Avropa İttifaqının (Aİ) xarici siyasət xidmətinin rəhbəri Jozep Borrell Avropada Quranın yandırılması hallarının təhqir, hörmətsizlik və aşkar təxribat olduğunu açıqlayıb, bunun Avropada qanuni, etik olmasa da, qanuni olduğunu qeyd edib.

Bu barədə onun Aİ-nin xarici siyasət xidməti tərəfindən yayılmış bəyanatında deyilir.

“Avropada ayrı-ayrı şəxslərin çox sayda müsəlmanı təhqir edən son hərəkətlərindən sonra Aİ dini nifrət və dözümsüzlüyə təhrikin istənilən formasını qətiyyətlə rədd etdiyini bildirir. Müxtəlifliyə hörmət Aİ-nin əsas dəyərlərindən biridir. Buraya digər dini icmalara hörmət də daxildir. Qurana və ya müqəddəs sayılan hər hansı digər kitaba hörmətsizlik etmək təhqiramiz addım, hörmətsizlik və açıq-aşkar təxribatdır. Aİ-də irqçilik, ksenofobiya və bununla bağlı dözümsüzlüyün ifadəsinə yer yoxdur. Biz din və inanc azadlığını, həmçinin xaricdə və daxildə ifadə azadlığını müdafiə etməyə davam edirik, qanuni olan hər şey etik deyil”, - o söyləyib.

J.Borrell hamını birliyə və qarşılıqlı hörmətə çağırıb və ayrı-ayrı təxribatçıların əməllərinin yalnız cəmiyyətimizi parçalamaq istəyənlərə xidmət etdiyini vurğulayıb.
TASS

Birləşmiş Millətlər Təşkilatının Baş Assambleyası dinlərarası dialoqu təşviq etmək üçün qətnamə qəbul edib. Bu qətnamədə müqəddəs kitablara qarşı hər hansı bir təhqir qəti şəkildə pislənilir və beynəlxalq hüququn pozulması hesab edilir.

“Report” xəbər verir ki, bu barədə Baş Assambleyanın sessiyasının rəhbərinin rəsmi nümayəndəsi Polina Kubiyak məlumat verib.

Dialoqu təşviq etmək və nifrət nitqinə qarşı mübarizə məqsədi daşıyan sənəddə BMT dövlətləri dini zəmində insanlara qarşı hücumları, habelə onların dini rəmzlərinə, müqəddəs kitablarına, evlərinə, müəssisələrinə, əmlaklarına, məktəblərinə, mədəniyyət mərkəzlərinə qarşı yönəlmiş oxşar hərəkətləri beynəlxalq hüquq normalarının pozulması hesab edib, belə halları qətiyyətlə pisləyiblər.

P.Kubiyak qeyd edib ki, İspaniya qətnamədən beynəlxalq hüququn pozulması ilə bağlı sözlərin çıxarılmasını təklif edib, lakin digər ölkələr bu təklifi rədd edib:

“Qətnamə konsensusla təsdiq edilib. İlk dəfə olaraq BMT qətnamələrinin mətninə dini simvollara və müqəddəs kitablara ayrıca istinad daxil edilib”.

Ekologiya məsələsinə hər zaman qarışmışam. On beş il bundan öncə də Urmu gölünün quruması ilə bağlı dünyada bir kampaniyaya başlamışdım. Hələ o vaxtlar iranlı fotoqraflara gölün şəklinin çəkilməsi və yayılması ilə bağlı yardım da edirdim.

Bu sözləri Axar.az-a Güney Azərbaycan əsilli, dünya şöhrətli fransız fotoqraf Rza Deqati son günlər Urmu gölünün qurumasına diqqət çəkmək üçün başladılan kampaniya haqqında danışarkən deyib.

Gölün qurumasını ekoloji terror adlandıran fotoqraf molla rejiminin Azərbaycanla bağlı qərəzli niyyətindən danışıb:

“Mollaların ən böyük siyasəti Azərbaycanı dağıtmaq olub. Bunun üçün də bir neçə iş görüblər. Birincisi, Urmiya gölünü qurudulmasıdır. Bilirlər ki, gölün quruması ilə duz tozunun yayıldığı ərazilər əkinçilik və yaşamaq üçün əlverişli olmayacaq. Milyonlarla azərbaycanlı buranı tərk etmək məcburiyyətində qalacaq.

İkinci plan isə Azərbaycanda ən böyük mis yataqlarından olan Süngünün idarəçiliyinin fars əyaləti olan Kirmana verilməsidir. Bu yataq dünyanın ən böyük mis yataqlarındandır, lakin Azərbaycana heç bir faydası yoxdur. Bu yataqdan gələn gəlir fars əyalətlərinin inkişafına xərclənir.

Hökumət hər il bölgələrə büdcə ayırır. Azərbaycana isə fars əyalətlərindən az pul verilir. Güney Azərbaycanda fəaliyyət göstərən başçıların və məmurların çoxu farsdır”.

