Bakının 151 saylı uşaq bağçasında körpələrə vaxtı keçmiş məhsulların verildiyi faktı ifşa olunub. Anaxeber.com-a göndərilən videoməlumatdan görünür ki, istifadəyə yararsız və müddəti keçmiş ərzaq məhsullarından istifadə edilir. Görüntülərdən də aydın olur ki, yumurtaların və qatıqların istifadə müddəti başa çatıb. Lakin bağça rəhbərliyi onlardan uşaqlar üçün istifadəni rəva bilir. Hər halda, öz ailəsi deyil, ona görə də başqasının körpəsinin başına gələcək hadisəyə laqeyd yanaşır. Videoda toyuq məhsulları da görünür. Belə anlaşılır ki, bu məhsullar ucuz, keyfiyyətsizdir. Üstəlik, ərzağın həcmində yeyintiyə yol verildiyi iddiaları var. Halbuki dövlət büdcəsindən ayrılan vəsait hesabına bu məhsullar bağçaya verilir. Uşaqların qida təhlükəsizliyinə cavabdeh isə bağça rəhbərliyidir. Əslində, AQTA və digər aidiyyatı qurumlar vaxtı keçmiş məhsullardan istifadə edildiyi üçün həmin bağçada araşdırmalara başlamalıdır. Həmçinin, Elm və Təhsil Nazirliyi işə qarışmalıdır. Videonu təqdim edirik:

Qanlı-qadalı günlərdə yaranan Daxili Qoşunların Hərbi Hospitalı elə 1992 — 1993-cü illərdə, döyüşlərin qızğın gedən çağlarında qoşunların kiçik bir həkim kontingenti ilə fəaliyyətə başlayıb. Bir sözlə, hospitalın yaranması torpaqlarımızın azadlığı uğrunda erməni təcavüzkarlarına qarşı ağır döyüş əməliyyatlarının aparıldığı bir dövrə təsadüf edir.

Onda Daxili Qoşunların yaralanan hərbi qulluqçuları digər tibb müəssislərində müalicə olunurdular. Bir müddət keçəndən sonra isə, qarşıya qoyulan vəzifələri uğurla yerinə yetirən, bilik və bacarıqlarını, peşəkarlıq səviyyələrini getdikcə artıran bu kiçik həkim kontingenti hərbi qulluqçularımızın və onların ailə üzvlərinin sağlamlığının keşiyində duran böyük bir tibbi personala çevrildi. O zaman zəruri tibbi avadanlıqların çatışmadığına baxmayaraq, əzmkar və fədakar həkim personalı üzərinə düşən tapşırıqları layiqincə yerinə yetirərək, yaralıların tez bir zamanda sağlamlıqlarını bərpa edərək, onları yenidən döyüş meydanlarına qaytara bilirdilər.

Ümumiyyətlə, yarandığı ilk günlərdə ön cəbhədə yüzlərlə yaralı döyüşçülərimizi ölümün pəncəsindən xilas edən hospitalın tibb işçilərinin fəaliyyəti yüksək qiymətləndirilib. Daxili Qoşunların şəxsi heyətinin sağlamlığının keşiyində müsəlləh əsgər kimi duran hospitalın tibb işçiləri vəzifələrinin öhdəsindən məharətlə gələrək, hərbi qulluqçularımızın qısa bir müddətdə keyfiyyətlə müalicə olunmasını təmin ediblər. Fəaliyyəti yüksək dəyərləndirilən Hərbi Hospitalın keçdiyi şərəfli döyüş yolu gənc həkimlərimiz üçün də bir örnək rolunu oynayıb.

Çox təəssüf ki, yazının girişini də dedikləri əsasında qələmə aldığımız etibarlı mənbənin belə bir tibb müəssisəsində son vaxtlar baş verən neqativ hallar barəsində Arazpress.com-a dedikləri, əvvəlki fəaliyyəti haqqında deyilən xoş sözlərə kölgə salır.

“Özüm bu hospitalla əlaqəliyəm və çox təəssüf edirəm ki, ölkə mətbuatı son vaxtlar barəsində yaxşı olmayan yazılar verir. Yazıların əksəriyyəti də, Daxili Qoşunların Hərbi Hospitalında müayinə və müalicə olunan hərbi qulluqçular və onların ailə üzvləri adından redaksiyalara daxil olan çox sayda şikayət məktubları əsasında qələmə alınır. Dəhşət ondadır ki, hətta kəskin ağrılar diaqnozu ilə hospitala daxil olanlar müayinə zamanı olmazın çətinliklərlə üzləşirlər. Və bu çətinliklərin yaranmasında əsas günahkar olaraq, rəhbər şəxslərin adlarını öndə çəkirlər.

