Teref.az xəbər verir ki, paylaşılan fotonun üzərində “Dünya Azərbaycanlılarının Həmrəyliyi Günü və Yeni iliniz mübarək!” sözləri yazılıb.

Azərbaycanın məşhur inşaat şirkəti olan “Akkord General Construction” MMC məhkəməyə verilib.

Qaynarinfo xəbər verir ki, iddiaçı Dünyamalıyev Emin Hüseynağa oğludur.

İş hazırda apellyasiya mərhələsindədir. 26 yanvar 2023-cü ilə iş üzrə məhkəmə baxış iclası təyin edilib. Emin Hüseynovun apellyasiya şikayətinə Bakı Apellyasiya Məhkəməsinin hakimi Günay Axundovanın sədrliyi ilə baxılacaq. İşin mahiyyəti mənzil münasibətləri üzrə sair mübahisələrdən ibarətdir.

Araşdırmalarımız zamanı bəlli olub ki, Emin Dünyamalıyev “Akkord General Construction” MMC-nin layihəsi olan “Uğur-2” Yaşayış Kompleksindən kredit yolu ilə sahəsi 66.31 kv/m mənzil alıb. “Texnikabank” ASC tərəfindən mənzilin pulu həmin şirkətə tam ödənilib. Özü isə hər ay bankın kredit pulunu həmin kvadratmetrə uyğun ödəyib. Emin Dünyamalıyev çıxarış aldıqda isə məlum olub ki, mənzilin ümumi sahəsi 54.10 kv/m-dir.

Beləliklə, aydın olub ki, vətəndaş artıq pul ödəyib. Emin Dünyamalıyev ödədiyi artıq pulu geri istəsə də, şirkət qaytarmır.

“Akkor General Construction” MMC 5 avqust 2008-ci ildə qeydiyyata alınıb. Nizamnamə kapitalı 10 000 AZN olan şirkətin qanuni təmsilçisi Şirinov Şahin Şəmsi oğludur. Bununla belə, “Akkord” keçmiş baş prokuror Zakir Qaralovun şirkəti kimi tanınır.

Naxçıvandan Türkiyəyə quru sərhədlə gediş-gəliş yenidən məhdudlaşdırılıb. Məhdudiyyət, əsasən Türkiyəyə alış-veriş üçün gedənlərə tətbiq olunur. Bu ölkədən Naxçıvana ərzaq və digər məhsul gətirənlər üçün Sədərək Gömrük Məntəqəsi bir aylıq qadağa tətbiq edir. Gömrüyü əliboş keçənlərə isə bu qadağa tətbiq olunmur. Bundan əlavə, gömrükdən avtomobillə keçmək də qadağan olunub. TEREF.AZ yazır ki, bu haqda "Gündəlik Naxçıvan"a yerli sakinlər məlumat verib. Onların sözlərinə görə, qadağa və məhdudiyyət dekabrın 24-dən tətbiq olunur.
Ötən ayın ortalarında DTX Naxçıvanda yoxlamalara başlayandan bəri, Sədərək gömrüyündə bütün qadağalar aradan qaldırılmışdı. Hər bir naxçıvanlı istədiyi vaxt Türkiyəyə keçib, istədiyi qədər ərzaq alıb, gətirə bilirdi.
Şərur rayon sakini Qurban Əliyev deyir ki, onların bu sevinci çox çəkməyib:
"Bir neçə gün öncə Türkiyənin Iğdır vilayətinə gedib qayıtmışdım. Orada xeyli ucuzluq olduğu üçün, ərzaq alıb gətirmişdim. Prezident Naxçıvana səlahiyyətli nümayəndə göndərdiyi günün sabahı bu qadağanı tətbiq etdilər. Həmin gün yenidən Türkiyəyə getmək istəyəndə, Sədərək gömrüyündən buraxmadılar. Dedilər ki, yeni qanun çıxıb, keçən dəfə ərzaq gətirmisən deyə, bir aylıq qadağa tətbiq olunub. DTX yoxlamalara başlayanda, sərhəddə bütün qadağalar götürülmüşdü. Kasıb cammat ərzaq daşıyırdı. Sevinirdik ki, belə də davam edəcək. Sən demə, yağışdan çıxıb, yağmura düşəcəyik. Talıbovun vaxtında yenə 15 gündə bir dəfəyə icazə verirdilər. Yeni gələn rəhbər isə 30 günə qaldırdı. Bunlar deyəsən, Talıbova rəhmət oxuduracaq".
Türkiyəyə işləmək üçün, yəni əliboş gəlib-gedənlərə məhdudiyyət tətbiq olunmasa da, onlar başqa bir problemlə üzləşirlər. Minik avtomobilləri və avtobuslar gömrükdən buraxılmadığından, bu şəxslər Türkiyə tərəfinə çatana kimi, uzun məsafəni piyada getməli olurlar. Naxçıvan şəhər sakini Mahir Musayev deyir ki, qarşı tərəfə çatmaq üçün, təxminən yarım saat piyada getməli olub:
"Gömrükdə möhür vurdurduqdan sonra, Türkiyə ərazisinə keçənə qədər piyada getməli oldum. Çünki, minik avtomobili, taksi, avtobus buraxılmır. Hər iki əlimdə ağır yük yarım saat piyada getməli oldum”