Deqatinin sözlərinə görə, hökumət istəsə, gölün qurumasının qarşısını ala bilər:

“Gölün yenidən bərpa edilməsi imkanı var. Neçə illərdir ki, gölə tökülən çayların qarşısında bəndlər qurulub, çayların istiqamətini fars mərkəzlərinə yönəldiblər. Neft boruları kimi borular çəkiblər. Suyun çoxu İsfahana, Kirmana tərəf daşınır. Günü bu gün çayların qarşısı açılsa, göl yenidən canlana bilər, lakin indiki mollalar olduğu müddətcə, buna imkan verməyəcəklər”.

Tanınmış fotoqraf gölün qurumasına insanların dəfələrlə etiraz etdiyini, lakin rejimin bu aksiyalarda iştirak edənlərə amansız davrandığını diqqətə çatdırıb:

“İranda çox insan bununla bağlı etirazlarını edib. Lakin hökumət bu insanları ya öldürüb, ya da həbsə atıb. Hətta zindandan çıxan insanlara elə iynə-dərman yeridiblər ki, onlar azad olduqdan 2-3 gün sonra intihar edib”.

Rza Deqati gölün quruması ilə bağlı yeni video hazırladığını da diqqətə çatdırıb. O bildirib ki, bu təsvirlərdə 1984-cü ildən dövrümüzə kimi gölün tədricən necə quruması, su səthinin azalması prosesi əks olunub.

Fransa Prezidenti Emmanuel Makron iyunun 27-də 17 yaşlı yeniyetmənin polis gülləsi ilə öldürülməsinə reaksiya olaraq başlayan və ölkədə günlərlə xaosa səbəb olan hadisələrdən söz açıb.

“Qafqazinfo” xarici KİV-ə istinadən xəbər verir ki, Makron ictimai asayişin təmin edilməsi ilə belə halların aradan qaldırıla biləcəyini bildirib.

“Bələdiyyə binalarının, gimnaziyaların və kitabxanaların yandırılmasına səbəb olan bu zorakılıq və talanlardan mənim çıxardığım dərs ictimai asayişin qorunmasıdır”, - deyə Fransa Prezidenti qeyd edib.

Makron bu prosesdə həll yolu təqdim etmədiyi üçün tez-tez tənqid edilən Baş nazir Elizabet Borna tam etibar etdiyini söyləyib.

Qeyd edək ki, Fransada iyunun 27-də polisin 17 yaşlı gənci öldürməsindən sonra etirazlar başlamışdı.

Qarabağda yaşayan etnik ermənilər “humanitar fəlakət”, “aclıq” və s. bu kimi uydurmaları fonunda yeni komediyaya əl atıb.

Quldur rejim sosial mediada görüntü yaymaqla dünya ictimaiyyətinə “dəlil” təqdim etmək istəyib. Lakin həmişəki kimi özlərini gülünc vəziyyətə salıblar.

Guya yanacaq çatışmazlığı səbəbindən qeyri-adi nəqliyyat vasitəsindən istifadə etdiklərini göstəriblər.

Halbuki Xankəndidə yaşayan etnik ermənilər sosial media hesablarında eyş-işrət məclislərindən görüntülər paylaşırlar.

Onların paylaşımları Azərbaycan seqmentində yayıldıqdan sonra quldur rejimin qondarma “rəsmi”ləri sakinlərə belə paylaşımlar etməməyə çağırıb.

İndi isə guya yenilik kəşf edən ermənilər nəyisə sübut etməyə çalışarkən həm özlərini gülünc vəziyyətə qoyur, həm də həyasızlıqarının sərhəd tanımadığını göstərir.

Zombi işğalları reallığa çevrilsəydi, bəzi şəhərlər fəlakətin ilk saatlarında məhv olardı. Bunu analitiklərin hesablamaları sübut edib.

Teref.Az lent.az-a istinadən bildirir ki, zombilər və apokalipsis haqqında filmlərin və komikslərin populyarlaşması fonunda mütəxəssislər şər ruhlardan gizlənməyin hansı bölgələrdə daha təhlükəli olduğunu və sağ qalma şanslarının yüksək olduğunu hesablamağa qərar veriblər.

Mütəxəssisləri zombi apokalipsisi zamanı ən yaxşı yeri müəyyən etmək üçün məzarları təhlil ediblər. Alyaska zombilərlə görüşmək üçün ən yaxşı şəhər seçilib.

Təhlillərə görə, bizi zombi apokalipsisi qarşılayarsa, bura ən yaxşı yer hesab olunacaq. Ştatın 9730 qəbiristanlığında 12,7 milyona yaxın cəsədin basdırıldığı Gotham küçələrində daha çox potensial qatil olacaq.

Qonşu Pensilvaniya, Massaçusets, Nyu Cersi və Konnektikut ştatları zombi apokalipsisi zamanı yaşamaq üçün ən pis yerlərə görə 2-ci, 10-cu, 12-ci və 29-cu yerdə qərarlaşıb.

Ən yaxşı yerlər siyahısında Alyaskadan sonra Vayominq, Nevada, Havay və Delaver ştatları seçilib.