Məsələn, bu yaxınlarda media vasitələrində kütləvi şəkildə bu mövzuda belə bir yazı dərc olundu: Şikayətçi deyirdi ki, hospitalda ondan 5 min istədilər. Bu boyda pulu isə o verə bilmir ki, müalicəsini uğurla həyata keçirsin və sağalaraq yenidən xidmət yerinə qayıtmağa nail olsun. Dərdini rəhbər şəxslərə də deyib. Nə olsun?!. Son ümid yeri olaraq, Mehriban xanım Əliyevaya müraciət etməyi qərara alıb.

Bəli, belə şikayətçilər çoxdur və hospitala ümidləri qalmayıb” — etibarlı mənbə deyir.

Onun sözlərinə görə, şikayətçi olan bir hərbçi isə, ona qarşı hospital rəisinin özünün kobudluq göstərdiyini mətbuata söyləyib. O, deyib ki, bu hospitalda çalışıb və ağır xəstəliyilə əlaqədar hərbidən tərxis olunmaq məcburiyyətində qalıb:

“Azərbaycanda müalicəm mümkün olmadı və xaricə getməyi qərara aldım. Dəfələrlə rəisin yanında oldum. Gördü ki, əlimdə heç nə yoxdur. Sonda mənə qarşı kobudluq edərək bildirdi ki, atama borcu yoxdur cibindən xərc çəkib, məni Türkiyəyə göndərə. Məni otağından qovdu və axırda məni kimlərinsə sifarişi nəticəsində hərbidən xəstəliklə pensiyasız tərxis etdilər.

Nə pensiya verdilər, nə də bir işlə məşğul ola bilmədim. Ailəmi dolandıra və kirayə pulunu ödəyə bilmirəm. Bütün bu problemlərimin hamısını yazıb yuxarılara göndərmişəm. Əfsuslar olsun k, şikayətimi təmin etmədilər.

Mehriban xanım Əliyevaya ünvanladığım müraciət baxılmaq üçün Daxili Qoşunların rəhbərliyinə göndərildi. Ancaq Daxili Qoşunların rəhbərliyi Mehriban xanımın tapşırığına əməl etmədi. Ona görə də, dərdimi bir daha mətbuat vasitəsilə Mehriban xanıma çatdırmaq istədim. Bundan sonra daha pis aqibətlə üzləşdim…”.

Etibarlı mənbənin redaksiyamıza ötürdüyü daha bir xoşagəlməz məlumat son vaxtlar hospitala işə qəbulla bağlı yaradılan neqativliklə bağlıdır. Onun dediyindən məlum olur ki, ötən illər ərzində tibbi personal arasındakı şərəfli xidmət və fədakarlıq nümunəsi göstərən təcrübəli mütəxəssislərin işə qəbuluna xüsusi diqqət yetirilib. Lakin son vaxtlar bunun əksi müşahidə olunur.

“Həkimlərin və digər tibbi personalın bu hospitalda müxtəlif tibbi ixtisaslar üzrə vakant hərbi və mülki vəzifələrə işə qəbulu ilə bağlı tələblərə indi qətiyyən fikir verən yoxdur. Yarandığı gündən bu Hərbi Hospitalın rəisi olan tibb xidməti polkovnik-leytenantı Şəmsəddin Heydərovun şəxsən özünün günahları ucbatından yaranıb bu neqativlik. Əlimdə fakt var və qəti şəkildə deyə bilərəm ki, son aylar ərzində 10 — 15 minlik rüşvətlə sertifikasiyadan keçməyən 3 nəfər burada işə qəbul olunub. Ortada komissiya rəyi belə yoxdur. Qiymətləndirmə zamanı həkim-mütəxəssislərin peşəkar fəaliyyətləri və şəxsi keyfiyyətləri nəzərə alınmayıb. Halbuki onların xeyli müddət ərzində peşəkar fəaliyyətləri üzrə yerinə yetirməli olduqları göstəricilər əsas kimi qeyd edilməliydi. Onlar nə cərrahi, nə terapevtik, nə radioloq, nə anestezioloq-reanimatoloq, nə də ki, digər ixtisaslar üzrə də mütəxəssis deyillər. Məhz bu səriştəsizlərə görədir ki, öncədən işləyən bacarıqlı mütəxəssislərə də ümid və inam qalmayıb.

Hələ bunlar nədir ki, əlimdə elə fakt və məlumatlar var ki, tezliklə onları da sizə çatdıracağam, özünüz heyfislənəcəksiniz. Bəzi dəqiqləşdirməmi aparıram…” — etibarlı mənbə məlumatında xüsusi olaraq qeyd olunur.(Arazpress.com)

Ondan başlayaq ki, Gömrük Komitəsinin bütün sədrlərinin dövründə bu sahədə müxtəlif problemlərin varlığının, sahibkarlarla qurum arasında müxtəlif narazılığın şahidi olmuşuq. İnsafən demək lazımdır ki, yeni Komitə sədri Şahin Bağırovun dövründə əvvəlki illərdə yaranan daha ciddi, biabrıçı, daha dərin problemlər, sistemsizlik aradan qaldırılıb, sistem demək olar ki, avtomatlaşdırılıb, tam olmasa da müəyyən müsbət sistemli hala salınıb.