"Budurmu sizin "Azercell"iniz... Təriflədiyiniz şirkət rayonlarda rəsmən çöküb". DİA.AZ bildirir ki, bu barədə "Şikayətçi" sosial şəbəkəsində Qara Səmədli adlı istifadəçi giley edir.

Daha sonra narazı vətəndaş yazır:

"Hazırda Qubadayam. Ailəmlə birgə istirahətə gəlmişəm. Amma peşman olmuşam. Yox, xidmət... hər şey yaxşıdır... problem internetdir...

Rayonlarda "Azercell"ə aid nə internetden nə dəki zəngdən istifadə etmək mümkün deyil. "Azercell" kimi şirkətin belə keyfiyyətsiz xidməti ürəkaçan deyil. Bu şirkətə arxayın olub Biləcəridən çıxan yazıqdır ki, sizə inanıb..."

İddia olunanlarla bağlı dia.az olaraq qarşı tərəfi də dinləməyə hazırıq...

İsveçrənin qədim banklarından olan "Credit Suisse"-dən sızan məlumatlar dünya mətbuatında şok effekti yaradıb.

Qeyd edək ki, bu məlumatlar 2022-ci ilin fevralında yayılıb, sadəcə, Musavat.com hazırda Talıbovlarla bağlı məsələ gündəmdə olduğu üçün yenidən təqdim edir.

Xarici mediada verilən xəbərə görə, bank dövlət başçılarına, kəşfiyyat rəsmilərinə və sanksiyaya məruz qalmış iş adamlarına məxsus hesablarda milyardlarla dollar saxladığını üzə çıxarıb.

İsveçrə bankları müştərilərinin məlumatlarını sirr kimi saxlamaqla tanınır. Bununla belə, anonim bir şəxs Almaniyanın "Süddeutsche Zeitung" qəzetinə ümumi dəyəri 100 milyard dollardan çox olan 18 mindən çox bank hesabı haqqında məlumat sızdırıb.

Məlumatlar Mütəşəkkil Cinayətkarlıq və Korrupsiya Hesabatı Layihəsi (OCCRP) ilə dünyanın müxtəlif yerlərindən 48 xəbər təşkilatı ilə birlikdə paylaşılıb.
"Suisse Secrets" nədir?
Dünyanın ən zəngin və köklü banklarından biri olan "Credit Suisse" bankı ilə bağlı bu araşdırma "Suisse Secrets" adlanır.

39 ölkədən 48 media orqanından 163 jurnalistin iştirak etdiyi araşdırmada İsveçrənin ən böyük investisiya banklarından biri olan "Credit Suisse"dən sızan bank hesabı məlumatları aylarla təhlil edilib. İlk dəfədir ki, İsveçrə bankından jurnalistlərə belə böyük məlumatlar sızıb.