Amma bu o demək deyil ki, Gömrük sistemində hər şey idealdır. Təbii ki, uzun illərin qalaqlanmış problemlərini qısa bir zamanda düzəltmək, tamamilə şəffaflaşdırmaq çətindir. Hələ o yerdə külli miqdarda pul varsa və ya milyonları qazanmaq mümkündürsə.

Bu ölkədə hər kəs yaxşı bilir ki, Gömrük işində böyük pul, qazanc var və bu sahə sıradan bir sahə deyil. Amma əvvəlki Gömrük sədrlərinin dövründə olan daha böyük qanunsuzluqların indi şahidi olmasaq da, müəyyən nöqsanları, işlərin tamamilə şəffaf şəkildə getmədiyini də demək lazımdır. Yəni, Azərbaycanın Gömrük sistemində hər şey tamamilə ideal deyil. Təkcə uzun illərdir davam edən "qanunsuz şirkətlər" problemi nəinki kökündən aradan qaldırılıb, əksinə başqa bir müstəvidə, başqa bir formada məntiqi ardıcıllıqla fəaliyyətdədir.

Bu günlərdə gömrük sistemində sükutu pozan, ciddi ittihamlı bir hadisə baş verdi. Ölkənin demək olar ki, əksər mətbu orqanlarında “Lion Centre” MMC-nin direktoru, iş adamı Ramil Aslanovun ciddi ittihamları səsləndi. İş adamı Ramil Aslanov iddia edirdi ki, Bakı Baş Gömrük İdarəsinin rəisi Elmir Ramazanov ondan saxta hesablamalar və sənədlərlə 97 min manat pul tələb edib və işi Gömrük Komitəsinin Əməliyyat və İstintaq İdarəsinə göndərib. Sübut əhəmiyyəti kəsb etməyən sənədlərə əsaslanaraq cinayət işi qaldırıb.

Bütün bunlardan sonra Gömrük Komitəsi də “Lion Centre” MMC-nin rəhbərinin şikayətinə münasibət bildirib. 5 bəyannamə üzrə malların invoys qiymətləri şübhə doğurduğundan araşdırma aparılıb. Sənədlərə əsasən qeyd edilən mallara dair invoys qiymətlərinin dəfələrlə azaldılması və nəticədə xeyli miqdarda, cəmi 98 min manata yaxın məbləğdə gömrük ödənişlərinin ödənilməsindən qəsdən yayınılması müəyyən olunub.

Həmçinin qurumun rəsmi məlumatlarında qeyd olunub ki, “Lion Centre” MMC-nin rəhbəri yanlış məlumatlar yayır: “2024-cü il və 2025-ci ilin ilk 4 ayı ərzində “Lion Centre” MMC adlı sahibkarlıq subyekti gömrük rəsmiləşdirilməsinə 100 ədəd gömrük bəyannaməsi təqdim edib. 100 ədəd gömrük bəyannaməsi üzrə dəyər dürüstləşdirilməsi nəticəsində fərq məbləği 1 532 398 manatdır ki, bu fərqlərin 87%-i bəyannamənin ilkin tərtibatı zamanı sahibkar tərəfindən könüllü surətdə reallaşdırılıb. “Lion Centre” MMC adına rəsmiləşdirilən hər bir gömrük bəyannaməsi üzrə uyğunsuzluqların aşkar edilməsi və düzgün bəyan etməmə faktları mütəmadi hal alıb. “Lion Centre” MMC tərəfindən əvvəllər də dəfələrlə gömrük qaydalarının pozulması hallarına yol verilib.

Elə əsas məsələ də budur. Sahibkar bir söz deyir, rəsmi qurum başqa söz... Yəni, hər iki tərəf bir birini ittiham edir. Elə problem də budur... Bütün bu faktlardan sonra bir daha söyləmək olar ki, Gömrükdə hələ də tam şəffaf sistem fəaliyyət göstərmir və sahibkarlarla rəsmi qurum arasında bir etibarsızlıq, inamsızlıq və müəyyən intriqa mövcuddur.

Ümumiyyətlə, belə qalmaqallı mövzuların zaman-zaman şahidi oluruq. Bəzən sahibkarlara dəstək verən məmurlar və ya "köhnə gömrükçülər" gömrüklə sahibkarlar arasında böyük bir uçurum yaratmaqda maraqlı olurlar. Onların müəyyən mənada dəstəkçisinə çevirilib sahibkarla rəsmi qurum arasında narazılıq yaratmağa çalışırlar. Əvvəlki illərdə də belə məlumatların dəfələrlə şahidi olmuşuq. Filan gömrük məmuru filan şirkətə böyük dəstək verir, onun əli ilə qazanır və sairə... Təbii ki, bu əvvəl də olub, indi də var. Yayılan məlumatları, ortaya çıxan faktları izlədikcə maraqlı detallar ortaya çıxır. Bəzən bu detallara göz gəzdirdikcə ortaya yuxarıda ehtimal edilən halların oxşarlığı yaranır.

Ümumiyyətlə, Azərbaycanın Gömrük sistemi tam şəffaf deyil və burda müəyyən problemlər mövcuddur. Bunu danmaq mümkün deyil. Bəzən isə bu problemlərin səbəbi elə sahibkarların özlərinin qanunları pozmaları, bilməmələri və ya müəyyən hallarda işi ciddiyə almadıqları üçün yaranır.

Məqalələrdə maraqlı bir nüans keçir və bu eynilə əvvəlki illərdə olduğu kimi eyni dalğa, eyni koordinatı xatırladır.

İş adamı şikayətində deyib ki, Baş Gömrük idarəsinin rəisi Elmir Ramazanov ona və şirkətinə qarşı təzyiqlər göstərilməsi üçün Dövlət Gömrük Komitəsinin Əməliyyat və İstintaq İdarəsinə sifariş verib. Hazırda Dövlət Gömrük Komitəsinin Əməliyyat və İstintaq İdarəsinin rəis müavini vəzifəsində çalışan İlkin Bağırov cinayət işi qaldırıb.

Diqqət edin, həmişə olduğu kimi, yenə də Dövlət Gömrük Komitəsinin Əməliyyat və İstintaq İdarəsi və müavinin adı hallanır... Deməli nə varsa, elə burda var. Deməli bu İdarənin işində ya hələ də əmmalar var, ya da sahibkarlar bu İdarənin işinə kölgə salmağa çalışırlar. Sahibkarlara inansaq əmma var, quruma inansaq sahibkarlar səhv addımlar atır.

Xatırlayırsızsa, DGK-nın sabiq sədri Səfər Mehdiyevin zamanında bu postu, Dövlət Gömrük Komitəsinin Əməliyyat və İstintaq İdarəsinin rəis müavini vəzifəsini Fikrət Ələsgərli tuturdu. F. Ələsgərli DGK Əməliyyat-İstintaq Baş İdarəsinin həbs edilən rəisi Məsum Rəsulovun müavini idi. Bu şəxslərin hər ikisi DGK-nın sabiq sədr Səfər Mehdiyevin kadrlarından hesab olunurdu. Səfər Mehdiyevin sədr olduğu dönəmdə sahibkarlar əsasən Dövlət Gömrük Komitəsinin Əməliyyat və İstintaq İdarəsindən şikayət edər, rəis müavini Fikrət Ələsgərlinin adını çəkədrilər. Sonradan Fikrət Ələsgərli vəzifədən uzaqlaşdı və iş adamı kimi fəaliyyət göstərəcəyini açıqladı.

Ümumiyyətlə, Gömrük komitəsində zaman-zaman köhnə komanda ilə yeni komanda arasında ciddi konfliktlərin şahidi olmuşuq. Yuxarıda da qeyd etdiyimiz kimi, sahibkarları öz kurasiyalarına alan Gömrük məmurları işdən çıxarıldıqdan sonra yenə də qurumda qalan köhnə komanda yoldaşlarının əli ilə öz fəaliyyətlərini davam etdirirlər. İstəkləri baş tutmadıqda sahibkarları qurumdan narazı olmağa sövq edirlər. Bəzən köhnə komanda üzvləri yaranmış vəziyyətdən istifadə edərək yeni komanda üzvlərini günahlandırmağa, onları qaralamağa çalışır, yeni komanda isə əlindəki imkanlardan istifadə edərək özünü müdafiə etməyə cəhd edir. Uzun illərdir belə halların şahidi oluruq. Bəlkə də elə gömrükdə köhnədən qalanlar vəziyyətin bu həddə çatmasını bilərəkdən istəyir. Yəni bu onu göstərir ki, gömrükdə vəziyyət hələ də ürəkaçan deyil və hələ də köklü islahatlara ehtiyac var.

Bütün bu hallar bütünlüklə ölkənin və gömrüyün fəaliyyətinə, quruma qarşı inama ciddi təsir göstərir, davamlı sahibkarlıq fəaliyyəti ilə məşğul olmaq istəyən, ölkəsinə gəlir gətirmək istəyən sahibkarların fəaliyyətinə kölgə salır, onları qorxudur. Məmur davaları, köhnə komanda üzvlərinin davamlı təzyiqləri, yeni komandanın fəaliyyətini zəiflətmək və gözdən salmalar birbaşa dövlətə ziyan vurur ki, bunun təsirini xalq görür.