İstintaq zamanı müəyyən edilib ki, hesab sahibləri arasında korrupsiyada ittiham olunan dövlət məmurları, insan hüquqlarının pozulmasında ittiham olunanlar və cinayəti olan şəxslər də var.

Sızdırılan məlumatlarda nə var?
Məlumatlarda 18 mindən çox "Credit Suisse" hesabı haqqında məxfi bilgilər mövcuddur. Bəzi müştərilərin 1-dən çox hesabı var. Hər bir hesab haqqında məlumat hesab nömrəsini, sahibinin şəxsiyyətini və hesabdakı məbləği ehtiva edir.

Mütəşəkkil Cinayətkarlıq və Korrupsiyaya Qarşı Mübarizə Layihəsinin hesabatına görə, sözügedən bəzi hesablar illər əvvəl bağlanıb.

Hesablar kimə aiddir?
Tədqiqat nəticəsində hazırlanan hesabatda bütün hesab sahiblərinin şəxsi məlumatları yer almır.
İordaniya Kralı II Abdullah, Misirin devrilmiş lideri Hüsnü Mübarəkin iki oğlu, Pakistan kəşfiyyatının rəhbəri general Akfar Əbdürrəhmanın oğulları, Venesuela hökumət rəsmiləri və İtaliyanın ən böyük mafiya təşkilatlarından biri olan "Ndrangheta"ya yaxın olan Antonio Velardo kimi adlar var.

Tunis, Liviya, Suriya və Yəmən kimi ölkələrin yüksək səviyyəli dövlət məmurlarının xüsusilə “ərəb baharı” dövründə pullarını İsveçrədəki bank hesablarına köçürmələri də diqqət çəkir.

Bundan əlavə, Qazaxıstan prezidenti Qasım-Comərd Tokayev, Naxçıvanın sabiq rəhbəri Vasif Talıbovun oğulları Rza və Seymur Talıbovlar, yanvar ayında istefa vermiş Ermənistanın prezidenti Armen Sarkisyan, serbiyalı narkobaron Rodoljub Raduloviç, Əlcəzairin keçmiş prezidenti Əbdüləziz Buteflika da "Credit Suisse" bankında hesab açıb.

"Mütəşəkkil Cinayətkarlıq və Korrupsiya Reportajı Layihəsi" Qazaxıstan prezidenti Tokayevin ötən illərdə oğlu Timur Tokayev üçün "Credit Suisse" bankında hesab açdığını və oğlunun adına İsveçrənin Cenevrə, Versoix və Saint Prex şəhərlərində üç ayrı villa aldığını yazıb.

Maraqlıdır ki, bank hesabı olan insanlar daha çox bank məlumatlarını İsveçrənin vergi orqanları ilə bölüşmək barədə razılaşması olmayan ölkələrdəndirlər.

Credit Suisse məlumat sızması haqqında nə açıqlama verib?
Bank sözçüsü Candice Sun, iddiaları şiddətlə rədd etdiklərini söyləyib və əlavə edib ki, əldə edilən hesabların çoxu on il əvvələ, maliyyə qanunlarının fərqli işlədiyi vaxta aiddir.

Candice Sun sızdırılmış məlumat bazasındakı hesabların çoxunun artıq bağlandığını və qalan aktiv hesablarla bağlı lazımi addımların atılmasında heç bir problem olmadığını bildirib. Candice Sun daha sonra bu sızıntıların bankı “diskreditasiya cəhdi” kimi şərh edib.

Son olaraq onu da qeyd edək ki, 2021-ci ilin oktyabrında Beynəlxalq Araşdırmaçı Jurnalistlər Konsorsiumu (ICIJ) təxminən 12 milyon fayldan ibarət olan məlumatlara əsaslanaraq dünya liderləri, siyasətçilər və məşhurlar haqqında məxfi maliyyə məlumatları paylaşılıb.