Bu gün Azərbaycan Gömrük sistemində hər şey əla olmasa da, əvvəlki illərdən çox fərqlənir. Bunu etiraf etmək lazımdır. Amma onu da demək lazımdır ki, bəzi məqamlarda çatışmazlıqlar mövcuddur ki, bu da yenə köhnə komanda üzvlərinin, milyonlar qazanan və ya qazanmaq istəyən məmurların, köhnə gömrükçülərin və ya lap elə təzə gömrükçülərin qanunsuz, naşı əməllərinin nəticəsidir.

Bu gün hansısa bir sahibkar qanunsuz olaraq incidilirsə, yolverilməzdir. Yaxud əksinə, hansısa sahibkar Gömrüyə haqsız olaraq qara yaxmağa çalışırsa bu da yol verilməzdir. Tam şəffaf şəkildə fəaliyyət həyata keçirilməlidir – istər dövlət qurumu, istərsə də sahibkar öz məsuliyyətini hiss etməli və qanunların tələblərindən irəli gələrək addım atmalıdır. Qara atmaqla, ləkələməklə, sahibkarı incitməklə, qanunsuz əməllərinə göz yummaqla Azərbaycanın inkişafına, büdcənin güclənməsinə nail olmaq mümkün deyil. /Bizimxeber LIVE BLOG/

Azəriqaz İstehsalat birliyinin Region rəisi hazırda Lənkəran RQİİ də rəis işləyən Namiq Məmmədovun Ağsu keçmişi heç də işıqlı olmayıb. 2016-cı ildə Ağsuda işləyərkən yerlərdəki məşğulluq idarələrindən xeyli sayda sosial işçi kimi göndərilən vətəndaşları pul qarşılığında işə qəbulunu həyata keçirdiyi haqqında məlumatlar almışıq.

Redaksiyamıza şikayət edən vətəndaşlar bildirirlər ki, həmin vaxtlar pul ödəməyənə “yer dolub” deyərək imtina göndərirmiş. Əslində isə boş yerlər olduğu halda pulu ödəyəcək şəxs üçün saxlayırmış.

Namiq Məmmədovun Ağsu RQİİ də işlədiyi dövrdə qanunsuz hərəkətləri bununla bitmir. Deyilənə görə Kürdəmirdə qanunsuz küçə xətləri çəkərək rəhbərlikdən gizlin işlər görüb. O bu əməlləri özbaşına törətməyib. İddialara görə bu məsələdə onu müdafiə edən Azəriqaz İB də keçmiş baş direktorun müavini Cahid Hüseynov olub.

Namiq Məmmədov daha sonra Ağsu RQİİ-dən Səlyan RQİİ-ə transfer edilib. Səlyanda çalışarkən Cavid Hüseynovun parniklərinə nəzarət etməyə başlayıb. Görünür, Cavid Hüseynov onu Səlyan RQİİ-ə işləmək üçün deyil, parniklərinə nəzarət etmək üçün “perevod” edib.

Namiq Məmmədov həm də “hacı”-dır. Həm də içki içən hacılardan. Yaxınlarının dediyinə görə Hacı Namiq yaxşı şərab içən adamdı.

Redaksiyamıza gələn məlumata görə İsmayıllı rayonunda Namiq Məmmədovun səhlənkarlığı ucbatından evlərin birində partlayış olub, iddialara görə 40.000 manat verərək ev sahibinin “ağzını yumub”.

Namiq Məmmədov Lənkəran regionda öz kadr sayılan nəzarətin rəisi Nərimanın vasitəsi ilə Lənkəran RQİİ də qanunsuz istismardan çıxarılmış borular satıb, yeni vaxtda 200 nəfər abonentdən sayğac üçün pul yığsalarda işi icra edə bilmirlər, ona görədə oradan qaçmaq istəyirlər, indi isə ümidləri Azəriqaz İB də Cahid Hüseynov və Nail Abdullayevədir.

Oğlu Kamil Məmmədov isə hazırda “Azəriqaz İB”-də metrologiya şöbəsində işləyir. Rayonlara ezam göndərilərək iri həmcli sayğaclara müdaxilə edib külli miqdarda vəsaitlər qazanır əvəzində bunun nəticəsi olaraq qaz istisi yaranır, dövlət əmlakı göyə sovrulur. Bundan əlavə onun Sənan adında yaxın dostu Binəqədi Qaz İdarəsində vətəndaşları aldadaraq sayğac quraşdırma adı altında xeyli vəsaitlər mənimsəyib. Hazırda Namiq Məmmədovun dostunun işi çox qarışıqdı. Onun işindən qovulması müzakirə edilir.

Namiq Bakı departament rəisi Zamin adlı şəxslə münasibəti olmadığından alternativ yollarla Sənan dostunu işdə saxlamaq üçün müxtəlif yollar tapır, vaxtı ilə Namiq köhnə rəhbərliyin vaxtında Zaminin “torbasını tikib” yerinə gəlmək istəyirdi, indi isə o məsələyə görə Zaminlə münasibətləri yoxdur.

Deyilənə görə N. Məmmədovun gəncliyi də ürəkaçan olmayıb. Özü 29 yaşında hərbi xidmətə məcburi aparılıb. Hər iki oğlu isə sağlam olduğu halda hərbi xidmətdən hansısa yolla yayına bilib. Hətta onunla çalışanlar bildirirlər ki, N. Məmmədovun Amerikada yaşayan erməni bacısı var. Özü dəfələrlə yaxın ətrafına bildirib ki, atasının erməni qadından qızı var. Hətta bir neçə dəfə Amerikada yaşayan erməni bacısına dəfələrlə pul göndərdiyini bildirib. Görünür, işlədiyi müddətdə aldığı rüşvətlərin hara getdiyi bəllidir.

Sonda qeyd edək ki, əvvəl bu adamın arxasında “Azəriqaz”ın keçmiş baş direktor müavini Cahid Hüseynov dayanırdı, indi isə yeni baş direktor müavini Nail Abdullayev dayanır.

Əlbətdə, bu yazılanlar hər biri şikayətçilərin iddialarıdır. Qarşı tərəf təkzib edə və ya fikir bildirə bilər.
https://busaat.az/namiq-memmedovun-azeriqaz-serguzestleri-bu-qeder-yeyinti-eden-sexsi-kim-qoruyur

Beyləqan Rayon İcra Hakimiyyətinin başçısı Əziz Əzizovdan ona verilən evi tələb edən qazi cərimə edilib.
Referans bildirir ki, Kainat.tv-nin məlumatına görə, 1996-cı il təvəllüdlü Beyləqan rayon sakini Adəm Məmmədxanlıya İnzibati Xətalar Məcəlləsinin 510-cu maddəsi ilə protokol tərtib edilib. Belə ki, Beyləqan İcra Hakimiyyətinin sabiq başçısı Asif Ağayev müharibə iştirakçısı olan Adəm Məmmədxanlını Beyləqan şəhərində müvəqqəti yaşamaq üçün yataqxanada evlə təmin edib.

2023-cü ilin yanvar ayında Beyləqan şəhər bələdiyyəsinin sədri Novruz Quliyev həmin mənzilin açarını qaziyə müvəqqəti yaşamaq üçün təqdim edib. Adəm Məmmədxanlı kredit götürərək həmin yataqxananı təmir etdirib və anası ilə sözügedən mənzildə yaşayıb. Müharibədə aldığı travmalara görə müalicə almaq üçün Adəm Məmmədxanlı bir müddət Bakıda yaşamalı olub. Bir neçə gün əvvəl Bakıdan Beyləqandakı mənzilə gedib.

Amma mənzilin başqa bir müharibə iştirakçısına verildiyini görüb. Baş verən hadisə ilə bağlı Adəm Məmmədxanlı 11 dekabr tarixində Beyləqan rayon İcra Hakimiyyətinin başçısı Əziz Əzizovun qəbuluna gedib və problem barədə məlumat verib. Bu zaman icra başçısı ilə aralarında mübahisə yaranıb və əsəbi vəziyyətdə başçının qəbul otağından çıxaraq, səs-küy salıb. (Həmin qəbuldan foto) Adəm Məmmədxanlı barəsində protokol tərtib edilərək, iş məhkəməyə göndərilib.

Adəm Məmmədxanlı məhkəmədə bildirib ki, icra başçısından dövlət tərəfindən ona veriləcək məzillə təmin olunana qədər sözügedən yataqxanadakı mənzilin verilməsini tələb edib. Həmçinin iddia edib ki, şəhərin bələdiyyə sədri Novruz Quliyev onun Bakıda müalicədə olmasından istifadə edərək yaşadığı evi başqa bir adama verib. Məhkəmənin qərarı ilə Adəm Məmmədxanlı 100 manat məbləğində inzibati qaydada cərimə edilib.

Beyləqan şəhər bələdiyyəsinin sədri Novruz Quliyev Qaynarinfo-ya açıqlamasında bildirib ki, sözügedən yataqxanadakı mənzili Adəm Məmmədxanlıya vermək üçün iş aparılır: “Həmin yer yataqxanadır. Orada 12 kvadratlıq otaq Adəm Məmmədxanlıya anası ilə yaşamaq üçün verilmişdi. Bakıda olduğundan həmin mənzil başqa bir müharibə iştirakçısı tərəfindən zəbt edilib. Hazırda qazinin evlə təmin olunması üçün müvafiq qurumlarla iş aparılır”.

Beyləqan Rayon İcra Hakimiyyətinin başçısı Əziz Əzizovun köməkçilərindən biri olan Hikmət Əsgərli isə onda bu barədə məlumat olmadığını deyib.