Musavat.com

Naxçıvan Muxtar Respublikası, Ordubad rayonu, Tivi kənd sakini, 1970-ci il təvəllüdlü Samiddin Əşrəf oğlu Quliyev Hurriyyet.az-a müraciətində Naxçıvan Muxtar Respublikasının ekologiya və təbii sərvətlər naziri Mayis Əliyevin qanunsuz əməllərindən şikayətlənib.

Hurriyyet.az-la yanaşı, ölkə başçısı İlham Əliyevə, birinci vitse-prezident Mehriban Əliyevaya, o cümlədən Naxçıvan Muxtar Respublikası Ali Məclisinin sədri Vasif Talıbova müraciət edən şikayətçi Mayis Əliyevin Akademik Həsən Əliyev adına Ordubad Milli Parkının bütün əməkdaşlarını sutkalıq iş rejimi ilə işləməyə vadar etdiyini bildirib: "Mən veteran ailəsində doğulmuşam, 7 uşaqlı ailənin sonuncu övladıyam. Qardaşım Bədrəddin Əşrəf oğlu Quliyev 1994-cü ildə Azərbaycanın ərazi bütövlüyü uğrunda gedən döyüşlərdə Fizuli rayonunun "Qızılqaya" istiqamətində şəhid olub. Mən 2003-cü ildə Akademik Həsən Əliyev adına Ordubad Milli Parkında işə başlamışam və heç bir qüsurum olmadan çalışmışam. Lakin 22 dekabr 2020-ci il tarixdə Naxçıvan Muxtar Respublikasının ekologiya və təbii sərvətlər naziri Mayis Əliyev çıxardığı qanunsuz iş rejimini həyata keçirməyə başladı. Belə ki, o, Akademik Həsən Əliyev adına Ordubad Milli Parkının bütün əməkdaşlarını sutkalıq iş rejimi ilə işləməyə məcbur etdi. Mən isə yaşadığım ərazidən 60 kilometr aralıda yerləşən Gənzə, Nüsnüs ərazilərinə göndərildim və dekabrın 22-si gecə saat 12.40-da Anabat kəndinin aşağı hissəsində qaranlıq olduğu üçün qəza keçirdim".


Həmin hadisə ilə bağlı ətraflı məlumat verən Samiddin Quliyevin sözlərinə görə, yolda hərəkət edərkən yıxılıb və sol qıçından xəsarət alıb: "Hadisədən sonra Naxçıvan Muxtar Respublikasının Ekologiya və Təbii Sərvətlər Nazirliyi tərəfindən mənə heç bir köməklik göstərilmədi. Əksinə, müvafiq qurumlara şikayətimdən sonra dekabrın 26-da nazir Mayis Əliyev məni yanına çağırdı, hədsiz dərəcədə təhqir və təhdid etdi. Hətta o, şəhid qardaşımın da ünvanına nalayiq ifadələr işlətdi. Səbəbsə mənin onun aldığı rüşvət, qanunsuz olaraq saxladığı maaş kartları haqda lazımı orqanlara məlumat verməyimdir".

Şikayətçi onu da əlavə edib ki, Naxçıvan Muxtar Respublikasının ekologiya və təbii sərvətlər naziri Mayis Əliyev bir ay ərzində idarənin 9 əməkdaşını səbəbsiz yerə işdən azad edib: "Hətta idarə müdirini belə, işdən azad edib. O, səbəbsiz yerə 25 dekabrda 5 nəfəri, 7 yanvarda 2 nəfəri, sonda 27 yanvar 2020-ci il tarixdə isə məni və Cavad Abutalıbovu günahsız yerə işdən uzaqlaşdırıb. Odur ki, müvafiq qurumlardan məsələyə öz münasibətlərini bildirmələrini, müvafiq araşdırma aparmalarını və tapdanmış hüquqlarımızın bərpasında yardımçı olmalarını xahiş edirəm".