Bir neçə gün öncə Quba RİH-i başçısının Quba şəhər İƏD üzrə nümayəndəsi vəzifəsində çalışan Ruslan Şahbalayevin rüşvət alan görüntüləri yayılıb.

Gizli lentə alınan həmin videogörüntülərdə Ruslan Şahbalayevlə Elxan adlı şəxs arasında gedən danışıq və sövdələşmənin sonunda digər tərəfin ona 50 min manat vəsait verdiyi məlum olur.Quba RİH-I məsələ barəsində açıqlama yayıb.Daha anlamlı bir formada təsvir etsək Quba RİH-i məsələ barədə suya yuxu danışıb desək daha doğru olar.Açıqlamada belə qeyd edilir.

Yayılmış görüntülərlə əlaqədar müvafiq araşdırmalar aparılmışdır. Hazırda, Quba RİH başçısının Quba şəhər İƏD üzrə nümayəndəsi vəzifəsində işləyən Şahbalayev Ruslan Teymur oğlu 2019-cu ildə tanışı Elxan adlı şəxsin xahişi ilə Hacıhüseynli kəndində vətəndaşa məxsus kənd təsərrüfatı təyinatlı torpaq sahəsinin satınalınmasına vasitəçilik etmişdir. Alğı-satqı prosesi baş tutmadığı üçün alınan vəsait geri qaytarılmışdır.

03.01.2021-ci il tarixdən 03.04.2024-cü il tarixədək Şahbalayev Ruslan Teymur oğlu Quba RİH başçısının müavini – Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində işləmiş, 03.04.2024-ci il tarixdən isə tutduğu vəzifədən azad edilərək Quba RİH başçısının Quba şəhər İƏD üzrə nümayəndəsi vəzifəsinə keçirilmişdir.

"Bakı Şəhər İcra Hakimiyyətinin 26 yanvar 2024-cü il tarixli, 11 nömrəli Sərəncamı ilə «Gold Residence» MMC-yə Nərimanov rayonu, Fətəli Xan Xoyski prospekti, 128, 130 və Əhməd Rəcəbli küçəsi, 5B ünvanlarında yerləşən 1,178 hektar ərazi 49 illik icarəyə verilib. Və bununla da sakinlərin qara günləri başlayıb".
"DİA-AZ" xəbər verir ki, bu barədə narazılıq edən sakinlər problemlə bağlı ölkə rəhbərliyindən kömək istəyir.
Müraciətdə daha sonra deyilir: "Lakin «Gold Residence», sərəncamda göstərilən koordinatlardan kənara çıxaraq, Aşıq Molla Cümə küçəsi, 28 ünvanında yerləşən 9 mərtəbəli binanın həyətini də qanunsuz olaraq hasarlayıb. Nəticədə, həmin bina sakinlərinin Fətəli Xan Xoyski prospektinə çıxışı bağlanıb, onların hərəkət azadlığı məhdudlaşdırılıb. Bu qanunsuz hasarlama, həmçinin təcili yardım və yanğınsöndürmə kimi xüsusi təyinatlı nəqliyyat vasitələrinin əraziyə girişini çətinləşdirib".

Sakinlər dəfələrlə Nazirlər Kabinetinə, Dövlət Şəhərsalma və Arxitektura Komitəsinə, Bakı Şəhər İcra Hakimiyyətinə və digər aidiyyəti dövlət orqanlarına kollektiv şikayətlər ünvanlayıblar. Lakin bu müraciətlərə baxmayaraq, heç bir tədbir görülməyib. Sakinlər iddia edirlər ki, dövlət qurumlarının nümayəndələri «Gold Residence» MMC-nin ofisinə daxil olduqdan sonra, şikayətçilərin müraciətlərinə cavab vermədən ərazidən ayrılırlar.

Ona görə də son ümid yeri kimi Prezidentdən kömək istəyirlər.

Şərur rayon Mərkəzi Xəstəxanasında rəhbərl9ik rəsmən özbaşına qalıb və bundan istifadə edərək xəstəxanda pul qazana bilmələri üçün istədikləri qanun pozuntusuna yol verirlər. "DİA-AZ"a danışan sakinlər deyirlər ki, xəstəxanada hazırki durumla bağlı əlaqədar qurumları da xəbərdar ediblər, kömək istəyiblər, amma nəticəsi olmayıb.

Nədir məsələ?

Sakinlər adında edilən müraciətdə qeyd olunur: "Şərur rayon Mərkəzi Xəstəxanasının baş jəkimi Asiman Yusifov və müavini Adət İbrahimov xəstəxanada çalışan yaşlı işçiləri zorla təqaüdə göndərmə təhdidi ilə yeni PUL YIĞIMI kampaniyasına başlayıblar.

Təbii ki, təqaüd yaşı çatanlar təqaüdə getməlidir ki, yerlərinə gənclər gəlsin və bu normaldır. Amma normal olmayan odur ki, əsasən aşağı işdə çalışan xadimə, aşbaz və digər bu kimi personalı təhdid edən rəhbərlik onlardan İŞDƏ QALMALARININ müqabilində bəlli məbləğ alır".

Sakinlər iddia edir ki, hazırda PULYIĞIMI kampaniyuası şıdırğı xarakter alıb...

Məsələ diqqətimizdədir. Əlavə bilgilərimiz olacaq. Bizi izləməyə davam edin...

Ağdaş rayonu, Xosrov kənd sakini Məmmədov İmran Zakir oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, onu qanunsuz yerə işdən çıxarıblar:

“Mən, Məmmədov İmran Zakir oğlu, yazaraq xahiş edirəm ki, problemimi işıqlandırasınız.

Bildirim ki, 2016-cı ildən Ağdaş rayon Kommunal Təsərrüfatı Birliyinidə usta kimi işə başlamışam. 2019-cu ildən DOST İş Mərkəzi yaradıldı və bizi ora yönləndirdilər. Hər zaman da nümuəvi işçi kimi fəaliyyət göstərmişəm.

2025-ci il, aprel ayının 10-da iş yerindən bizə zəng gəldi ki, sizin işinizə xitam verilib. Qabaqcadan heç bir məlumat verilmədən, Ramazan ayında bizə "sürpriz" etdilər.

Bununla əlaqədar olaraq Ağdaşın icra nümayəndəsi Orxan Hüseynzadəyə, rayonun deputatı Sahib Alıyevə müraciət etdim. Onlara da etdiyimiz müraciətin də heç bir faydası olmadı. Sonra isə Ağdaş-Göyçay rayonundan deputat seçilən Məzahir Əfəndiyevə məktubla müraciət etdik. Təəssüf ki, hələ də xəbər yoxdur.

DOST İş Mərkəzinin qaynar xəttinə və Əmək Müfəttişliyinə dəfələrlə zəng etsəm də, doğru-düzgün cavab ala bilmədik. DOST İş Mərkəzinin direktoru Firudun Cəbrayılovun telefon nömrəsini istədik, onu da bizə vermədilər.

Hazırda mənim kimi neçə ailənin çörəyini kəsiblər. Çarəsiz vəziyyətdə qalmışıq".

Məsələ ilə bağlı Əmək və Əhalinin Sosial Müdafiəsi Nazirliyi DOST Agentliyi ilə əlaqə saxladıq. Bildirdilər ki, DOST İş Mərkəzi ilə 1969-cu il təvəllüdlü Ağdaş rayon sakini, vətəndaş Məmmədov İmran Zakir oğlu arasında 25.02.2019-cu il tarixdə əmək müqaviləsi bağlanıb: "İmran Məmmədov göstərilən tarixlərdə Ağdaş Kommunal Müəssisələr Kombinatında təmizlik işləri üzrə köməkçi vəzifəsində işləyib.
10.03.2025-ci il tarixdə İmran Məmmədovla bağlanan müqaviləyə əmək məcəlləsinin 68-ci maddəsinin “b” bəndinə əsasən, əmək müqaviləsi müddətinin başa çatması səbəbilə xitam verilib. Xitam əmrindən 1 həftə öncə isə Əmək və Məşğulluq Altsistemi vasitəsilə həmin şəxsə əmək müqaviləsi müddətinin başa çatacağı ilə bağlı xəbərdarlıq bildirişi göndərilib.

“Məşğulluq haqqında” Qanuna əsasən, haqqı ödənilən ictimai işlər ilkin peşə hazırlığı tələb etməyən iş yerləri olmaqla, daimi iş yeri deyil və müvəqqəti məşğulluğun təmin olunmasına xidmət edir. Bu da iş tapmaqda çətinlik çəkən şəxslərin əmək bazarına çıxışının dəstəklənməsi üçün onların müəyyən bir dövr ərzində, müddətli əsasda işlə təmin edilməsi məqsədini daşıyır.
Ödənişli ictimai işlərdə çalışanların əmək müqavilələrinin müddəti başa çatdığı halda belə, həmin şəxslərin əmək bazarına qayıtmaları üçün tədbirlər görülür. Belə ki, proqramda iştirak etmiş şəxsin əmək müqaviləsi müddəti başa çatdığı gün məşğulluq orqanına müraciət edərək qeydiyyata alına bilər. Fərdi Məşğulluq Proqramı tərtib olunmaqla, həmin şəxsin digər aktiv məşğulluq tədbirlərinə cəlb olunması istiqamətində işlər aparılır. Bu vətəndaşımız da məşğulluq orqanına müraciət etdiyi halda işlə təmin olunmasına dəstək veriləcək".